KAMP IS LEKKER Julie 2019 TYDSKRIF

BLOU
WITSAND
KARDOESIE

INHOUD
JULIE 2019
LekkeRLeeS
KampIsLekkeR met LekkeRkampplekke
Nostalgie met Kaiings ini WITSAND
FLECKVIEH GASTEPLAAS
KARDOESIE PADSTAL EN KARAVAANPARK
NATURE’S VIEW
KampKIEKIES: al lê die (Seder)-berge
Nog so BLOU…
Voorbladfoto:
Ons kuier by KARDOESIE:
Asemrowende
sonsondergange en uitsigte
oor die Swartland se
koringlande
ADVERTEER
tydskrif@lekkerkampplekke.co.za
L
EES SAAM
P
RAAT SAAM
K
AMP SAAM

Braai, die
buitelewe – of sal
ek sê kamp… en
kosmaak is ‘n
belangrike deel
van my familie en
ons herkoms. Dis
lankal nie meer
net my man wat
om die braaivleis
vuurtjie sit en die
rooster omdraai
nie, nee wat,
braai is ‘n
lekkerte wat ek
aangeleer het. Ek
mag maar braai
en ons maak die
lekkerste bykosse
op die vuur. Selfs
groente word
deesdae op die
kole gaargemaak
en as ons lus is vir
ietsie lekkers na
die braai, dan
maak ons
sommer ook
poeding op die
kole.
D
aar is regtig so baie lekker
kampplekke wat ons as
familie al besoek het. Ons
gebruik
net
www.lekkerkampplekke.co.za
as soek-enjin om al die lekker
kampplekke in ons omgewing
te vind. Daar is selfs
kampplekke wat toelaat dat
ons twee hondjies saam kan
kom kamp. Ek wens ons het
meer tyd gehad, maar dit sal ‘n
leeftyd neem om al die lekker
kampplekke op die Lekker
Kampplekke webblad te
besoek.
A
s jy die Lekker Kampplekke
webblad besoek, sal jy sien
dat daar ‘n baie nuttige kamppaklys
op die webblad is. Jy klik
op die items wat jy gaan
benodig en as jy klaar al jou
benodigdhede gekies het, het
jy die opsie dat die kamppaklys
na jou e-pos vir jou
gemail word. Dit is so
innoverend en ek gebruik elke
keer die paklys as ons ‘n
naweek begin beplan. Daar is
net allerhande items op die
paklys waaraan ek glad nie sou
gedink het nie.

D
ie Lekker Kampplekke
kamp-paklys maak ook
die beplanning van die naweek
soveel lekkerder. Ek laat
gewoonlik ons kinders by my
sit en dan gaan ons saam deur
die lysie van items waarop ons
kan klik. Die kinders is mal
daaroor en dit maak hulle ook
dan deel van die
beplanningsproses van ‘n
heerlike kampnaweek.
A
s ons ‘n naweek gaan
kamp, dan neem ek
gewoonlik ‘n dag se verlof
sodat ons vroegoggend in die
pad kan val, want om langs die
pad te stop vir ‘n lekker koffie,
broodjie en gevulde eiers is
mos deel van die pret! By die
meeste kampplekke kan jy mos
vanaf 14h00 inboek, so ons
sorg dat ons rondom daardie
tyd op ‘n Vrydag by ons
kampplek arriveer. Dit is
belangrik om by jou kampplek
aan te kom terwyl dit nog lig is,
want dan kan jy baie beter
beplan hoe om jou kampie op
te slaan. Dis byvoorbeeld baie
belangrik dat jou braaiarea nie
te naby aan jou tent se opening
moet wees nie, jy kan bepaal
hoe die son julle kampplek raak
om sodoende te besluit aan
watter kant jy van die boom
jou tent moet opslaan.
M
et klein kinders is dit vir
my belangrik om ons
tentpenne en toue behoorlik te
merk sodat ek nie enige klein
“ongevalle” hoef te dokter nie.
E
k vat sommer batteryaangedrewe
feëtjieliggies en draai dit om
ons tentpenne – dit gee ‘n
lekker feestelike atmosfeer
aan ons kamp en vir die toue
het ek swembad-cones in
korter stukke gesny wat ek oor
die toue sit – dit werk vir ons.
D
an, natuurlik gaan kamp
vir ons oor lekker eet!
Ander gesinne raak
opgewonde as hulle gaan
kamp en almal wil weet: “Wat
gaan ons alles doen?”…al
waaraan ek dink is: “Wat gaan
ons alles lekker eet!” Dis
hoekom ek altyd gou vir my
kinders ook iets te ete gee
voordat ons kamp opslaan,
want daar is niks so moeilik om
kamp op te slaan met ‘n kind
wat aan jou broekspant klou en
hartverskeurend huil dat hy
nog nooit vandag kos gehad
het nie… Hulle vergeet mos
gou!
S
o ja, ons pak allerhande
lekker snitte vleis in en
eksperimenteer graag met
verskillende bykosse as ons
gaan kamp. Dis ook mos deel
van die lekkerte om vooraf uit
te werk wat ons kampspyskaart
gaan wees. Lekker
skaapstertjies, hoender met
spekvleis
gerol,
botterskorsiesop vir die kouer
kampaande en lekker gebakte
potbrood met lekker sout
botter… So kan ek maar
aangaan.
E
k wil net vir Lekker
Kampplekke bedank vir die
moeite wat hulle doen om
kamp vir Suid-Afrikaners lekker
en prakties te maak. Julle
webblad is puik en die kamppaklys
is uitstekend.
Bou so voort!
Lekker Kamp, want
KAMP IS LEKKER!!
Woorde: Cathleen Wade

