Create successful ePaper yourself
Turn your PDF publications into a flip-book with our unique Google optimized e-Paper software.
Geskiedenis is dus nie betroubaar nie. Van al die geskiedenis is nét die Bybel steeds<br />
betroubaar, omdat dit nog steeds bewys is dat dit presies so gebeur het—ek praat nie<br />
met die mense wat probeer snaaks wees nie, ek praat met verstandige mense; dit is<br />
beslis nié verstandig om alle “geskiedenis” sommer net vir soetkoek op te eet nie.<br />
Ek praat ook nie met “Christene” nie, ek praat met àlle mense; ek praat met mense.<br />
Ons sal ook die rol agterkom van die gevalle engele wat so aanhoudend en onafgebroke<br />
werk deur regerings en mense wat aan hulle plek gee, soos die mediums, die<br />
waarsêers, die fortuinvertellers die mense wat glo in reïnkarnasie en in voorvadergeeste,<br />
en nog baie ander. Dit wat die mense dink wat hulle voorvaders se geeste is, is<br />
ook gevalle engele.<br />
Kom ons kyk nou wat sê die Bybel, waar kom gevalle engele vandaan. Om dit<br />
duidelik te kan sien, moet ons bietjie teruggaan na die begin van die Bybel.<br />
Gen.1:1. “In die begin het God die hemel en die aarde geskape.” Let tog op; daar is ‘n<br />
punt na hierdie sin; dit is dan ‘n afgehandelde saak, en met vers 2 begin dan ‘n nuwe<br />
saak.<br />
Dit sê nie watter metode God gebruik het nie, ook nie wanneer die begin was of hoe<br />
die aarde gelyk het, of wat alles van die skepping in die begin, op die aarde was nie.<br />
God en sy engele woon, of bly, of lewe, van ewigheid af in die geestelike dimensie<br />
wat ons onsigbaar noem, want God IS self die Begin. Jesus sê: “Ek is die begin.”<br />
(Openb.1:8)<br />
Toe het die rebellie gebeur waar een van die aartsengele, Satan (of Lucifer) soos dit in<br />
Jes.14:4-21 beskryf is, teen God gerebelleer het. Hy wou hom aan die Allerhoogste<br />
God gelykstel, maar sy rebellie het misluk en hy is uitgewerp, saam met sy navolgers<br />
—alle gevalle engele.<br />
Jesus sê: “Ek het die satan soos bliksem uit die hemel sien val.” (Luk.10:18) Hy sê<br />
ook nie hoe lank gelede dit gebeur het nie. Ons kan dieselfde lees in Openb.12:9 waar<br />
satan neergewerp is met al sy engele.<br />
Gen.1:2. “En die aarde was woes en leeg en duisternis was op die wêreldvloed.” Dit<br />
is nie in God se aard om iets so onklaar te maak en so te los nie. Hy sê ook nie hoe<br />
lank het hierdie duisternis so aangehou nie.<br />
God is Lig, duiwel is duisternis; omdat die duiwel, wat duisternis is, nou op die<br />
aarde neergewerp was, was die aarde gehul in duisternis en woes en leeg. Omdat satan<br />
daar was, was daar ook moord en geweld deur die verskillende soorte diere wat<br />
mekaar doodgemaak en gevreet het—dit was duisternis omrede van satan. Daar was<br />
beslis sonde, want satan is sonde.<br />
Daar was ook nog nie mense wat na God se beeld en gelykenis gemaak was nie. Of<br />
daar reeds twee-benige voor-“mense” was weet ek nie, daar is baie dinge wat wel<br />
daarop dui, maar as daar wel sulke “mense” was, was hulle beslis nié na God se beeld<br />
en gelykenis gemaak nie; God se beeld en gelykenis is die Gees met sy siel wat die<br />
mens van God kry.<br />
36