Maandag - CUM Books

Maandag Maandag
Dis nie jou ouma se wêreld nie
Vandag se kinders word vinniger groot as ooit tevore. Hulle wêreld
is nie die een waarin jy grootgeword het nie, en dis beslis nie jou
ouma se wêreld nie. Jou tiener het te doen met kwessies soos selfsnyding,
dwelms, depressie, selfmoord, terroriste-dreigemente, ’n
on seker ekonomiese toekoms, en anorexia, bo en behalwe die dinge
wat tieners al geslagte lank moet hanteer: groepsdruk, hormoonveranderings,
berge huiswerk, stres oor die lewe, voorbereiding vir ’n
loop baan, kommer oor universiteitstoelating of keuring vir ’n beurs,
ensovoorts. Die toename in die sterf-
tesyfer onder 11- tot 19-jariges – as
ge volg van selfmoord, dronkbestuur
en ’n oordosis dwelms – is ’n stille getuienis
dat baie van vandag se tieners
een voudig oorweldig voel, en hulle
weet nie watter kant toe nie.
Die volgende gedagte is nogal vreesaanjaend: ’n 17-jarige Amerikaanse
kind kan alles doen wat sy wil. Sy kan wettig ’n motor bestuur.
Dit beteken sy kan na baie plekke toe gaan wat dalk nie jou
goedkeuring sal wegdra nie. Sy kan saam met kinders kuier wat jy
nie ken nie. Kan sy drink? Natuurlik! Al wat sy nodig het, is ’n vals
ID wat sê sy is ouer as wat sy is, en dit kan sy baie maklik oor die
internet kry. Kan sy dwelms gebruik? Maklik! Maar my vraag is: As
tieners al hierdie dinge kán doen, hoekom is daar so baie kinders
wat dit nié doen nie? Waarom kies baie tieners om nié te drink nie,
nié dwelms te gebruik nie, nié rond te slaap nie en nié later in te
kom as die reël nie?
Die antwoord op dié vraag is waaroor hierdie boek gaan. Jy sien,
gesindhede ontstaan nie oornag nie, hulle ontwikkel met tyd.
Watter soort konstruksiewerk het jy nodig?
Ouer, jy weet reeds jy het werk om te doen in hierdie hormoongedrewe
jare, anders sou jy nie hierdie boek opgetel het nie. Jy wil
ver seker hê dinge in jou huis moet verander. Maar die eerste ding
19
Dit is maklik om te reageer.
Al wat nodig is, is om jou
mond oop te maak.