saba “broadhead” kompetisie in ellisras - Bowhunter

Die bylae vir die boogskutters van Suid-Afrika
Volume 2 Nr 6 / JUNIE 2006 / RSA
BOOGSKIET BY LAERSKOOL
GROBLERSHOOP
GROBLERSHOOP Deur Dawie Olivier
Ek wens ek het geweet hoekom pyle en boë klein seuntjies so “aantrek”. Feitlik
alle seuntjies wil op die een-of-ander stadium in sy lewe ´n pyl-en-boog hê.
Of dit nou ´n gekoopte bogie met vassuigpunte is of sommer net ´n slap tak
met ´n stuk winkeltou en reguit stokkies vir pyle, maar ´n boog moet hy hê!
Daar waar die boog se vermoë kortkom, neem die verbeelding oor. Selfs die
ma’s speel saam: by kinderpartytjies waar die kleintjies karakters voorstel, is die
Indiane baie gewild. En ´n Indiaan met ´n hooftooisel van vere en ´n pyl en
boog is altyd ´n treffer!
Hier by die plattelandse skool, waar ek die skoolhoof is, is ketties en pyle en boë (selfgemaak)
meer gewild as windbukse. Ek is self ´n entoesiastiese boogjagter en wanneer
ek naweke oefen, is die klein seuntjies eintlik lastig van nuuskierigheid. Verlede jaar
in November kom klein Josef Botes (10 jaar) by my aan en vra of hy ´n boog vir R600 (sy
spaargeld) sal kan koop. Of die boog net so “hard” soos myne sal skiet en en en… So ´n klein
mannetjie se oë maak ´n man se hart sag.
Z bladsy ii
Deur Adriaan Rall
Terwyl die “Frottie” die kilometers onder sy pens oprol,
het ek baie tyd om te dink en te dagdroom. My
ge dagtes draai maar telkemale terug na Groblershoop
en wat ek daar te wagte kan wees. Soms word ‘n storie
opgeblaas om aandag te trek en ons ou volkie is
mos maar geneig om soms so effentjies aan te dik…
Dit kan egter ‘n duur foutjie wees as ek daar aankom
en moet uitvind dat die eintlike rede waarom ek moes
JUNIE 2006 PYL EN BOOG
In hierdie uitgawe
i Boogskiet by Laerskool
Groblershoop
i Die skool met ´n verskil
v Kommentaar
v Skoleliga-rubriek
vi SABA-nuus
vii Boogskietwoordelys
Pyl & Boog is ’n amptelike bylae tot Africa’s
Bowhunter and Archer
Uitgewer
Rean Steenkamp
Tel: (012) 335 1998
Faks: (012) 335 5066
E-pos: editor@africanarcher.com
Redakteur
Tom Cairncross
Tel: (012) 335 1998
Faks: (012) 335 5066
E-pos: tom@africasbowhunter.co.za
Ontwerp en uitleg
Andre van Schaik
E-pos: repro@africasbowhunter.co.za
Repoduksie en druk
KagisoBM
Advertensies
Tom Cairncross / Surina Oberholzer
Tel: (012) 335 1998
Faks: (012) 335 5066
E-pos: editor@africasbowhunter.co.za
Posadres
Sewende laan 759,
Wonderboom-Suid. 0084
Webwerf
www.africasbowhunter.co.za
Die skool kool met ‘n verskil…
gaan is om ouers se ego’s te streel - die swart kraai se
eiers is mos skitterwit!
Die Kalahari is vanjaar besonder mooi en van die rooi duine
is daar bitter min te sien. Die goeie reëns het die gras so
geil laat groei dat daar net hier en daar ‘n rooi kolletjie sigbaar
is.
Hierdie hele storie het begin nadat ‘n leser teen my uitgevaar
het deur te sê dat géén normale boogjagter ‘n golfbal-
Z bladsy iii
i

H bladsy i – Boogskiet by Laerskool Groblersdal
Ek ken gelukkig nog ´n man met ´n sagte hart vir boogjagters:
Evert Louw van Ever Tru Archery. Daardie aand bel ek vir
Evert en drie dae later het ons twee Browning Midas kragbogies
en 14 pyle. Die seuntjies, 10 van hulle, help uitpak en hulle oë
blink.
Nou, vyf maande later, kyk ons terug op baie aande en baie
naweke se harde werk om die regte vorm aan te leer, konsentrasie
in te skerp en te leer dat aanhouer wen.
