4 Aug 2013.cdr - Moederkerk

NG Kerk Stellenbosch Moedergemeente
Tel: 021 883 3458 | Faks: 021 886 4041
E-pos: kantoor@moederkerk.co.za
Webblad: www.moederkerk.co.za
| Alle ure nommer: 074 354 0088
4 AUGUSTUS 2013
KONINKRYKSTYD
W E L K O M I N D I E E R E D I E N S VA N D A G !
OGGENDDIENS: MOEDERKERK 09:30
HANNES KOORNHOF
TEMA: Watter rol speel God-taal in jou eie lewe?
TEKS: Teks: Jer 2:1-13
These verses contain two parallel indictments, “They did not
say...” (v. 6) and “The priests did not say...” (v.8). It is interesting
and important that Israel is not indicted here for what it did
not do but for what it did not say. The indictment recognizes
that Israel is essentially a community of utterance. When
Israel ceases to utter rightly, the community is jeopardized. In
the first indictment, the entire community is accused, the
explicit subject being “your ancestors” (v5). The phrase refers
to all the past generations of Israel from Moses to the time of
Jeremiah. All of them are indicted for a failure to say. What
they did not say pertains to Yahweh's deliverance from Egypt
and Yahweh's safe leadership in the wilderness. The long line
of ancestors did not publicly - out loud – give an account of
the ways in which Yahweh's faithful, powerful presence made
life possible for Israel. They neglected to say, or they forgot
to say; and in their failure to say, Yahweh – the central
character of Israel's past – disappeared, so that a failure
to say leads to a sense of autonomy, a life without
Yahweh.
The indictment is only “they did not say”. There is no indirect
object. They did not say to whom? We might expect that they
did not say to their children, or perhaps to their nonbelieving
neighbors. But it is the saying, not the hearing, that
matters here, for it is the saying that keeps the speakers
inside the story, just as the saying keeps Yahweh
palpably at the center of Israel's narrative and identity.
This text makes evident that Israel is primarily a community of
utterance. Israel engages in narrative recital, which is a form
of testimony. The testimony is advocacy for a certain rendering
of reality and a polemic against other renderings of reality, in
this case, renderings of reality that neglects to mention
Yahweh as a key actor. It is clear that Israel is to be a
community of obedience, and one aspect of that obedience is
obedient speech. (Walter Brueggemann, Text that linger, words
that explode)
AANDDIENS IN MOEDERKERK
19:00 RICHARD VAN WYK
AANDDIENS IN KRUISKERK
19:00 JOHAN VD MERWE
DOOP
Baie welkom aan die
volgende twee ouerpare
wat vanoggend hul babas
laat doop:
— Grant & Lenelle Gainsford
met David
— Le Roux & Jani-Mari van
Niekerk met Jeazelle

PROGRAM VIR DIE WEEK
MAANDAG, 5 AUGUSTUS
13:00 Kreatiwiteitsgroep vir Moederkerk (aande)
17:00 Eredienswerkgroep in die Kerkhuis (oggende)
19:00 Kerkraadsvergadering in die Kerkhuis
DINSDAG, 6 AUGUSTUS
13:00 Kreatiwiteitsgroep (Kruiskerk) in die Khaya
19:00 Huweliksvoorbereidingskursus
WOENSDAG, 7 AUGUSTUS
18:00 Belydenisklas in die Hofmeyrsaal
19:00 Koffiekroeg in die Hofmeyrsaal
SONDAG, 11 AUGUSTUS
08:30 Meditatiewe diens in die Kapel
09:30 Erediens in Moederkerk: Marié Britz
10:45 Engelstalige diens in Kruiskerk
19:00 Erediens in Moederkerk: Johan van der Merwe
19:00 Erediens in Kruiskerk: Hannes Koornhof
19:00 Tienerdiens by Welgelegen-gemeente
GOD IN DIE MEDIESE WÊRELD
In ons gemeente is dit 'n kernwaarde dat ons ons
verhouding met die Here 24/7 wil uitleef. Dit
beteken dat ons mekaar wil help om die verband
tussen ons verhouding met die Here en ons werk
bewustelik te trek. Ons wil graag ruimtes skep
waar ons mekaar hiermee kan help, want ons besef
almal dat dit nie 'n eenvoudige saak is nie. In ons
reeks “God@Work” gesprekke gee ons hieraan
aandag.
