Nuwe boogster op horison - Bowhunter

Die ie bylae vir die boogskutters van Suid-Afrika
Volume 2 Nr 1 / JANUARIE 2006 / RSA
Nuwe boogster
op horison
JANUARIE 2006 PYL EN BOOG
Deur Susan Botha
Werdie van Staden, opwindende
jong ster van die Nyala
Boogklub in Ellisras, Limpopo
Provinsie, het ná sy eerste deelname
aan kompetisies boogskietentoesiaste
gou laat regop
sit. Hy is stadig aan besig om vir
hom landwyd naam te maak en
daar word met ontsag van dié
jong ster gepraat.
Werdie, wat oor net bietjie meer
as ’n jaar ’n boog besit, het ’n
natuurlike aanleg en aanvoeling vir dié uitdagende sport. Gedurende 2005 het hy behoorlik
sy staal in die junior afdeling gewys by al die kompetisies waaraan hy deelgeneem het. Sy
toewyding, fokus en natuurlike talent dwing die agting en respek af van menige gesoute en
ervare boogentoesias. Wat die 13-jarige Werdie se prestasies so merkwaardig maak, is die
feit dat hy maar eers ’n paar maande gelede ’n junior geword het.
Werdie het in bykans elke klubkompetisie van die Nyala Boogklub die junior afdeling
gewen. Sy eerste amptelike deelname aan ’n kompetisie was egter verlede jaar in Julie by
die wêreld boogjag-kampioenskappe by Loskopdam waar hy in die vierde plek van die
junior afdeling uitgeblink het. Dit was voorwaar ’n grootse prestasie, veral gesien in die
lig dat hy die jongste junior by die kampioenskappe was. Die feit dat hy teen ouer en meer
ervare juniors moes kompeteer, het hom geensins van stryk gebring nie.
Daarvandaan het dit stoomroller gegaan. By die Limpopo boogjag-kampioenskappe
wat op 24 September 2005 by Haenertsburg gehou is, het Werdie die “Junior Bowhunter
Unlimited” titel verower. Nie die moeilike terrein van Haenertsburg of die huidige junior
wêreldkampioen kon hom stuit nie.
Daarna was dit die Vrystaat boogjag-kampioenskappe in Bloemfontein op Saterdag,
29 Oktober 2005, waar Werdie nie net die junior afdeling gewen het nie, maar ook die
hoogste algehele puntetelling behaal het. Verteenwoordigers van SANIFAA het te kenne
gegee dat dit nie lank gaan wees voordat hy vir provinsiale kleure gaan kwalifiseer nie.
By die nasionale kampioenskappe van die African Bowhunting Organisation, ’n affiliasie
van die International Bowhunting Organisation, by Groenkloof Natuurreservaat net
buite Pretoria op 19 November verlede jaar, het Werdie met die louere in die junior afdeling
weggeloop. Meer as 200 deelnemers van regoor die land het aan dié gesogte boog-
Z bladsy ii
In hierdie uitgawe
i Nuwe boogster op horison
deur Susan Botha
ii Geraasfaktore by boogskiet
deur Adriaan Rall
iii Waarom jag ons?
deur Johan Smit
iv Boogklub skitter na afskop
deur Susan Botha
vi Slaggereed vir 2006
deur Ria Kaal
vii SABA nuus
deur Tanya Theron
Pyl & Boog is ’n amptelike bylae tot Africa’s
Bowhunter and Archer
Uitgewer
Rean Steenkamp
Tel: (012) 335 1998
Faks: (012) 335 5066
E-pos: editor@africanarcher.com
Redakteur
Tom Cairncross
Tel: (012) 335 1998
Faks: (012) 335 5066
E-pos: tom@africasbowhunter.co.za
Ontwerp en uitleg
Andre van Schaik
E-pos: repro@africasbowhunter.co.za
Repoduksie en druk
KagisoBM
Advertensies
Tom Cairncross / Surina Oberholzer
Tel: (012) 335 1998
Faks: (012) 335 5066
E-pos: editor@africasbowhunter.co.za
Posadres
Sewende laan 759,
Wonderboom-Suid. 0084
Webwerf
www.africasbowhunter.co.za
Lesers het nou die gulde
geleentheid om van PYL
& BOOG gebruik te
maak om interessante
gebeurlik hede, ervarings
en prestasies rondom
boogskiet vir publikasie
deur te gee. Laat van
julle hoor!
