Create successful ePaper yourself
Turn your PDF publications into a flip-book with our unique Google optimized e-Paper software.
DEIL 1
ZOOJ ZOEË MER WAOR
KUNNE ZEEN
Oktoeëber 2023 Bakker Vries de beste vlaaiebakker
van Limburg
Nondedju, det es nog us wat. Beste vlaaiebakker
van Limburg, dus eigelik vanne werreldj,
want in de rest van ‘t land en
de waereldj kinne ze gein
vlaaie bakke. Mer det
wiste vae al jaore heej
op Bossve, want vae
haale d’r allemaol oôs
vlaai, lekker mân! (en
mik en bruuëdjes trouwes
auch, water inne
moel).
Mer noow haaj de bakker
mej-gedaon aan ‘nne wedstrieëd
heejvör. En noow hebbe vae gehuuërdj uut
derdje hand, det de juryleeje de vlaai geweldjig
voonge, mer det ze unne kleine twieëfel haaje.
Toevallig, jao wi-j toevallig kan ut zeen, loog dao
un Brökwagtersbukske van 2023 in dae zaâl en
waat stieët dao-in? Un stökske over Vlaaiekinner
bi-j uutstek: Tjeu, ooze Tjeu jao. Dae wetj d’r
âl van, hae wetj trouwes altiëd en overal âl van
(geintje). En noow blieëktj, en det hebbe vae
echt via via gehuuërdj, det det stökske de doeërslaag
heef gegaeve. Laesj nog mer us mej: “Tjeu
moog altiêd mej nao de interviews. Zoeë auch nao
steûnbaer bakker Vries. Dao wiltj hae noow elk
jaor haer vör ’n interview. Gae haatj um det vlaetje
us motte zeen opsmulle. Körsespieës wis aan zien
oeëre en plekhang.”
Um zoeën waor gebuuërtj verhaol kos de jury
neteurlik neet haer!
Zelfscankassa
‘nne Hieële slumme mins van Bosseve
(mot import zeen) gîng nao de Jumbo op
Meuleakker. Hae deej de boeëdschepkes en
raekendje aaf. Vrawke vreugtj um thoeës nao
ut bunke en zuut det d’r twieë pötjes jam zeen
geraekendj en hae haaj d’r mer
ein in de boeëdschappetas.
Dae mins direct oeëver
de roeëje. “Mojje us
kieëke, zoeë flesse ze
de haardwekendje
minse. Ich fiets metein
trök nao dae Jumbo,
meine ze waal!”
Half eurke later waas hae
trök. “En?”, zag de vraw
nowsgierig. “Ich kreeg niks
trök”, ich haaj zelf alles via de zelfscankassa
gedaon…….”
Op maat gesneden!
Lasersnijden
Knippen
Zetten
Walsen
Mig/Mag-Tiglassen
Haveneind 4 • Weert • www.wullems.nl
T: (0495) 45 03 70 • E: info@wullems.nl
24