Daar is 'n nuwe geluid op Maphutseng. 'n Baie ... - Moederkerk

Daar is 'n nuwe geluid op Maphutseng. 'n Baie bekende een vir Suid
Afrikaners, maar vir Maphutseng is dit nuut. Die kenmerkende gekekkel
van tarentale vul elke oggend die stilte. Die afgelope 4 jaar is gekenmerk
deur verandering vir ons as familie, maar ook vir Maphutseng. Ons
kinders moes gewoond raak aan skool en koshuis VER weg van die huis
af. Ons moes trek na 15 jaar op Tebellong. Met ons aankoms op
Maphutseng moes ons weer gewoond raak aan 'n lendelam long drop
totdat die spoel toilette klaar was.
So het dit ook gegaan met die geboue van Maphutseng. Van ruines tot bruikbare
geboue. Van niks tot wonderlike huise. Dit is lekker om huis toe te kom. Dit is lekker om hier
te wees, want ons bly lekker.
Maar dieselfe prentjie is besig om homself af te speel in die natuur om ons. Die voels het
begin meer word, en toe begin ons ander spesies sien, soos fisante en van tyd tot tyd die
sekretarisvoels, die eende in die rivier, die kenmerkende Piet my vrou wat Gustav mal maak
en die nuutste is die tarentale. Ai hoe wonderlik as die natuur begin herstel. Daar is broeiplek
vir die voels.
Maar die wonderwerk wat ons egter tot stilsand
ruk is die lewens wat verander. Mense wat kos
het om te eet, wat dit geniet om weer te
boer. Wie die Here op 'n nuwe manier ontdek in
die grond en die mense om hulle. Wat nie
wegloop van hulle lande af sonder om te bid dat
die Here elke saadjie sal seen wat in die grond
gesit is nie. God is aan die werk in mense se
harte. Ons harte is vol dankbaarheid.
Gelukkig stop dit nie hier
nie. Daar is veel meer op die
spel. Ek het die voorreg om ook in Afrika betrokke te wees en die lekker
stories op ander plekke te hoor. Met die verkiesingsgeweld 'n paar jaar
terug, verloor Simon en sy vrou alles. Hy eindig in 'n droe slegte plek waar
mense in tente ingedruk word. Hy woon 'n Farming God's Way opleiding by
wat ek aanbied saam met Tim Bannister. Hy begin boer in die dorre
Maimayo vallei in Kenya en almal om hom is verstom. Sy waardigheid is
herstel en om in sak en as te gaan sit is nie eens 'n opsie vir hom nie. So is
daar talle stories van vuurtjies wat aangesteek word deur Afrika.

Met ons afgelope leiereskaps konferensie van Africa Inland
Mission in Kenya het ek opnuut bewus geword van die
behoefte van mense om landbou as 'n platform te gebruik om
verandering in mense se lewens te fasiliteer. Landbou is 'n
wonderlike instrument om onbereiktes te bereik, om
geloofwaardigheid in baie suspisieuse groepe te
bewerkstellig. Die werk is aan die groei en volgende jaar Mei
en Junie gaan ek deur Mosambiek, Tanzanie, Kenya, Suid
Sudan en Uganda beweeg om sleutel mense toe te rus. Ons
het reeds uitnodigings van 20 vesrkillende sendelinge in die
lande.
WATCH THIS SPACE. Vroeg volgende jaar stuur ons vir julle meer detail hieroor.
Baie dankie vir almal se ondersteuning, sonder julle kan ons nie die werk doen nie. Ons is
werklik jammer dat die nuus so min is. Ons sal probeer om beter te kommunikeer volgende
jaar.
Gededsversoeke:
Om Growing Nations aan die gang te hou is nie maklik nie. Die Here is so getrou om in ons
behoeftes te voorsien. Bid vir genoeg fondse volgende jaar om 'n klaskamer en studente
akkomodasie te kan bou.
Bid vir ons jeug program. Ons het 7 baie toegewyde jongmense wat 'n jaar saam met ons
is. Bid vir ongekende geestelike en persoonlike groei. Bid ook vir hulle ontwikkeling as leiers
in die gemeenskappe van waar hulle kom. Dit is ons geleentheid om te belê in die jong mense
se lewens.
Bid ook vir die volgende groep wat in Julie 2013 sal begin. Bid dat die Here vir ons die regte
menses al stuur om deel te wees van dissipelskap program.
Indien iemand graag ‘n donasie wil maak kan julle dit op die volgende webtuiste doen:
https://www.givengain.com/cgi-bin/giga.cgi?cmd=donate&cause_id=490
August & Anita Basson
SA cell: +27836583410
Lesotho cell: +26658883670
Web www.growingnations.co.za
Transformation through sustainable Agriculture.