Intussen het drie klein manne hulle eie boë by “Oom Evert”
aangeskaf. Almal skiet met snellers, die regte pyle is stuk-stuk
aangeskaf en die dogters staan met seer gesiggies en vra wanneer
hulle kan begin.
Ek wonder wat “Oom Evert” gaan sê as die dogtertjies hom
begin bel! En ek moet heel voor begin met die dogtertjies! Ek het
seker nie ´n keuse nie, want ek glo aan die gesegde: kinders moet
hulle drome uitleef .
O ja, en klein Josef – hy is nou 10 jaar oud. So twee weke
gelede skiet ek en Josef die aand teen mekaar. Ons skiet op 40
tree. Ons 10-ring is 60mm in deursnee.
My eerste twee pyle is 9’s. Josef se eerste twee pyle : altwee
10e.
Ons praat nie oor ons ander drie pyle op daardie afstand
daardie aand nie!
ii
Andrea Vries
Clement Coetzee
Baré Vorster
Roche Naude
Josef Botes
Hoe begin ´n mens boogskiet met kinders onder 13 jaar?
Ek móét ongelukkig konsentreer op kragboë, want ek het nie veel
kennis van kurfboë (recurves) nie. Die seuntjies by my skool wil
jag met hulle bogies. Daarom het ons besluit op kragboë.
Slaggate:
1. Waak teen oorgeêrfde boë of tweedehandse boë – heel dikwels
is dit verouderde boë wat die aanleer van die regte vorm
benadeel.
2. Die meeste negejarige seuntjies sukkel om 30 pond kragboë
te trek.
3. Waak teen goedkoop pyle. Koop liewer net vier goeie pyle
wat die kind se treklengte en die boog se gewig pas. (Ons
skiet met Gold Tip se Ultra Light Entrada 600 pyle.)
4. Soek die regte boogwinkel uit – ´n kundige vir raad en advies
wat baie geduld het.
5. Moenie kragboë eers met die vingers skiet nie en dan later
wil oorskakel na snellers toe nie. Begin met snellers.
6. Sorg dat die afrigter vir hierdie kinders die regte vorm en styl
aanleer. ´n Verkeerde vorm is ´n doodloopstraat.
7. Veiligheid is ´n voorvereiste. Selfs by die pylvanger. Dit is
waar die meeste ongelukke (pyl in die oog by die uittrek)
plaasvind.
8. Maak ´n plan om toerusting in die hande te kry. Kry eers die
PYL EN BOOG JUNIE 2006

Marcio Vries
Die wenners van die kompetisie (van links na regs) is, Clement
Coetzee (groepering), Jan-Hendrik van Wyk (jagkompetisie) en
Josef Botes (meeste punte algeheel).
kinders se belangstelling en bewys aan hulle ouers dat dit ´n
volhoubare aktiwiteit is en gaan wees, voordat daar oor die
aankoop van die boë vir individue gepraat word.
Wenke:
1. Laat die beginner met net een pyl oefen.
2. Skiet, gaan trek uit, konsentreer, fokus skiet weer.
3. Begin op 10 tree. Sodra vyf skote (nie vyf pyle nie) binne 6
duim groepeer, gaan dan na 15 tree en algaande verder.
4. As hy sukkel op die volgende afstand, gaan weer terug na die
vorige afstand toe.
5. Moet nooit ´n skietoefening afsluit met mislukking nie. Gaan
weer terug na die verste afstand waar hy sukses het.
6. Leer hom Adriaan Rall se skietrympie aan. Laat hy aan die
begin dit hardop opsê met elke pyl. (Sien bladsy iv)
7. Waak daarteen om net te oefen, oefen, oefen. Reël skietkompetisies.
Skiet saam met hom. (Bring ´n “handicap” in vir
volwasse skiet soos by gholf.)
8. ´n Goeie pylvanger is stukke karton op mekaar. Skiet op die
kant in.
9. Betrek pa by die afrigting – hy is die persoon wat uiteindelik
die finale aanmoediging en afrigting moet doen. Dalk steek
hy self aan!
Z bladsy iv
JUNIE 2006 PYL EN BOOG
H bladsy i – Die skool met ‘n verskil
groepering op 20 tree kan skiet soos wat ek in ‘n vorige artikel
beweer het nie. Die storie doen toe die rondte dat ‘n groepie
tienjarige leerlinge van Groblershoop wel kan! Ek kom in die
middel van die nag by Groblershoop aan en wie wag my in?
