Bulletin 10 Junie 2012.cdr - Moederkerk

NG Kerk Stellenbosch Moedergemeente
Tel: 021 883 3458 | Faks: 021 886 4041
E-pos: kantoor@moederkerk.co.za
Webblad: www.moederkerk.co.za
| Alle ure nommer: 074 354 0088
10 JUNIE 2012
KONINKRYKSTYD
W E L K O M I N D I E E R E D I E N S VA N D A G !
OGGEND- EN AANDDIENS: MOEDERKERK 09:30 & 19:00
RICHARD VAN WYK
TEMA: Generies of oorspronklik SKRIFLESING:
1 Samuel 8
Generiese medisyne is namaaksels van die oorspronklike. In 1 Samuel 8 lees ons dat Israel kies
om “soos die ander volke” te wees. Hulle was die oorspronklike volk van God maar kies om hulle
andersheid, hulle oorspronklikheid prys te gee. Hulle uniekheid het daarin gelê dat God hulle
koning was maar nou vra hulle vir 'n ander koning. Die keuse van hulle het natuurlik
konsekwensies. Ten spyte van Samuel se waarskuwing bly hulle by hulle keuse. 1 Samuel 8 kom
vra vir ons: “Wie is die K(k)oning van ons besluite?”
KRUISKERK 19:00
JOHAN VAN DER MERWE
TEMA: Jy is wie jy volg
TEKS: 1 Sam 3:1-20
Die idee van die eiland “Ek” wat nie beïnvloed word deur my omgewing en mense om my nie, is
'n illusie en 'n wanvoorstelling. Ek volg dinge en mense. Dit maak my wie ek is. Ek offer my
lewe vir dinge en mense. Dit maak my wie ek is. Ek is wie ek volg. In die wêreld van sosiale
media het jy “vriende” op , mense jou, maar kan jy darem ook iemand
“unfriend”. Op Twitter het jy volgelinge, is jy besig met
en kan jy ook mense
.
Samuel is nog pure kind. Nog nie sy onskuld verloor nie. Naïef, sou jy selfs kon sê. Hy volg nog
net vir Eli. Maar Eli en sy huis is self verdwaal. God het selfs ophou praat. Hy wil praat, maar
Hy's stilgemaak. God praat nie as mense Hom stilmaak nie. Hulle moet Hom wíl hoor. Hulle
moet Hom wíl volg. En as hulle nie wil nie, moet God in afgryse toekyk hoe hulle hulself vir
ander gode offer ... en daaraan ondergaan.
Gedurende die vakansie:
— Die kerkkantoor is slegs soggens oop vir
die eerste en laaste week van die
vakansie. Die middelste week (2-6 Julie)
is die kantoor egter heeltemal gesluit.
— Daar is altyd ‘n predikant beskikbaar op
die alle ure nommer, 074 354 0088
— Vanaf Sondag, 24 Junie is daar
gesamentlike aanddienste by die United
Kerk, Van Riebeeckstraat
Kom drink gerus
‘n lekker koppie
tee by die Kerkhuis
na die oggenddiens

Wil jy graag betrokke raak?
BLOMME-BEDIENING:
Ons wil baie graag weer elke Sondag ‘n mooi blommerangskikking
in die kerk hê. Daar is reeds mense wat hierdie
BLOMME-bediening aan die gang wil kry, maar daar word hulp
benodig in terme van:
õ Nóg blomme-liefhebbers wat kan help met reëlings en
rangskikking vooraf;
õ Blomme, loof, of net toegang tot blomme, miskien
kontak by die blommemark?
NB: Jy hoef nie ‘n professionele rangskikker te wees nie,
slegs ‘n blomme-liefhebber!
GASVRYHEIDS-BEDIENING:
Hierdie bediening het sóveel potensiaal! Spyseniering vir
begrafnisse, vergaderings en sosiale byeenkomste van die
gemeente is maar enkele voorbeelde. Daar is reeds entoesiastiese mense wat graag hier
betrokke wil raak. Maar, weereens, ons het jóú nodig! ‘n Vergadering gaan gehou word aan die
begin van die nuwe kwartaal om meer inligting te gee. Intussen kan jy solank dink aan
interessante, nuwe voorstelle.
