OPVOEDINGSWETENSKAPPE - Potchefstroom University

OPVOEDINGSWETENSKAPPE
Innovasie deur diversiteit
NORTH-WEST UNIVERSITY
YUNIBESITI YA BOKONE-BOPHIRIMA
NOORDWES-UNIVERSITEIT
POTCHEFSTROOMKAMPUS

INHOUDSOPGAWE
Die kampus in ’n neutedop ...............................................................3
Studentepret op sy heel beste! .........................................................5
Koshuislewe ......................................................................................6
Beurse en studielenings ...................................................................7
Betaalbare gelde ............................................................................... 9
Studentevoorligtingsdiens ...............................................................13
Toelatingsvereistes ..........................................................................14
Bepaling van die APS-telling ............................................................14
Studieinligting ................................................................................16
© 2010 NWU. Saamgestel deur die Departement Bemarking en
Kommuni kasie in samewerking met die agt (8) fakulteite en die
Toelatingskantoor op die Potchefstroomkampus van die Noordwes-
Universiteit (NWU).
VRYWARING
Inhoud
Die studieinligting en die minimum toelatingsvereistes in hierdie
gids is onderhewig aan verandering en is slegs ’n opsomming van
die algemeenste studierigtings en -vereistes. Hierdie inligting is met
die oog op algemene bekendstelling en oriëntering opgestel en die
Noordwes-Universiteit aanvaar geen aanspreeklikheid vir wysigings wat
mag plaasvind nie. Die amptelike Jaarboek van die Universiteit moet
in alle gevalle by die samestelling van ’n program van die spesifieke
studierigting geraadpleeg word.
Toelating en koshuisverblyf
Neem asseblief kennis dat nie alle aansoekers tot ’n bepaalde
studierigting aanvaar word nie al sou hulle aan die minimumvereistes
van ’n kursus voldoen. Die rede is dat die Universiteit beperkte
kursus- en koshuisplekke het en dat die meeste aansoekers aan ’n
keuringsproses (gebaseer o.a. op jou skoolpunte) onderhewig is.
Dieselfde geld vir aansoeke om koshuisverblyf. Studente wat nie in
kampuskoshuise woon nie (en dus van private verblyf gebruik maak),
word in die studentelewe geïnkorporeer d.m.v. “dorpskoshuise”. Hulle
het ’n volledige huiskomitee (HK) en koshuisouers, kan in eetsale eet
en neem in koshuisverband aan die georganiseerde studentelewe deel.
Die meeste studente maak van sodanige verblyf gebruik en daar is ‘n
groot aanbod van akkommodasie binne loopafstand van die kampus.
ALGEMENE
navrae
Potchefstroomkampus
Skakel of skryf gerus aan:
Departement Bemarking en Kommunikasie (Potchefstroomkampus),
Privaatsak X6001, Potchefstroom, 2520.
Tel: 018 299 2772, faks: 018 299 2767
e-pos: navrae@nwu.ac.za
Mafikengkampus
Skakel of skryf gerus aan:
Departement Bemarking en Kommunikasie (Mafikengkampus),
Privaatsak X2046, Mmabatho, 2735.
Tel: 018 389 2525, faks: 018 389 2485
e-pos: keagile.moloko@nwu.ac.za
Vaaldriehoekkampus
Skakel of skryf gerus aan:
Departement Bemarking en Kommunikasie (Vaaldriehoek kampus)
Posbus 1174, Vanderbijlpark, 1900.
Tel: 016 910 3111, faks: 016 910 3171
e-pos: vaal@nwu.ac.za

DIE KAMPUS
in ’n neutedop
Welkom by die NWU-Potchefstroomkampus!
Hierdie is jou gids tot beroepsgerigte opleiding en ’n internasionale
kwalifikasie: NWU-Pukke, waar ons graadkry met lekkerkry klaarkry!
Die Noordwes-Universiteit is ’n eg Suid-Afrikaanse universiteit met
drie kampusse in onderskeidelik Potchefstroom, Vanderbijlpark en
Mafikeng. Jy kan op enige van dié drie kampusse studeer. Hierdie
gids handel oor studierigtings by die NWU-Potchefstroomkampus.
As jy studieinligting oor enige van die ander kampusse verlang, maak
asseblief gebruik van die kontakinligting onder Algemene navrae
hiernaas.
Hoekom die NWU-Potchefstroomkampus?
• Hoë akademiese standaarde en kwaliteit-opleiding wat
internasionaal geëvalueer word;
• Waardegedrewe met ruimte vir die uitleef van Christelike
beginsels;
• Beroepsgerigte opleiding wat vir jou werk kry – WêRELDWYD;
• Studie in Afrikaans die afgelope 140 jaar;
• ’n Veilige en onrusvrye kampus; en
• Studentelewe is ons nis.
Internasionale standaarde
By die NWU-Potchefstroomkampus is ons vurig oor kwaliteit –
internasionale kwaliteit! Om dit te verseker, word die Universiteit se
navorsing en nagraadse opleiding voortdurend aan ’n internasionale
evaluering onderwerp.
Vraestelle van alle fakulteite word ook voortdurend deur buitestanders
geëvalueer om seker te maak dat die NWU se standaarde en grade op
internasionale peil bly.
Die universiteit is in 2009 deur die Hoër Onderwys Kwaliteitskomitee
(HOKK) van die Departement van Hoër Onderwys en Opleiding
geëvalueer en is so pas met ‘n baie positiewe verslag beloon. Dit
ondersteun die universiteit se uitnemendheid!
Navorsing N
wys dat 85% van NWU-Pukstudente binne drie maande nadat hulle afgestudeer het, werk kry.