BELYDENISAFLEGGING
Daar’s nog ’n geleentheid vir jongmense
om belydenis van geloof af te lê op
Sondagoggend, 25 Augustus.
Kontak Maritha by die kerkkantoor so
gou moontlik vir meer inligting.
Wenke vir
FAMILIES
Daar is soveel kragte wat families
uitmekaartrek. Daarom ons
“familiewenke” waarmee ons gesinne
wil toerus en uitdaag om
familiegewoontes te vestig wat gesinne
sterker kan maak in die uitdagende tye
waarin ons leef. Ons sal die wenke op
www.moederkerk.co.za meer
breedvoerig bespreek. So kan families
vir hulle 'n gereedskapskis opbou met al
die wenke om hulle gesond te hou.
Familiewenk #8
Ons het twee ore en een mond gekry.
Hierdie week probeer ons beter na
mekaar luister. LUISTER is die
hoogste vorm van respek!
Op Maandagaand, 12 Augustus om 19:00-20:30 in
die Hofmeyrsaal se Foyer gesels ons oor die
mediese wêreld. As jy in hierdie industrie werksaam
is, kom gesels saam!
Johan van der Merwe nuwe
Voorsitter van die Kerkraad
Die Kerkraad
het by hulle Junievergadering
op voorstel van die
predikantespan die volgende besluit
geneem: Aangesien Hannes volgende
jaar 65 word en dus aftree-ouderdom
bereik, word Johan van der Merwe vanaf
die tweede semester 2013 die leier van
die predikantespan en voorsitter van die
Kerkraad.

Getroud...en nou!?
Oktober-maand, Leipoldt se “mooiste, mooiste maand”, is 'n gulde geleentheid om 'n bietjie
aandag aan die huwelik te gee. Vir vier weke lank skep ons vir mekaar 'n ruimte waar ons die
sterk punte in ons huwelike kan vier en groei-areas as egpare kan
aanpak. So werk dit:
Tyd: Donderdag-aande 10, 17, 24 en 31 Okt om 19:00-20:30
Plek: Kerkhuis (langs Moederkerk)
Koste: R400 (die koste is die eksterne koste van die aanlyn-peiling wat
ingevul word; subsidie is op aanvraag beskikbaar)
Fasiliteerder: Johan van der Merwe
Onderwerpe: Identifiseer sterk punte en groei-areas, Persoonlikheid,
Kommunikasie enKonflikhantering
Tydens ons sessies gesels egpare meestal met mekaar. In die
kleingroepe en groter groep deel elkeen net as jy wil en ook net dit waarmee jy gemaklik is. Geen
druk word toegepas nie.
Inskrywings: Elaine by elaine@moederkerk.co.za of 021 883 3458 teen einde September.
Ouerskapswerkswinkel
vir ouers met
tieners
Daar is 'n groot behoefte onder ouers
met tieners om te weet hoe ek die
kwelvrae wat opduik in hierdie
dinamiese tyd van my kinders se lewe
moet hanteer. Ons nooi ouers om in 'n 4-
weke werkswinkel saam te kom gesels
en verdere vaardighede te ontwikkel
rondom
· kommunkasie in die huis
· die uniekheid van elkeen in die gesin
· gesonde grense vir tieners
· huisvergaderings en
probleemoplossing
Dit vind plaas op Woensdagaande 21 en
28 Augustus, 4 en 11 September om
19:00-21:00 in die die Khaya. Die koste
is R300/ouerpaar en R200/enkelouer
(sluit handleiding en Myers-Briggs
persoonlikheidsvraelys in).
Inskrywings:
Elaine by elaine@moederkerk.co.za of
021 883 3458.
Navrae: Jan by 082 871 3155
FREE TO SERVE
Sedert sy ontstaan 19 jaar gelede fokus FREE TO
SERVE primêr op die “onbereiktes” van die wêreld.
Ons sien ons taak as die opleiding van inheemse
sendelinge sodat hulle as dissipels onder hulle eie
mense kan werk. Hulle is altyd die heel beste
aangesien hul die inheemse tale, religië, en kultuur
ken, asook die natuurlike verhoudinge.
