Bulletin 11 Nov 2012.cdr - Moederkerk

NG Kerk Stellenbosch Moedergemeente
Tel: 021 883 3458 | Faks: 021 886 4041
E-pos: kantoor@moederkerk.co.za
Webblad: www.moederkerk.co.za
| Alle ure nommer: 074 354 0088
11 NOVEMBER 2012
KONINKRYKSTYD
W E L K O M I N D I E E R E D I E N S VA N D A G !
OGGEND- EN AANDDIENS: MOEDERKERK 09:30 & 19:00
HANNES KOORNHOF
1 'n Gedig van Dawid. Neem my in
beskerming, o God; ek soek skuiling by
U.
2 Ek het vir die Here gesê: “Ek behoort
aan U, daar is vir my niks goeds nie
behalwe by U.
3 Die afgode in die land, so aantreklik vir
baie – met hulle wil ek niks te doen hê
nie.
4 Mag elkeen wat 'n ander god vereer,
baie smart beleef. Vir afgode sal ek nie
bloedoffers uitgiet nie, hulle name sal
ek nie op my lippe neem nie.”
5 Here, U is my lewe, U sorg vir my. Wat
ek ontvang, kom alles van U af.
6 'n Pragtige deel is vir my afgemeet, ja,
wat ek ontvang het, is vir my mooi.
7 Ek sal die Here loof wat my tot die regte
insig gebring het; selfs in die nag bly ek
bewus van wat Hy my leer.
8 Ek het die Here altyd by my: omdat Hy
by my is, sal ek nie struikel nie.
9 Daarom is ek bly en juig ek en voel ek
my veilig.
10 U gee my nie oor aan die dood nie. U
laat u troue dienaar nie in die graf kom
nie.
11 U leer my hoe om te lewe. By U is daar
oorvloedige blydskap. Uit u hand kom
net wat mooi is.
Psalm 16
1 'n GEDIG van Dawid. Bewaar my, o God,
want by U skuil ek.
2 Ek het tot die HERE gesê: U is my Here; vir
my is daar geen goed bo U nie.
3 Maar aangaande die heiliges wat op die
aarde is, sê ek: Hulle is die heerlikes in wie
al my behae is.
4 Die smarte van hulle wat 'n ander god met
gawes vereer, sal menigvuldig wees; ek sal
hulle drankoffers van bloed nie uitgiet en
hulle name op my lippe nie neem nie.
5 Die HERE is die deel van my erfenis en van
my beker; Ú onderhou my lot.
6 Die meetsnoere het vir my in lieflike
plekke geval, ja, my erfenis is vir my mooi.
7 Ek sal die HERE loof wat my raad gegee
het; selfs in die nag vermaan my niere my.
8 Ek stel die HERE altyddeur voor my; omdat
Hy aan my regterhand is, sal ek nie wankel
nie.
9 Daarom is my hart bly en my eer juig; ook
sal my vlees in veiligheid woon;
10 want U sal my siel aan die doderyk nie
oorgee nie; U sal nie toelaat dat u
gunsgenoot verderwing sien nie.
11 U sal my die pad van die lewe bekend
maak; versadiging van vreugde is voor u
aangesig, lieflikhede in u regterhand, vir
ewig
AANDDIENS: KRUISKERK 19:00
MARIÉ BRITZ
TEMA: In die oog van die orkaan TEKS: Ps 146

PROGRAM VIR DIE WEEK
DINSDAG, 13 NOVEMBER
13:00 Kreatiwiteitsgroep by die Khaya
19:00 Straatlig-uitreik vanaf die Khaya
WOENSDAG, 14 NOVEMBER
10:00 Bybel-oggend in die Foyer
DONDERDAG, 15 NOVEMBER
12:30 Visioneringsvergadering in die Kerkhuis
13:00 Straatlig-gebedstyd in die Khaya
19:00 Grey Matters in die Hofmeyrsaal
SONDAG, 18 NOVEMBER
08:30 Meditatiewe diens in die Kapel
09:30 Kinder-kersdiens in Moederkerk: Marié Britz
10:30 Engelstalige diens in die Khaya
19:00 Erediens in Moederkerk: Marié Britz
19:00 Erediens in Kruiskerk: Hannes Koornhof
19:00 Tienerdiens by Welgelegen
Vir aandag
OUERS VAN ALLE
KLEUTERS!
KLEUTERKERSSPELoefening
vind plaas op
Donderdag, 15 November
15:00-16:00 in
Moederkerk. Almal moet
asb daar wees!
