Nuwe terme aangaande tradisionele boogskiet - Bowhunter

Die bylae vir die boogskutters van Suid-Africa
Volume 2 Nr 2 / FEBRUARIE 2006 / RSA
Nuwe terme aangaande
tradisionele boogskiet
FEBRUARIE 2006 PYL EN BOOG
Deur Tom Cairncross
Armskerm: word aan die voorarm geplaas om dit te beskerm wanneer
met ’n boog geskiet word. (Armguard)
Pylrus: die deel van die boog waar die pyl rus voordat geskiet word.
(Arrow rest)
Pylplaatjie: stukkie materiaal wat aan die kant van die pylrus aangebring
word om die boog te beskerm. (Arrow plate)
Pylskag: hoofkomponent van die pyl wat van ’n verskeidenheid materiaal gemaak kan word.
(Arrow shaft)
Handvatsel: die middelste gedeelte van die boog wat die pylrak insluit. (Riser)
Pylrak: die deel van die boog reg bokant die greep of handvatsel van die boog waar die pyl
geplaas word wanneer van die rak af geskiet te word. (Arrow shelf)
Rugkant of rug van die boog: die deel van die boog die verste van die skut as die boog
vasgehou word. (Back of bow)
Buik of maagkant van die boog: die deel die naaste aan die skut wanneer die boog vasgehou
word. (Belly)
Rug-pylkoker: buisvormige koker wat op die rug gedra word.(Back quiver)
Boogkoker: koker wat aan die boog geheg word. (Bow quiver)
Stomp punte: stomp pylpunte wat van verskeie materiaal gemaak word om oefenskote te
skiet. (Blunts)
Span van die boog: wanneer die boog
gespan word om te skiet. (Brace)
Boogsnaar: die snaar wat van boogpunt tot
boogpunt gespan word. (Bow string)
Spantou: word gebruik om die boogsnaar
aan die boog te span en te ontspan. (Bow
stringer)
Jagpunt: ’n jagpunt met twee of meer
snykante. (Broadhead)
Langboog: ’n boog waarvan die snaar nie
die buik of maagkant raak wanneer die boog
gespan is nie. Vorm gewoonlik ’n aaneenlopende
“D” wanneer gespan. (Longbow)
Kurfboog/kromboog: ’n boog waarvan die
punte wegbuig van die snaar en waarvan die
snaar die buik of maagkant raak wanneer die
boog gespan is. (Recurve bow)
(Enige persoon is welkom om insette te
lewer. Dit is ’n groei- en leerproses. Volgende
keer nog ’n klompie skeppings)
k
In hierdie uitgawe
i Nuwe terme aangaande tradisionele
boogskiet
ii Boogskietbaan gewild op
Clarens
iii ‘n Paar gedagtes oor maksimum
jagsukses
iv Boogskiet in Noordwes lok talle
belangstellendes
v Bosvarkjag te Rankinspas
vi Registreer vir skoolliga
vi ’n Jongeling om mee rekening te
hou
vii SABA nuus
Pyl & Boog is ’n amptelike bylae tot Africa’s
Bowhunter and Archer
Uitgewer
Rean Steenkamp
Tel: (012) 335 1998
Faks: (012) 335 5066
E-pos: editor@africanarcher.com
Redakteur
Tom Cairncross
Tel: (012) 335 1998
Faks: (012) 335 5066
E-pos: tom@africasbowhunter.co.za
Ontwerp en uitleg
Andre van Schaik
E-pos: repro@africasbowhunter.co.za
Repoduksie en druk
KagisoBM
Advertensies
Tom Cairncross / Surina Oberholzer
Tel: (012) 335 1998
Faks: (012) 335 5066
E-pos: editor@africasbowhunter.co.za
Posadres
Sewende laan 759,
Wonderboom-Suid. 0084
Webwerf
www.africasbowhunter.co.za
Lesers het nou die gulde
geleentheid om van PYL
& BOOG gebruik te
maak om interessante
gebeurlik hede, ervarings
en prestasies rondom
boogskiet vir publikasie
deur te gee. Laat van
julle hoor!