Niemand anders nie as die skoolhoof Dawie Olivier. Dis nou
die man wat Groblershoop met die boog brand gesteek het. Ek
en Dawie het oor die foon vriende geraak en nou was dit dik
stukke kuier. Een ding lei tot die volgende en die boë word eers
3-uur daardie oggend neergelê. Nog nooit het ek sulke toewyding
en entoesiasme by ‘n mens, wat nog te sê ‘n skoolhoof,
teëgekom nie – sowaar enig in sy soort. In my dae moes ek sak
vir ses en “Polisiekar” die res! Die volgende oggend was al die
boogskuttertjies bymekaar vergader – nodeloos om te sê het
hulle die dag afgekry én kon hulle met ‘sivvies’ skool toe kom.
Ongehoord! Onderwysers, ouers en kinders almal ewe opgewonde
oor ons sport. Hulle entoesiasme en meelewing was
aangrypend. Kinders wat op ‘n volwasse vlak kan skiet en praat
en hulself kan handhaaf oor enigiets te doen met boogskiet.
Hier word vele aande tot elfuur boog geskiet en niemand raak
verveeld of moeg nie. Nog nooit het ek ondervind dat ‘n tienjarige
deur ‘n sport só geboei word vir soveel ure aaneen nie.
Die konsentrasie en tegniek van hierdie kinders is ongekend.
Vir dié ongelowige Tomas – gaan Groblershoop toe, om te
sien hoe boog geskiet moet word – hierdie kinders wéét van
“pitbulls” skiet! Ek is op die hande gedra, en vir geen ander
rede nie as dat hierdie mense boogmal is en nie genoeg kan kry
van enigiets wat oor boogsport gaan nie. Die boeregasvryheid
van hierdie mense laat jou wonder oor jou wêreld. Dis mos
onse mense hierdie!
In Groblershoop moes ek toe
kom leer van Ghaap en Kobba –
Kalahari veldkos wat ek nog nooit
van gehoor het nie. Die droom wat
ek gehad het toe ons die tydskrif
begin het – om Suid-Afrika aan die
skiet te kry met pyl en boog – is hier
in Groblershoop bewaarheid. k
Jan Hendrik van Wyk besig om aan te lê onder die wakende oog
van die skrywer.
iii

H bladsy iii – Boogskiet by Laerskool Groblersdal
10. Wanneer stop die afrigting van ´n kind? Dit stop nooit nie!
Solank hy by my in die laerskool is, en hy is in die afrigtingspan,
kom skiet hy een maal per week sodat ek sy styl en
vorm kan monitor.
11. Kry kundiges in om jou as afrigter te help. Hulle sien dalk
foute raak wat jy nie raaksien nie. Die skool is plus minus
800 km van Adriaan Rall af en hy het die afrigting hier kom
monitor. Skakel met iemand soos Adriaan, hy help graag en
hy weet hoe.
k
iv
Die skrywer besig om sy liefde vir boogskiet uit te leef.
Adriaan Rall se
boogskietrympie
Reguit lyn deur tone na teiken.
Voete skouerbreedte uit mekaar en staan op
balle van voete.
Knieë effens gebuig (effens).
Heupe ontspanne.
Bolyf ontspanne en regop (nie vorentoe of
agtertoe nie).
Voorste arm effens gebuig.
Voorste hand mikstok swaai effens uit.
Trek boog uit rugspiere (nie arms nie).
Reguit lyn deur pyl, hand en elmboog.
Trek vas teen muur.
Snaar baie liggies op ankerpunt (neus, mond,
ens.)
Tweede lid van vinger vas teen sneller.
Nie trek nie - skiet uit rugspiere.
‘n Ouer se brief oor boogskiet
Laerskool Groblershoop het nie nog ‘n nuwe
sportsoort bygekry nie. Nee, ons het iets anders
gekry! Ons hoof, mnr Dawie Olivier (jagter en
baanbreker) bied boogskiet aan! Kleiner skole
se moontlikhede tot mededingende kompetisie in
tradisionele sportsoorte is dikwels beperk.