Tom Cairncross
i

ii
Geraasfaktore
by boogskiet
Deur Adriaan Rall
Boogjagsukses kan grootliks toeneem wanneer booggeraas
soveel moontlik beperk word. Wanneer ’n pyl uit
’n boog geskiet word, is daar hoofsaaklik drie faktore
wat diere kan laat reageer.
1. Snellergeluid
Die klikgeluid wat veroorsaak word deur die kake van die sneller
wat oopswaai en teen die snellerraamwerk kap, is een van
die mees onderskatte geluide tydens boogskiet. Kyk maar na die
radarantenna-ore van ’n koedoe – jy kan jou net indink wat die
koedoe kan hoor. Diere is normaalweg nie sensitief vir natuurlike
geluide nie, maar maak net ’n geluid van meganiese oorsprong,
dan vlug hulle blindelings. Plak stukkies pleister of rubber op
die kant van die snellerraam of op die agterkant van die kake om
hierdie klikgeluid te demp.
2. Booggeraas
Geluide wat ’n oorsprong in die boog self het, kan in drie onderafdelings
verdeel word:
a. Snaargeraas
Die getweng van die snaar is ook ’n geluid wat diere dikwels
laat reageer. Daar is verskeie patente op die mark wat hierdie
geluid demp, maar my ondervinding is dat die “string leeches”
van Sims die beste werk. ’n Snaar wat soos ’n ghitaarsnaar sing,
se geluid sal slegs deur “string leeches” in die snaar te plaas, na
behore gedemp word.
b. Boogarmgeluid en vibrasie
Die geluid wat vanaf die boogarms kom wanneer dit terugskiet
uit die gespande posisie, kan gedemp word deur verskeie appa-
H bladsy i – Nuwe boogster op horison
kompetisie deelgeneem. Tydens die nasionale kampioenskappe
by Wolmaransstad het Werdie, die jongste in sy groep, die vyfde
plek behaal.
Werdie geniet egter jagpunt-kompetisies die meeste en het
selfs meer as een keer seniors op hul neuse laat kyk deur die
deelnemer te wees wat die hoogste punte behaal het. Volgens
André Theron, voorsitter van SABA, is Werdie ’n seun wat met
groot belangstelling dopgehou moet word.
JC Botha, voorsitter van die Nyala Boogklub, is dit eens dat
“indien Werdie die druk kan verwerk en sy voete op die grond
hou, hy ’n ware kampioen sal word. Met die regte leiding en
rate op die arms en/of die
raam vas te heg, bv. Limb
Savers. Daar is ’n hele aantal
stabiliseerders en dempers
wat hierdie geluid en
vibrasie baie effektief sal
demp. Dit is weer eens belangrik om nie jou ore uit te leen nie,
maar die verskillende modelle self uit te toets en te evalueer.
c. Wegvalrus
Die derde geluid wat by die boog self ontstaan, is die geluid
wat gemaak word wanneer van ’n wegvalrus gebruik gemaak
word. In die meeste gevalle word dit veroorsaak wanneer die
wegvalrus met die raamwerk kontak maak in die af-posisie. Die
Amerikaners het ’n materiaalproduk wat hulle “moleskin” noem.
Hierdie materiaal het ’n gomrugkant en ’n wolvoorkant. Dit
word dan só geplak dat die rus daardeur gestop word wanneer
die rus wegval en die kap teen die raam sodoende vermy word.
Maak ook seker dat ’n wegvalrus se interne meganika doodstil is
voordat jy dit koop.
3. Pylgesuis
Die geluid van ’n inkomende pyl na ’n dier is by verreweg die
nommer een faktor wat ’n dier sal laat “pylspring” – dit kan
nie genoeg beklemtoon word nie. Hierdie aspek is al vantevore
behandel, maar ek wil dit weer eens uitlig: hoe meer pylpunt- en
veeroppervlakte aan die lug blootgestel word, hoe meer geraas!
Nodeloos om te sê, wanneer die skut sy eie pyl deur die lug kan
hoor trek is die pyl hopeloos te raserig. Verder kan ook na die pyl
geluister word vanaf ’n veilige posisie naby die teiken – elimineer
so alle raserige pyle.
k
toewyding het ons ’n toekomstige internasionale kampioen”.
Werdie, wat nou met rasse skrede besig is om ’n huishoudelike
naam onder boogentoesiaste te word, is ’n jong man so na
’n mens se hart! Die Nyala Boogklub is met reg trots op hiérdie
opwindende jong ster wat besig is om in ’n boogskutter van formaat
te ontwikkel.
k
Om in Pyl en Boog te adverteer
Kontak:
Tom Cairncross / Surina Oberholzer
Tel:(012) 335 1998
Faks:(012) 335 5066
E-pos:editor@africasbowhunter.co.za
PYL EN BOOG JANUARIE 2006

Waarom jag ons?