Kontak Maritha by kantoor@moederkerk.co.za of 021 883 3458 as jy by enige van hierdie
twee bedieninge betrokke wil raak. Moet asb nie dink dat daar wel iemand anders vorendag
sal kom nie, ons het jóú raad en hulp nodig!
PROGRAM VIR DIE WEEK
MAANDAG, 11 JUNIE
17:00 Eredienswerkgroep in die Kerkhuis
19:00 Kerkraadsvergadering in die Kerkhuis
DINSDAG, 12 JUNIE
19:00 Straatlig-uitreik vanaf die Khaya
WOENSDAG, 13 JUNIE
10:00 Bybeloggend in die Foyer
19:00 Bybelaand in die Kerkhuis
DONDERDAG, 14 JUNIE
10:00 Bybeloggend in die Foyer
13:00 Straatlig gebedstyd in Khaya
19:00 Grey Matters in die Hofmeyrsaal
SONDAG, 17 JUNIE
08:30 Meditatiewe diens in die Kapel
09:30 Erediens in Moederkerk: Marié Britz
10:30 Engelstalige diens in die Khaya
19:00 Erediens in Moederkerk: Marié Britz
19:00 Tienerdiens (praise & worship) by
Welgelegen-gemeente
'n Geskenk
met 'n verskil!
Verjaar 'n vriend(in) wat “alles het”?
Verras hom of haar met 'n
hartverwarmertjie: 'n Bydrae aan die
Beursfonds in sy/haar naam!
Bankbesonderhede:
NG Kerk Stellenbosch, Nedbank
(Business Winelands),
Takkode: 149821
Rekeningnommer: 149
804 3232,
Verwysing:
Beursfonds (plus sy/haar naam)

Kategese
vandag
Peuters (2-3 jariges):
Kerkhuis, boonste vloer
Kleuters (4-5 jariges):
Kerkhuis, grondvloer
Juniors (Graad 1-6):
Kom eers kerk toe en
gaan dan na Hofmeyrsaal
Seniors (Graad 7-10):
Kom eers kerk toe en gaan
dan Kweekskool toe
NAVRAE: Jan van Zyl by
jan@moederkerk.co.za of by
082 871 3155
Eerstejaarskamp 2013
Glo dit as jy wil, maar ons is reeds besig om te beplan vir die
eerstejaarsverwelkomingskamp van 2013.
Ons word jaarliks bederf met die leiers wat die Here roep vir
die kampe. Ons is op soek na kos-ouers wat saam met
studente in beheer sal wees van die kombuis. Die kamp
strek van Vrydag tot Woensdag (datums nog nie bevestig,
waarskynlik einde Januarie).
Indien jy (julle) dalk so iets kan of sou wou doen laat weet
asb vir Dawfré by 082 899 3959 of
dawfre@moederkerk.co.za of vir Richard by 082 905 7278 of
by richard@moederkerk.co.za.
MOEDERGEMEENTE DATABASIS
Ons wil graag met jou kan kommunikeer. Daarom is ons tans
besig met ‘n proses om elke gesin te bel om te hoor of jou
besonderhede miskien verander het. Jy kan dus ‘n oproep van
die kantoor te wagte wees - byvoorbaat dankie!
Ons het nou 'n Gemeentebiblioteek!
Goeie, geestelike boeke is nie net duur nie, maar baie
dikwels ook onverkrygbaar by die gewone Christelike
boekhandelaars. Jy kan nou hierdie boeke uitneem by ons
biblioteek, in die Kerkhuis, na elke oggenddiens en elke
weeksoggend.