15% BPA FREE
Discount
FOODGRADE SILICONE
Use code
ECO FRIENDLY
FOLDABLE
REUSABLE
SPACE SAVING
‘lekkerkamp’
www.siliconedepot.co.za
Silicone Lunch Boxes Silicone Straws Silicone Travel Mugs
-CHECK OUT OUR WEBSITE FOR MORE PRODUCTS-

Al lê die (Seder)-berge
nog so
BLOU
Woorde en Foto’s: PIERRE LABUSCHAGNE

Terwyl die son laag sak gedurende die blou-uur van die dag, bring dit appelkooskleure
uit in die wolkies teen die blou lug… Die volgende oomblik kruip die volmaan agter die
rotsformasies uit, en dit raak stil in die Sederberge! Doodstil…

01h30 in die oggend, en die maan
sit hoog en helder…
Ek kon met `n lekker lang lens en `n stewige driepoot `n foto kry met baie detail. (Ek is seker ek kon die man
op die maan sien!)
Lens: 100-400mm (teen 400mm)
Lensopening: (apperture) F5.6 en Sluiterspoed: 1/800 sekondes.
ISO: 100
Ek het `n afstandbeheer gebruik om nie beweging op die kamera te kry nie…

Our Seatcovers are made using a synthetic fabric which is incredibly tough,
100% waterproof and extremely comfortable to sit on. A range of colours is
available to suit most modern design trends.
www.takla.co.za

Rotstrone staan uit teen blou lug…

WEN
45lt cooler box
Waarde
R2 190
Kliek https://www.lekkerkampplekke.co.za/wen/

Die son sak goud in die Weste…

`n Kort stappie vanaf Sanddrif lei jou na hierdie lafenis. Die swemgat – of “Maalgat” soos dit bekendstaan, belowe
`n afkoel in `n warm somer! In die winter is dit mooi en rustig, en dis lekker om tyd hier te spandeer!

LiggewigAvontuurToerusting
Liggewig
Tente
Dag&Stap
Rugsakke
Kamp
Meubels
Sintetiese&
DonsSlaapsakke
Kamp
Kombuis
Envelemeer.
Veiligebetaling/GratisafleweringopbestelingsvanR1000enmeer/14daegeld-terugwaarborg
Besoekonsaanlynwinkelbywww.naturehike.africa

Kom kamp in die Sederberge as jy nodig het om
uit te kom…
Dié berge het stiltes – en rustigheid!
Kom beleef `n sonsondergang hier tussen die rotsformasies, en verfris jou siel tussen die rotspoele –
sommer so in die sonnetjie op die klippe.
Hoor hoe die water kabbel, en drink die geluide van die berge in om jou! Dit doen mens goed!