· In die RSA werk ons in Elsenburg met kinders en
die jeug van Nababeep, Noord-Kaap.
· In die onbereikte Indië het ons die afgelope 19
jaar meer as 120 kerke geplant en 'n paar
duisend pastors opgelei.
· In Thailand kon ons baie mense alreeds na Jesus
lei en 7 nuwe kerke en 2 nuwe kinderhuise plant.
· In Kommunistiese Laos kon ons 12 nuwe kerke
en een nuwe kinderhuis plant en 17 pastors oplei.
· In Burma, wat alreeds meer as 50 jaar onder
militêre beheer is, kon ons 15 nuwe kerke plant
en 4 kinderhuise oprig.
· In Kommunistiese China kon ons ook ’n kerk
plant.
Dit alles kos baie gebede en baie geld. In FTS vertrou
ons volledig op ons God van die onmoontlike. Ons is
dankbaar om die vingers van ons gemeente se
liggaam te mag wees wat baie ver in Asië uitreik en
ver gaan uithaal.
Kontakbesonderhede: Johan en Elna Snyman
www.freetoserve.co.za, office@freetoserve.co.za of
021 887 2657

Straatlig se lig skyn helder!
Dankie vir elkeen se bydrae om van ons wintermark 'n reuse sukses te maak.
Baie dankie in besonder aan almal wat kolwyntjies, kerrie, sop, wit-olifante,
boeke en tyd geskenk het. Ons is baie dankbaar oor almal wat kom inloer het
en ons so goed ondersteun het. Dit was ’n fees. Kyk uit vir ons Kersmark!
MOEDERKERK GEMEENTEBLAD Ons beplan eersdaags die volgende uitgawe van die
Gemeenteblad en wil baie graag stories oor die gemeente se verlede (so 100-150 woorde) plaas.
As jy 'n lekker staaltjie het, stuur dit asseblief teen 12 Augustus aan die redaksie, na
jmc@adept.co.za. Dit is ons almal se blad — help ons om dit lekker interessant te maak!
GEBEDSLYS VIR DIE WEEK
ONS GEMEENTE:
—Dank die Here vir die talle toerustingsgeleenthede wat aangebied word vir
lidmate om te groei in hulle persoonlike verhouding met die Here – wat 'n
voorreg!
—Bid vir elkeen wat sy/haar tyd en gawes op dié manier tot beskikking van sy Koninkryk stel en vir
elkeen wat dit bywoon.
ONS GEMEENSKAP:
—Bid dat ons 'n gemeenskap sal word wat uitreik na ander en omgee; dat opregte dankbaarheid
teenoor die Here ons wantroue en vooroordele sal vervang en dat Hy so verheerlik sal word.
—Bid dat ons nie net sal afbreek en uitroei wat verkeerd is nie, maar dat ons ook sal bou en herstel
soos Jer 1 ons leer!
ONS LAND:
— Bid dat die huidige magstryd tussen vakbonde binne aanvaarbare spelreëls sal geskied en dus
nie tot nadeel van ons land se ekonomiese vooruitgang sal wees nie.
— Bid vir die duisende nie-regeringsorganisasies wat elke dag 'n wonderlike diens in
gemeenskappe lewer, en veral vir hulle wat as vrywilligers ons land op soveel terreine met
persoonlike opoffering dien.
DIE WÊRELD:
—Bid vir wysheid en kundigheid om die belangrike uitdagings wat die wêreld in die gesig staar,
soos deur die Office for the Coordination of Humanitarian Affairs geïdentifiseer, effektief te kan
bestuur, bv:
·verstedeliking (150% in Afrika tussen nou en 2050) wat tot massiewe sosiale ongelykhede,
gesondheidsprobleme, wanvoeding, werkloosheid en armoede sal lei;
·die beperkte toegang tot skoon water wat tot gevolg kan hê dat ongeveer 'n derde van die wêreld
se bevolking teen 2025 'n ernstige waterskaarste sal ondervind.
Vanoggend se deurkollekte gaan aan Free to Serve.
Volgende Sondag se deurkollekte gaan aan die Lesotho Bediening.