Die NWU is:
• Die universiteit wat die meeste doen vir veeltaligheid en nasiebou.
* Pan-Suid-Afrikaanse Taalraad, 2008
• Die bes bestuurde universiteit in Suid-Afrika.
* PricewaterhouseCoopers, 2007, 2008, 2009
• Die mees innoverende universiteit in Suid-Afrika.
* Innovasiefonds van die Departement Wetenskap en Tegnologie, 2008.
Beroepsgerigte opleiding
Gehalte is die sleutel tot jou beroepsgerigte graad. Dit word
vergestalt in die feit dat:
• Die NWU is die top-universiteit wat industrie-gerigte
navorsingsfondse in 2010 ontvang het.
* Soos toegeken deur THRIP.
• Die graadvoltooiingskoers van die NWU is in die top-drie in
Suid-Afrika.
* Departement van Hoër Onderwys en Opleiding.
• Die NWU is een van drie universiteite wat die afgelope vier jaar
meer as ’n 10% jaarlikse groei in navorsingspublikasies het.
* Departement van Hoër Onderwys en Opleiding.
Besondere studentelewe
Naas ’n beroepsgerigte graad, waarborg ons jou ook ’n unieke studentelewe
en dinamiese studentekorps in ’n moderne stad met die beste
sport-, kultuur- en ontspanningsgeriewe: Lang eikelanings en luilekker
kuierplekke, groot gees en selfs groter geeste. Ons ís studentelewe.
Waardegedrewe maak ons ‘n verskil
Die Noordwes-Universiteit is ’n waardegedrewe instelling wat
verdraagsaamheid en respek vir alle perspektiewe en geloofsisteme
bevorder om sodoende ’n gepaste omgewing vir leeronderrig, navorsing
en gemeenskapsdiens te bevorder. Op die NWU-Potchefstroomkampus
het dosente en studente ruimte om ’n Christelike perspektief op
wetenskapsbeoefening te hê. Dit vorm die grondslag waarvolgens
98% van werkgewers in ’n navorsingsverslag die integriteit en etiese
optredes van ons afgestudeerde studente in die werkplek as goed tot
baie goed geëvalueer het.
’n Funksionele taalbeleid
Die Noordwes-Universiteit het ’n taalbeleid wat buigsaam, funksioneel
en meertalig is. Hierdie beleid bevorder toeganklikheid, integrasie en ’n
“gevoel van tuiswees”. Elke kampus het ’n taalplan wat die taalbehoefte
van studente en die taalwerklikheid op grondvlak in ag neem.
Aangesien die meerderheid studente op die Potchefstroomkampus
Afrikaanssprekend is, is die onderrig- en omgangstaal op die
kampus Afrikaans. Hoewel die dagprogram vir voltydse studie op
die Potchefstroomkampus in Afrikaans is, is daar egter hulp vir
niemoedertaalsprekers van Afrikaans. Studente mag enige toets
of eksamen in oorleg met die betrokke dosente in Engels aflê,
werksopdragte in Engels uitvoer en gedurende lesings vrae in Engels
stel.
In sekere voorgraadse studierigtings (Maatskaplike Werk, Voeding,
Sosiale en Politieke Wetenskap, Ingenieurswese, Aptekerswese, Regte,
Verpleegkunde, BCom-grade in Ekonomie en Internasionale Handel,
BCom (GR), Mensehulpbronbestuur, BSc Aktuarieel en BEd Grondslagfase
en Intermediêr) kan studente deur middel van opvoedkundige tolking in
Engels klas loop.
Ondersteuning
Die NWU-Puk bedryf ’n voogstelsel van akademiese ondersteuning
en leiding aan studente. Die stelsel lei daartoe dat:
• ’n Slaagsyfer van 90% gehandhaaf word in finalejaarstudie;
• Die NWU-Pukkampus een van die hoogste deurvloeisyfers het
van alle universiteite in Suid-Afrika (voltooiing van graad in
minimumtydperk); en
• Die NWU ‘n voorgraadse slaagkoers van 83% handhaaf.

STUDENTEPRET
op sy heel beste…
STOP! Jy hoef nie verder te soek nie.
Die Potchefstroomkampus se op-en-wakker studentelewe het
GEEN gelyke in die land nie. Ons het nie studentelewe uitgevind
nie, maar dit wel vervolmaak! Hier is jy nie net 'n nommer nie.
... en as dít jou nie oortuig het nie: Wie en wat is die President van
Tarentaal, Klipoog, Calvynfontein, ’n door en die dorelied, groot brêg,
O&B en die Big Prims? As jy meer wil uitvind, is die NWU-Pukkampus
net die plek vir jou. En o ja, moenie vergeet van Jool, Intervarsity en
Aardklop nie. Studentepret op sy heel beste!
Maar wat maak die Potchefstroomkampus se unieke studentegees
en studentelewe so besonders?
• ’n Lewendige, interaktiewe koshuislewe (kampus- en dorpskoshuise)
vorm as’t ware die hart van die studentelewe;
• ’n Veilige en onrusvrye kampus in ’n moderne studentestad;
• Morele ondersteuning in krisistye deur jou koshuis en medeinwoners
is ongekend – hier word jy deel van die NWU-Pukfamilie;
• Ons glo aan waar ons graadkry met lekkerkry in Afrikaans
klaarkry;
• Die beste sportgeriewe en -fasiliteite met ’n hokkie-akademie
en ’n rugbyinstituut. Die NWU-Puk was die tuisbasis van die
Spaanse sokkerspan, Fifa Wêreldbekerkampioene;
• Die NWU-Pukkampus is dié kuns- en kultuurmekka met ‘n
verskeidenheid uitstekende fasiliteite, kore, orkeste, ander groepe
en aktiwiteite wat elke smaak kan bevredig;
• Verder word jy as totale mens gevorm deur die eerstejaarskonsert,
kampustalentfees, blokskilder, kultuurtoer, sêr-kompetisies
en nog vele meer;
• Om ’n NWU-Puk te wees is om ’n Puk te groet – hier is jy nie net
’n stu dentenommer nie. Ons ken mekaar op die naam; en
• Lekker kuierplekke en ontspanningsgeriewe waar almal mekaar
ken en lewenslange vriende word…
70% van die NWU-Puk se studente ry by drie ander
kampusse verby om in Potchefstroom te studeer.

KOSHUISLEWE
Die Potchefstroomkampus se op-en-wakker studentelewe draai om sy
aktiewe koshuislewe met sy lewendige inter koshuiskompetisies. Alle
studente neem hieraan deel ongeag of hulle in kampuskoshuise bly of
privaat woon en in “dorpskoshuise” georganiseer is.
Wat maak ons kampuskoshuise verder uniek?
• Dit is binne loopafstand van akademiese en admini stratiewe
geboue en sportfasiliteite geleë;
• Veiligheid geniet hoë prioriteit – veral by die dameskoshuise waar
’n streng stelsel van elektroniese toegangsbeheer toegepas word;
• Elke koshuis het ’n koshuisbestuur wat bestaan uit ’n huisvader/moeder
en ’n huiskomitee; en
• Ander geriewe: e-pos, internet, telefone, eie geriewe om koffie
en tee te maak, was- en strykkamers met outomatiese wasmasjiene
en tuimeldroërs, kombuisies, televisiekamers, sitkamers,
ontspannings- en rekenaarlokale.
Dorpskoshuise
Studente wat nie in kampuskoshuise woon nie, maar in kamers,
woonstelle, buitehuise of by hul ouerhuise, neem aan die georganiseerde
studentelewe deel deur lid te word van een van die
“dorpskoshuise”. Dorpskoshuise funksioneer net soos kampuskos -
huise en word op dieselfde manier georganiseer as kampuskoshuise.
Studente in dorpskoshuise is ten volle deel van die kampus. Alle geriewe
is tot hul beskikking en hulle deel eetsale en die Klipoog Kafeteria saam
met ander koshuisinwoners. Dorpskoshuise kompeteer gelykwaardig
op alle terreine en van hierdie dorpskoshuise is gereeld wenners van
die kultuur-, sport- en akademiese trofeë.
Navorsing bewys dat 90% van studente van die NWU-Puk
effektief leiding kan neem in die werkplek.