Deur Johan Smit
Ek kan onmiddellik sien hoe die ore gespits
word vir ’n sekere frekwensie en die nekare
heeltemal uit posisie en donkerblou al dikker
swel. Wel, ek het Adriaan Rall al by geleentheid
hoor sê: “Nou is ek besig om geheel en
al oor die tou te trap.”
Voordat almal se bloeddruk buite verhouding
begin styg, laat my asseblief toe om my storie
klaar te vertel.
Hoekom boogskiet, en meer spesifiek, hoekom
jag met pyl en boog? Dit is ’n vraag wat ek my elke
jaar afvra wanneer ek in die pragtige bosveld met
my .308 of my gunsteling .375 stap. Dan hou ek in
gedagte dat my .375 geweer wat gelaai is met ’n
270-grein patroon nagenoeg 4200 voet/pond energie
voortbring. Volgens my berekening is dit minstens
55 keer meer energie as die gemiddelde kragboog
op die mark. Ek wil dit nie eers naastenby met my
gunsteling tradisionele toerusting vergelyk nie.
Ek betwyfel nie dat die vermoë van pyl en boog
enigsins minderwaardig is in vergelyking met ’n
kragtige geweer nie. Inteendeel, dit is net so dodelik
in die hande van ’n goed opgeleide en ervare jagter.
Neem kennis dat ek opgeleide en ervare noem. Ek
weet ook dat ervaring nie opgedoen kan word sonder
om te jag nie, maar ons kan seker maak dat hy of sy
die regte opleiding kry. Ek dink dit is hier waar die
booghandelaars ’n belangrike rol kan en moet speel.
Wat is die argument? Wees geduldig. Hier is die
vraag. Wat is die boodskap wat na die res van die wêreld uitgestuur
word? Ons is almal deeglik bewus van verskeie bewegings
wat hulle vir diereregte beywer. Met die ore op die grond is dit
duidelik dat daar toenemend ’n groeiende protes teen jag is.
Hoekom vertel ek die storie – omdat my beste jagtogte nóg,
dié was met pyl en boog wat ek met my seun, familie en vriende
meegemaak het. Om in die veld te loop en bekruip of om hoog in
’n boom te sit en moeder natuur te bewonder, maak jou gemoed
skoon van die gejaag en probleme van die moderne samele wing.
Ek probeer om minstens twee of drie keer per jaar en selfs meer
te jag indien my bankbestuurder dit sou toelaat. En as ek nie self
kan jag nie, geniet ek dit om die ervaring en sukses van ander
jagters te deel onder meer met behulp van videos, DVD’s en
boogtydskrifte te lees.
Bogenoemde is presies die uitdaging wat my aangespoor het
om die artikel te skryf. Ons weet almal dat videomateriaal en
artikels beskikbaar is vir almal om te kyk en te lees, selfs diegene
wat gekant is teen jag. My kommer is dat ek onlangs na videos
gekyk het waar die jagter sy sukses op so ’n wyse uitgebasuin
het, dat dit selfs vir my as jagter ’n bitter smaak in die mond
JANUARIE 2006 PYL EN BOOG
gelaat het.
Visualiseer byvoorbeeld die jagtegnieke van die luiperd en
wildehond. Waarom is mense so sensitief wanneer wildehonde
hul prooi jag? Hulle maak tog dood ter wille van oorlewing.
Moet ons nie onsself afvra waarom ons jag nie? Is dit vir eie
egostreling, roem of wil ons met ander meeding en bewys dat
ons beter is? Wat kry ek hieruit? Ek kan die versekering gee dat
dit gewis nie net vir die vleis is nie. Jag is vir hierdie doel net
heeltemal te duur. Dink maar aan die ekstra uitgawes soos brandstof
om by die jagveld te kom, daggeld, verblyf ensovoort.
Vir watter rede daar ookal gejag word, dink ek dit sal net
billik wees om deur te gee oor waarom en hoe daar gejag is.
