Tannhelsetenester i Hordaland 2010-2013, fylkesdelplan

Det er stor pågang til tannbehandling i narkose, og
tannhelsetenesta må i kvart enkelt tilfelle vurdere
om alternative tiltak kan bidra til å unngå bruk av
narkose. Det er likevel trong for å utvide tilbodet,
men det vil krevje auka tilgang til operasjonsstove
og anestesipersonell på Haukeland Universitetssjukehus.
Tannklinikken Haukeland Universitetssjukehus
DOT driv ein tannklinikk på Haukeland universitetssjukehus
der det blir utført protetisk tannbehandling,
mest implantatbehandling. Det er og
tilsett tannpleiarar som driv førebyggande arbeid,
spesielt i samband med kreftbehandling i hovud-
/halsregionen.
6.4.4 Samarbeid med kommunale
tenester, organisasjonar og lag
Den offentlege tannhelsetenesta har dei siste åra
samarbeidd med kommunale helse-, sosial- og
pleie- og omsorgstenester. Det er inngått samarbeidsavtalar
med dei fleste kommunane i Hordaland
om tannhelsetenester til born, eldre, uføre og
langtidssjuke, og til personar med rusproblem.
Oppfølging av avtalane har vore eit problem enkelte
stader. Det er derfor trong for å vidareutvikle
desse avtalane og forankre dei i kommuneleiinga.
Tannhelsetenesta kan spele ei større rolle i arbeidet
med å førebygge omsorgssvikt, vald og overgrep
mot barn. Det bør også utarbeidast samarbeidsavtaler
med andre tenester, som t.d. barnevernet, og det
er trong for å styrke samhandlinga med helsestasjonane.
6.4.5 Samarbeid med privat praksis
Regjeringa har i Stortingsmelding nr 35 gitt signal
om at privat praksis må delta meir i å løyse offentlege
oppgåver.
70% av norske tannlegar arbeider i privat praksis,
og denne ressursen kan bidra meir i behandlinga av
prioriterte grupper. Men det er eit problem at det
ikkje alltid finns private tannlegar der trongen for
hjelp frå privat praksis er størst.
Til no har det ikkje vore noko systematisk samarbeid
mellom offentleg og privat sektor i Hordaland
om prioriterte grupper.
6.5 NYE REFORMER OG NY
LOV OM TANNHELSE-
TENESTER
Regjeringa har i Stortingsmelding 35 (2006-2007)
varsla nye reformer og ei ny lov om tannhelsetenester
i 2011. Reformene vil først og fremst vere
knytt til områda geografisk utjamning, sosial utjamning,
kunnskaps- og kompetanse-heving og
auka satsing på folkehelsearbeidet.
6.6 IKT – OVERFØRING AV
DRIFTSANSVARET FRÅ HELSE
VEST IKT TIL HORDALAND
FYLKESKOMMUNE
Det har blitt utvika fleire felles administrative,
IKT-baserte system for Hordaland fylkeskommune
dei siste åra. Tannhelseavdelinga held til i fylkesbygget
og har tatt i bruk desse systema. Men tannhelsetenesta
sine fagsystem blir drifta av Helse
Vest IKT, og tannklinikkane er ein del av til Helse
Vest IKT sitt nettverk.
Tannhelsetenesta vil etterkvart bli meir integrert i
fylkeskommunen sine administrative system. Kontakten
mellom fylkeskommunen og Helse Vest IKT
sine nettverk har vore ustabil, og det er derfor vedtatt
at fagsystema og det administrative systemet
skal leggjast til ein felles plattform. Det vil medføre
at fagsystema som Helse Vest IKT drifter i dag
blir overført til fylkeskommunen si IKT-avdeling.
Det vil ta tid å gjennomføre ein slik overgang, og
Hordaland fylkeskommune må få på plass nødvendig
utstyr og kompetanse før det kan skje. Det vert
ei stor utfordring å få til ein overgang som fungerer
frå første dag.
Hordaland fylkeskommune – Tannhelsetenester i Hordaland 2010-2013 - Fylkesdelplan 20