Årsmelding 2007 Hardanger og Voss museum

12 13
2.3 UNGDOMSAVDELINGA 2.4 MUSEUMSAVDELINGA
I 2007 har ungdomsavdelinga gjennomført anbodsrundar
med Barne- og Familieetaten region vest og
med Barne- og Familiedirektoratet. Hardanger
Fartøyvernsenter vert rekna som ein privat barnevernsinstitusjon
og må difor gjennomføra anbodsrundar
for å få avtalar med barnevernet om plassering
av ungdom. Begge anbodsrundane førte til kontraktar
for alle tiltaksplassane, men med den risikoen
at det ikkje blir betalt for ubrukte plassar.
I forhandlingsperioden var det stillstand i plasseringa
av ungdom, samstundes som nokre av ungdommane
i tiltaket vårt slutta. Dette førte til eit stort underskot
for ungdomsavdelinga og HFS i 2007, og ein vurderte
permittering av medarbeidarar. Situasjonen betra seg
mot slutten av året ved at nye ungdommar blei plassert
i tiltaket.
Personalstoda på avdelinga har vore krevjande dei
siste åra. Mykje ekstravakter og behov for utlufting
av ungdommar har bl.a. gjort det vanskeleg å følgje
oppsett turnus. Permisjonar og medarbeidarar som
sluttar har gitt oss utfordringar og mykje arbeid med
rekruttering.
I mai tok avdelingsleiar Olav Bolstad initiativ til
leiarskifte som førte til at han og nestleiar Terje
Langeland bytta stillingar frå 1. september. To instruktørar
ved ELO (dagtilbodet) sa opp stillingane
sine, noko som har gitt utfordringar i høve kontinuiteten
og kvaliteten på ELO. Gjennom året har tre
buttiltak slutta og det er inngått avtalar med to nye.
Avdelinga har hatt ei ungdomsgruppe med mange utfordringar
og problem. Me har diverre sett oss nøydt
til å sei opp plasseringar for to ungdommar på grunn
av fysisk utagering og uønska åtferd. Trenden med
meir kompleks og større problematikk for ungdommar
som vert plassert i institusjon av barnevernet i
Noreg ser ut til å vedvara.
Det har vore mange og ulike utfordringar for
avdelinga i 2007. Ein har likevel klart å ha eit godt og
sterkt fokus på ungdommane, som har hatt eit
kvalitativt og innhaldsrikt tilbod. Som høgdepunkt
kan nemnast tur til Shetland med Vikingen og tokt
med Mathilde frå Rørvik til Ålesund i august. Personalet
har strekt seg langt og gjort stor innsats for
at ungdommane i tiltaket skal ha positiv vekst og utvikling.
I tillegg til dei meir tradisjonelle museumsoppgåvene
har museumsavdelinga på HFS ei omfattande verksemd
med drift av verneverdige fartøy, maritim leirskule
og handverksaktivitet knytt til produksjon av
klinkbygde båtar og reipslaging. HFS hadde 13 616
besøkande i 2007, som er om lag som i 2006.
I 2007 utvida ein opningstida ved å starte sommarsesongen
i mai, fire veker tidlegare enn vi har gjort
før. Opningsarrangement blei kombinert med eit
nasjonalt smedtreff der det blei vist mykje spanande
smedaktivitet for store og små. I kafeen var det ei
fotokunstutstilling med Ingrid Jordal, på reiparbana
ei vandreutstilling med kystkulturelle tekster frå Ivar
Åsen senteret og ei sjølvprodusert spikke-inspirasjonsutstilling.
HFS er eit levande museum der gjestene får sjå utføring
av fleire maritime handverk i verkstadar og på
båtane. I sesongen vert det engasjert flinke studentar
til å utføre mykje av det praktiske arbeidet rundt
publikumsaktiviteten. HFS si museumsamling er i
hovudsak knytt til dei fire verneverdige fartøya og til
ivaretaking av handverkskunnskap. Målet er å verne
fartøya gjennom aktiv drift og formidling. Ut over
dette har HFS berre ei lita gjenstandsamling. Fokuset
er ikkje på materielle samlingar men på innsamling
og vidareføring av immateriell kunnskap. Gjennom
utøving av verneverdige handverk vert kunnskap
halden i hevd.
HFS var også sist år aktiv som del av Kvam Herad
sin kulturelle skulesekk. Ein gjennomførte undervisningsprogram
med tema reipslagning for 8. klasse,
forming i tre (spikking) for 2. klasse, roing med tradisjonelle
robåtar for 6. klasse, og fartøyvernarbeid for
10. klasse. Gjennom året gjennomføre avdelinga i tillegg
fleire arrangement retta mot born og unge.
Segljakta Mathilde gjennomførte også i 2007 åtte
veker museumstokt, finansiert av Hordaland fylkeskommune,
der båten blir nytta til ulike kulturarrangement.
Vårsesongen vart det gjennomført eit program
i Norhordaland med fylkesmusikkarane. Haustprogrammet
var knytt til vandreutstillinga frå Ivar
Aasen tunet og eit sjølvutvikla skriveinspirasjonstokt
for skulane i Hardanger. Dette vart utvikla og gjennomført
i samarbeid med Hardanger Folkemuseum.
Hardanger Maritime Leirskule er eit samarbeid med
Kvam herad knytt til segljakta Mathilde. Også dette
året var alle dei 12 toktvekene selde og me kunne
observera glade og kunnskapsrike skuleungar som
gjekk i land etter fem døger til sjøs. Sommarsesongen
til Mathilde blir seld til opne vekestokt for grupper
og/eller einskildpersonar. Salet av slike tokt er krevjande
men årets tokt til Lofoten var populære og
belegget godt.
M/Y Faun har vist seg å vera vanskeleg å selja som
turbåt, og har for det meste lagt til utstilling. Dette
kan skyldast at båten berre har sertifikat for 12 passasjerar
og kan bli litt ”eksklusiv” med innleidd skipper.
M/K Vikingen er ”ungdomsavdelinga sin” båt,
dei ser til båten og brukar den på nokre sommarturar,
mellom anna til Shetland i 2007.
Småbåt har hatt god aktivitet og omsetnad. Verkstaden
deltok saman med reipslagarverkstaden på
båtmessa Sjøen for alle i Oslo. I 2007 starta vi opp
eit dokumentasjonsprosjekt knytt til båtbyggjarkunnskap
i fjorden. Prosjektet er delfinansiert av
Hardanger og Voss museum sine fellesmidlar og har
resultert i eit stort intervju, foto og film materiale i
tillegg til den overførte handlingsborne kunnskapen
som berre kan overføres gjennom praksisbasert
erfaring.
Reipslageriet har hatt eit spesielt år då reipslagaren
har vore i svangerskapspermisjon store deler av året.
Ved hjelp av vikar og lærlingen sin aktivitet har ein
likevel klart å levere tau til faste kundar. På hausten
gjennomførte vi eit dokumentasjonsprosjekt på
ei reiparbane i Kristiansund i samarbeid med Norsk
Handverksutvikling. Dokumentasjonen var knytt til
utdrivarteknologi, og har gitt oss mange tankar om
vidare utvikling av vår eigen reiparbane. Reipslagaren
vår deltok også på Kystens Landsstemne og Risør
trebåtfestival.
Hausten 2007 var HFS vertskap for eit nasjonalt seminar
med tema formilding gjennom handling i regi av
Noregs Museumsforbund sin seksjon for formidling.
I 2007 utarbeidet HFS i samarbeid mec kollegaer i
Hardanger og Voss museum, eit samtidsdokumentasjonsprosjekt
knytt til bygginga av Hardangerbrua.