GRONDBEWERKING - AFGRI

More documents

Recommendations

Info

ALGEMEEN 44 Dipstofdoeltreffendheid in perspektief Dr Pamela Hunter, Afrivet Daar is rede tot kommer by boere oor die doeltreffendheid van dipmiddels wat in die agri-handel verkrygbaar is. Nie alle middels gaan dieselfde doeltreffendheid behaal op ‘n spesifieke plaas nie. Waarom dan nie? Faktore wat probleme kan veroorsaak moet te alle tye in ag geneem word. Dieregesondheid-maatskappye word dikwels gekonfronteer met die aantyging: “Julle dipstof is niks werd nie, daar is steeds bosluise op my diere na ek hulle gedip het”. Met nadere ondersoek word gewoonlik gevind dat die spesifieke middel wat so afgemaak word tog doeltreffend werk teen teiken uitwendige parasiete op die spesifieke plaas, maar daar is talle faktore wat daartoe kan lei dat ‘n produk as oneffektief gesien word. Toediening speel ‘n kritiese rol in doeltreffendheid Dipstowwe se doeltreffendheid word benadeel indien dit nie reg toegedien word nie. Van die belangrikste redes hiervoor is die volgende: • Die dipmengsel in ‘n dipbak is nie op sterkte nie, agv die foutiewe aanmaak of aanvulling van die diptenk. Elke dipmiddel het sy eie tempo van verdunning – maak seker die korrekte verhouding word gebruik. Soms word die werklike volume van ‘n dipbak foutief bepaal of onderskat. Gereelde toetsing van dipmonsters sal bevestig of die dipmengselkonsentrasie voldoende is al dan nie. • Aansameling van sand en vastestowwe op die bodem van ‘n diptenk mag die diepte van die dipmengselvlak ontoereikend maak om diere behoorlik te benat.
ALGEMEEN • Swak benatting in ‘n spuitgang kan voorkom weens strukturele probleme, lae pompdruk of die verstopping van spuitkoppe of die suigpypklep. • Met handbespuiting is die volume dipmengsel wat per dier toegedien word dikwels te laag. ‘n Minimum van 5 liter per volwasse bees word benodig om suksesvolle beheer met handbespuiting te verkry. • In die geval van opgietmiddels is, anders as by dompel- of spuitdip, die korrekte bepaling van die dier se massa belangrik om die korrekte dosis toe te dien. Toedieningsapparaat moet ook gereeld getoets word vir korrekte kalibrasie en funksionaliteit. Dipmiddelkeuse is van kardinale belang Die keuse van dipmiddel speel ‘n groot rol in doeltreffende beheer van uitwendige parasiete. Dit is ook belangrik om in gedagte te hou dat die werking van middels verskil en daarom sal die waarnemings van doeltreffendheid ook verskil. • Die spektrum van parasietdoeltreffendheid kan op die produk-etiket gevind word. Maak seker die regte middel word vir die teikenparasiet aangekoop. • Met inspuitbare makro-sikliese laktone (bv ivermektien, doramektien en moksidektien) moet die parasiete eers van die dier se bloed inneem voor die middel ‘n uitwerking op hulle het. Siekteoordraging is dus, ten spyte van behandeling, nog moontlik. In die geval van bosluise beheer hierdie middels die een-gasheer bloubosluise (Boophilus spp.) doeltreffend maar nie ander bosluise nie. • In die geval van peritroïed-dipstowwe kan dit twee dae duur voor parasiete vrek. Dit gebeur ook soms dat mannetjiebosluise steeds aan die dier vassit, al is hulle dood. • Dit neem tot drie dae vir opgietmiddels om oor die hele dier te versprei en dit kan tot vier dae na toediening Behoorlike benatting van die hele dier is noodsaaklik vir doeltreffende uitwendige parasietbeheer. eers op parasiete aan die laer gedeeltes van die lyf begin werk. • Sommige dipstowwe het kort residuele werkings en kan diere na 3 dae herbesmetting van bosluise opdoen onder strawwe bosluisuitdaging. Dit gebeur veral wanneer diere na nuwe weidings verskuif word waar duisende honger bosluise op hulle wag. Omgewingstoestande en goeie bestuur bepaal ook sukses • Reën of nat toestande en gras kan die dipmiddel “afwas”. Dit geld veral die kop, onderlyn, bene en hoewe van diere. • Spesifieke klimaatstoestande gee aanleiding daartoe dat sommige uitwendige parasiete (bv Karooverlammingsbosluise) meer aktief word en boere moet bedag wees op sulke aanslae. • Een van die faktore wat baie kommer wek is die toename in weerstandbiedende parasietstamme weens onoordeelkundige gebruik van beskikbare middels. Tuisgemaakte opgietbrousels is ‘n groot sondebok in die verband. Chemiese groepe van middels behoort ook strategies volgens ‘n geskikte weerstandsbestuurprogram afgewissel te word om langtermyndoeltreffendheid van middels te bestuur. Vir die doeltreffende beheer van uitwendige parasiete is ‘n grondige kennis van die omgewingsfaktore, die teikenparasiet en die dipmiddels noodsaaklik. Daarbenewens is geskikte en doelgemaakte toerusting en fasiliteite vir die korrekte toediening van dipmiddels net so belangrik. Vir verdere inligting skakel die Afrivet-hulplyn 0860VEEARTS of (012) 807 6591 of besoek Afrivet se webwerf www.afrivet.co.za Afgriland Mei/Jun 2005 45
Page 1 and 2: Mei/Junie 2005 Vol 49 No 3 RSA R15.
Page 3 and 4: MEI/JUNIE 2005 Die kleur-, diepte-
Page 5 and 6: esigheidsmense en verskeie bemagtig
Page 7 and 8: Wat was die tendense in die verlede
Page 9 and 10: Hutton Longlands Avalon LANDBOUFOKU
Page 11 and 12: Dit is dus uiters belangrik om sorg
Page 13 and 14: ARBEIDSWETGEWING Grondhervorming WA
Page 15 and 16: LANDBOUFOKUS Saadbed-implemente lew
Page 17 and 18: The new John Deere utility vehicle,
Page 20 and 21: REGIONAL NEWS RESTRUCTURING OF AFGR
Page 22 and 23: STREEKSNUUS Met 'n uitstekende uits
Page 24 and 25: STREEKSNUUS KIEPERSOL-BOERE EN AFGR
Page 26 and 27: ALGEMEEN 34 AFGRI SAAD WAT JY KRY I
Page 28 and 29: FINANSIES BVP OF ‘N MOKERHOU? Jou
Page 30 and 31: Sjokoladegraan kan vir skape en bok
Page 32 and 33: Kontakpersone vir REËLINGS vir die
Page 36 and 37: Die winsgewendheid van enige koei/k
Page 38: TEGNIES John Deere en AFGRI maak di

GRONDBEWERKING - AFGRI

Create successful ePaper yourself

Delete template?

Save as template?