Met die eerste kompetisie het nege seuns
deelgeneem. Leerders wat tot die finale rondte
deurgedring het om deel te neem aan “Sudden
Death” was Baré Vorster, Romeo Booysen, Josef
Botes en Jan-Hendrik van Wyk. Josef Botes was
die algehele wenner en het ‘n kosbare leersakkie
(handgemaak deur mnr Dawie) met honderd
R1 stukke ontvang. Na die strawwe kompetisie
is heerlik gekuier en gebraai. Dankie aan mnr
Wessel van Wyk van LAW wat die wors en vleis geskenk het.
Groot dank aan Evert Louw wat boë tot die skool se beskikking
gestel het. Buiten die tegniek wat die leerders inoefen,
is dit veral die lewenslesse wat waardeer word. Mnr Olivier
sê: “Iemand wat nie sy drome uitleef nie, bly ‘n dromer.” Die
beheer en sukses wat agter die boog ervaar word, spoel oor na
ander terreine.
Alleenlopende man met 10 jaar ondervinding op wildplaas
as voorman, veldwagter en toergids soek dieselfde soort
werk op ‘n plaas of wildplaas in Oos-, Wes- of Noord-
Transvaal. Skakel asb 072 563 9058 – vra vir Dawie.
PYL EN BOOG JUNIE 2006

KOMMENTAAR
Aankondiging doen onnodige skade
Was die Minister van omgewingsake en toerisme totaal
onkundig of oningelig toe hy die pyl en boog in dieselfde
asem gebruik het toe hy na gif, jag met honde,
strikke en ander onaanvaarbare bydrywighede verwys
het?
Of het mnr Van Sckalkwyk en sy raadgewers nog nooit
gehoor van die miljoene rand se inkomste vir die land deur
Amerikaanse, Europese en ander buitelanders wat hier kom
boogjag nie?
In Amerika alleen is meer as drie miljoen boogjagters
waarvan 'n goeie persentasie reeds in Suid-Afrika kom boogjag
het of daarna smag om hulle dollars hier te kom bestee, terwyl
baie van hulle selfs hulle gesinne saambring wat op hulle beurt
weer die ekotoerisme en ander bedrywighede se koffers vul.
Jag met ‘n pyl en boog kan gewis nie naastenby onder dieselfde
kam geskeer word as gif, strikke of jag met honde nie. Daar
is tog geen twyfel nie dat ‘n dier wat korrek met ‘n pyl geskiet
is, vinnig en met min trauma sterf. Hoeveel keer het ons nie al
gesien dat ‘n dier tussen ander diere met die boog geskiet word
en doodgaan sonder dat die ander diere in die nabye omgewing
Skoleliga-rubriek
Deur Ria Kaal
Ek is tans in Phoenix, Arizone. En wanneer julle die artikel
lees is ek waarskynlik by Hilton Head in Carolina.
In die vorige artikel het ek gesê ek sal almal wat vir die liga
registreer nader met meer inligting. Sedert 18 April het baie
van hierdie mense waarskynlik probeer om op alle moontlike
manier met my in aanraking te kom – sonder sukses. Ek vra om
verskoning! Ek moes dringend Nederland toe om ‘n siek tante
in Velp te gaan bystaan wat in die hospitaal opgeneem is. Na 17
dae in Velp moes ek na die VSA vlieg waar ek verskeie familiebyeenkomste
moes bywoon. Indien sake reg verloop behoort ek
teen 15 Junie terug in Suid-Afrika te wees.
Die boogskutters wat as beginners deel geword het van die
skole se posliga moet asseblief die gegewens volg soos geskryf
in die vorige uitgawe van die Pyl en Boog – en hulle moet oefen.
Wanneer julle gereed is, sluit by die ander boogskuts aan deur
aan ‘n ligabyeenkoms deel te neem, onder die nodige toesig en
met ‘n getuie. Stuur dan die volledige puntekaart na my toe.
Moenie vergeet om die datum en die afstande wat geskiet is en
ook die getuie se naam en handtekening daarop aan te bring nie.
Jou volle naam, ouderdom, adres en kontaknommers moet ook
daarop geskryf wees.
Hou asseblief aan om by jul onderskeie skole se sportkoördineerders
uit te vind of hulle nog nie bereid is om julle toe
te laat om ‘n kennisgewing op die skool se kennisgewingbord
te kan plaas om deelname aan boogskiet te bevorder nie en om
selfs ‘n boogskiet-afdeling te begin nie. Sodra julle ‘n paar name
JUNIE 2006 PYL EN BOOG
weghardloop of onsteld lyk.