Keuringsmodel
Aansoekers word aangemoedig om voor of op 30 Junie aansoek te doen
om koshuisplasing in ’n kampuskoshuis. Keuring vind in Julie plaas,
waarna merietegevalle deur ’n spesiale keuringskomitee oorweeg sal
word. Alle plasings word op grond van meriete en beskikbaarheid van
koshuisplek gedoen. (Keuringspunt: 70% akademie en 30% deelname
aan kultuur, sport en/of leierskap.)
BEURSE
en studielenings
Volledige inligting en aansoekvorms vir beurse is op die web by www.
puk.ac.za/finansteun/v-beurse.html beskikbaar.
Nuweling Akademiese Beurse
Dié beurse word outomaties (jy hoef nie daarvoor aansoek te doen nie)
aan alle voltydse eerstejaarstudente toegeken wat:
• Na graad 12 vir die eerste keer aan die universiteit vir ’n eerste
graad inskryf;
• ‘n Gemiddelde persentasie van 75% of hoër gedurende die graad
12-eindeksamen behaal het.
• Die beurs word toegeken op grond van die rekenkundige
gemiddeld van die persentasies van die student se ses beste
vakke, Lewensoriëntering uitgesluit. Die persentasie behaal in nieaangewese
vakke word egter met 10% verminder in berekening
van merietebeurse. Die punte word nie afgerond nie.
Student se gemiddelde
berekende %
Merietebeurs
90% 110% korting van klasgeld
85% 100% korting van klasgeld
80% 75% korting van klasgeld
75% 40% korting van klasgeld

Leierskap en kultuurbeurs
Beurse word ook toegeken aan hoofleiers, Presidentsverkenner- en
Springboktoekennings, Hoofleierswagtoekennings, RRB Debatskompetisie,
ATKV Redenaarskompetisie en kuns- en kultuurprestasies.
Vir meer inligting skakel vir Ronel Vorster by 018 299 2049 of
e-pos ronel.vorster@nwu.ac.za
Ondersteuningsbeurse
Fisies gestremde studente, gesinsbeurse vir meer as een student,
weeskinders en reisbeurse (wat ver van die kampus woon) kwalifiseer
ook vir beurse. Vir meer inligting skakel vir Ronel Vorster by
018 299 2049 of e-pos ronel.vorster@nwu.ac.za
Sportbeurse
Vir ‘n beurs by die NWU-Puk-Rugbyinstituut, skakel vir Ronel Emms
018 299 2429 of e-pos ronel.emms@nwu.ac.za. Vir ander sportbeurse,
skakel vir Charmaine van der Westhuizen 018 299 2905 of
e-pos charmaine.vanderwesthuizen@nwu.ac.za
Oudstudente-leningfonds
Skakel Yolandi Yssel by 018 299 2764 of
e-pos yolandi.yssel@nwu.ac.za
NSFAS Beurs-leningskema
Skakel vir Marina Louw by 018 299 2050 of
e-pos marina.louw@nwu.ac.za
Funza Lushaka-onderwysbeurse
Skakel Triens Jacobs by 018 299 2047 of e-pos triens.jacobs@nwu.ac.za
Aansoeke en navrae om beurse en studielenings kan gerig word aan:
Die Hoof: Finansiële Steundienste (FSD), Potchefstroomkampus,
Noordwes-Universiteit, Privaatsak X6001, Potchefstroom 2520.
Tel: 018 299 2045 of 299 2046
Faks: 018 299 2046
E-pos: ronel.vorster@nwu.ac.za
Web: www.puk.ac.za/finansteun/
Die NWU-Puk was die tuisbasis van die Spaanse sokkerspan, n,
Fifa Wêreldbekerkampioene.

Dertien internasionale wêreldkampioenatlete het in 2009
tydens die Europese winter by die NWU-Puk geoefen.
BETAALBARE
gelde en finansiële reëls
Inleiding
Die voorgeskrewe aansoekgeld, losiesdeposito, klas- en losiesgeld
word jaarliks hersien en word volledig in die amptelike dokument
getiteld “Betaalbare Gelde & Finansiële Reëls” uiteengesit.
Skakel gerus Finansiële Administrasie: Inkomste vir die verkryging
van hierdie dokument by:
Tel: (018) 299 2667/ 2668/ 2669/ 2670/ 2671/ 2672/ 2673
Faks: (018) 293 5230/ 5234/ 5252/ 5255/ 5313/ 5314/ 5320
E-pos: PUK-studyfees@nwu.ac.za
Aansoekgeld en losiesdeposito
Die aansoekvorm om voorlopige toelating tot die Universiteit sal nie
sonder die nodige bewys van betaling van die voorgeskrewe R150
aansoekgeld en R500 losiesdeposito vir evaluering deur die Universiteit
aanvaar word nie. Indien jy die aansoekvorm en aansoekgeld (tjeks of
posorders uitgemaak aan die NWU) wil pos, rig dit asseblief aan die
posadres voor op die aansoekvorm.
'n Direkte bankdeposito of elektroniese inbetaling kan ook gemaak
word in die Noordwes-Universiteit se bankrekening by ABSA Bank.
Die rekeningnommer is ABSA 670-642-313 en die rekening is gelys
as 'n begunstigde onder die naam “NWU DIVERSE”. Die verwysing
wat gebruik moet word by die inbetalings is die letter A saam met
die voornemende student se 13-syfer-identiteitsnommer soos bv.
A9505155035082.
Klasgeld
Die volledige lys van klasgelde vir modules en kwalifikasies is beskikbaar
tydens registrasie in die betaalsaal van die Joon van Rooy-gebou of
op o die universiteit se webwerf by www.nwu.ac.za/gelde. Die modulesamestelling
sa s is bepalend vir die presiese klasgeldbedrag per jaar.