Wat die regte boodskap hier is, het ek nie in pag nie, maar dit
behoort nie die anti-jag aktiviste in hul pogings aan te moedig
nie. Respekteer die natuur en diere wat ons jag. Jag was nog
altyd deel van die mens sedert ons voorouers vir ’n lewe gejag
het. Ons hoef nie meer vir oorlewing te jag nie, maar jag is steeds
deel van ons. Dit is daardie iets diep binne wat ons vir die uitdaging
aanspoor; om nader aan die natuur te kom en deel te wees
van die super-roofdiere.
k
iii

iv
Boogklub skit
Deur Susan Botha
2005 was die wegspring-jaar vir die Nyala Boogklub
in Ellisras (Lephalale), Limpopo Provinsie. Die Klub het
gegroei, verbeter en presteer soos wat die maande
verbygevlieg het. Die klub se naam is by meer as een
geleentheid hoog gehou en met die eindjaarfunksie is
dit weer eens duidelik bewys dat “daar is honde wat
maar net hoef te knor, omdat hulle reeds tevore gewys
het dat hulle kan byt”.
Die gespierde Nyala Boogklub het ’n glorieryke jaar in
Ellisras se geskiedenis gevier met vele hoogtepunte. In
die boogklub se een jaar lange bestaan, is elf geslaagde klubkompetisies
gehou, waarvan vier deur omliggende klubs bygewoon
is, van sover as Tzaneen en Pietersburg (Polokwane) tot
Thabazimbi en Vaalwater. Daarby het die klub in die afgelope
jaar ’n volwaardige 2-D en 3-D teikenbaan volgens SANIFAAstandaarde
op die been gebring.
Tydens die jaareindfunksie by Angus Brown Safari’s op
Saterdag, 26 November 2005, is die jaar se skitterende aktiwiteite
op gepaste wyse afgesluit. Saterdagoggend is ’n opwin dende
pret-skiet gehou op ’n baan wat volgens tipiese jagsituasies deur
Angus Brown uitgelê was, waarna punte vir etiese skote ge-evalueer
en toegeken is. Angus Brown het na véle vrae en redenasies
verduidelik waarom sekere skote oneties is. Daarna is die algemene
jaarvergadering gehou, waarna die trofee-uitdeling en ’n
spitbraai lede vir hul toewyding en lojaliteit beloon het.
Tydens die algemene jaarvergadering is 2005 se bestuur as
die bestuur vir 2006 herverkies, met JC Botha in die voorsitterstoel,
Petrus Janse van Rensburg as vise-voorsitter, Susan Botha
as tesourier/sekretaris en André Lourens as addisionele lid. Met
die oorweldigende uitbreiding van die klub het dit nodig geword
dat die bestuur ook moes uitbrei en is Hennie van Staden as
spanbestuurder verkies en Buks Swanepoel as ’n tweede addisionele
lid.
Die boogklub het gedurende die algemene jaarvergadering
die sluier gelig oor sy planne vir 2006. ’n Liga-stelsel met die
huidige SANIFAA-boogklubs in die Limpopo Provinsie word
onder meer beplan wat kompetisie sal versterk en standaarde kan
verhoog. Nyala Boogklublede is ernstig oor dié gewilde sport en
is haastig om provinsiale en nasionale kleure te verwerf. Met die
natuurlike talent waaroor die boogklub beskik behoort hy binne
die komende jaar ’n hele paar kampioene en provinsiale sowel as
nasionale verteenwoordigers op te lewer.
Die gassprekers tydens die jaareindfunksie was Angus Brown
van Angus Brown Safari’s en André Theron, voorsitter van die SA
Boogjagtersvereniging (SABA). Angus het vanweë sy magdom
kennis, boogvaardigheid, ervaring en liefde en respek vir wild en
die natuur waardevolle insette oor etiese boogjag gelewer. André
Theron het Angus se passie gedeel en het dit onomwonde ge stel
dat boogjagters versigtigheid aan die dag moet lê om te alle tye
Hennie van Staden (heel regs), die top presteerder van die jaar,
saam met Angus Brown (middel) en JC Botha.
Nick Kilbride (regs) – top senior van die jaar, saam met JC Botha.
eties en verantwoordelik op te tree ten einde nie die toekoms van
boogjag te skaad nie. Dit was opwindend om ’n aand saam met
meesters op hierdie gebied deur te bring.
Die Nyala Boogklub se lede het met die trofee-uitdeling 'n
soete beloning ontvang ná ’n jaar van toewyding. JC Botha het
onder meer genoem dat ’n wenner iemand is wat oor deursettingsvermoë,
dissipline, fokus, respek en integriteit beskik.
Dit was daarom met trots dat Nick Kilbride as die top senior
aangewys was, Werdie van Staden as die top junior en Maudine
Gründlingh as die top “cub”.