Tom Cairncross
i

ii
Boogskietbaan gewild
op Clarens
Deur Johan Combrinck
Bent Stick Archery het net bietjie meer as 13 maande
gelede sy hekke op die skilderagtige dorpie Clarens in
die Oos-Vrystaat geopen. Inderdaad is hekke ge open,
omdat dit ’n baan vir boogskutters is en geensins ’n
boogwinkel nie. Hoogte- en laagtepunte is ervaar,
maar uiteindelik was alles die moeite werd.
Die onderneming het as ’n droom posgevat en gaandeweg
met deursettingsvermoë en harde werk ’n werklikheid
geword. Die gedagte aan ’n boogwinkel is dalk ook nou nie te
vergesog nie.
’n Paar doelwitte is aanvanklik gestel. Die een was om ’n
bykomende aktiwiteit op Clarens vir toeriste en ander besoekers
beskikbaar te stel. Die ander belangriker rede was om meer
mense aan boogskiet-sport bloot te stel. ’n Kykie in die gasteboek
is genoegsame bewys dat aan albei die doelwitte voldoen
is.
Ons het ook die geleentheid gehad om belangstellendes landwyd
na boogwinkels, skietbane en boogskietklubs te verwys in
die onderskeie omgewings waar hulle woon om sodoende die
boogskietbelangstelling verder uit te bou.
Ek moet toegee dat my voorkeur vir die kromboog (recurve)
en die langboog meebring dat ek nie die kragboog op die baan
gebruik nie. Dit kan as negatief beskou word, maar om behoorlike
afrigting in tradisionele boogskiet te gee, het sy eiesoortige
voordele. Hopelik sal daar in die toekoms na die kragboog gekyk
word.
Daar is voorvalle die afgelope meer as ’n jaar wat ’n mens
bybly. Een daarvan is die eienaardige gevoel om as instrukteur
voor drie vreemdelinge afrigting te doen. Sedertdien is selfs elf
of meer klante nie meer so ongemaklik nie.
Die skietstyl wat toegepas word kan as ’n samestelling van
instinktief en verwysing gesien word, met geen korrel om te mik
nie. Die feit dat die kolgedeelte op die teikens sleg onder die pyle
deurloop is ’n bewys van die effektiwiteit van die besonderde
tegniek. Wanneer onderrig plaasvind, probeer ek dat die boog
by die skut aanpas. Daarom is boë van tussen 16 tot 33 pond
trekkrag beskikbaar.
’n Ander belangrike voorvereiste is geduld (sommer baie
daarvan) om ’n gelukkige klant en ’n selftevrede instrukteur te
verseker.
Wanneer vrae oor kragboë en jagtegnieke opduik, verwys ek
mense na boogwinkels omdat ek nie genoeg daarvan weet nie.
Van die aangenaamste tye op die baan is wanneer jong
kinders afrigting kry; en sou hulle reg behandel en afgerig word,
is dit ’n belegging in die volgende geslag boogentoesiaste. Die
tevrede glimlag op die jeugdige se gesig wanneer die peil die
goue sirkel tref, maak alles die moeite werd.
Selftevredenheid en dankbaarheid is sterk gewaarwordinge
as jy sien hoe ’n persoon met ’n besering of ander liggaamlike
probleem met die grootste toewyding sy allerbeste lewer – ’n
bewys dat boogskiet tot vandag toe nog inherent in die mens se
wese voortleef.
Ander interessante waarnemings is wanneer ’n egpaar by die
baan opdaag om die kunsies aan te leer en dan later te sien hoe
die man se ego erg aangetas word wanneer vroulief die een kol
na die ander tref – dalk ingebore aanleg?
Al hierdie wonderlike ervaringe sou nie daar gewees het nie,
as dit nie vir die genade van Bo en die hulp van my vrou, Susan,
was nie. Sy is my mede-instrukteur, die oë agter in my kop en
sommer baie meer. Sy is ook ’n groot inspirasie wanneer die
dames en kinders ’n draai by die baan maak.
Die afgelope 13 maande was goed. Die opwinding oor wie
vanjaar ons paaie gaan kruis is daar, maar ons sal dit soos in die
verlede hanteer.
Mag al julle pyle die kol tref en mag die sport in geheel tot
ondenkbare hoogtes groei.
k
PYL EN BOOG FEBRUARIE 2006

’n Paar
gedagtes oor
maksimum
jagsukses
Deur Johan Smit
Vir ’n breukdeel van ’n sekonde het die wit en oranje
vere net bokant die bladbeen van die wildebees gewys
en ek het instinktief geweet dit is nie ’n goeie skoot nie.