Waarom sou
ek kerk toe
gaan ....
Daar is baie meer redes om kerk
toe te gaan as net om na 'n preek te
gaan luister, bv.·
Om nie 'n kans op bekering mis te loop nie
· Om 'n goeie gewoonte vol te hou
· Om die lewe voluit te beleef
· Om sin te maak van wat in die wêreld gebeur
· Om die wêreld aan God op te dra
· Om God se heelmaking te ontvang
· Om my geloof publiek te bely
· Om die sin van die Sondag te verwesenlik
· Om die verlossing van die wêreld te vier
· Om die regte noot te kry vir die lied van die lewe
· Om touwys gemaak te word in die kuns van die
lewe
· Om in die ritme van die kerklike jaar te kom
· Om deel van 'n geloofsgemeenskap te word
· Om lig vir my pad te kry
· Om die gemeente te help om haar doel te bereik
· Om rus te vind
· Om my bestaan tot op die bodem te deurgrond
[AA van Ruler, Waarom zou ik naar de kerk
gaan?]
EERSTEJAARSKAMP
SKRYF IN...
Dit is weer daardie tyd van die jaar!
Ons Eerstejaarskamp se beplanning
is in volle swang. Sal jy asb vir enige
matrieks wat jy ken (vriende, familie
of kennisse) hartlik uitnooi na die
Eerstejaarskamp toe?
Die inskrywingsvorms is op ons
webblad beskikbaar by
www.moederkerk.co.za
Jy kan ook vir Dawfré by 082 899
3959 of vir Richard by 082 905
7278 kontak vir meer inligiting. Bid
asb ook nou reeds saam vir al die
beplanning.
HELP ONS...
Ons gee vir elke student (600 woon
die kamp by) 'n verwelkomingsrugsakkie.
Indien jy iets wil borg, of dalk jou
besigheid wil bekend stel, kan jy
gerus vir Richard of Dawfré (nrs bo,
kontak.

Ps. 16 Ps 16 Ps. 16 Ps. 16
Oriëntasie ...disoriëntasie ... nuwe oriëntasie ....waar is jy ?
Die teoloog Walter Brueggemann deel die psalmboek breedweg in hierdie drie kategorieë in.
In ons geloofslewe, sê hy, is daar meesal een van twee bewegings aan die gang. Die een is die
beweging van 'n situasie waar alles in ons lewe min of meer normaal loop na 'n tyd van
disoriëntasie as gevolg van veranderde omstandighede, seerkry, swaarkry of lyding. Dan
ervaar ek dikwels emosies van woede, skuld, negatiwiteit, isolasie. Ons hoor dit veral in die
klag-psalms en boete-psalms. Die ander beweging is die beweging van disoriëntasie na heroriëntasie,
na 'n nuwe oriëntasie wanneer daar 'n positiewe wending in my omstandighede
kom. Dan breek nuwe hoop deur en ervaar ek emosies van dankbaarheid, verwondering en
blydskap. Die dank- en lofpsalms is voorbeelde hiervan. 'n Mens sou Ps. 16 waarskynlik as
deel van hierdie groep kan reken. Op watter punt is jyself tans in jou eie lewe met God? Hoe
kan die psalms jou help om daaraan uitdrukking te gee?
“ Hier”
Die geloofsoefening van aanroeping en teenwoordigheid
“Hier is ek, Here!” – kan die manier wees hoe ek my teenwoordigheid vir God aankondig. Ek
hoef nie vir God te vra “Kom asb hier” nie, want Hy is reeds hier. Dit is ek wat teenwoordig
moet raak, wat “hier moet kom”! Dit ervaar Moses in Eks 3 en Jakob by Bet-El: God is hier –
reeds hier! – en ek het dit nie besef nie! [Gen. 28:16] Brian McLaren stel die volgende
eenvoudige gebed voor om my hiermee te help:
“Hier is ek, Here. U is hier, Here. Ons is saam hier”
* Raak stil ...en wees net hier
* Hoor dat die Here jou op jou naam roep
* Antwoord “Hier is ek, Here”...
en wees dan net rustig by die Here
[Brian McLaren, Naked Spirituality, hoofstuk 4]
“Experiencing God's Presence
[Selwyn Hughes]
In een van sy boekies in die bekende reeks, Everyday with Jesus, gee hy die volgende wenke
wat my kan help om meer bewus te wees van God se teenwoordigheid in my alledaagse lewe.
1. Voor jy in jou dag inhardloop, maak 'n tydjie vir stil wees by God, Bybellees en gebed.
2. Dink aan God as jou senior kollega en gesels dwarsdeur die dag met Hom oor besluite wat
jy moet neem.
