GRONDBEWERKING - AFGRI

Van bl 40
AFLAAI VAN VRAGMOTORS
AFGRI het dit goedgedink om vanjaar personeel beskikbaar
te stel om met die aflaai van vragte by silo’s behulpsaam te
wees. Ons glo dat hierdie diens vir produsente van groot waarde
sal wees.
SILOSERTIFIKATE
Produsente moet daarop let dat silosertifikate verskeie voordele
inhou wat produsente in hul bemarkingstrategie kan aanwend.
Wanneer ’n sertifikaat uitgereik word, sal geen opbergkoste
verder teen die klant se rekening gedebiteer word nie omdat
die houer van die sertifikaat vir die silokoste aanspreeklik is.
Die opgelope silokoste op die sertifikaat moet egter in ag
geneem word wanneer sertifikate verhandel word.
Wanneer sertifikate teen kontrakte aangebied word, geld die
volgende:
• Wanneer sertifikate teen opbergkontrakte aangebied word,
sal die klant teen wie se opbergkontrak die sertifikaat
aangebied word se rekening met die opgelope silokoste
gedebiteer word.
• Wanneer sertifikate teen ’n ander kontrak as ’n opbergkontrak
aangebied word, sal die klant wat die sertifikaat
aanbied met die opgelope silokoste gedebiteer word.
SILOTARIEWE
Produsente se silokoste sal vanjaar per produk tot ’n sekere
maksimum-tarief beperk word. Dit is ’n groot voordeel wat
vir produsente gebied word. Produsente het dus die voordeel
dat graan enersyds op ’n dagtarief bemark kan word en
andersyds vir ’n lang periode opgeberg kan word sonder om
die volle dagtarief te betaal.
In hierdie opsig word produsente aangeraai om as volg met
sertifikate te handel:
• Sertifikate moet so gou moontlik nadat die graan in die
silo gelewer is, aangevra word.
• Wanneer sertifikate verhandel word kan dit eers ingedien
word om gekanselleer te word. Die rede hiervoor is dat die
produsent se opbergrekening dan met die opgelope silokoste
op die sertifikaat gedebiteer sal word, waarna ’n nuwe
sertifikaat onmiddellik aangevra kan word. Geen addisionele
sertifikaatkoste sal in hierdie geval verhaal word nie en
indien die produsent se silokoste meer as die beperkte
silokoste is, sal krediete in so ‘n geval uitgereik word. Dit
het die verdere voordeel dat daar nie opgelope opbergkoste
(c/t/d) op sertifikate is wat kopers van produsente kan
verhaal nie.
Indien u produkte vir lang periodes op u opbergkontrak geberg
word sal u ook nie meer silokoste betaal as die maksimum
tarief wat vir produsente daargestel is nie. Indien daar enige
onduidelikheid hieromtrent is moet produsente nie huiwer om
met die kontakpersone in verbinding te tree nie (sien bladsy
41 vir kontakinligting).
42
Bemarkingsperiode waarop tariewe van toepassing is:
Sonneblom 1 Maart tot 28 Februarie
Sojabone 1 Maart tot 28 Februarie
Droëbone 1 Maart tot 28 Februarie
Mielies 1 Mei tot 30 April
Graansorghum 1 Mei tot 30 April
WERKSURE
AFGRI is verbind tot goeie klantediens en sal tydens die
ontvangseisoen verlengde ure werk. Silobestuurders sal met
produsente hieromtrent in verbinding tree.
AGRIBONUS
Produsente word daarop gewys dat Agribonuspunte verdien
word op elke ton graan wat in AFGRI se silo’s gelewer word,
ongeag of dit op opberg of op kontrakte gelewer word.
DROGING VAN GRAAN
Graansilo’s wat oor droërs beskik sal graan tot en met 16%
kan droog. In gevalle waar die vog tussen 16% en 17% is kan
’n spesiale reëling met die betrokke silobestuurder getref word
indien omstandighede dit toelaat. Die drogingstariewe is by
elke silo beskikbaar.
Die volgende vogbasisse is van toepassing:
Vogbasis Maksimum vog
Mielies 12,5% 14,0%
Sorghum 12,5% 14,0%
Droëbone 12,5% 14,0%
Sonneblom 9,0% 10,0%
Sojabone 12,0% 13,0%
SKOONMAAK VAN GRAAN
Indien produsente ’n behoefte het om graan skoon te maak
kan daar met die betrokke silo in verbinding getree word.
Tariewe is op aanvraag by die silo beskikbaar.
GRAANLEWERINGSOPDRAG
Ten einde enige dispute te verhoed moet produsente met elke
vrag aandui op watter leweringskontrak die vrag gelewer moet
word. Die betrokke graanleweringsopdrag is by elke silo
beskikbaar.
OPBERGOOREENKOMS
Dit is belangrik dat produsente daarop moet let dat daar vooraf
by die betrokke silo waar die graan opgeberg word, ’n
opbergooreenkoms geteken moet word.
GRADERING VAN GRAAN
Geen wysigings het die afgelope jaar in die graderingregulasies
van graan en oliesade voorgekom nie.
AFGRI wens produsente ’n voorspoedige oesseisoen toe
en daar word vertrou dat die dienste wat aan produsente
gelewer word van hoogstaande gehalte sal wees.