Die grand finalé en hoogtepunt van die aand was ongetwyfeld
die toekenning van die Angus Brown Wisseltrofee vir
die top presteerder. Die wisseltrofee is na Angus Brown vernoem
omdat hy een van die baanbrekers in etiese boogjag was en in
samewerking met natuurbewaring standaarde vir boogjag van
gevaarlike wild opgestel het.
PYL EN BOOG JANUARIE 2006

ter na afskop
Werdie van Staden, top junior van die jaar.
Maudine Gründlingh, top “cub” van die jaar.
JANUARIE 2006 PYL EN BOOG
Angus Brown van Angus Brown Safari’s en André Theron, voorsitter van
SABA.
Die kriteria waaraan die top presteerder moes
voldoen was om ten spyte van, en nié ten koste van, nog
steeds uit te staan – iemand met “flair”. Daarby moes
die persoon altyd eties optree – in sy daaglikse wandel
en in sy sport. Botha het dit beklemtoon dat dit veral
ook iemand moes wees wat “verantwoordelik is in sy
optrede, in sy bewus wees van die rol wat hy speel om
die sport te bevorder, en veral verantwoordelik is oor
die invloed wat hy teenoor sy mede-boogentoesiaste
uitoefen!” Almal was dit eens dat Hennie van Staden dié
trofee waardig sou wees!
Angus Brown en André Theron was vol lof vir die
Nyala Boogklub – vir hul toewyding, hul geesdrif, passie,
sportmangees en die uitsonderlike kameraderie wat
onder die lede heers.
Vir enige navrae om by die Nyala Boogklub betrokke te raak,
kontak gerus vir JC of Susan Botha by telefoon (014) 763 2650
of coronatus@mweb.co.za.
T
LAA LAAT AAT NUUS
Die volgende SANIFAA kompetisie
sal 28 Januarie 2006
kompetisie
Januarie 2006
kompetisie
plaasvind. Dit
sal die eerste boogjagkwalifiseerder van die sei- sei-
soen wees en word deur Under African
Skies op Ilanga aangebied.
Besoek www.africasbowhunter.co.za vir ‘n volledige
verslag deur Babs van Leeuwen oor die 2005
Bowhunter Nationals.
v

vi
Slaggereed vir 2006
Deur Ria Kaal
Dagsê. Teen die tyd dat julle hier lees is 2005 moontlik
reeds agter die rug, en maak julle reg vir wat voorlê in
2006.
My wens is dat julle almal die Desember-vakansie gebruik
het om alles te doen wat julle wou en dat julle ’n ge seënde
Kerstyd met familie en vriende gehad het. Hopelik was julle
eksamenuitslae ook na wense en het julle tyd gemaak om ’n
bietjie boog te skiet.
Dankie aan almal wat hul besonderhede oor die beplande
nasionale skoolliga vir boogskutters aangestuur het. Ek sal
almal in Januarie kontak met verdere inligting. Tot dusver het ek
’n paar interessante oproepe gehad met mense wat in die konsep
belangstel.
Ek het egter meer reaksie verwag en dit blyk dat boogskutters
wat lede van die nasionale liggame is die idee het dat hulle
nie hoef te registreer nie. Ek wil alle junior boogskutters in
Suid-Afrika op hierdie register hê.
Volgens die kompetisie-uitslae wat in die S.A. Archer verskyn
het, is daar nog ’n klomp jongmense wat my moet kontak.
’n Hele paar kompetisies het in die laaste paar
maande van 2005 plaasgevind, insluitende die Nasionale
Boogjagterskompetisie in Desember. Ek hoop dat al die deelnemers
dit geniet het en goeie tellings geskiet het. Die juniors wat
deelgeneem het, stuur jou kommentaar na my e-pos:
schoolleauge@archeryadvancer.co.za, faks: 012 803 3414 of
Posbus 75503, Lynwoodrif 0040. Sluit ook besonderhede in oor
die reëlings, rondtes geskiet en veranderings wat jy dink nodig
is.
Het julle algemene vrae oor boogskiet? Stuur jou vraag
en ek sal dit beantwoord in die Pyl en Boog, en sodoende die
inligting ook aan ander verskaf.
Ek sien uit daarna om almal in die “Archery Schools League
SA” (ASLSA) gedurende 2006 te betrek. Vertel jou maats
hiervan en kom ons sien of ons hulle ook by ons sport kan
betrek. Beginners kan ook deelneem in die liga.