3. Sê gereeld deur die dag vir God dankie vir dinge wat jy sien en ervaar [“Cultivate a praising
heart”].
4. Bid bevestigend [“affirmative”]: wanneer jy bid oor dinge wat die Here in sy Woord belowe,
beteken bid om te ontvang en nie te vra nie. Ek vra bv. nie vir God om nou by my
teenwoordig te wees nie, maar sê dankie dat Hy hier is!
5. Skep 'n roetine van enige iets wat jy gereeld doen; wanneer jy dit doen, laat dit jou
herinner dat God in jou lewe teenwoordig is.
6. Voor jy elke aand gaan slaap, gebruik 5 minute om te dink oor wat alles in jou dag gebeur
het en hoe bewus of onbewus jy van God se teenwoordigheid was. Dit sal jou toenemend
help om om meer bewus van God te wees in jou alledaagse lewe.
Ps. 16 Ps 16 Ps. 16 Ps. 16

GEBEDSLYS VIR DIE WEEK
ONS GEMEENSKAP:
—Bid vir ons munisipaliteit; vir elke amptenaar dat hy/sy met integriteit en
pligsgetrouheid hulle werk sal doen.
—Dank Hom vir die wyse waarop ons dorp se toegangspaaie verfraai word, die
strate skoon gehou en nuut geverf is.
—Bid dat alle korrupsie en gierigheid uitgeroei sal word in die administrasie van fondse,
tenders en ander aangeleenthede.
ONS LAND:
—Bid dat die arbeidswetsontwerpe, wat tans deur die parlement hersien word, daarin sal
slaag om 'n goeie balans tussen die regte van werkgewers en werknemers te vind, en dat
die eindresultaat nie tot werksverliese sal lei nie.
—Bid dat politici meer verantwoordelik gehou sal word vir gevalle van onoordeelkundige
spandering van ons belasting.
DIE WÊRELD:
—Bid vir die groeiende nood aan menswaardige behuising in baie dele van die wêreld.
Volgens UN-Habitat lei die toenemende verstedeliking wat gepaard gaan met oorbevolking,
verslegtende omgewingsgesondheidstoestande, armoede en beperkte toegang tot behuising
tot 'n groeiende aantal krotbuurte en informele plakkerskampe. Hierdie situasie is ook
sigbaar in SA waar die lewens van meer as 12 miljoen mense geraak word deur die tekort
aan ongeveer 2 miljoen behuisingseenhede wat reeds tot ongeveer 2700 informele
nedersettings gelei het.
As die klokke 12:00 lui.... Bid vir ons land
Op elke weeksdag in November gaan die klokke 12:00 lui.
As jy naby is en dit hoor, word 'n oomblik stil en bid vir ons
land.
As jy elders woon en werk: stel 'n herinnering op jou selfoon.
JEUGWERKERPOS
Bid vir die onderhoude
hierdie week
Dié week het die kommissie
'n kortlys opgestel.
Eerskomende
Woensdagaand voer ons
onderhoude met die 4
kandidate.
— Bid asb. saam met ons dat
ons die stem van die Here
reg sal hoor oor wie ons
moet aanstel.
— Bid ook vir al die
kandidate wat nie die
kortlys gehaal het nie dat
hulle hul roeping sal bly
uitleef.
LESOTHO BEDIENING
Die afgelope 14 jaar werk ds August en Anita Basson in
Lesotho. Hulle het 'n veel wyer bediening daar as net
evangelisasiewerk. August behaal wonderlike resultate met
'n landboumetode wat hulle begin toepas het en wat só
suksesvol is dat selfs weeskinders en bejaardes ook nou in
staat is om selfonderhoudend te word! Hy word ook gereeld
genooi na naburige lande om dié metode daar bekend te
stel.
HOE JY BETROKKE KAN RAAK:
Deur gebed, die belangrikste ondersteuning. Bid vir hulle as
gesin, as span, as gemeente, bid ook vir voldoende fondse
vir die werk, vrywilligers en die Here se voorsiening sodat die
werk kan voortgaan. Besoekers is altyd welkom, ook langer
termynbesoekers. Daar is altyd bouwerk, instandhouding
van voertuie, geboue ens. waar hulp welkom sal wees.
Vir finansiële bydraes, kontak Marianne by die kerkkantoor.
Vanoggend se deurkollekte gaan aan die bediening in Lesotho.
Volgende Sondag se deurkollekte gaan aan ons bediening in Maleisië.