Create successful ePaper yourself
Turn your PDF publications into a flip-book with our unique Google optimized e-Paper software.
Gevalle Engele.<br />
Vir duidelikheid wil ek net eers sê; ek stel absoluut geen belang in die duiwel nie; ek<br />
weet dat Jesus deur sy dood en opstanding die duiwel oorwin het; die Sterker Man het<br />
die sterk man oorval en hom vasgebind en al sy buit uitgedeel! (Luk.11:22)<br />
So, ek verkondig nie die duiwel of sy gevalle engele nie; Heilige Gees het egter vir<br />
my hierdie openbaring gegee, daarom weet ek dit is noodsaaklik dat ek dit moet weet<br />
—en daarom deel ek dit met almal.<br />
Die Bybel sê egter dat die hele wêreld lê in die mag van die bose—en dit is vandag<br />
net so van krag as ooit vantevore. Al die verskillende nasies van die wêreld is deel<br />
van die koninkryk van duisternis; net wedergebore mense is in die koninkryk van lig.<br />
Dit is noodsaaklik vir ons om te weet van die gevalle engele wat oor die verskillende<br />
nasies heers, want dit is wat nou, in hierdie tyd van die einde, vir ons moet duidelik<br />
wees, om die tye en geleenthede te kan verstaan; dit is waarom Heilige Gees juis noù<br />
vir ons hierdie openbaring gee, vir die eerste keer ooit. Dit was nog nooit deur die<br />
vorige duisende jare nodig dat mense dit moes weet nie, maar Hy wil hê ons moet dit<br />
nou weet.<br />
Hier sal dit baie duidelik word wat bedoel was in Hoofstuk 2, waar die Maya-stam<br />
hierdie bestaande era noem; die era van die Jaguar.<br />
Die jaguar is maar dieselfde as wat ons die Luiperd noem—swart luiperd miskien,<br />
maar tog luiperd.<br />
Ons sal moet aandag gee aan die rol wat die gevalle engele op die aarde speel, aangesien<br />
ek reeds daarna verwys het dat dit ‘n gevalle engel was wat vir Mohammed gesê<br />
het om die Koran in stryd met die Bybel te skryf. (Lees asseblief Gal.1:8,9)<br />
Feitlik alle inligting wat ons oor gevalle engele het, kom uit die Bybel. Christene<br />
sowel as nie-Christene moet maar elkeen vir hulself besluit of hierdie sake blote<br />
toeval is, en of hier enige waarheid in steek. Wees net eerlik!<br />
Dit is ‘n baie besliste openbaring wat Heilige Gees aan my gegee het, nadat Hy dit<br />
eers gegee het aan my vriendin Christine; dit word duidelik in die Bybel genoem,<br />
maar die openbaring was nog nooit vantevore nodig nie; vandag is dit nodig.<br />
Elkeen sal moet erken dat ons, behalwe vir die Bybel, geen betroubare inligting het<br />
van die verlede en veral oor die toekoms nie.<br />
Veral as ons moet kies tussen inligting deur gevalle engele voorsien, en inligting deur<br />
die Bybel voorsien, dan kies ek beslis elke keer die Bybel!<br />
Geskiedenis word opgeskryf uit elke skrywer se eie oogpunt en oortuiging; ‘n baie<br />
maklike voorbeeld is ons geskiedenis vandag, van Suid-Afrika.<br />
Soos dit vir die afgelope meer as driehonderd jaar opgeskryf was deur geskiedskrywers<br />
en soos ons dit almal geleer en geglo het, word dit vandag totaal oorgeskryf<br />
in S.A.<br />
Die helde van die verlede is vandag die skurke, en die skurke van die verlede is<br />
vandag die helde!<br />
35