2 Konings 5 v 1-18 - Moederkerk

2 Konings 5:1-18 - God ruk “hand-uit”
21 Julie 2013
1. Die Here doen sy werk deur gelowiges en
ongelowiges
Ÿ Die eerste vers laat 'n mens as't ware al
regop sit: God is betrokke by die oorlog
tussen twee heidense nasies! En God
gebruik 'n heidense generaal om 'n
bepaalde uitslag te bewerk!
Ÿ 'n Mens kan die fout maak om te dink
die Here werk eintlik net deur gelowiges.
Natuurlik kan dit waardevol wees as bv.
publieke figure en leiers en politici
gelowiges is (mits hulle natuurlik hulle
geloof regtig uitleef in keuses en
optrede). Maar God is nie afhanklik
daarvan om sy Koninkryk te laat kom en
sy wil te laat geskied
nie. God gebruik die
Persiese koning Kores
om sy volk uit
ballingskap te laat
terugkeer - en Jesaja
noem Kores die “Kneg
van die Here”! Die
Farao stel vir Josef aan
as onderkoning van
Egipte - en God red so sy volk! (Vgl. Gen.
50:20)
Ÿ Laat ons nie te klein dink oor God nie -
en daarom te klein bid nie. God is groter.
God laat sy Koninkryk kom deur
gelowiges en ongelowiges - want dit is
GOD wat sy Koninkryk laat kom!
2. God gee vir alle mense ewe veel om - vir
gelowiges en ongelowiges
Ÿ Dit is die een toepassing van 2 Kon 5 wat
Jesus self maak in Luk. 4:23-33. Die Jode
kon dit nie hanteer nie - want in hulle oë
is heidene mense wat nie vir God se
goedheid “kwalifiseer” nie. Toe jaag hulle
vir Jesus weg!
Ÿ Ons kan maklik (onbewustelik!) steeds
dink dat gelowiges tog seker meer vir God
se goedheid kwalifiseer as slegte mense!
God sal tog eerder goed wees vir goeie
mense (lees: “ons”) as vir slegte mense?
Ÿ Genadiglik kan 'n mens nie kwalifiseer vir
God se goedheid nie. God is goed vir ons
omdat sy liefde vir ons so groot is - nie
omgekeerd nie (lees Ps. 138:8). Jesus sê
God laat reën oor regverdiges en
onregverdiges. (Matt. 5:43-48).
Ÿ En hierin moet God se kinders juis soos
God wees: mense wat God se liefde na
alle mense toe uitleef, ongeag wat
daardie mense se geloof,
ras, geslag, seksuele
oriëntasie, status,
misdaadrekord of wat ook al
is. Juis in die kerk moet
mense God se goedheid,
aanvaarding, deernis,
vergifnis, omgee vir alle
mense konkreet sien en
ervaar.
3. Geld en aansien koop nie God se gawes
nie
Ÿ Dit is nogal 'n komieklike prentjie: die
hoof van die weermag staan voor Elisa se
huis met 'n vrag goud en silwer. Wat hom
betref kan jy omtrent alles met geld en
aansien koop. Omtrent alles. Nie jou
gesondheid nie! Maar ook daar baat dit
tog en kan dit vir jou voorkeurbehandeling
koop.
Ÿ Elisa is nie deel van hierdie sisteem nie.
Hy kom nie eers uit om Naäman te woord
te staan nie. Hy stuur net die voorskrif
met sy bode! Tot Naäman se groot
verontwaardiging!

Ÿ En toe Naäman terugkom en wil dankie
sê met al sy skatte - aanvaar Elisa ook
niks. Want God se goedheid is nie te
koop nie! Dit is vir almal ewe beskikbaar.
En jy ontvang dit net deur geloof en
gehoorsaamheid.
(Kant-aantekening: In baie preke oor 2
Kon 5 word genoem dat dit vandag nog
so is dat welvaart en bevoorregting 'n
mens toegang gee tot beter mediese
fasiliteite en genesing as vir arm mense.
En dat ons as bevoorregte Christene
onsself moet afvra: wat is ons
verantwoordelikheid teenoor mense wat
nie so bevoorreg is nie; hoe kan ons God
se goedheid na hulle toe leef? Iemand
noem dit The Hardest Question: How
does this story offer hope to those who
can never get to Elisha's doorstep the
way Naäman did?)
4. God genees op buitengewone en gewone
maniere
Ÿ Een van die ironieë in hierdie verhaal is
ook die manier hoe die genesing gebeur
en wat Elisa se rol daarin is. Niks
dramaties gebeur nie. Elisa self is eintlik
glad nie betrokke nie. Hy stuur net 'n
boodskap met sy dienaar: gaan was jou
sewe maal in die Jordaan.
Ÿ Naäman se reaksie is komies. Hy is
verontwaardig - dit pas nie by sy status
nie. Hy is ook ongelowig: genesing kan nie
so gebeur nie. Daar moet 'n
indrukwekkende ritueel wees. So werk die
gode. So behoort hierdie God van Israel
ook te werk.
Ÿ God doen sy werk (wonderwerke) op
gewone en buitengewone maniere. Ons
moet versigtig wees om net God raak te
sien as dit op buitengewone maniere
gebeur. Wees daarom ook versigtig om
(verkeerdelik) te dink dat God net die
gebed van die predikant of die
geloofsgeneser of die persoon met die
gawe van genesing hiervoor kan gebruik.
God se Koninkryk kom, God doen sy werk
deur mense soos ek en jy.
5. God werk juis deur mense soos ek en jy
Ÿ Die belangrikste figuur in die verhaal is
waarskynlik die dogtertjie. Alles het by
haar begin. Die slagoffer van oorlog tree
op as getuie en profeet!
Ÿ En eintlik het sy niks buitengewoons
gedoen nie! Sy maak net 'n opmerking
waaruit blyk sy glo in wat God kan doen.
Die Here gebruik dit om 'n hele reeks
gebeurtenisse aan die gang te sit wat lei
tot Naäman se genesing, uiteindelik tot sy
bekering - en waarskynlik tot groter vrede
tussen Aram en Israel!
Ÿ Om te getuig beteken nie om 'n
geformuleerde uiteensetting te gee van
wat jy glo nie. Om te getuig beteken nie
om in konfrontasie met iemand te gaan of
vir mense te preek nie. Om te getuig
beteken allereers om te leef wat jy as kind
van God glo (waardes, prioriteite ens).
Maar getuig is ook praat. Dit kan soms net
'n opmerking wees: oor wat jy glo; oor
hoe jy God beleef; oor wat jy as Christen
dink reg en verkeerd is. Dit kan gewoon
wees om God se goedheid te leef teenoor
alle mense - of om opreg en
onvoorwaardelik te vergewe!
Ÿ God gebruik jou gewone lewe en optrede
om ‘n verskil in sy wêreld te maak! Ons
sien dit in die dogtertjie se opmerking.
Ons sien dit daarin dat al die mense in die
verhaal wat eintlik die verskil maak “op
die agtergrond” is, “gewone mense” is
(Elisa se boodskapper; Naäman se
amptenare).
Ÿ Jy hoef nie belangrik, geleerd,
welsprekend te wees om 'n groot verskil
vir God te maak nie. En as jy wel iemand is
wat geseën word met statuur,
geleerdheid, welsprekendheid, welvaart -
moenie daarop staatmaak nie; maak staat
op God wat deur jou kan werk en 'n groot
verskil kan maak.