’n Gemiddelde berekende raming wat onderhewig is aan aanpassing
en goedkeuring van die Raad, word per kwalifikasie vir 2012 hieronder
uiteengesit.
Hierdie is nie ’n volledige lys van alle kwalifikasies nie, maar enkele
algemene grade:
Program Per jaar
BA R16 730
BA (Kommunikasie) R18 200
BA (Musiek) R19 750
BA (Maatskaplike werk) R19 200
BA (Grafiese ontwerp) R20 700
BPharm R21 750
BCom (Bestuursrekenmeesterskap) R22 200
BCom (Rekeningkunde en Informatika) R22 400
BCom (Regte) R24 100
BIng R27 250
BCur R22 350
BSc (Aktuariële Wetenskappe) R23 350
BSc (Verbruikerswetenskappe) R23 150
LLB R21 350
BTh R18 150
Universiteitsdiploma in Sportkunde R14 600
BEd (Grondslagfase) R16 800
BEd (Int. en Snr.) of BEd (Snr. en VOO) R16 800
Honneurs R13 750
Honneurs (GR) R18 150
BBy die NWU-Puk is ons vurig oor internasionale kwaliteit. Om dit te v

seker word ons navorsing aan 'n internasionale evaluering onderwerp.
Losiesgeld
Die beraamde losiesgeld vir mans- en dameskoshuise per jaar vir
2012 word hieronder as ’n riglyn uiteengesit maar is onderhewig aan
aanpassing en goedkeuring van die Raad.
Mans- en Dameskoshuise (per jaar)
Caput R13 250 Minjonet R13 250
Excelsior R13 250 Oosterhof R13 250
Heide R13 250 Over de Voor R13 250
Hombre R13 250 Patria R13 250
Karlien R13 250 Vergeet-my-Nie R13 250
Kasteel R13 250 Veritas R13 250
Klawerhof R13 250 Wag-’n-Bietjie R13 250
Kom-en-Gaan R13 250 Wanda R13 250
Mans- en Dameskoshuise – Enkelkamers (per jaar)
De Wilgers R13 700 Ratau R13 700
Eikenhof R13 700 Republiek R13 700
Laureus R13 700
Oppirif (per jaar)
Selfsorg-eenhede R18 000
Die bedrae sluit die aansoekgelde om koshuisinwoning van R500 in,
asook die R1 000 ter bevestiging van die koshuisinwoning in die geval
van eerstejaarstudente. Die R1 500, of R500 in die geval van senior
studente, word as ’n losiesdeposito op u rekeningstate aangedui en
sal aan die einde van Maart oorgeplaas word as krediet op u klas-
en losiesgeldrekening. Die tariewe word volledig in die amptelike
dokument getiteld “Betaalbare Gelde & Finansiële Reëls” uiteengesit.
Die nuutste dokument is ook op die web by www.nwu.ac.za/gelde
beskikbaar.

Klas- en losiesgeld-betalingsopsies
’n Direkte bankdeposito of elektroniese inbetaling kan gemaak word
in enigeen van die Noordwes-Universiteit se bankrekenings by ABSA,
Eerste Nasionale Bank, Nedbank of Standard Bank. By ABSA se
Rekeningbetalings, ENB se Public Recipients, Nedbank se Bankapproved
beneficiaries of Standard Bank se Companies moet die rekeningnaam
“NWU STUDENT” vanuit u bank se lys van begunstigdes gekies word.
Slegs die 8-syfer-universiteitsnommer sal as begunstigde verwysing
aanvaar word. Die onderskeie rekeningnommers is: ABSA 40-7009-
9350, ENB 6216-190-7335, Nedbank 1713-378-531 en Standard
Bank 33-038-446-5.
NWU STUDENT is dus uitsluitlik vir die Klas-, losies en ander geld terwyl
NWU VENDING slegs vir die kontant etestelsel bedoel is.
Etegeld
Etes word op ’n streng kontantbasis by die Universiteit hanteer. Dit
beteken dus dat u slegs dit wat u op u eterekening inbetaal, beskikbaar
het; geen krediet word dus meer vir etes verleen nie! Etes, bereken
teen R75 per dag vir 170 dae, beloop ongeveer R 12 750 per jaar, of
R 1 500 per maand.
Etes in koshuiseetsale kan slegs deur middel van die universiteitskaart
genuttig word. Studente betaal slegs vir etes wat wel geneem word.
Etes en snoeperye kan ook in die kafeteria deur middel van die
universiteitskaart aangekoop word. Behalwe vir etes, mag daar net
kampusgoedgekeurde items op die universiteitskaart gekoop word,
soos bv. PUK-dagboeke, PUK-rugbytruie, eerstejaarsdineekaartjies of
toegangskaartjies na goedgekeurde studentefunksies.
Etegeld-betalingsopsies
’n Direkte bankdeposito of elektroniese inbetaling kan gemaak word
in enigeen van die Noordwes-Universiteit se bankrekenings by ABSA,
Eerste Nasionale Bank, Nedbank of Standard Bank. By ABSA se
Rekeningbetalings, ENB se Public Recipients, Nedbank se Bankapproved
beneficiaries of Standard Bank se Companies moet die rekeningnaam
“NWU VENDING” vanuit u bank se lys van begunstigdes gekies word.
Slegs die 8-syfer-universiteitsnommer sal as begunstigde verwysing
aanvaar word. Die onderskeie rekeningnommers, wat verskil van
die NWU STUDENT-rekeningnommers hiernaas genoem, is: ABSA
40-7010-0351, ENB 6216-191-6849, Nedbank 1713-378-558 en
Standard Bank 33-038-243-8.
NWU VENDING is dus uitsluitlik vir die kontant etestelsel bedoel terwyl
NWU STUDENT vir klas-, losies en ander geld bedoel is.
Kassiere op kampus
Gelde kan van 08:00 tot 15:30 op weeksdae by die kassier in die Joon
van Rooy-gebou inbetaal word.
Registrasiegeld
Die onderstaande beraamde bedrae is tydens registrasie in Januarie/
Februarie betaalbaar maar is onderhewig aan aanpassing en
goedkeuring van die Raad.
Koshuis Dorp Deeltyds
Registrasiegelde R1100 R1100 R1100
Addisionele registrasiegelde
(Dorpskoshuisrade) – R50 –
Eerste betaling op klasgeld R4 650 R4 650 R4 650
Eerste betaling op losiesgeld R4 650 – –
Etes tydens O&B*
(Verpligtend vir koshuiseerstejaars) R750 – –
Eerste minimum betaling R11 150 R5 800 R5 750
Aanbevole inbetaling vir etes
(Februarie en Maart 2012)** R2 250 R2 250 –
Totaal R13 400 R8 050 R5 750
* Ontvangs- en Bekendstellingsprogram vir eerstejaarstudente.
** Sien Etegeld hiernaas.