Die liga sal uit spesiale skietrondtes bestaan en reëls sal
streng toegepas word. Lede van die verskillende boogskietverenigings
moet asseblief so gou moontlik registreer. (Sien
Pyl en Boog se November- en Desember-uitgawes rakende die
inligting oor die verenigings en die besonderhede wat ek nodig
het.)
Alle voorspoed aan almal vir 2006. Hou die blink kant bo,
jou oog op die goud en mag jou pyle reguit na die kol vlieg. k
PYL EN BOOG JANUARIE 2006

SABA NUUS
JANUARIE 2006 PYL EN BOOG
Deur Tanya Theron
Februarie boogskietdag
Ons eerste kompetisie vir 2006
vind soos volg plaas:
Plek: Arrow Rest Safaris, Beestekraal
Datum: Saterdag, 4 Februarie 2006
Registrasie: 8:00
Kompetisie begin: 9:30
Inskrywing: R60 vir SABA lede, R80 vir nie-lede
Padaanwysing: Van Pretoria ry na Brits, op die Brits/
Thabazimbi pad. ±37 km. Na Brits,
draai links op die Beestekraal pad. Ry
±4km draai dan regs op die Vaalkopdam
pad. Na ± 9km sal jy Arrow Rest Safaris
op linkerhand sien.
Bykomende inligting: Johan 083 629 8251, Kim 072 737 1031,
André 082 909 8765.
Akkommodasie: Bel Natasha Hermann: 083 324 8251 of
012 277 1207.
Arrow Rest het ’n interessante skietbaan en word altyd goed
ondersteun. Ons moedig almal aan om ’n heerlike pretdag te
kom geniet. Dit is ’n gulde geleentheid om die spinnerakke
van die boogsnare af te vee en om 2006 te begin met die oog
daarop om pyle eties in die kol te plaas. Tradisionele skuts is ook
baie welkom om die kragboogskuts te wys hoe dit nou eintlik
gedoen word. Gades en families is ook welkom om die dag in
die pragtige omgewing en buitelug deur te bring. Swemgeriewe
is beskikbaar en soos altyd sal tuisgebak en heerlike drinkgoed
te koop wees. Akkommodasie is beskikbaar vir diegene wat wil
oorslaap, maar vooraf bespreking is noodsaaklik.
Daar sal geleentheid wees om SABA-lidmaatskap te hernu
en ook om as nuwe lede in te skryf.
Boogjag-navrae: André Theron 082 909 8765
Lidmaatskap-navrae: Karen of Surina (012) 335 1998
Ander skietgeleenthede vir 2006
Is daar ’n aantal boogskuts in jou gebied en iemand wat graag ’n
SABA-skietdag wil hou? Ons is juis op die uitkyk vir geskikte
plekke vir die res van 2006. As jy enige voorstelle het, kan die
inligting gestuur word na editor@africasbowhunter.co.za of
gefaks word na 012 335 5066. As jy dit wil bespreek, bel André
Theron by 082 909 8765.
Promosie-artikels vir SABA lede
Plakkers wat gebruik kan word vir lisensiehouers op motors, op
boogsakke of motorbuffers is beskikbaar teen R10. Geborduurde
SABA-wapens kos R50. Vir bestellings kontak Karen of Surina
by 012 335 1998.
Lidmaatskaphernuwings
Jou SABA lidmaatskap was geldig tot einde Desember 2005.
Surina en Karen koördineer hernuwings en nuwe lede vir 2006.
Aansoekvorm hiernaas. Ons nuwe lidkaarte is gelamineer met
jou naam, lidnommer en nuwe SABA-logo.
Voordele vir SABA-lidmaatskap
SABA is die enigste geregistreerde boogjag-organisasie in Suid-
Afrika en werk nou saam met ander geaffilieerde organisasies
om die standaard van boogjag voortdurend te verbeter en om
die regte van boogjagters te beskerm. SABA organiseer boogskietkompetisies
en sal besonderhede na lede SMS. Groot pryse,
wat jagte insluit, kan gewen word. Ons verskaf ’n algemene
adviesdiens en ons komiteelede spog met meer as 50 jaar se
ervaring tussen hulle. SABA is ’n nie-winsgewende organisasie
wat deur vrywilligers bestuur word, met die oog om boogjag te
bevorder. Alle fondse word teruggeploeg in die organisasie om
die doelwitte te bereik. Alle lidmaatskapnavrae moet gerig word
aan Karen of Surina by 012 335 1998.
Ons sien daarna uit om jou by Arrow Rest se skietdag te
ontmoet.
k
vii

viii
PYL EN BOOG JANUARIE 2006