GRONDBEWERKING - AFGRI

HENDRIK GEE RAAD
VAN DIE VELD TOT IN DIE VOERKRAAL
Hendrik van Pletzen ~ Tegniese Bestuurder, Voermol Voere
38
In die vorige
uitgawe van die
Afgriland
(Mrt/Apr 2005)
is die geleenthede
en slaggate
om goedkoop
mielies deur vee
te bemark,
bespreek.
BBenut
mielies
maksimaal in
dierevoeding
Teen die huidige prys per kostestrukture kan ’n ‘mielieprys’ van R1 100 – R1 200 per
ton realiseer indien dit deur speenkalwers bemark word. Die benutting van weimielies
deur skape is ook ’n moontlikheid en ’n ‘mielieprys’ van R1 500 – R2 000 per ton is
haalbaar. Neem ook deeglik kennis van die risiko’s wat bestaan, veral ten opsigte van
die bemarking van markgereed-diere en algemene bestuurspraktyke.
’n Verdere benuttingsmetode van mielies is om sjokolademielies te maak met Voermol
Korn Kandy (V1551). Hierdie benuttingsmetode, wat ook bekend staan as die laekoste
voerpil, maak maksimum-gebruik van mielies. As energiebron het mielies sekerlik nie
sy gelyke as dit by dierevoeding kom nie, maar ons weet dat die proteïen- en mineraleinhoud
van mielies gebrekkig is, veral vir produserende diere. Voermol Korn Kandy is
’n konsentraat in vloeistofvorm wat spesiaal geformuleer is om die tekorte en wanbalanse
in mielies en kleingrane reg te stel. ’n Baie groot voordeel van Korn Kandy is
dat mielies (en ander grane) nie gemaal hoef te word nie. Maal- en hanteringskoste word
dus gespaar en voerverliese wat met die maalproses gepaard gaan, word uitgeskakel.
Omdat Korn Kandy taai is, kleef dit aan die graan vas en dit kan net so op harde
oppervlaktes gevoer word. Geen bakke is dus nodig waar sjokoladegraan op die veld
gevoer word nie.
Die mengverhouding van Korn Kandy met mielies en Korn Kandy met kleingrane verskil
en die menginstruksies is as volg:
Bestanddeel Mengsel 1 (kg) Mengsel 2 (kg)
Voermol Korn Kandy 25 25
Mielies 200 -
Kleingraan - 250
Voerkalk 3 4
TOTAAL 228 279