Africa's Bowhunter & Archer wil regtig voorstel dat almal
in die besluitnemings- en uitvoerende magsposisies hulle eers
behoorlik vergewis alvorens ongetoetste uitsprake gemaak
word.
Onaanvaarbare praktyke moet noodwendig met wortel en tak
uitgeroei word, maar dit geld sekerlik vir die ganse jagbedryf.
Onwettighede en misdaad in die algemeen kom in Suid-
Afrika op hopeloos te veel terreine en fasette voor en moet in alle
opsigte aangespreek word.
Ek wonder of die minister al ooit daaraan gedink het hoe
boogjag en ekotoerisme in harmonie op dieselfde plaas toegepas
kan word, waar dit gewis moeilikker sal wees waar met gewere
gejag word.
Die boogjagbedryf kan dié wanpersepsies nie bekostig nie.
Dit bring onsekerheid by verskillende rolspelers mee wat sleg
inwerk op die ekonomie in die algemeen.
Weldeurdagtheid behoort die wagwoord te wees.
Tom Cairncross
Redakteur
het van mense wat aan boogskiet wil deelneem kan julle na die
sportkoördineerder gaan en vra of julle nie die skool by die ligabyeenkomste
kan verteenwoordig nie. Die koördineerder kan my
ook nader vir meer inligting. Indien almal wat belangstel beginners
is wat boogskietonderrig nodig het, maar daar is niemand
wat dit kan aanbied nie, kan ek ook gekontak word. Ek sal ‘n
plan beraam om iemand te kry om dit te doen of self die onderrig
gee.
Onthou tog om oor die regte afstande en na die korrekte
grootte teikens in julle onderskeie ouderdomsgroepe te skiet
wanneer julle oefen of vir die liga skiet. Kyk na die vorige uitgawes
van Pyl en Boog om dié inligting te bekom.
Die nodige teikens is by my beskikbaar. Ek voer dit direk van
die vervaardiger af in. Die standaard boogtoerusting en bybehore
soos opvougekurfde boë, spantoue, aluminium- of koolstof-pyle,
visiere, armskerms, vingerskerms of handskoene, boogsakke en
nog meer is ook by my beskikbaar. Indien ek nie het wat jy nodig
het nie, sal ek jou na die regte verspreider in Suid-Afrika verwys.
Ek bied afrigting vir beginners en gevorderde boogskuts
aan – maar net op afspraak en meesal by my Derdepoort- en
Moreletapark terreine, maar ek het al in die verlede verder gereis
om afrigting te gee.
Bel my om so iets te bespreek.
Laastens wil ek graag aan al die junior en senior boogskuts
in Suid-Afrika, wat binnekort aan nasionale of internasionale
byeenkomste gaan deelneem, baie voorspoed toewens. Mag julle
pyle reguit en akkuraat vlieg.
Bly kalm en hou aan om na die kol op die teiken te mik nadat
jy die pyl losgelaat het.
Ek wens julle almal God se seën toe tot volgende keer! k
v

vi
SABA NUUS Boogjag
SABA “BROADHEAD”
KOMPETISIE IN ELLISRAS
Susan Botha
Die Nyala Boogklub was die gasheer vir SABA se “broadhead”
kompetisie wat op Saterdag, 22 April 2006, by
Manketti Lodge (Ferroland), in Ellisras gehou was. Dit was
die eerste keer dat SABA ´n “broadhead” kompetisie
buite Gauteng aangebied het, wat ´n groot pluimpie
vir die Nyala Boogklub was. Nie net is SABA die grootste
boogjagtersorganisasie in die land wat hul veral toespits
om die belange van die boogjagter te bevorder
nie, maar hulle is ook die enigste boogorganisasie wat
by die SA Jagtersvereniging geaffilieer is.
Uit die vele boogentoesiaste wat ingeskryf het, was daar
deelnemers vanuit Johannesburg, Pretoria en tot sover as
Phalaborwa. Die atmosfeer was een van afwagting en opwinding,
miskien juis vanweë die feit dat deelnemers waarlik in die
hartjie van die Bosveld hul boogvaardighede kon toets.