Nostalgie ini
Witsand
met kaiings in die pot
“ Toe ons kinders was het ons altyd op Witsand gaan kamp. My pa het
altyd op die almanak gekyk wanneer die skole sluit en dan het hy al die
vorige dag sy karavaan deurgery Witsand toe om te gaan kamp opslaan.
Dan as die skoolklok lui, moes ons spring…want pa wou ini Witsand kom.
O
ns het altyd vir ‘n hele maand gaan
kamp, want pa wou visvang op die
Breederivier. Groot kabeljoue en elwe
was gereeld aan die lyn. As dit laagwater was het
hy eers oorgegaan na die sandbank om te gaan
krewels pomp vir aas, en dan het ons lekker op
die sand baljaar totdat hy genoeg aas gehad het
om vir die res van die dag te hou. Ek onthou my
ma het destyds sommer dadelik die vis ingelê as
pa ‘n kabeljou uitgetrek het.
My pa, Oom Bokkie, se bynaam op Witsand was
Kaspaas, omdat hy die vreeslikste stories kon
opdis wat ons kinders natuurlik almal vir soetkoek
opgeeët het. Hy het eendag vertel dat hy ‘n
krokodil uitgetrek het uit die rivier uit en dat die
krokodil op die Lucky Strike botel se
kroegtoonbank lê. Die kinders het die paar
kilometer na die botel gestap…alles tervergeefs!
Terug by die kamp was hulle nie baie gelukkig
met oom Bokkie nie, maar hy het volgehou hy het
hulle net ‘n waardige les geleer en dit was dat ‘n
mens nooit ‘n visserman se storie moet glo
nie…seker ook maar waar…
Daardie jare het die boere ook sommer vir ‘n
maand kom kamp. Ek onthou goed hoe een van
die boere se vragmotors by die kamp ingery het.
Daar was hangkaste, hout beddens, dik matrasse
en nog wat afgelaai op die kampstaanplek, want
die boer wou nie sukkel nie – hy wou lekker
kamp! En net na die vragmotor is daar die eerste
vrag rooipitjie hout afgelewer op die staanplek.
Gepraat van hout, my pa het altyd sy rooipitjie
hout onder sy karavaan gepak. So kom hy toe
agter dat sy hout ‘n bietjie vinniger opraak as
waarvoor hy beplan het en het natuurlik onraad

vermoed. Hy besluit toe een aand, nadat ons
gebraai het om onder die karavaan te gaan
inkruip om die hout-dief vas te trek. Die
volgende oggend kon my ma nie verstaan waar
my pa is nie, want sy kom toe agter dat hy nooit
kom inkruip het nie…en waar kry sy toe vir Oom
Bokkie, vas aan die slaap onder die karavaan…Ai
Kaspaas!
M
y pa se gunsteling kamp-kos was
varsgebakte warm brood, dik gesmeer
met tuisgemaakte appelkooskonfyt en
kaiings wat hy in die swartboompot op die vuur
gemaak het. As daar nie warm brood was nie,
het ons die kaiings geeët saam met growwe
mieliepap. Ons monde was almal blink van die
lekkerte se eet. Ek deel graag hoe hy die kaiings
gemaak het.
en braai die blokkies vet stadig uit in jou
swartboompot oor matige hitte.
Roerbraai die vetjies totdat dit bruin gebraai is en
op die uitgebraaide vet begin dryf. Gooi dan die
uitgebraaide vet deur ‘n staal sif. Gooi die kaiings
dan terug in die kastrol en braai die kaiings dan
verder totdat dit mooi ligbruin van kleur is. Dit
moenie brand nie, want dan smaak die kaiings
bitter – en dan is almal onnodig kwaad vir
mekaar…lol. Skep jou kaiings uit op
kombuispapier en gooi lekker growwe sout en
peper daaroor en bedien dadelik met jou lekker
warm brood en moenie die tuisgemaakte
appelkooskonfyt vergeet nie!
Moenie die uitgebraaide vet weggooi nie – jy
gebruik dit om jou uie in te braai wanneer jy later
potjiekos maak by die kamp.
1-2 kg sagte vet van ‘n bees, skaap of vark. Daar
moet nog bietjie vleis aan die vet wees. My pa
het soms die vet van die slagskaapstertjies gevat.
Sny die vet in cm blokkies. Sorg dat jou kole reg is
“Ai, verlang ek nou na Witsand se dae.
Dit was lekker tye op Witsand, toe dit
nog net ‘n klein ou dorpie was.”

