Konsertinformasjon Lykkehjulet - Den kulturelle skolesekken ...

LYKKEHJULET
- ditt livs sjanse
Konsert for 8. - 10. årstrinn
2012
2013

Tale Marie G. Mydske
Solveig Lagos Andersen
Ingrid Andsnes
2
: Lykkehjulet - ditt livs sjanse
PROGRAMMET
Lykkehjulet – ditt livs sjanse er eit spel om identitet og jakta på lykke. Det er ei
musikkteaterførestelling der samtidsmusikk og moderne teater saman gir stemme til eit
menneske av vår tid. Ei kvinne trer fram i rampelyset. Ho er sjølvsikker, scenevand – og ho
kjenner showbizbransjen til fi ngerspissane. Ho kan fortelje deg nokre sanningar om korleis
livet bør levast, og ho går ikkje av vegen for å gjere det. Kvinna er bingovertinna, dronninga i
bingolokalet vårt og i kveldens show, og hjulet ho snurrar, er eit lykkehjul, livets lykkehjul.
Musikken i stykket er av Kurt Weill, Hanns Eisler, Luciano Berio og John Cage. Det er gjort
eit utval av kjende og ukjende songar av Eisler og Weill som i hovudsak inneheld tekstar av
Bertolt Brecht. Desse har eit politisk eller samfunnskritisk innhald som primært er henta frå
Tyskland i 1930–40-åra med musikk av John Cage, Luciano Berio, Hans Eisler og Kurt Weill.
MUSIKARANE
Tale Marie G. Mydske, mezzosopran, avslutta mastergraden sin ved Noregs
musikkhøgskole (NMH) i 2008 i klassisk song med sjølvvald fordjuping. I tillegg til mastergrad
frå NMH har Tale også songutdanning frå Franz Listz-akademiet i Weimar i Tyskland og frå
Høgskolen i Stavanger. Tale har også utdanning innanfor teater, mellom anna frå Høgskolen
i Oslo. Ved sida av frilansarverksemda si som lied-, romanse- og kyrkjemusikksongar har ho
som utøvar også vore spesielt oppteken av kombinasjonen teater og musikk, og har både
som frilansar og som instruktør arbeidd mykje med dette. Tale har sett i scene og medverka
i ei rekkje førestellingar i dette skjeringspunktet, inkludert kabaret-førestellingar med duoen
Duo Weill sidan 2004. Tale har også sidan 2003 verka som instruktør ved Oslo Barne- og
Ungdomsteater, Schous Kulturstasjon.
Ho var med på å danne gruppa Ensemble-07 i 2007. I 2008/2009 produserte dei førestellinga
Den forbudte musikk basert på musikk av Sjostakovitsj. I 2010 var Tale med på å grunnleggje
Flagstadfesten, ein årleg musikkfestival i Kirsten Flagstads heim i Kristiansand. Her verkar ho
både som utøvar og som arrangør.
Solveig Lagos Andersen, sopran, er frå Romedal i Hedmark. Ho er utdanna ved
Musikkonservatoriet i Stavanger og Operahøgskolen ved Kunsthøgskolen i Oslo, der
Mirjana Dancuo Peharda var songpedagogen hennar. For Rikskonsertane turnerer ho
også med operaførestellinga The Old Maid and the Thief, der ho speler rolla som Laetitia.
Eksempel på andre operaroller ho har sunge, er Violetta i La Traviata (Verdi), Rosalinde
i Flaggermusen (J. Strauss) og Clarice i Il mondo della luna (Haydn). Solveig har vore
engasjert av mellom andre Norsk Kammeropera, Musikkteatret i Trondheim, Kirsten Flagstad
Festival, Oslo Operafestival, Operaen i Kristiansund, Ringsakeroperaen, Olavsfestdagene
i Trondheim, Festspillene i Elverum og på konsertar ved Den Norske Opera & Ballet. Ho
har også vore solist med symfoniorkestra i Trondheim, Kristiansand og Stavanger, La
Cetra (Sveits), Helgeland Sinfonietta og dessutan fl eire korps og amatørorkester. Solveig
er også med i scenekunstgruppa MjøScene Produksjoner. Gruppa har turnert for Den
kulturelle skolesekken med mellom anna førestellinga Løp, løp, løp! og skal på turné med
den nyproduserte førestellinga Flaska som hylte på alt mulig våren 2012. Ho blei fast tilsett
som distriktsmusikar i Nesna i 2010 og har i samband med det mellom anna turnert med
førestellinga Feskarbonden og andre kvinnfolk med Trio Nesna.
Ingrid Andsnes har gjort kritikarrosa oppdrag som solist og kammermusikar i Noreg og i
utlandet. Ho har vore solist med fl eire orkester, og har hatt engasjement ved dei viktigaste
musikkfestivalane i Noreg, som Nordland Musikkfestuke, Olavsfestdagene i Trondheim,
Festspilllene i Bergen, Oslo Kammermusikkfestival og Ultimafestivalen (Oslo).
I fl eire år har ho også turnert for Den kulturelle skolesekken. Hausten 2011 medverka ho på
sin første cd, som solist i Mozart klaverkonsert nr. 12 med Telemark Kammerorkester, som ho
har fått strålande kritikkar for. Ingrid Andsnes kjem opphavleg frå Karmøy i Rogaland, og har
studert under professor Joan Havill ved Guildhall School of Music and Drama i London og
professor Jiri Hlinka ved Barratt Due Musikkinstitutt i Oslo.
2012 - 2013