Huweliksvoorbereiding 2012
31 Jul Liefdestale
7 Aug “Leaving and Cleaving”
14 Aug Kommunikasie
21 Aug Persoonlikheid
28 Aug Konflik
4 Sept Seksualiteit
Dinsdae 19:00-21:00
Hofmeyrsaal
R350 per paar
Navrae en inskrywings:
Elaine Hamman
021 883 3458
elaine@moederkerk.co.za
11 Sept Geestelike Intimiteit

GEBEDSLYS VIR DIE WEEK
ONS GEMEENTE:
Bid vir al die verskillende uitreike wat gedurende die vakansietyd sal plaasvind;
vir hulle veiligheid op pad na hulle bestemmings en dat hulle tot groot seën sal
wees vir al die gemeenskappe waar hulle hulp sal verleen.
Bid vir die kategete en hulle klasse vandag en dank die Here vir hulle bereidwilligheid om ons
kinders te help in hulle geestelike ontwikkeling.
ONS GEMEENSKAP:
Bid vir elkeen wat met gesag en mag beklee is dat hulle dit met groot insig en omsigtigheid
sal gebruik sodat almal in ons gemeenskap daarby sal baat vind.
Bid dat hulle vry sal wees van korrupsie en misbruik van hulle posisies.
ONS LAND:
Ons dank die Heer vir soveel inwoners in Suid-Afrika wat sensitief is vir die ongelykhede in ons
land en wat elke dag op soveel maniere die liefde van Jesus probeer uitleef deur die lot van
hulle medemense te verlig.
Ons bid dat almal, maar veral ons leiers, die broosheid van ons demokrasie sal respekteer en
versoekings sal weerstaan om Suid-Afrikaners teen mekaar op te vorder deur rassespanning
aan te jaag.
Ons dra almal in ons land wat sonder die nodige skuiling die winterkoue moet trotseer aan die
Here op, en dank die Heer vir diegene wat hulp verleen aan mense wat weens brande hulle
huise en besittings verloor.
DIE WÊRELD
–Dat die Gabarone-verklaring wat onlangs deur tien lande in Afrika onderteken is, waarin
onderneem word om stappe teen die plundering van natuurlike hulpbronne te neem, 'n
betekenisvolle bydrae tot volhoubare ontwikkeling in Afrika sal maak.
–Dat die Verenigde Nasies se Rio+20-beraad oor volhoubare ontwikkeling wat in Junie 2012 in
Rio de Janeiro, Brasilië plaasvind, opnuut die noodsaaklikheid van die effektiewe bestuur van
biodiversiteit en ekosisteme sowel as die oordeelkundige benutting van natuurlike hulpbronne
onder die aandag van internasionale besluitnemers sal bring.
OXLOS is 'n dans- en dramagroep wat deel vorm van
Crux. Elke jaar het ons 'n ander produksie wat ons
opvoer by kerke, skole en waar ookal ons genooi word.
Ons probeer om ons produksie se boodskap relevant te
maak op soveel mense as wat ons kan. Deur hierdie
produksie bereik ons mense deur ons danse en deur
die drama en versprei so die woord van God. Na ons
produksie het ons ook die geleentheid om met die
mense te praat oor wat hulle gesien het en dan is daar
die geleentheid om saam met hulle te bid.
Oxlos was gestig in 1995 deur 'n groep mans van
Eendrag koshuis. Van toe af het ons net elke jaar
gegroei. Huidiglik is ons 18 lede, waarvan ons almal studente is. Ons is self verantwoordelik
vir die choreografie van die danse en die skryf van ons produksie. Aan die einde van elke jaar
het ons 'n toer na verskeie standdienste, waar ons produksie deel vorm van die stranddiens
spanne se program. Ons slagspreuk vir die jaar is "Illuminated by His Grace" en ons visie is "to
be real in our purpose to touch hearts and change lives with a focus on pointing our audience
towards God in a way that is deeply relevant".
Vanoggend se deurkollekte gaan aan Oxlos-bediening.
Volgende Sondag se deurkollekte gaan aan die Transkei Werkers-aksie.