WWW.CGEAR.CO.ZA
Email: sales@cgear.co.za
Cell: 084 581 5787
SANDFREE
MULTIMAT
Designed as a deployable
helimat for the military
Supplied with heavy
duty carry bag
Stainless steel triangle
peg every metre
SAND FALLS THROUGH & CAN’T COME BACK UP AGAIN
Sandlite
Tote Bags
Multimat

Fleckvieh Gasteplaas @
Grootvadersbos
Woorde & Foto’s: RIKUS TRUTER
“Daar is vir my niks
so lekker soos
kamp nie, maar as
‘n kampplek net
15km vanaf my
huis is, dan raak ek
baie opgewonde
om daar te gaan
kamp.”
Fleckvieh Gasteplaas is geleë op ‘n
werkende plaas, naby die Tredouwpas aan
die voet van die Langeberge. Chantell van
Staden sal jou bespreking ontvang en
behulpsaam wees om jou kuier by Fleckvieh
‘n onvergeetlike ervaring te maak.
Ek was sommer lus om vir 1 nag in die week
te gaan kamp en Fleckvieh Gasteplaas was
‘n maklike keuse. Die laaste 100m na die
kampplek is grondpad en ek sal aanbeveel
dat jy met ‘n boswa, boskaravaan of tent daar
gaan kamp.
By die kampplek aangekom, was die son
besig om te sak. By Fleckvieh Gasteplaas
kamp jy teen ‘n pragtige dam met lowergroen
grasperke en die staanplekke het elkeen
kragpunte. Bring gerus jou kayak saam om
lekker op die dam te roei. In die somer swem
die kampers in die dam om af te koel.
Fleckvieh Gasteplaas het 'n gemeenskaplike
swembad waarin gaste kan afkoel op warmer
somersdae.

Ek het vinnig my daktent oopgeslaan en my
kampstoel uitgehaal. Met ‘n lekker warm
koppie koffie in die hand kon ek my verlustig
aan die pragtige sonsondergang. Daar was
koeie wat aan die oorkant van die dam gewei
het en het vir my ‘n rustige prentjie geskep
vanaf my kampplek.
Ek het ‘n vuurtjie aangesteek met
kameeldoring hout en het my verlustig aan
die aandgeluide wat oor die vlaktes echo.
Daar is geboude braaiplekke, maar ek was
lus om in my eie braai ‘n vuurtjie aan te steek.
Kampeerders kan vuurmaakhout per sak
asook melk en eiers aankoop by die plaas.
wasbak. Die een badkamer is ‘n opelug
badkamer wat lekker in die somermaande sal
wees.
Behalwe die kampplek, bied Fleckvieh
Gasteplaas ook ‘n verskeidenheid van
selfsorg eenhede. Verblyf word aangebied in
‘n grasdak-chalet, 2 woudhuisies genaamd
Takbok en Bosbok, Eland wat 'n groot
houthuisie is, 2 woonstelkamers genaamd
Koeitjie en Kalfie en 'n hoofplaashuis met 2
slaapkamers met privaat ingange. Koeitjie en
Kalfie is ideaal vir groepe of gesinne wat die
eenhede saam wil bespreek.
“Omdat dit winter
is, het ek maar
vroeg opgeklim in
my daktent vir ‘n
lekker nag se rus.”
Die volgende oggend het ek vroeg wakker
geword met die bulk van koeie as “wekker”.
Ek het vir my ‘n lekker koppie koffie gemaak
en op die klein “jetty” gaan sit en kyk hoe die
son stadig sy oggendstrale gooi. Fleckvieh
Gasteplaas is beslis die regte plek vir enige
kamper wat opsoek is na rustigheid in die
natuur.
Die badkamers by die kampplek is rustiek,
maar bied ‘n unieke ervaring. As jy die
badkamer moet gebruik, span jy die tou met
die bord “Beset” oor die loop-padjie. Daar is
2 badkamers, elkeen met ‘n stort, toilet en
Gaste gebruik dikwels hierdie gasteplaas as
basis om plekke soos Witsand en die
wynroetes te verken, maar selfs ook as basis
vir besoeke aan Kaapstad, George en
Oudtshoorn. Die gasteplaas bied ‘n lekker
paar doendinge, soos perdritte en nagritte op
die plaas. Vir hierdie doendinge moet jy
vooraf bespreek en daar is ‘n addisionele
koste betaalbaar daarvoor. Jy is ook welkom
om ‘n lekker entjie te gaan stap of met jou
fiets te gaan ry. Die baie bekende
Grootvadersbos Natuurreservaat is op die
voorstoep van die gasteplaas en is beslis die
moeite werd om te besoek.

