Årsmelding 2007 Hardanger og Voss museum

16 17
4.2 BESØKSTAL 5.0 KUNSTHUSET KABUSO
Det var i 2007 5 477 besøkjande, mot 6 722 i 2006.
Nedgangen er ikkje så dramatisk som den kan sjå ut
til. I 2006 hadde Agatunet store arrangement fyrste
halvår med opp mot 200 gjester. Det at pinsen i 2006
kom i juni og var svært godt ver og besøk, spelar og
inn. Tala viser likevel at det er trong for å styrka
marknadsinnsatsen.
4.3 NORSK JORDSKIFTESENTER
”NORSK JORDSKIFTESENTER” skal vere eit nasjonalt
kompetansesenter for eigedomsrelatert kunnskap
og formidling av dette til grupper med interesser
forankra i eigedom og eigedomsutforming. Senteret
skal vere eit serviceorgan og ha som primær oppgåve
å formidle slik kunnskap som har aktualitet og nytte
for dei som deltek i den samfunnmessige forvaltinga
av eigedomsverdiar i brei forstand.
Senteret siktar seg mot alle med eigedomsrelaterte
interesser knytt til si yrkes- og profesjonsutøving. Som
serviceorgan for desse gruppene skal NJS tilby kurs-,
seminar- og konferansetenester på regulær basis.
Konkret har prosjektarbeidet
vore konsentrert på desse områda:
• Inngått intensjonsavtale om overtaking av
bygning: Arbeidet med oppteikning og –måling
av bygning og areal starta tidleg i 2008, og
takstmann er engasjert for å fastsetje verdi.
Arbeidet vert fylgd opp med arkitektoniske
løysningar, og strategi for innløysing, investeringar
og finansiering.
• Dokumentasjonsarbeid: Prosjektet har engasjert
M. Langnes for å dokumentere og illustrera
jordskiftehistoria for Hardanger. Han skal produsera
eit bokverk om norsk jordskiftehistorie,
og avtalen inneber at Hardanger og Agagarden
får ein sentral plass der. Bokverket skal vere ferdig
Ein del av besøket var barnehagar, skular,
studentgrupper og forskarar. Tunet har og vore
brukt til spesielle private arrangement og det har
vore journalistvitjingar. Kunstutstillingane stengde
samstundes med sommarsesongen. Avslutningsdagen
vart kombinert med aktivitetsdag saman med
Folgefonn Husflidslag.
hausten 2009, og ein eigen Hardangerrapport
kjem hausten 2008. Dette arbeidet vert eit viktig
fagleg fundament for NJS.
• Etablering av samlingar om jordskifte og
eigedomsforvaltning: Tiltaket er i ein kartleggingsfase,
og prosjektet er i kontakt med ulike instansar
med tanke på å samle inn gjenstandar som
har interesse for ein slik tematisk utstilling/
samling. Arkiv og bibliotek under planlegging.
• Oppretting av relasjonar til potensielle
samarbeidspartnarar/brukarar: Siktmål er å
orientere mål og innhald mot desse sine
behov, og å sikre senteret ein stabil og solid
brukarportefølje.
Det er gjort viktig arbeid med å definera mål og innhald
i prosjektet. Utfordringa frametter vert å spesifisera
ein strategi for å sikre driftssida. NJS bør som
minimum ha ein stab på fire-fem tilsette, og dette vil
krevje eit omfattande driftsøkonomisk grunnlag.
Samla disponerar prosjektet 1.142.500 kr. i tilskot.
Innan 01.03.08 er det brukt ca. 479.000 kr. Av dei
attverande 666.500 er 104.000 kr bundne opp til
godtgjersle for jordskiftehistoria når denne er ferdig.
Dei største utgiftene er løn, kjøp av tenester (jordskiftehistoria)
og programvare og –kurs (arkitektprogram).
Kabuso er Hordaland fylkeskommune sin tusenårsstad.