89% van studente van die NWU-Puk kan analities en
logies in die werkplek dink.
Betaling van gelde
Klas- en losiesgeld is betaalbaar in maandelikse paaiemente, soos
aangedui op die rekeningstate, binne dertig dae na rekeningdatum,
met ‘n finale betaling ter volle vereffening op 31 Julie jaarliks. Ander
gelde is streng betaalbaar binne dertig dae na rekeningdatum.
Die losiesdeposito word jaarliks gedurende Maart van die betrokke
studiejaar teen die student se klas- en losiesgeldrekening gekrediteer.
Indien ’n student se studies deur middel van ’n beurs of lening
gefinansier word, moet die skriftelike bewys daarvan jaarliks tydens
registrasie voorgelê word. Die skriftelike bewys moet ’n uiteensetting
gee van dit waarvoor die beurs- of leningsbedrae aangewend mag
word, asook wanneer die uitbetaling daarvan sal geskied. As u dus van
’n beurs of lening gebruik maak om u studies te finansier, moet u reeds
vroegtydig by die betrokke instansie aansoek doen.
Studentevoorligtingsdiens
(SVD)
Talle studente betree deesdae die wêreld van studie met
ontoereikende kennis van die beroepswêreld en die werksituasie. Die
Studentevoorligtingsdiens is amptelik die ondersteuningsdepartement
van die Noordwes-Universiteit wat met behulp van sielkundige toetse,
skoolkinders vanaf graad 7-12 op ’n wetenskaplike wyse help om
verantwoordelike keuses te maak en besluite te neem ten opsigte van:
• Beroeps- en kursuskeuse; en
• Realisering van potensiaal.
Studente word ook tydens die ontvangs- en bekendstellingsprogram
getoets of hulle in die regte studierigting studeer. Skakel die
Studentevoorligtingsdiens by 018 299 2891.

TOELATINGSvereistes
Om vir 'n graad aan ’n universiteit in te skryf moet ’n voornemende
student universiteitstoelating kry.
Dit bepaal dat ’n leerder sewe vakke moet slaag. Vier van die vakke
is verpligte vakke: Een amptelike taal op die vlak van Huistaal en
een taal as Eerste Addisionele Taal, Lewensoriëntering, Wiskunde of
Wiskundige Geletterdheid en drie verdere keusevakke.
Die minimum toelatingsvereiste vir graadstudie by enige universiteit
(die ou matriekvrystelling, nou genoem universiteitstoelating), is
’n prestasievlak van 4 (50-59%) nodig in minstens vier vakke uit die
aangewysde groep vakke (sien lys).
Aangewysde vaklys vir Universiteitstoelating
• Besigheidstudies
• Dramatiese Kunste
• Ekonomie
• Fisiese Wetenskappe
• Geografie
• Geskiedenis
• Godsdiensstudie
• Ingenieursgrafika en -ontwerp
• Inligtingstegnologie
• Landbouwetenskap
• Lewenswetenskappe
• Musiek
• Rekeningkunde
• Tale (een taal van leer en onderrig soos by ’n instansie e vir hoër
onderwys gebruik)
• Verbruikerstudie
• Visuele Kunste
• Wiskunde
• Wiskundige Geletterdheid
Jy benodig minstens vier (4) vakke uit die lys hierbo op vlak 4 (50-59%).
Tweedens moet jy voldoen aan die APS-telling en toelatingsvereistes vir
die betrokke studierigting.
Bepaling van die APS-telling
• Die prestasie behaal in ses vakke word gebruik om die APS-telling
te bereken. Vier van die vakke kom uit die aangewysde lys (soos
benodig vir universiteitstoelating). Indien die ander twee vakke
nie uit die lys kom nie (dus uit die gewone NSC-vaklys) word dit
in berekening gebring.
• Die APS-punt behaal in Lewensoriëntering word nie in berekening
gebring by die berekening van die APS-telling nie, maar om ’n
Nasionale Senior Sertifikaat (NSC) te behaal, moet ’n leerder ’n
skaalpunt van 3 in Lewensoriëntering verwerf.
• Vir die Potchefstroomkampus van die NWU, word die volgende
taalvereiste gestel: ’n Slaagsyfer van vlak 4 (50-59%) in die taal
van leer en onderrig op Huistaal- of Eerste Addisionele Taalvlak.
• Die spesifieke vakvereistes kan in die volledige Studieinligtingsgids
gesien word.
• Om meer inligting te bekom oor voorwaardelike universiteitstoelating,
skakel 012 481 2921 of besoek www.sauvca.org.za

Navorsing bewys dat 82% van NWU-Pukstudente
kreatief in die werkplek kan dink!
Die volgende keuringstabel word gebruik vir die bepaling van die APStelling:
Keuringstabel vir die bepaling van APS:
(Omskakeling van skoolvakke se simbole)
NSC-vlak APS-telling
7 (90-100%) 8
7 (80-89%) 7
6 (70-79%) 6
5 (60-69%) 5
4 (50-59%) 4
3 (40-49%) 3
2 (30-39%) 2
1 (0-29%) 1
Voorbeeld van hoe om jou APS-telling te bepaal.
(Hierdie is slegs ’n voorbeeld. Pas jou eie vakke en punte volgens die
voorbeeld toe.)
Afrikaans Huistaal (uit aangewysde lys) 4
Engels Eerste Addisionele Taal (uit aangewysde lys) 4
Wiskunde (uit aangewysde lys) 6
Rekeningkunde (uit aangewysde lys) 6
Ontwerp (NSC-vak) 6
Rekenaartoepassingstegnologie (NSC-vak) 5
APS-telling 31
Vergelyk dit nou met die vereistes in dié studieinligtinggids om te sien
of jy kwalifiseer vir toelating.