Dié vermoede is toe ook later bevestig nadat ek die pyl
opgetel het en daarvolgens ’n afleiding oor die diepte
van die penetrasie daarvan kon maak.
Na ongeveer agt agtereenvolgende suksesverhale met my
tradisionele kromboog het ek gedink die suksesjoernale van
tradisionele boogjag gaan herskryf word. Helaas, dit was toe nie
so nie. Na twee agtereenvolgende mislukte pogings wat onder
meer ’n eland en ’n rooibok insluit, is ek so ietwat ontnugter.
Daar is legio redes waarom ek misluk het, maar ek sal jou my
verskonings spaar.
Wat ookal die rede vir swak skootplasing is, reken ek die
gebrek aan kwaliteitoefening bly een van die grootste oorsake.
Veral wanneer daar met tradisionele toerusting gejag word. As
ons in ag neem dat die meeste jagte vandag vanuit skuilings
gebeur, raai ek aan dat jy in dié omstandighede oefen. Al die
diere wat ek sover gekwes het, was uit skuilings. Nie dat ek
iets teen skuilings het nie, maar ek het nie seker gemaak dat ek
effektief vanuit ’n skuiling kan skiet nie. Nege uit die tien keer
moet jy of uit ’n ongemakilike posisie skiet, of die skuiling is
nie hoog genoeg om jou tradisionele boog te akkommodeer nie.
En ’n mens neig om té hoog te skiet aangesien jou persepsie
van afstand anders vanuit ’n skuiling is. Bokkoors eis ook sy
tol. Ek en ’n groot jagmaat van my het al bespiegel of ’n bietjie
Schnapps nie miskien die oplossing vir bokkoors is nie.
Die aankoop van ’n kragboog het my amper ’n paar vriende
gekos. Tog het ek dit met ’n rede gedoen. As ek vind dat ek nie
FEBRUARIE 2006 PYL EN BOOG
in goeie vorm met die tradisionele boog is nie, dan wend ek my
tot die kragboog. Ek het ook al daarmee gekwes, maar ek moet
erken die persentasie sukses is baie nader aan 100 persent. Moet
nie ’n fout maak nie, daar is tradisionele jagters wat ek ken wat
meer suksesvol met die kromboog en langboog is as van die
kragboogjagters.
As ek iets sou kon bereik in dié rubriek is dit om die jag met
tradisionele pyl en boog die status te laat kry wat dit toekom. Ek
dink my mede tradisionaliste sal saamstem dat die suskses van
die verhaal by ons lê. Ek wil graag ’n paar punte voorstel wat
miskien kan help om die jagsukses te verbeter. Ek dink van die
gedagtes mag ook jagters met kragboë help.
Maak seker jy skiet die swaarste toerusting wat jy met gemak
kan hanteer. Enige tradisionele boog van gehalte tussen 50
en 60 pond sal jou die minimum kinetiese energie van 40vt/
pd gee. Ek weet dit kom nie naby die energie van ’n 70 pond
kragboog nie, maar glo my met ’n jagpunt met die regte sny
op inpak (Magnus Snuffer, Simmons Treeshark en vele ander)
en ’n medium-swaargewigpyl is penetrasie nie ’n probleem
nie. Natuurlik moet die jagpunte skerp wees. Om die waaruit
te sê was daar geen verskil in penetrasie op varke wat ek met
my 65 pond kromboog en 70 pond kragboog geskiet het nie.
Oefen genoeg en oefen die regte vorm. Ons kan vir ure in
die agterplaas staan en skiet en dalk ses duim groepeer op 20
meter, maar is dit genoeg? Kan jy met sekerheid weet dat jy
in ’n jagsituasie maksimum sukses gaan hê. Oefen om uit ’n
skuiling te skiet as jy beplan om só te gaan jag. Ek wil my
amper verstout deur te sê jy moet nie 90 persent seker voel
jy kan maar gaan jag nie, maar 100 persent. Jagters wat met
tradisionele toerusting jag weet maar té goed hoe moeilik dit
is.
Ken jou eie beperkinge en die beperkinge van jou toerus ting.
