REISIGER WINTER 2021
- No tags were found...
Create successful ePaper yourself
Turn your PDF publications into a flip-book with our unique Google optimized e-Paper software.
Suid-Afrika is geseën met ’n paar bestemmings wat<br />
uitmuntend is vir sterrefotografie en die Karoo in die<br />
winter is ideaal daarvoor. Gerda Engelbrecht het een<br />
nag op Rogge Cloof buite Sutherland deurgebring.<br />
Stel die ISO op sowat<br />
400 en hou die sluiter vir<br />
minstens 20 minute oop.<br />
Onthou om die fokus op<br />
oneindigheid te stel.<br />
Ek staan vir ’n oomblik<br />
heeltemal gedisoriënteer in<br />
die donker, nie seker watter<br />
kant toe nie. André Jordaan,<br />
die oordbestuurder op Rogge<br />
Cloof, sowat 10 km buite Sutherland,<br />
het vroeër die middag vir my belowe<br />
hy gee my ’n bottel van die reservaat se<br />
uitsoekwyn as ek vir hom ’n nagfoto van<br />
die nuwe wooneenheid op Rogge Cloof<br />
neem, met die Melkweg as agtergrond.<br />
Ek het gretig ingestem. Die eenheid<br />
is net ’n paar honderd tree van my<br />
verblyfeenheid in die Wolskuur af, en<br />
ek het in die daglig gaan kamerahoeke<br />
toets en ’n plek gesoek waar ek my<br />
driepoot kan staanmaak. Maar die<br />
nagdonker hier diep in die veld buite<br />
Sutherland is inderdaad ’n 1 op die<br />
Bortle-skaal (sien die kassie op bl. 43)<br />
– so donker dat ek nie my rigting kry<br />
nie. Waar ek gedink het die huis moet<br />
wees, is nou ’n sandwal, en die pad is<br />
skoonveld. Loop ek nog in die regte<br />
rigting? Ek het ’n flits by my, maar dis<br />
donkermaan en die flits se strale word<br />
enkele sentimeters verder deur ’n groot<br />
gapende donker leemte ingesluk. Dit<br />
is dan hoe nágdonker lyk. Ek weet<br />
inderdaad nie watter kant toe nie.<br />
Gelukkig is daar ’n windpomp wat<br />
in die ligte aandbriesie kreun en my ’n<br />
aanduiding gee van die rigting waarin<br />
ek my huisie moet soek, anders sou<br />
ek eerlikwaar paniekerig geraak het.<br />
Dis moeilik om vir ’n stadsmens te<br />
verduidelik hoe donker dit in die veld<br />
in die Karoo kan raak. Veral as daar<br />
nie maanlig is nie, maar dis juis dié<br />
eienskap waarna jy soek as jy foto’s van<br />
die naghemel wil neem.<br />
Kollegas het voor my vertrek my<br />
gemaan om ’n app af te laai om my die<br />
Melkweg te help opspoor, maar reeds<br />
om agtuur die aand was dit so donker<br />
hier op Rogge Cloof dat die Melkweg<br />
kristalhelder voor jou in die lug gehang<br />
het. Dis onbeskryflik mooi.<br />
NUWE HORISONNE<br />
Ek het toevallig leepoog na verblyfplekke<br />
op Sutherland gekyk en op<br />
Rogge Cloof afgekom toe ek onverwags<br />
’n oproep van Canon kry. Die splinternuwe<br />
Canon EOS Ra het pas in Suid-<br />
Afrika aangekom en Canon sal ’n nuwe<br />
model vir ’n week lank vir my leen. (Een<br />
van die lekkerste byvoordele van my<br />
werk.) Dié kamera is in Canon se reeks<br />
enkelraam-spieëllose kameras en die<br />
handelsmerk se eerste een in dekades<br />
wat spesifiek op sterrefotografie gemik<br />
is. Ek kon die versoeking nie weerstaan<br />
nie.<br />
Rogge Cloof, ’n wild- en donkernagreservaat<br />
(“dark sky reserve”), het<br />
behoorlike hoë spoed internet, wat hulle<br />
gratis aan besoekers beskikbaar stel. Dit<br />
beteken dat ek vir ’n nag of twee kan<br />
oorbly. Bedags kan ek my gewone werk<br />
doen danksy die internet, en saans neem<br />
ek sterrefoto’s. Ongelukkig het ek my<br />
><br />
41<br />
<strong>WINTER</strong> <strong>2021</strong> | AA Reisiger