Create successful ePaper yourself
Turn your PDF publications into a flip-book with our unique Google optimized e-Paper software.
UUT ’T LAEVE GEGREPE
Effe kloête
Bas és met vreende beej Aod Bosseve. Dirk woor
d’r ouch, mer ineins wore weg. Erwin zeet: “Hae
zal waal weer un groeëte boeëdschap oppe wc aan
’t doon zeen.” Bas dînktj: “Dan zal ich eum ens
kloête.” En hae zétj un kruk met waat tasse oonger
de deurkruk, zoeëdet Dirk
neet vanne wc kân. Nao
zoeë’n 20 minute wachte
ging Bas boete e segrètje
rouke. Waat bleek? Stieët
dae Dirk dao ouch te rouke.
Bas dînktj: “Weem hebbe
vae dan oppe wc gegijzeldj?”
Hae haaltj gaw
de kruk ewég en deut
of d’r niks aane hând és. Tot op dit momênt weîte
ze neet weem detze hebbe opgeslote…
Spisjale automaat
Aod-Vorst Tjeu woor lést ens beej de Bosuul en
woeëj waat drânkmûnte uut unne automaat hale.
Mer, det zuldje altiêd zeen, wêrkdje dae mûntautomaat
neet. Waat dette d’r ouch in dowdje, d’r
kwome gein mûnte uut. Gelökkig kwoom Jos, dae
völ dékker inne Bosuul
és, ens kieke waat d’r
aane hând woor. Naodet
Tjeu ut prebleem aan
Jos haaj uutgelagdj zeet
Jos: “Ich snap woeërum
dejjae gein mûnte
kriegtj, want det és unne
automaat met gezichtsherkenning…!”
Sónger nao te dînke
Ine en Bert ginge ens mette auto van Bert nao de
slachter oppe singel. Ine staptj uut en gieët vleîs
koupe. Bert blieftj inne wage zitte. As Ine weer boete
keumtj luiptj ze, in gedachte verzônke, nao de auto
dae véúr Bert stieët geparkieërdj. Ze deut de deur van
dae auto ope, goesj heur tas met vleîs nao binne en zitj
al bekans oppe stool, asze de sjoffeur huuërtj zegke:
“Ben je nu al klaar?” Ine dînktj: “Woeërum kaltj Bert
ineins Nederlands?” Dan kiektj ze ens good en zuut
detze beej unne wîldjvreemde inne auto és gestaptj…
Poes keîme
Ria hultj hieël völ van katte. Thoês heef ze d’r dan
ouch e paar roondloupe. Ze waere flînk verwindj.
Wi-j det Ria saoves ein kat aan ’t keîme woor kreeg ze
ineins tillefoon. Ut woor Harrie, heure
vreugere baas. Nao effe gekaldtj te
hebbe, zeet Harrie: “Waat bésze noow
aan ut doon?” Woeë-op Ria
zeet: “Ich bin mien poes aan ’t
keîme…!
Druuëg drînke
Wi-j det vae met unne hoûp Brökwagters beej Bertje
wore vroog d’r emes aan de kastelein: “Hé Henk, woeë
és heej de wc?” Woeë-op Henk zeet: “Di-j van Laor
drînke altiêd druuëg. Di-j hove neet nao de wc…!”
Beschete
Wi-j det vae aan ’t happe en stappe wore zeet d’r eine:
“Waat deut ’t waer dalik?” “Ich zal ens effe kieke op
bui-jeradar” zeet unne ângere. Dan ruptj Henrie: “Ich
heb gein gooj ervaringe met bui-jeradar. Dao bin ich
namelik al dékker beschete met uutgekome…!”
WAT JE OOK ZOEKT IN
BOUWMATERIALEN DOEN WE.
BMN | Weert | Graafschap Hornelaan 142 | (Industrieterrein ‘Leuken Noord’) | 6004 HT Weert
dameskleding/woonaccessoires
Sintjobplein 4, 6004 JZ Weert
living63
73