Indien jy gereed is om op 20 meter te kan jag moet dan nie
die kans waag as die dier dalk op 25 meter staan nie. Tog
moet jy jou vaardigheid op langer afstande toets. Om op
langer afstande te oefen verbeter jy jou algehele vorm. Ek
weet baie jagters het al sukses gehad met ligte toerusting op
groot wild soos die eland, maar ek is oortuig indien jy een
van daardie voorste ribbebene moet breek het jy ietsie sterkers
nodig.
Gesels met dié wat weet. Toemaar, dit is nie ek nie, maar ek
ken sulke mense. As daar nou een persoon is na wie ek luister
as dit by die jag met tradisionele toerusting kom, dan is dit
Henk du Plessis. Hy sal dalk nie gelukkig wees as almal hom
skielik begin bel nie en dit is ook nie my voorstel nie. Wat ek
bedoel is, leer by mense met meer ervaring. As jy sukkel met
jou vorm gaan soek die kundigheid wat nodig is om jou ’n
beter skut en jagter te maak.
Neem deel aan kompetisies en veral die “broadhead shoots”.
Deur aan dié kompetisies deel te neem kry ’n mens ’n goeie
idee van ’n mens se vaardigheid.
Om aan te sluit by my vorige artikel. Ek reken dit is in belang van
die voortbestaan van jag as geheel dat ons ons daartoe be ywer
om ons self as beter jagters te bekwaam. Maak nie saak wat
die toerusting is nie, die eindresultaat moet maksimum sukses
wees.
k
iii

iv
Boogskiet in Noordwes lok
talle belangstellendes
Deur Dirk Pretorius
Boogsport het Klerksdorp en omgewing behoorlik getref.
Die sport groei ook sterk in die omliggende dorpe. ’n
Boogwinkel wat onlangs sy deure oopgegooi het, het
’n pretskietdag gereël om die klimaat vir boogskiet te
toets. Pleks van ’n paar belangstellendes het meer as
60 opgedaag.
Veld- en 3D rondtes het almal gaande gehad, waartydens
pryse uitgedeel is en ’n lekker vleisbraai gehou is om
mekaar beter te leer ken.
Dit lyk of almal vroeg in die jaar vuur en vlam is vir wat
voorlê. Sommige deelnemers het vertel dat hulle sedert verlede
jaar nog nie hul boë neergesit het nie, en in sommige gevalle
nog elke week jag. Met die nuwe boogwinkel en skietbaan kan
beginners nou goeie raad kry en die gesoute boogskuts hulle
toerusting by hul voordeur te koop kry.
Klerksdorp spog reeds met twee klubs, waarvan North West
Archery die oudste is en met nagenoeg 70 aktiewe lede spog.
Die lede is meer ingestel op jag en daar word elke tweede
naweek skietbyeenkomste gehou. Skuts van sover as Parys en
Wolmaransstad daag by die skietdae op. Die klub is op die punt
om by SANIFAA en SABA in te skakel.
Die ander klub, Apollo Archery, is reeds by SANIFAA geaffilieer
en is meer op veldskiet en binnenshuise skiet ingestel.
Potchefstroom is ook besig om aan die gang te kom terwyl
Ventersdorp en Lichtenburg reeds aan die gang is. Wolmaransstad
beskik oor een van die groter bane en einde verlede jaar is die
nasionale skietkampioenskappe daar gehou.
Die omgewing bied ook talle jaggeleenthede. Die meeste
jagplase om Klerkdorp begin omskakel na boogjag.
Vir algemene inligting oor jaggeleenthede en die aanskaf
van ’n groot verskeidenheid boogtoerusting kan die Archery Pro
Shop op Klerksdorp gekontak word by 082 773 7514. Die adres
is John’s Walk 2, Wilkoppies.
k
Pine Voges, wenner in die mans-afdeling. Linda Visagie, wenner in die vroue-afdeling.
PYL EN BOOG FEBRUARIE 2006

Bosvarkjag te
Rankinspas
Deur Johan Hoffmann
Die bosvark (Potamochoerus Larvatus) het nog altyd ’n
besondere bekoring vir my gehad. Ek het omtrent 15
jaar met geweer gejag voordat ek my eerste bosvark
geskiet het – dit was in 1991 in die Nylstroom-distrik.