3
PRAKTISK KONSERTFØREBUING
: Lykkehjulet - ditt livs sjanse
• Det er naudsynt med piano til denne konserten
• Musikarane treng hjelp av fi re sterke elevar til å bere utstyr før og etter konserten.
Musikarane kjem ca 45 minutt før første konsert. Konserten varer i 30 minutt.
• Musikarane treng tilgang til straumuttak, to gonger 16 ampere
• Musikarane bruker langsida i konsertsalen. Plasser eleveane i vifteform med midtgang.
• Den driftsansvarlege og involverte lærarar må få ein kopi av denne
konsertinformasjonen
• Kulturkontakten må vere tilgjengeleg under besøket
• Det er alltid hyggjeleg å bli møtt med ein kopp kaffi eller te når ein kjem til ein ny stad
KORLEIS SKOLANE KAN STYRKJE SI EIGA KONSERTOPPLEVING
• Vi ber om at lærarane set seg saman med elevane og er publikum og opplever konserten
på lik linje med elevane.
• Bruk konsertinformasjonen til å informere elevane, skoleleiinga og lærarane om innhaldet
og gi dei praktiske opplysningar.
• Rikskonsertane har god erfaring frå skolar som brukar elevvertar og elevarrangørar. Sjå
www.rikskonsertene.no/eleversomarrangorer for meir informasjon.
• La elevane bli kjende med Berthold Brecht og komponistane som har laga musikken
i konserten. På Wikipedia kan du søkje og fi nne mykje informasjon. Det fi nnes musikk
tilgjengeleg på Spotify og Wimp, og video på www.youtube.com. Dei møta som er
førebudde, er ofte dei beste.
• Bruk også det vedlagde Bruk konserten-materiellet. Eigarskapen til og effekten av
konserten blir større der besøket er forankra i undervisninga og læringsmåla i skolen.
Sjå også boka Bruk konserten! for fl eire undervisningsopplegg
www.rikskonsertene.no/brukkonserten
Velkommen til konsert!
2012 - 2013

4
SPØRSMÅL OM TURNEPLANEN
Turnélegger Hanne Brit Iversen
Fylkeskonsertane/Hordaland fylkeskommune
Tlf. 55 23 99 66
E-post: hanne-brit.iversen@post.hfk.no
SPØRSMÅL OM PROGRAMMET
Produsent Matias Hilmar Iversen
Rikskonsertene
Tf. 22 02 59 00
E-post: mhi@rikskonsertene.no
FAKTA
: Lykkehjulet - ditt livs sjanse
Skulekonsertordninga til Rikskonsertane er ein del av Den kulturelle skolesekken og blir
gjennomført som eit samarbeidsprosjekt mellom Rikskonsertane og fylkeskommunane.
Skulekonsertane utgjer det hovudsaklege musikktilbodet innanfor Den kulturelle
skolesekken.
Rikskonsertane har det heilskaplege ansvaret for skulekonsertordninga og legg dei faglege
rammene for verksemda. Skulekonsertane er statleg fi nansierte gjennom budsjettet til
Kultur- og kyrkjedepartementet. Fylkeskommunane har ansvar for turnéplanlegging og delar
av konsertproduksjonen i sine respektive fylke. Kommunane abonnerer på skulekonsertane
til Rikskonsertane, ei ordning som i dag omfattar 99,7 % av alle grunnskolane i landet. 600
000 barn får to årlege besøk av profesjonelle musikarar på skulane sine. Det er skulane
sjølve som står som arrangør av skulekonsertane. Kvart år gjennomfører rundt 800
musikarar 10 000 skulekonsertar i Noreg.
2012 - 2013