JC Botha en Petrus Janse van Rensburg, onderskeidelik voorsitter
en onder-voorsitter van die Nyala boogklub, het saam met
Grant Adams van SABA vooraf die 20-teiken 3-D baan tussen
die tamboties op die 16,000 ha van Manketti Lodge uitgelê. Uit
die aard van die saak is die hele wildsplaas nie gedek nie, maar
daar was geen opeenhoping van deelnemers nie en die voete het
dit deeglik na afloop van die kompetisie gevoel. Almal was dit
eens dat die moeilike, dog uitdagende baan, ´n getroue nabootsing
van ware jagtoestande was. Hoewel die terrein ´n plat veld
gedek het, moes deelnemers gebukkend, op hul hurke en soms
vanuit baie moeilike posisies na teikens aanlê. Die algehele
mening was dat dit tegnies die moeilikste baan nog ooit was en
vele pyle het soek geraak…!
SABA het ooreengekom dat enige deelnemer wat ´n
persentasie van 60% en hoër behaal, ´n COP (“Certificate of
Proficiency”) tydens SABA “broadhead” kompetisies kan
ontvang. Die oorwoë mening was dat persone wat dié prestasie
UITSLAE
POSISIE
Snr Mansafdeling:
WENNERS KLUB
• 1ste plek (95%) • Henk Engelbrecht • Thabazimbi
• 2de plek • Gert Pretorius • Brits
• 3de plek
Damesafdeling:
• Tjaart Scheepers • Thabazimbi
• 1ste plek • Erika Pretorius • Brits
• 2de plek • Sarah Kilbride • Ellisras
• 3de plek
Penkoppe (“Cubs”):
• Monica Steenkamp • Phalaborwa
• 1ste plek (100%) • Werdie van Staden • Ellisras
• 2de plek • Jade Pretorius • Brits
• 3de plek • Chad Pretorius • Brits
navrae: André Theron 082 909 8765
Lidmaatskap navrae: Karen of Surina (012) 335 1998
kan behaal wél bevoeg is om te jag. Vanweë die
moeilikheidsgraad van die baan tydens die Ellisras-kompetisie
was daar slegs 23 COP’s wat uitgedeel was. Daar was egter die
uitsonderlike boogentoesiaste wat meer as 80% behaal het. Henk
Engelbrecht van Thabazimbi het 95% behaal, terwyl Werdie
van Staden van die Nyala Boogklub in Ellisras weer eens die
klub se naam hoog gehou het. Hy het ´n volle 100% in sy laaste
kompetisie as ´n “cub” behaal en het die bewondering van almal
teenwoordig afgedwing.
Die moeilike baan ten spyt, kon niks egter die wonderlike
gees wat dwarsdeur die dag geheers het, demp nie. Die pragtige
grasperke, gerieflike lapa en uitstaande fasiliteite van Manketti
lodge het bygedra tot die sukses van dié opwindende dag. k
Die hoë driepoot het menige deelnemer laat les opsê en afstande
laat onderskat.
Deelnemers bespreek die volgende teikens.
PYL EN BOOG JUNIE 2006

PROMOSIE-ARTIKEL
“AS GOOD AS IT GETS”
Susan Botha
Die samewerkingsooreenkoms
tussen Echo 4X4 Link en JC’s
Archery in Ellisras is “as good
as it can get”! ‘n Meer opwindende
en gedugte kombinasie
kan mens nie kry nie. In
hierdie spog winkel kan elke
avonturier waarde vir sy geld
kry.
4X4 Link.
Ian Fourie en JC Botha is as’t
ware voëls van eenderse vere. Nie net het beide die fynere kuns
van kampering bemeester nie, maar albei is ervare en gesoute
boogjag- en buitelug entoesiaste. Ian is ‘n kranige boogjagter
en JC is een van SABA se Opleidingsdirekteure om die boogvaardighede
van boogjagters te help bevorder. Hulle het daarom
be sluit om hul ervaring en kennis in een mandjie te gooi – onder
die vaandel van Echo 4X4 Link.
Ian het saam met sy familie ‘n paar maande gelede die koue
winters van Bethlehem in die Vrystaat vir die warmte van die
Bosveld verruil. Hy het die geleentheid aangegryp om sy ervaring
in ‘n eksklusiewe winkel in Ellisras met ander buitelug
entoesiaste te deel. Echo 4X4 Link bied iets vir elke avontuurlus-
JUNIE 2006 PYL EN BOOG
JC Botha en Ian Fourie (regs) voor Echo
tige – van veelsydige
sleepwaens, daktente,
vierwiel motorfietse,
sleepwaens en kampeersleepwaens
tot gasbraaiers,
slaapsakke,
verkykers, messe en
buitelug kleredrag.