Sedert ek my eerste bosvark geskiet het, het ek die bosvark
op elke denkbare manier gejag – met geweer, haelgeweer,
rewolwer en met honde en assegaai – alles behalwe met pyl en
boog. Gedurende 1993 het ek begin boogjag, maar nooit regtig
probeer om die bosvark met die boog te jag nie.
In 2004 het ek ’n krieweling in my lyf gekry om die bosvark
met die boog te jag. Ek het begin navraag doen oor hoe dit
gedoen moet word en só baie inligting by kennisse en vriende
gekry onder andere by Henk Bosvark (du Plessis) van tradisionele
boogfaam.
Ek het by ’n vriend, Pietie le Roux van die plaas Kliprivier,
in die Rankinspas-distrik naby Alma, toestemming gekry om
bosvark op sy plaas te jag.
Dit was nou Julie-maand 2004, ek het ’n geskikte plek
gesoek om ’n voerplek te maak. Dit was by ’n groot kareeboom
waar ek gemaklik vir ’n lang tydperk kon sit. Met behulp van
Pietie se plaasvoorman, Josias, het ek ’n voerplek gemaak met
mielies wat in sorghumbier geweek was. Die mielies is elke aand
omtrent 18:00 op die voerplek uitgegooi. Na omtrent ’n week het
verskeie bosvarke die voerplek elke nag besoek.
In Augustus 2004 het ek my finale voorbereidings vir die jag
gedoen deur ’n plank in die boom vas te kap waarin ek gemaklik
kon sit. Ek het ’n rooi vragmotor-agterlig opgestel reg bokant die
voerplek en met ’n reostaat gekoppel wat ek vanuit die boom kon
beheer. Die afstand was 15 tree.
FEBRUARIE 2006 PYL EN BOOG
Johannes, my hond Monti en ek by die vark.
In hierdie stadium het ek gereeld met my boog in die nag na
teikens geskiet om alles perfek te kry vir die jag.
’n Week voor volmaan het ek om 18:00 my sitplek in die
boom beset en my reggemaak vir ’n lang nag. Om 19:45 het ek
twee bosvarke opgemerk toe hulle al amper op die voerplek was.
Hulle het geluidloos beweeg. Die groter vark van die twee het
telkemaal die ander een van die voer af weggejaag wanneer dié
probeer eet het. My hart het in my keel geklop toe ek die lig
stadig begin aansit en na volsterkte gedraai. Ek het my Cobravisier
se liggie aangeskakel en kon die bosvark nou mooi sien
in die rooi lig. Dit was ’n groot sog en sy het rustig aan die voer
gevreet.
Ek het met ’n bewerige hand my pyl genok, my boog gespan
en die groen liggie van die visier op die vark se blad gesit. Die
pyl het mooi getrek. Die vark het soos weerlig weggevlieg terwyl
ek doodstil bly sit het. Vir ’n oomblik was ek onseker van
my skoot totdat ek die vark hoor val en lê en skop het.
Ek het na 15 minute uit die boom geklim en my hond, Monti,
en my twee helpers by die plaaswoning gaan haal. Die bloedspoor
was maklik om te gevolg.
Ek het die vark omtrent 50 meter van die plek waar ek haar
geskiet het gekry. Later tydens die slagtery het ek gesien dat my
pyl deur die hart is.
My boog wat ek gebruik het is ’n Martin Phantom Magnum
met ’n Goldtip Big Game Hunter-pyl en ’n 100 grein Spitfirejagpunt.
Die jag was voorwaar ’n belewenis en ek kan bosvarkjag
met ’n boog aanbeveel vir enige jagter.
Ek en twee van my vriende het intussen elk nog ’n bosvark
op dieselfde plek geskiet waarvan twee uitstaande bere was,
maar dit is ’n ander dag se storie.
k
v

vi
Registreer vir
skoolliga
Deur Ria Kaal
Dagsê alle lesers. Welkom in 2006 en mag dit ’n voorspoedige
en suksesvolle jaar vir julle almal wees.