In ‘n neutedop:
Elektrisiteit - Ja
Warm water - Ja
Visvang - Ja
Swemplek - Ja, in die swembad en
dam
Troeteldiere - Doen navraag wanneer
jy bespreek
Naaste dorp - Heidelberg (15 km)
Besprekings: Tel 082 498 8788
GPS: -34.010136, 20.754868
Webblad:
https://www.lekkerkampplekke.co.za/k
ampplek/fleckvieh-guestfarm/

Alva 2 Plate Gas Stove (fold Out / Removable)
4 Beer Glasses 4 Wine Glasses Scissors Salt & Pepper
2 Match Boxes Cork Screw 4 Steak Knives Braai Tongs
Stainless Spatula Wooden Spoon Bread Knife 4 Tea Spoons
4 Spoons 4 Forks 4 Mugs 4 Plates 4 Bowls Stainless Kettle

Ons kuier by
KARDOESIE
Woorde & Foto’s: PIERRE LABUSCHAGNE

“
Talle
In die volksmond lewe die sê-ding
mos van: “As jy `n kêffie-pie en Coke
koop, kry sommer Rennies ook vir
die sooibrand…” Aikônna! Nie hier
by Kardoesie nie! Jy kan maar van
die Kaap-af ry vir hulle pie’s, en
sooibrand sal jy nie hiér kry nie!
Kapenaars ken vir Kardoesie! Dis die
alombekende padstal (en kampplek) langs die
N7 net soos jy die Piekenierskloofpas uitgery
het, Citrusdal se kant-toe. En dis `n stop werd!
Altyd, en elke keer…

Bo: Die padstal is gelaai met
allerhande lekkernye en
tuisgemaak! Konfyte en
vrugtelekkers laat die rakke kreun
en mens voel sommer warm en
tuis met die inloopslag.
Regs: Ek kon nie wag om een van
hulle tuisgemaakte wildspasteie
en Rooibos lemonade te probeer
nie! Dit was heerlik!
Onder: Die kampplek spog met
uitsigte oor die berge – amper
360° rondom jou. `n Ruim
swembad met ewe mooi uitsigte,
sorg vir lafenis in die somer.

Sommer so met die intrapslag, word ek middag-ete
aangebied! Ek het nog skaars gegroet en myself
bekendgestel, toe word ek al iets aangebied – sommer
enigiets van die spyskaart-af. Dit neem my `n enkele
sekonde om my gedagtes te rig op `n tuisgemaakte
lamspastei en gemmerbier! (Ek is `n “sucker” vir `n
“pie”) En dit was die regte keuse!
Bianca Theron en haar man Barthlo is aan die roer van
sake daar op die plaas. Sy ontvang vir my by die
kampplek, en ek kon dadelik sien sy’t hande wat
raakvat. Blitsig is alles gereël vir iets om te eet en die
staanplek is “uitgesort” in `n japtrap. Daar staan my
tent! (Wat vir my lekker was, was om te sien dat dit
sommer in haar geaardheid is om mense warm te
ontvang – en nie net omdat ek van LekkerKampplekke
`n besoek kom doen nie. Ieder en elke persoon wat
daar aandoen sal dieselfde aandag geniet, want sy sal
beslis seker maak dat alles gemaklik en gerieflik is vir
besoekers en kampeerders! Dis soos Kardoesie se
mense is…)
Bo regs: Alles in `n japtrap uitgesorteer, en daar staan my tent!
Bo: My tuisgemaakte lamspastei en gemmerbier – en `n soetdingetjie daarby – ewe mooi verpak in `n regte kardoesie!

