1. STRUKTUUR VAN DIE DIENS 1.2 NASIONALE VLAK - SAPS

-14-
(b) ALGEMENE OPMERKINGS:
Hierdie afdeling is verantwoordelik vir die ontwikkeling en instandhouding
van —
• ‘n strategiese plan;
• doeltreffende organisatoriese strukture, prosedure en metodes
insluitende algemene organisatoriese ontwikkeling;
• effektiewe inligting- en stelselbestuur; en
• effektiewe interne en eksterne kommunikasie en skakeling
vir die Diens.
Alhoewel daar komponente van Bestuursdienste is op area - en provinsiale
vlakke wat verslag doen aan die areakommissaris en die provinsiale
kommissaris onderskeidelik, funksioneer hierdie komponente volgens
nasionale beleide en riglyne wat deur hierdie afdeling uitgevaardig word. Die
afdeling het ‘n nasionale vermoë vir dienslewering en intervensie op nasionale
vlak.
(2) FINANSIËLE EN ADMINISTRASIEDIENSTE
(a) HOOFFUNKSIES:
• Finansiële Dienste (wat, onder meer, die begroting bestuur)
• Administrasiedienste (wat die Sentrale Vuurwapenregister insluit)
(b) ALGEMENE OPMERKINGS:
Hierdie afdeling word beskou as ‘n ondersteuningsfunksie - afdeling van die
Diens, wat spesifiek verantwoordelik is om ‘n finansiële en administratiewe
ondersteuningsdiens aan die bestuur en die Diens in geheel te lewer.
Die afdeling is verantwoordelik vir nasionale standaarde en beleid wat
verband hou met bogenoemde aangeleenthede. Alhoewel daar finansiële en
hulpkomponente op area - en provinsiale vlakke is wat aan die
areakommissaris en provinsiale kommissaris onderskeidelik verslag doen,
funksioneer hierdie komponente ooreenkomstig nasionale beleid en riglyne
wat deur hierdie afdeling uitgevaardig word. Die afdeling het ‘n nasionale
kapasiteit vir ondersteunings en intervensies op nasionale vlak. (dit sluit in die
bestuur van die nasionale begroting en die bestuur van Sentrale
Vuurwapenregister wat die administrasie van vuurwapenlisensies insluit).
(3) LOGISTIEK
(a) HOOFFUNKSIES:
• Verkrygingsbeleid en Inventarisbestuur
• Bestuur van Fasiliteite en Spesialisdienste
• Bestuur van die Voertuigvloot en Radiotegniese Dienste
(b) ALGEMENE OPMERKINGS:
Hierdie afdeling word beskou as ‘n ondersteuningsfunksie-afdeling van die
Diens wat spesifiek verantwoordelik is vir logistieke ondersteuning met
betrekking tot Vlootbestuur, Fasiliteitsbestuur en alle ander Logistieke
ondersteuning.