Diegene wat nog nie geregistreer het nie, moenie wag nie,
doen dit asseblief dadelik. Soos verwag is, het die registrasie
van die wat belang stel om deel te word van ons eerste nasionale
boogskiet-skoolliga, oor die tweede helfte van November
(eksamentyd) en Desember (vakansie en Kerstyd) gedaal. Ek het
intussen ’n hele paar telefoniese navrae en lekkergesels-oproepe
gehad wat baie interessant was. Dankie dat julle laat weet het
hoe julle oor die onderwerp voel – dit is lekker om te gesels en
idees te ruil. Julle is welkom om my te kontak in verband met
enige vrae, nuwe idees of bloot net om kennis te maak.
Registrasie kan nog gedoen word en kan deurlopend gedoen
word; jy sal nooit té laat wees nie, so laat die registrasies
instroom.
Is daar ’n ander rede vir die skielike traagheid in registrasie?
Dit is moontlik dat die mense wie my bydrae sedert die begin
gelees het, glo dat die liga net vir diegene is wat jag en met
katrolboë skiet. Nee, gewis nie!
Die “Archery Schools League SA” (ASLSA) is vir alle
jongmense, seuns en dogters onder 18 jaar, wat of katrol-, lang-
, tradisionele-, standaard-, olimpiese styl boë in die teiken- of
jagafdelings skiet. Bykans 99 persent van ons jong lede van sewe
jaar en ouer begin met standaard- of langboë. Afstande wat deur
die boogskietverenigings bepaal is geld en almal skiet in verskillende
klasse met verskillende boë.
Hardus Lottering, wat op 19 November 2005 aan ABO se
kompetisie vir “cubs” deelgeneem het, het hom baie goed
van sy taak gekwyt. Dit was die heel eerste kompetisie waaraan
hy deelgeneem het sedert hy sy boog op 20 Oktober 2005 gekry
het. Hy het tydens hierdie kompetisie die eerste plek behaal met
’n telling van 176 uit 220.
Hardus is 10 jaar oud en toon reeds ’n natuurlike aanleg en
talent vir die sport. Hy het ’n week later aan ’n kompetisie by
Archery Afrika deelgeneem waar hy ’n tweede plek behaal het
met ’n puntetelling van 426 uit 560.
Sy pa, Johan Lottering, help met sy afrigting en hulle het
reeds hard begin oefen vir deelname vir 2006.
k
’n Tienjarige gaan ook nie met ’n 15-jarige meeding nie
en seuns en dogters ook nie met mekaar nie. Almal kan egter
deel van hul skoolspan wees. Let wel dat alle juniors wat vir die
eerste keer boogskiet eers vanaf vyf en tien meter sal begin skiet.
Dit sal hulle help om goed te leer mik en ook hul spiere te laat
ontspan terwyl hulle skiet.
Altesaam 72 pyle sal geskiet word en hulle sal minstens 500
of meer punte uit 720 moet behaal voordat hulle na die volgende
lang afstand kan aanskuif – totdat hulle al die aangeskrewe
afstande in hulle klas behartig het. Daar sal ’n afdeling vir beginners
in die liga wees; dus sal hulle ook kan meeding.
Gesels met jou vriende op skool en laat hulle ook met hulle
familielede op skool gesels oor ons boogskietliga. Vind uit wie
belangstel in ons sport. Dit is die oudste sport ter wêreld, baie
uitdagend en vir die wat nie in kontak-tipe sport mag deelneem
nie, is dit ideaal.
Indien jy reeds jou besonderhede aan my gestuur het en teen
die einde van die maand nog nie van my gehoor het nie, sal ek
dit waardeer indien jy die inligting so spoedig moontlik weer sal
stuur. Jou inligting kon verlore geraak het in Desember toe my
rekenaar deur ’n virus aangeval is.
Waar is die boogskutters wat op skool, soos staat-, internasionale-,
privaat-, tuis-, seuns- en meisiesskole, studeer? En wat
van die persone wat bereid sal wees om by die verskillende skole
hul dienste aan te bied aan die boogskutters wat deelneem aan
die ASLSA.
Dit is nou dringend, registreer en stuur jou besonderhede na
e-pos: schoolleague@archeryadvancer.co.za of faks: 012 803
3414.
k
’n Jongeling om mee
rekening te hou
PYL EN BOOG FEBRUARIE 2006

SABA NUUS Boogjag
Deur Garth Ramsey
SABA se tweede jagpunt-kompetisie word op 18 Maart by
Ibhala bhala-wildplaas gehou. Dit is die tweede keer dat een
van SABA se jagpunt-kompetisies by dié wildplaas gehou word
en gemeet aan verlede jaar se goeie bywoning, behoort daar vanjaar
baie deelnemers op te daag.