Ek het nog min kampplekke in my lewe gesien met
sulke vista’s en uitsigte. Van die swembad se dek-af tot
vanaf die grasperke waarop jy kamp het die mooiste
uitsig oor die koringlande vand die Swartland. Ek het
my behoorlik gesit en vergaap aan die uitsig! Meer nog,
was ek bederf met `n sonsondergang wat goud gehang
het oor die Weskus. Hulle sê op `n mooi oop dag, maak
die son `n goue streep oor die see – wat mens
hiervandaan kan sien.
Die kampterrein se staanplekke is lekker groot en
perfek gelyk – op goedversorgde grasperke! Jou
staanplek het `n kragpunt (met blou kragproppe) Drie
staanplekke deel `n gesamentlike skakelbord, maar
met `n verlengkoord – wat elke kampeerder behoort te
hê – is dit maklik genoeg om krag tot by jou karavaan
of tent te kry. Mens kan dadelik sien met hoeveel sorg
daar na die grasperke omgesien word, want die
sproeiers het rustig in die agtergrond lafenis aan die
gesnyde gras gegee by die oop staanplekke. Die
grasperke laat my dink aan speelparkies, en ek sien in
my geestesoog die kinders rondhardloop en baljaar.
Ma en pa sit rustig met `n ietsie by die vuur en uittuur
oor die vlaktes terwyl die son goud sak in die Weste.
Ideaal!
`n Lekker groot swembad (met `n groot houtdek) sal
jou afkoel in die warm somermaande. Daar is ook `n
klein klimraam vir die jonges reg langs die swembad, en
die hele kampterein skep `n gevoel van `n warm
uitnodiging om te kom ontspan!
Stapplek in die berg is daar genoeg van, en vir die
kranige fietsryers is daar paaie om te gaan aandurf.
(Neem net kennis dat dit nie noodwendig paadjies is vir
die hele gesin met pa, ma en boet en sus op `n
gemaklike trap om die blok nie. Die paadjies kan
uitdaagend wees, en jy het `n lekker bergfiets nodig om
die ding behoorlik te kan doen.) Al die paaie is
besonder goed uitgemerk, en jy sal beslis nie verdwaal
nie. Ook vir die stappers…
Wat die ablusiegeriewe betref: Dis reg langs die
staanplekke – sommer net daar by jou. Dis ruim, en
pragtig skoon en versorg. Daar is selfs die luukse keuse
van `n bad!
Onder: “Die grasperke laat my dink aan speelparkies, en ek
sien in my geestesoog die kinders rondhardloop en baljaar.
Ma en pa sit rustig met `n ietsie by die vuur en uittuur oor
die vlaktes terwyl die son goud sak in die Weste. Ideaal!”

Bo: Die swembad met `n houtdek wat uitkyk oor die staanplekke
en `n ewige uitsig oor die vlaktes benede.
Regs: Ruim, pragtige skoon ablusiegeriewe is reg langs staanplekke
ingerig met groot spieëls waar mamma in vrede haar lippies en
hare mooi kan maak na `n warm stort of bad!
Onder: Klimrame en swaaie vir die kinders, reg langs die swembad.