Tusenårsstaden skal vera eit senter der kunstog
kulturytringar vert formidla på profesjonelt nivå,
og der kunsten kan fungera som ein dialog mellom
Noreg og verda ute.
Besøkstalet i 2007 var 12465, der 5603 løyste billett.
Born og konsertpublikum går gratis. Det er ein liten
nedgang i besøket frå året før, men på grunn av oppgraderingsarbeid
på bygget hadde me i 2007 vel ein
månad kortare opningstid enn i 2006.
Det vart arrangert 42 konsertar m.m, mellom anna
matinékonsertar i sommarmånadene i samarbeid
med Edvard Grieg Museum Troldhaugen og kakaokonsertar
i samarbeid med kulturskulane i Hordaland.
Konsertsalen har og vore leigd ut for konsertar,
konferansar og liknande.
Det vart produsert tre kunstutstillingar: Mons Breidvik
- Speglingar (i samarbeid med Bergen Kunstmuseum),
Damien Hirst – Livet, døden og kjærleiken
(i samarbeid med Astrup Fearnley Museet for Moderne
Kunst), Tina Modotti & Edward Weston - Mexico
(i samarbeid med Hordaland Internasjonale Fylkesgalleri
3,14). I tillegg var det tre prosjektutstillingar i
foajeen: Silje Solvi – Foto og video, Christine Hoem
– Vovne bilete, Kurt Johannesen – Fyrste minne.
Ved alle utstillingar vert det lagt vekt på å tilby omvising.
Å kommunisera utstillingane godt prøver ein
å gjera til eit varemerke for Kabuso. Kabuso står og
for omvisingar i Ingebrigt Vik Museum. Det meste av
året har me vist filmen ”Han skapte liv” om Ingebrigt
Vik i konsertsalen.
Formidling mot skular og barnehagar er ei hovudsatsing
for Kabuso. Det er særleg born og unge frå Kvam
som nyttar seg av tilbodet, men her har også vore
besøk frå skular i andre delar av Hordaland. Det har
og vore fleire grupper frå Kunsthøgskulen i Bergen.
Heimesidene er den viktigaste marknadsføringskanalen
til Kabuso, saman med jungeltelegrafen og
annonsering i aviser og tidsskrift. Det er lagt ned relativt
mykje ressursar i marknadsføring. Av økonomiske
årsaker er likevel fleire arrangement berre annonsert
i lokalavisa. Institusjonen har hatt bra gjennomslag i
media, men har erfart at det må jobbast knallhardt
for å få dekning i media utanfor Hardanger.
Mannskapssituasjonen har vore noko skiftande i
2006. Fagleg leiar har hatt permisjon frå si stilling frå
juni, og denne jobben har blitt fordelt på tre
personar. Vinteren 2006 gjennomførte staben ein
studietur til Edvard Grieg Museum Troldhaugen,
Bergen Kunstmuseum og Haugesund Billedgalleri.
Det økonomiske handlingsrommet er knapt. Det har
vore naudsynt å finansiera noko av det som skal vera
vanleg drift med prosjektstøtte. Kabuso har hatt
mindre midlar å driva for i 2007 enn året før, sidan
me då hadde med oss ubrukte midlar frå tidlegare år.
Budsjettet til fagleg arbeid er også redusert som følgje
av at Kabuso på line med dei andre institusjonane
i Hardanger og Voss museum har måtta bidra med
ressursar til administrasjon.
I januar og februar vart det utført ei rekkje betringstiltak
i bygget, særleg knytt til lydforhold. Det har i
løpet av året også vore mange rundar på det tekniske
anlegget, som har vist seg vanskeleg å få til å fungera
optimalt. Det er inngått ein driftsavtale med Kantek
AS om vedlikehald/ettersyn av det tekniske anlegget.
Parken mellom Kabuso og Ingebrigt Vik Museum vart
ferdigstilt våren 2007, og offisielt opna av fylkesordføraren
3. september.