16
Fakulteit
OPVOEDINGSWETENSKAPPE
Inleiding
Wil jy ’n loopbaan volg wat baie geleenthede aan jou bied, waarin jy
jou kreatiwiteit kan uitleef en waarin jy kinders help vorm sodat hulle
die lewe as toegeruste landsburgers met positiewe selfbeelde kan
ingaan? Dan is onderwys die beroep vir jou.
Die Fakulteit Opvoedingswetenskappe is verantwoordelik vir onderwysers
opleiding. Voornemende studente kan deur middel van een van
twee kwalifikasies toegang tot die onderwysprofessie verkry.
Die twee kwalifikasies is die vierjarige professionele Baccalaureus
Educationis (BEd) of die eenjarige Nagraadse Onderwyssertifikaat
(NGOS) wat volg op ’n goedgekeurde driejarige graad met twee
skoolvakke. Die verskillende spesialiseringsrigtings van die BEd-graad
en NGOS is almal by die Suid-Afrikaanse Kwalifikasie-owerheid
geregistreer en die kurrikulum’s in ooreenstemming met die voorskrifte
van die Nasionale Departement van Onderwys saamgestel. Hierdie
kwalifikasie, wat internasionaal erken word, bemagtig jou om in
staatskole en privaatskole onderwys te gee.
Vierjarige
Baccalaureus Educationis (BEd)
Toelatingsvereistes vir die kwalifikasie
• APS-telling: Die resultate behaal in vier aangewysde vakke plus
twee NSS-vakke word in berekening gebring. Die resultate behaal
in Lewensoriëntering word nie in berekening gebring nie;
• Taalvereiste: ’n Slaagsyfer van 50-59% (vlak 4) in die taal van leer
en onderrig op Huistaal- of Eerste Addisionele Taalvlak;
• ’n Kandidaat wat nie aan die gestelde minimum Universiteitstoelatingsvereistes
voldoen nie, maar ’n APS-telling tussen 15 en
18 behaal het, mag tot die BEd-brugprogram toegelaat word,
wat kredietdraende kursusse insluit, indien hy/sy in ’n keuringsproses
wat deur die Senaat en die Matrikulasieraad goedgekeur
is, bewys het dat hy/sy geskik is vir toelating tot die Universiteit;
• ’n Student wat drie of vier APS-skaalpunte minder in die Senior
Sertifikaat-eksamen behaal, kan na die suksesvolle aflegging van
’n brugprogram by wyse van Senaatsdiskresionêre Vrystelling tot
’n bepaalde studieprogram toegelaat word; en
• Sien voorafgaande bladsye vir ’n skaal vir die bepaling van ’n APStelling.
Fakulteitspesifieke toelatingsvereistes
‘n Student wat:
• Onderwyswiskunde as keusemodule wil neem moet ten minste
55% vir Wiskunde in die graad 12-eksamen behaal het;
• Leerarea Wiskunde as keusemodule wil neem moet Wiskunde
met ten minste 45% in graad 12 geslaag het of Wiskundige
Geletterdheid in graad 12 met 55% geslaag het;
• Die Snr/VOO Tegnologie-program wil volg moet graad
12-Wiskunde met ten minste 50% geslaag het;
• Engels as keusemodule wil neem moet ten minste die graad 12eksamen
in Engels Moedertaal met 50% geslaag het of Engels
Eerste Addisionele Taal met 60% geslaag het;
• Fisiese Wetenskappe of Lewenswetenskappe as keusemodule
wil neem moet ten minste 50% in Fisiese Wetenskappe of Lewenswetenskappe
in die graad 12-eksamen behaal het; en
• Rekeningkunde as keusemodule wil neem moet ten minste 50%
vir Rekeningkunde in die graad 12-eksamen behaal het.
Die BEd-graad is ’n onderwysgraad wat op onderwys in die Algemene
Onderwys en Opleiding (AOO) en Verdere Onderwys en Opleiding
(VOO) toegespits is.

Die volgende strome of spesialiseringsrigtings, waarvan jy een (1)
vir die BEd-graad moet kies, word onderskei:
• Die Grondslagfase: Indien jy ’n BEd-graad in Grondslagfase
verwerf, kan jy in laerskole vanaf graad 1 tot graad 3 skoolhou,
sowel as vir enige voorskoolse en graad R-klas.
• Die program word vanaf 2009 vir Afrikaans en Setswanasprekende
studente aangebied. Vir die Setswana-huistaalsprekers
word kontaksessies in gesyferdheid en geletterdheid in Setswana
aangebied en die ander vakke word deur middel van simultane
tolking in Engels aangebied.
• Die Intermediêre en Senior fase, waarin gespesialiseer word
in onderwys aan leerders in graad 4-9. Slegs in geselekteerde
leerareas vind sumultane tolking na Engels plaas.
• Die Senior en Verdere Onderwys en Opleidingsfase, wat bedoel
is vir studente wat vir leerders vir graad 7-12 wil gaan skoolhou.
• Die Senior en Verdere Onderwys en Opleidingsfase met spesialisering
in Tegnologie is toegespits op Tegnologie-onderwys aan
leerders in graad 8-12.
Doel en aard van die program
• Om goed gekwalifiseerde onderwysers op te lei, wat oor die
verlangde onderwysvaardighede én akademiese onderbou
beskik;
• Om studente met die nodige kundigheid en bevoegdheid in die
Opvoedingswetenskappe toe te rus, sodat ingeligte besluite oor
’n wye onderwyskundige veld geneem kan word; en
• Om studente voor te berei vir verdere studie in die onderwys
(Honneurs BEd) en vir moontlike honneursstudies in ander vakrigtings.
Duur van studie
Die minimum duur van die studie is vier (4) jaar.
17