Ek stap by die padstal self in, en vriendelike, gasvrye
personeel ontvang my. My middag-ete was `n
varsgebakte wildspastei en tuisemaakte Rooibos
lemonade! Dit was `n wenner-kombinasie, en ek kan
dit met groot vrymoedigheid aanbeveel! (Die
wildspastei het soos my ouma s’n geproe, en toe weet
ek sommer dis met `n warm hart en liefde gebak, en dit
het my laat terugdink aan my kinderdae by ouma… En
as Kardoesie jou na jou ouma laat verlang, dan kan jy
maar weet hulle doen iets reg hier. Kom probeer dit
maar self!)
Ek stap met my kamera na die rakke waar al die
lekkernye uitgestal word, en ek sien niemand om te
verneem of dit in orde is as ek gou `n paar kiekies vat
vir die rubriek nie. Ek stel my driepoot op, en mik-mik
so met die kamera na die rye en rye botteltjies, toe ek
`n sagte stem agter my hoor wat sê: “Uhhhmmm,
jammer meneer, maar ons laat nie eintlik sommer net
eingiemand toe om foto’s te neem nie…” Ek draai om
en vra nederig omverskoning. Ek stel myself bekend
aan Lelanie Botha, die bestuurderres van die padstal,
en verduidelik my intensies. Nee, sê sy dadelik – ek kan
maar voortgaan, en bied haar hulp onvoorwaardelik
aan as ek iets sou nodig kry vir die fotonemery. “Sê net
as meneer koffie of iets wil hê…”, sê sy en ek kry half
skaam oor my voorbarigheid om sommer net prontuit
my kamera te gaan opstel sonder om eers te vra. “Alles
in orde. Gaan gerus aan,” verseker sy my. Ek voel beter,
en kry `n paar mooi kiekies.
Die oggend voor ek ry, drink ek eers `n goeie, lekker (en
warm) koffie by die padstal. Ek bestel `n southappie
(kolwyntjie) by die koffie, en ek sluit my kuier af by
Kardoesie met `n rustigheid na twee lekker dae se kuier
by dié afsaalplek. Dit sit op die N7, en maak
noodwendig deel uit van die Kaap-Namibië roete. Dis
maklik om hier oor te slaap oppad – Namibië toe óf
terug – of sommer net `n lekker uitstappie ná genoeg
aan die Kaap. Kom verlustig jou aan die lekkernye in die
padstal, en kom tuur oor die vlaktes langs jou tent as
die son goud sak in die Weste. Dit sal jou siel goed doen
– sommer tot daar díép binne-in…
Bo links: “Uhhhmmm, jammer meneer, maar ons laat nie eintlik
sommer net eingiemand toe om foto’s te neem nie…”
Bo regs: Die laaste strale van die goue son wat sak in die Weste.
Onder: Goeie, lekker (en warm) koffie vir die pad, en `n
soutkolwyntjie ( savoury muffin) rond alles af!

Senior Bederfweek-toer
2 - 7 Februarie 2020
ATKV-Hartenbos lê op die wêreldbekende Tuinroete tussen Kaapstad en Port Elizabeth, ongeveer 8
km van Mosselbaai en 40 km van George-lughawe af. Met die eindelose see voor jou uitgestrek, kan jy
nie anders as om te ontspan by hierdie juweel van ’n oord nie. Voeg hierby ’n magdom aktiwiteite en
ontspanningsgeriewe, ’n restaurant, kitskos-afdeling en geriefswinkel en jy het alles wat jou
hart begeer. ATKV-Hartenbos is ook die ideale basis vanwaar ’n mens jou vakansie verder kan
inkleur met besoeke aan talle toeriste-aantreklikhede in die omgewing.
Die pakket sluit die volgende in:
5 nagte akkommodasie
5 ontbyte en aandetes, asook 4 middagetes
Besoek aan Kasselshoop-kaasfabriek
Besoek aan Kransfontein Landgoed - Olyfervaring
Besoek aan Indalu Natuur Reservaat
Outeniqua-treinrit
Bootrit
… en nog vele meer!
www.hartenbos.co.za | 044 601 7257 | ianh@atkv.org.za

Akkommodasie- en
besprekingsopsies
Sondag tot Vrydag – 5 nagte
Eenheid (vir 1 persoon)
2-bed-eenheid (vir 2 persone)
6-bed-eenheid (vir 3 persone)
6-bed-eenheid (vir 4 persone)
R6 825.00 p.p.
R5 780.00 p.p.
R6 280.00 p.p.
R5 890.00 p.p.
Alles ingesluit soos op die program.
Ingesluit: Vervoer vanaf Randburg retoer
Uitgesluit: Akkommodasie en etes retoer
Verdere toerinligting:
• Die toer is vir almal 50+
• Slegs plek vir 19 lede is beskikbaar
• Sommige besienswaardighede vereis mobiliteit van toerlede
www.hartenbos.co.za | 044 601 7257 | ianh@atkv.org.za