Echo 4X4 Link dien
verder as JC’s Archery
se depot op die dorp.
Die twee gesinne het
dadelik vriende geword
nadat Ian en sy seun, Wian, by die Nyala Boogklub, waarvan JC
die voorsitter is, aangesluit het. Toe Ian vir JC nader om hom in
hierdie uitdaging te ondersteun, was dit ‘n natuurlike uitvloeisel
van gesamentlike belangstellings. By JC’s Archery se depot kan
boogjagters en –entoesiaste ‘n voorsmakie kry van die dienste
en produkte wat JC’s Archery bied. JC is te alle tye bereid om te
help – veral gedurende die jagseisoen.
‘n Uitsonderlike ervaring wag op kliënte wat Echo 4X4 Link
in Ellisras besoek. Die winkel is gerieflik op die hoofroete na
Botswana geleë – letterlik 20 m vanaf die hoofpad. Hier kan
kliënte belê in hul lewenstyl, kwaliteit diens ontvang en boonop
‘n voorsmakie kry van eg tradisionele gasvryheid.
k
Boogskietwoordelys
Deur Tom Cairncross
Armskerm / armguard
Boogkoker / bow quiver
Boogsnaar -/ - bow string
Buik -/ -belly
Droogvuur / dry fire
Dubbelkam-nok / double cam
Enkelkam-nok / single cam
Floe-floe / flu flu
Gelamineerde / laminated
Greep / grip
Haakpunt / nocking point
Handskok / hand shock
Handvatsel / riser
Jagpunt / broadhead
Korrel of loerkorrel / peep
Kragboog / compound bow
Kurfboog/kromboog / recurve
bow
Langboog / longbow
Loop-en-bekruip / walk-and-stalk
Meganiese/oopvou-jagpunt /
mechanical/expandable broadhead
Opvouboog / takedown bow
Parallelle vere / parallel limbs
Plankdwars / broadside
Professionele jagter(PJ) / (PH)
Putskuiling / pit blind
Pylplaatjie / arrow plate
Pylhaak / nock arrow
Pylrak / arrow shelf
Pylrus / arrow rest
Pylskag / arrow shaft
Rugkant / back of bow
Rug-pylkoker / back quiver
Selfhaak / nock self
Skuiling / hide/blind
Skuinsaan / quartering on
Skuinsweg / quartering away
Slagvere / limbs
Sneller / release
Spanafstand/hoogte / brace height
Spankrag / draw weight
Spantou / bow stringer
Span van die boog / brace
Stabiliseerder / stabiliser
Stomp punte / blunts
Teiken of veldpunt / field point
Treklengte / draw length
Veerdraai/verdaaing / limb twist
Veerplak / fletching
Vere / vains
Vergewing/ forgiveness
Vingerskerm/vel/ / tab
Visier -/ - sight
Om in Pyl en Boog te adverteer kontak:
Tom Cairncross / Surina Oberholzer
Tel: (012) 335 1998
Faks: (012) 335 5066
E-pos: editor@africasbowhunter.co.za
vii

viii
TROPHY TAKER * GOLD TIP * TRUE FIRE
COBRA * SIMS * EASTON * CARBON - EXPRESS * MONTEC
BOWS:
PSE
Bowtech
Browning
Mathews
Parker
Pro-line
Diamond
Genisis
SIGHTS:
Tru-Glo
Cobra
Spothog
RELEASE AIDS:
Tru-fire
Cobra
Scott
RESTS:
Nap
Trophytaker
Cap
Cavalier
STABILIZERS:
Vibracheck
Sims,
Doinker
SHAFTS:
Gold-tip
Easton
Garbon - Express
Carbon Force.
*Plano Bowcases
BROADHEADS:
Thunderhead
Wasp
Muzzy
Montech
Razorcaps
Rocket
Steelforce
Seclusion-3D Camo clothing- leafy suits , netting siuts. • Special-PSE bruin kit from R3697-00
PRICES SUBJECT TO FLUCTUATION IN THE RAND/DOLLAR EXCHANGE RATE
PSE * REFLEX * MATHEWS * PARKER * BROWNING* PLANO
NAP * WASP * MUZZY * THUNDERHEAD
PYL EN BOOG JUNIE 2006