18
BEd (Grondslagfase)
(Programkode vir aansoekvorm: 422100)
Die volgende verpligte vakke word geneem:
Eerste studiejaar
Opvoedkunde (bv. Basiese inleiding tot Opvoedkunde en Professionele
Studies, Akademiese Geletterdheid, Rekenaargeletterdheid,
Gesyfer dheid (Fundamenteel en Metodiek van Gesyferdheid), Lewensvaardighede,
Leerderondersteuning, Geletterdheid (huistaal en eerste
addisionele taal), Musiek en Kommunikasievaardighede.
Tweede studiejaar
Opvoedkunde (bv. Inleiding tot Opvoedkundige Sielkunde), Gesyferd -
heid (Fundamen teel en Metodiek van Gesyferdheid), Lewensvaardighede,
Leerder-ondersteuning, Geletterdheid (huistaal en eerste
addisionele taal), Visuele Kuns, Musiek, Kommunikasievaardighede,
Preprimêre Studies en Filosofie (Verstaan die Opvoedingswêreld).
Derde studiejaar
Opvoedkunde (bv. Inklusiewe Onderwys), Gesyferdheid (Fundamenteel
en Metodiek van Gesyferdheid), Onderwysbestuur, Tegnologiese
Geletterdheid, Geletterdheid (huistaal en eerste addisionele taal),
Aka demiese huistaal en Filosofie (hoofstrome in die filosofie van die
Opvoedkunde).
Vierde studiejaar
Opvoedkunde (Onderwysreg), Navorsing in Opvoedkunde, Kommunikasie
vaardighede, Onderwysstelsels, Akademiese Engels, Gesyferd heid
(Fundamenteel en Metodiek van Gesyferdheid), Geletterdheid (huistaal
en eerste addisionele taal), Preprimêre Skool Opvoedkunde.
‘n Keuse van een (1) van die volgende in die vierde studiejaar:
• Religiestudies;
• Rekenaartegnologie-integrering; en
• Skoolmediasentrumkunde.

BEd (Intermediêre en Senior fase)
(Programkode vir aansoekvorm: 422101)
Verpligte vakke is die volgende:
Eerste studiejaar
Opvoedkunde, Akademiese Geletterdheid, Rekenaargeletterdheid,
Lewensvaardighede, Kommunikasievaardighede, “English Medium
of Instruction” en vier van die volgende leerareas, wat jy net op
eerstejaarvlak gaan neem: Natuurwetenskappe, Sosiale Wetenskappe,
Lewensoriëntering, Ekonomiese en Bestuurswetenskappe, Kuns en
Kultuur, Tegnologie. (Die leerarea waarin jy wil spesialiseer word eers
vanaf jou tweede studiejaar geneem. Die moontlikhede waaruit jy kan
kies, word aan die einde van hierdie afdeling gelys.)
Tweede studiejaar
Opvoedkunde, Wiskunde in Praktyk, “English Medium of Instruction”,
die Didaktiek van jou Spesialiseringsleerarea en Didaktiek van die
Leerarea waarbinne die gekose keusemodule ressorteer.
Derde studiejaar
Opvoedkunde, Wiskunde in Praktyk, Tegnologiese Studies, die Didak tiek
van jou Spesialiseringsleerarea en Didaktiek van gekose keusemodule.
Vierde studiejaar
Opvoedkunde, Navorsing, Kommunikasiekunde, Didaktiek van gekose
Spesialiseringsleerarea en Didaktiek van gekose keusemodules.
’n Keuse van een (1) van die volgende in die vierde studiejaar:
• Religiestudies;
• Rekenaartegnologie-integrering; en
• Skoolmediasentrumkunde.
19

20
Die volgende keusemodules, wat as hoofvak geneem sal word,
waarvan jy een tot op derdejaar vlak moet neem (dit is van jou
eerste tot jou derde studiejaar), is beskikbaar:
Afrikaans, Engels, Geografie, Setswana, Geskiedenis, Lewenswetenskappe,
Fisiesewetenskappe, Wiskunde, Wiskundige Geletterd heid,
Onderwysinligtingstegnologie, Bewegingskunde, Kuns, Lewensoriëntering,
en Rekenaartoepassingstegnologie.
Die volgende Spesialiseringsleerareas, waarvan jy een (1) moet
kies, is beskikbaar:
• Leerarea Natuurwetenskappe;
• Leerarea Tegnologie;
• Leerarea Tale;
• Leerarea Sosiale Wetenskappe;
• Leerarea Lewensoriëntering;
• Leerarea Kuns en Kultuur; en
• Leerarea Wiskunde.
BEd (Senior en Verdere Onderwys-en-
Opleidingsfase)
(Programkode vir aansoekvorm: 422102)
Die volgende verpligte vakke word geneem:
Eerste studiejaar
Opvoedkunde, Akademiese Geletterdheid, Rekenaargeletterdheid,
Lewens vaardighede, Kommunikasievaardighede en “English Medium
of Instruction”.
Tweede studiejaar
Opvoedkunde, Wiskunde in Praktyk, “English Medium of Instruction”,
die Didaktiek van jou Spesialiseringsarea en Didaktiek van die Leerarea
waarbinne die gekose keusemodule ressorteer.

Derde studiejaar
Opvoedkunde, Wiskunde in Praktyk, Tegnologiese Studies, Didaktieke
van gekose keusemodules.
Vierde studiejaar
Opvoedkunde, Navorsing, Kommunikasiekunde, Didaktieke van gekose
keusemodules.
’n Keuse van een (1) van die volgende in die vierde studiejaar:
• Religiestudies;
• Rekenaartegnologie-integrering; en
• Skoolmediasentrumkunde.
Die volgende keusevakke waar twee (2) gekies moet word, is
beskikbaar:
Afrikaans, Bewegingskunde, Lewenswetenskappe, Ekonomie,
Engels, Geografie, Geskiedenis, Onderwysinligtingstegnologie, Kuns,
Fisiesewetenskappe, Rekeningkunde, Lewensoriëntering, Setswana,
Wis kunde, Wiskundige Geletterdheid, Ingenieursgrafika- en Ontwerp,
Rekenaartoepassingstegnologie, Besigheidstudies.
BEd (Senior en Verdere Onderwys-en-
Opleidingsfase – Tegnologie)
(Programkode vir aansoekvorm: 422112)
Die volgende verpligte vakke word geneem:
Eerste studiejaar
Opvoedkunde, Akademiese Geletterdheid, Rekenaargeletterdheid,
Lewens vaardighede, Kommunikasievaardighede en “English Medium
of Instruction”, Tegniese Wiskunde, Ingenieursgrafika- en Ontwerp,
Leerarea Tegnologie, Sweistegnologie en VOO-Tegnologie Didaktiek.
Tweede studiejaar
Opvoedkunde, Tegniese Wiskunde, “English Medium of Instruction”,
Ingenieursgrafika- en Ontwerp, Didaktiek van Ingenieursgrafika- en
Ontwerp asook die Didaktiek van jou keusemodule.
Een (1) van die volgende keusemodules moet geneem word:
• Elektriese Tegnologie vir Onderwys;
• Meganiese Tegnologie vir Onderwysers; en
• Siviele Tegnologie vir Onderwysers.
Derde studiejaar
Opvoedkunde, Tegniese Wiskunde, Tegnologiese Studies, Ingenieursgrafika-
en ontwerp, Didaktiek van Ingenieursgrafika- en Ontwerp,
gekose keusemodule en Didaktiek van gekose keusemodule.
Vierde studiejaar
Opvoedkunde, Navorsing, Kommunikasiekunde, Ingenieursgrafika-
en Ontwerp, Didaktiek van Ingenieursgrafika- en Ontwerp, jou
keusemodule, asook die Didaktiek van die keusemodule.
Beroepsmoontlikhede
Met hierdie kwalifikasie kan jy in die relevante Tegnologievakke onderrig
en opleiding gee in VOO-skole en by VOO-kolleges. Onder wys gerigte
graadstudie bied ook werksgeleenthede in die privaat- en openbare
sektore.
Wyse van aanbieding en duur van die program
Die program word voltyds aangebied en strek oor vier (4) jaar.
21