FAG
EMNE
MÅLGRUPPE
TIDSRAMME
RESSURSAR
MÅL LK06
FRAMGANGSMÅTE
5
MUSIKK OG SAMFUNN
Etter ein idé av KRISTINA CLEAVERLEY
SPØK er ein læringsmetode som viser dei store samanhengane i viktige hendingar opp
gjennom historia. SPØK fokuserer på fi re sider ved historiske eller samfunnsaktuelle
hendingar: det samfunnsmessige, det politiske, det økonomiske og det kulturelle. Ei hending
har alltid fl eire sider, men det å lære seg å sjå samanhengar er ei treningssak. Målet med
dette Bruk konserten-opplegget er å få elevane til å sjå at desse forholda er avhengige av og
påverkar kvarandre. SPØK passar til konsertar som er forankra i ein bestemd tidsperiode, og
gjerne til eit geografi sk område.
Samfunnsfag, RLE, musikk
Samfunn, politikk, økonomi, kultur
8. - 10.årstrinn
ca 3 timer
Internett, bibliotek, PC, konsertinformasjon
Eleven skal kunne skape fortellinger om mennesker i fortiden og slik vise hvordan rammer
og vendinger i samfunnet påvirker tanker og handlinger (samfunnsfag 10. årstrinn). Eleven
skal kunne gjøre rede for hvordan musikk gjenspeiler trekk ved samfunnsutvikling og
ungdomskultur og hvordan dette kan komme til uttrykk gjennom ulike former for rytmisk
musikk, kunstmusikk og norsk, samisk og andre kulturers folkemusikk (musikk 10. årstrinn).
Eleven skal kunne drøfte verdivalg og aktuelle temaer i samfunnet lokalt og globalt:
sosialt og økologisk ansvar, teknologiske utfordringer, fredsarbeid og demokrati (RLE, 10.
årstrinn).
Elevane jobbar i fi re grupper med å fordjupe seg i tidsperioden eller det geografi ske området
som er beskrive i konsertinformasjonen. La elevane bruke Internett, bøker og oppslagsverk
til å fi nne meir ut om desse elementa i SPØK:
S står for dei samfunnsmessige forholda. Korleis levde folk i Tyskland i mellomkrigstida,
kva levde dei av? Korleis var familiesamansetjinga? Arbeidsforhold? Kva rettar hadde dei?
P står for den politiske situasjonen i tidsperioden/området. Kva politiske system prega
landet? Kva motsetnadsforhold, hendingar eller politiske samband prega tidsperioden?
Prega nokon nye lovforslag tidsperioden/området?
Ø står for den økonomiske situasjonen. Kva økonomiske system styrte? Korleis var
balansen mellom tilbod og etterspurnad eller import og eksport? Fanst det store økonomiske
skiljelinjer mellom folk? Eller utprega fattigdom?
K står for det kulturelle uttrykket frå tidsperioden/området. Kva kunstuttrykk var gjeldande?
Kva kunstnarar, utøvarar eller komponistar prega epoken? Kva instrument brukte dei?
Korleis blei kunsten vurdert? Var kunsten tilgjengeleg for alle?

KVIFOR
TIPS FOR VIDARE-
FØRING
6
Gruppene jobbar med kvart sitt element i SPØK. Funna blir presenterte i plenum. Finn ein nokon fellestrekk
innanfor alle SPØK-kategoriane? Høyr så på lytte-eksemplet frå konserten, eller ta utgangspunkt i sjølve konsertopplevinga.
Kva parallellar og tilvisingar fi nn ein til samfunnet rundt og SPØK-kategoriane?
Elevane får ei heilskapleg oppleving av musikken og konteksten.
Elevane blir medvitne om korleis kunsten blir påverka av tida og samfunnet.
Elevane set seg inn i korleis ein kan bruke samfunnsmessige forhold som inspirasjon for eiga
skaping.
La elevane jobbe med å skrive songtekstar eller andre tekstar inspirerte av tidsepoken/
området dei har sett seg inn i. SPØK kan då brukast saman med Bruk konserten-opplegget
”Songtekstanalyse”.
www.rikskonsertene.no/brukkonserten

7
: Lykkehjulet - ditt livs sjanse
2012 - 2013