NATURE’S
VIEW
Woorde & Foto’s: PIERRE LABUSCHAGNE

Nature’s View is `n kampterein geleë in die Citrusdalvallei, tussen die
lemoenboorde en bergrante! `n Ware wegbreek uit die stadsgeraas
met `n gevoel van platteland en rustigheid.
Die kampterrein het twee tipes uitsigte:
Aan die voorkant kyk jy op die vallei af – wat vol
sitrusboorde staan, en die Olifantsrivier wat
rustig verbyvloei – en wat nog nooit drooggeloop
het nie. Reg aan die agterkant van die
kampplekke is die bergrante, en jy word omarm
met rotsformasies wat vra om geklim en –klouter
te word. Vir die avontuurlustiges is daar
staproetes tussen die klippe deur, en hoe hoër jy
klouter, hoe beter raak jou uitsig oor die vallei.
Die stappaadjies is mooi uitgemerk met
verskillende kleure merkers. Sommige dele is
egter redelik styl.
Na `n uur of wat se klimmery tussen die rotse in
die berg, kan jy óf kom afkoel in die swembad, óf
jy kan sommer reguit afstap rivier-toe waar jy in
`n lekker groot swemgat kan gaan baljaar in die
koel rivierwater met `n pragtige uitsig op die
Sederberge wat uittroon in die agtergrond.
Bo: Klim teen die bergrante uit, en geniet die pragtige uitsigte
oor die vallei - gevul met sitrusboorde en die Olifantsrivier.
Onder: `n Klein swembadjie langs die “Graveyard Pub” kroeg,
kan jou lekker afkoel nadat jy die uitsig vanuit die bergrante
gaan bekyk het.

Daar is lekker koeltebome en grasperke, en die
staanplekke is gelyk. Dis ruim, en daar is kragpunte en
krane by elke staanplek afsonderlik. `n Lekker groot
braaidrom word ook voorsien vir elke staanplek.
Die ablusiegeriewe is baie ruim met genoeg storte en
toiletgeriewe vir die hele kampterrein. Dis skoon en
die afwerking is “rustic”, wat inpas by die omgewing.
Vir die dorstiges, is daar kroegfasiliteite (niemand
onder 18) en jy kan sommer daar iets kry vir die dors
by jou braaivleisvuurtjie. Die alternatief is om `n “koue
enetjie” daar langs die swembad te gaan sit en geniet
– of om `n sundowner te maak met die uitsig oor die
vallei. Dit word die Graveyard Pub genoem.

Bo: `n Swemgat in die Olifantsrivier naby (stapafstand) van die kampterrein-af, gee so ekstra stukkie lekkerte aan die
kampervaring. Gaan probeer gerus die koel water of steek sommer `n braaivleisvuurtjie daar langs die water aan. Hier is `n
spesiale braaiplek ingerig hiervoor.
Onder: Bergrante aan die agterkant van die kampterrein sorg vir avontuur.
Klim die rante uit vir `n pragtige uitsig oor die vallei…

Martine Mouton: 082 329 1229
Email: info@naturesview.co.za
GPS Koördinate:
-32.635972, 19.004722

Your ultimate portable
outdoor cooling system
take it everywhere you go
www.portamistsa.co.za
info@portamistsa.co.za

Powered by TCPDF (www.tcpdf.org)

Top 10
Travel & Holiday
Guides

LIKBEKER KOFFIE
kom uit die hartjie van Montagu, wat met
'n innoverende lug-rooster metode en top
gehalte Arabica bone ‘n suiwer geurige
Bkoffie produseer met ‘n heerlike aroma.
KOOP

Adverteer.
jou besigheid hier.
Stuur n epos aan: rikus@lekkerkampplekke.co.za
Rikus Truter
Kamp Paklys
C u s t o m e r s
P a g e V i e w s
5 6 2 3 1 V i e w s
2 0 8 5 8 0
1 9 , 1 0 0
3 , 1 8 4 , 3 8 5 o o r
f o l l o w e r s
L i k e s
( 6 5 3 2 1 )
1 2 m d e t y d p e r k
a a n l y n
D o w n l o a d s
W e b b l a d
t y d s k r i f
g e b r u i k e r s
A p r i l 2 0 1 9
5 1 2 , 6 5 3
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.