22
Nagraadse Onderwyssertifikaat
(NGOS)
Toelatingsvereistes
• ’n Eerste universiteitsgraad met twee erkende skoolvakke of ‘n
erkende kwalifikasie wat in totaal uit 360 krediete bestaan en wat
eindig op NKR-vlak 6 en wat minstens twee erkende leerareas en/
of skoolvakke insluit soos aangedui in die NGOS Jaarboek.
• Studente moet ook in staat wees om twee (2) metodieke te kan
neem ten einde die kwalifikasie te verwerf. Die samestelling in die
graadkursus kan een van die volgende wees:
• Erkende skoolvak/leerarea op vlak 3 + erkende skoolvak/
leeraerea op vlak 1;
• Erkende skoolvak/leerarea op vlak 2 + erkende skoolvak/
leerarea op vlak 2;
• Erkende skoolvak/leerarea op vlak 2 + erkende skoolvak/
leeraerea op vlak 1+ erkende skoolvak/leerarea op vlak 1. In
die geval van ‘n taal word aanbeveel dat die kandidaat ten
minste vlak 2 voltooi het; en
• In geval van ’n keuse tussen metodiek van akademiese vakke
reeds geslaag vir ’n vorige kwalifikasie moet die student die
twee neem waarin hy/sy die hoogste gekwalifiseer is.
• ’n Student wat slegs Plantkunde, Dierkunde of Fisiologie (een
minstens as hoofvak) en geen ander skoolvak in sy graadkursus
ingesluit het nie, sal volle erkenning kry vir sy graad en die NGOS
met Metodiek van Lewenswetenskappe en Metodiek van Leerarea
Natuurwetenskap ontvang. Die studente moet registreer vir
LIFD511 en LAND521 sowel as LAND411 en ADSD521. (Studente
met slegs Fisiologie of Plantkunde of Dierkunde as hoofvak word
voorwaardelik tot die NGOS toegelaat totdat die student bewys
kan lewer dat die basiese kennis ten opsigte van plantkunde,
dierkunde, ekologie en fisiologie verwerf is.)
• ’n Student wat slegs Fisika en Chemie (een minstens as hoofvak)
en geen ander skoolvak in sy graadkursus ingesluit het nie, sal volle
erkenning kry vir sy graad en die NGOS met Metodiek van Fisiese
Wetenskappe en Metodiek van Leerarea Natuurwetenskappe.
Die student moet registreer vir PHSD511 en LAND521, sowel as
LAND411 en ADSD521.
• ‘n Student wat die metodiek van Wiskunde wil neem, moet
Wiskunde op vlak 2 geslaag het, andersins kan Wiskunde op
vlak 1 saam met een van die volgende op vlak 2 aangebied
word: Statistiek, Wiskundige Statistiek, Toegepaste Wiskunde,
Finansiële Wiskunde. ‘n Student wat slegs Wiskunde as hoofvak
het, sal registreer vir MATD511, MATD521 en ook MATD411 en
ADSD521.
• ‘n Student wat die Metodiek van Lewensoriëntering wil neem,
moet twee van die volgende vakke op graadvlak geneem het:
Sosiologie, Sielkunde, Politieke Studies, Menslike Bewegingskunde,
Arbeid- en Industriële Studies, Menseregte en Etiek. Die student
moet dan steeds ook ‘n tweede skoolvak op graadvlak geneem
het vir die tweede metodiek.
• ‘n Student wat die Metodiek van enige taal wil neem, moet dit
op ten minste op graadvlak 2 geslaag het. Indien die student wel
Kommunikasiestudies geslaag het, kan vlak 1 van die taal aanvaar
word.
• Studente wat nog nie hulle eerste graad voltooi het nie, kan by
uitsondering toegelaat word.
Die volgende vakke is deel van die NGOS-program:
Opvoedkunde Teorie, Assessering, Professionele Studies, Opvoedkundige
Sielkunde, Onderwysreg, -stelsels en -administrasie, Lewens -
vaardighede, Rekenaars in die Onderwys, Leerarea Tegnologie, twee (2)
taalbevoegdhede, twee (2) vakmetodieke (wat volg op die skoolvakke
wat reeds op graadvlak voltooi is).

Skoolgebaseerde Onderwysersopleiding
(NGOS en BEd-graad)
Hierdie nuwe model vir onderwysersopleiding is ontwikkel wat
groot voordele inhou vir skole en vir studente wat praktiese ervaring
wil opdoen terwyl hulle studeer. Studente wat in ‘n radius van
350km vanaf die Potchestroomkampus woon geniet voorkeur. Dit is
Skoolgebaseerde Onderwysers opleiding omdat die Universiteit en die
skool gesamentlik die opleiding hanteer.
Dit is ook ’n leerderskapmodel in dié sin dat die student nie net by die
Universiteit sy akademiese professionele opleiding kry nie, maar ook as
“vakleerling” opgelei word in dieselfde opset as waarin hy/sy later gaan
werk. Die student, skool en die Fakulteit Opvoedingswetenskappe sluit
’n kontrak waarin onderling ooreengekom word op die vergoeding,
take en werkstyd van die student.
Toelatingsvereistes
• BEd-studente kan in hulle tweede jaar aansoek doen om na
hierdie opleidingsmodel oor te skakel; en
• NGOS-studente kan by die Toelatingskantoor navraag doen in
verband met toelatingsvereistes in hierdie mod model. o el.
23

24
NWU-Pukke bied...
• Beroepsgerigte opleiding
• Internasionaal erkende grade
• Afrikaans (met opvoedkundige
tolking in sekere kursusse)
• Polsende studentelewe
• Veilige kampus
Tel: 018 299 2772
navrae@nwu.ac.za
nwu.ac.za
nwupuk.mobi