Maart kompetisie
Die inligting vir die byeenkoms is soos volg:
Plek: Ibhala bhala-wildplaas, Beestekraal.
Datum: Saterdag, 18 Maart 2006.
Registrasie: 08:00
Begintyd: 09:30
Inskrywingsgeld: R60 vir SABA-lede en R80 vir nie-lede.
Aanwysings: Ry na Brits vanaf Pretoria op die Brits/
Thabazimbi-pad.
Draai ongeveer 37km ná Brits links in die
Beestekraal pad in.
Ibhala bhala-wildplaas is ongeveer 1.5km na
die afdraai op linkerkant.
Bel Garth by 083 460 2629 of Kim by 072 737 1031 vir meer
inligting oor aanwysings en akkommodasie.
Kom neem deel aan die byeenkoms om sodoende jou vaardighede
met die boog te toets op ‘n baan wat nie alleen ‘n goeie
uitdaging bied nie, maar ook baie geniet gaan word. Daar is iets
vir almal by die kompetisie – vanaf die junior boogjagter tot die
tradisionele boogskutter.Soos gewoonlik die geval is by SABAkompetisies,
is daar groot pryse wat gewen kan word. Daar sal
ook warmbrakke, boere-rolle en ‘n kontantkroeg beskikbaar
wees.
Ons moedig die familie en vriende van deelnemers aan om
ook die byeenkoms by te woon. Daar is ‘n swembad en heelwat
skaduryke bome waaronder almal koelte heeldagdeur kan vind.
Daar is net genoeg verblyf vir 20 mense by Ibhala bhala-wildplaas
en dus is dit wys om so gou moontlik plek te bespreek.
SABA-lede sal tydens die byeenkoms hul lidmaatskap kan
FEBRUARIE 2006 PYL EN BOOG
navrae: André Theron 082 909 8765
Lidmaatskap navrae: Karen of Surina (012) 335 1998
hernu en boogjagters wat nog nie lid van SABA is nie sal die
kans kry om aan te sluit.
Ons sien daarna uit om u almal daar te sien!
Byeenkomsplekke
Het u ‘n groot hoeveelheid boogskutters in u omgewing en stel u
belang om ‘n SABA-byeenkoms aan te bied? SABA is tans nog op
soek na geskikte plekke om 2006 se byeenkomste by aan te bied.
Indien u ‘n voorstel het, laat ons asseblief weet hoeveel boogskutters
daar in u omgewing is en stuur vir ons ‘n kort beskrywing
van die plek wat u voorstel, asook die fasilitieite wat beskikbaar
is. U kan die inligting e-pos na editor@africasbowhunter.co.za
of faks na 012 335 5066. Bel André Theron so gou as moontlik
by 082 909 8765 en gesels met hom daaroor.
Hernuwing van lidmaatskap
U SABA-lidmaatskap is geldig vanaf Januarie tot Desember
2006. Die hernuwings word deur Karen en Surina gekoördineer.
Die aansoekvorm kan aan die onderkant van dié bladsy gevind
word. Ons nuwe 2006-lidmaatskapkaartjies is gelamineer en
vertoon u naam, lidnommer, asook die nuwe SABA-logo.
Voordele vir SABA-lidmaatskap
SABA is die enigste geregistreerde boogjag-organisasie in
Suid-Afrika en werk nou saam met ander geaffilieerde organisasies
om die standaard van boogjag voortdurend te verbeter
en om die regte van boogjagters te beskerm.
SABA organiseer boog skietkompetisies en sal besonderhede
na lede SMS. Groot pryse,wat jagte insluit, kan gewen
word.
Ons verskaf ’n algemene adviesdiens en ons komiteelede
spog met meer as 50 jaar se ervaring tussen hulle.
SABA is ’n nie-winsgewende organisasie wat deur vrywilligers
bestuur word, met die oog om boogjag te bevorder.
Alle fondse word teruggeploeg in die organisasie om die
doelwitte te bereik.
k
vii

viii
PYL EN BOOG FEBRUARIE 2006