VÃPNET POLITI- JAKT I VOLDA - HÃ¸gskulen i Volda

More documents

Recommendations

Info

6 NYHENDE Næravisa - fredag 17. februar 2006 -Velkomen hit! IDYLLISK: Ivar Svein Mo ynskjer at fleire etablerar seg i Hjørundfjord. (Foto: Målfrid Bordvik) Bygdemobiliseringa i Austefjorden og Storfjorden er avslutta. No startar Hjørundfjord sitt eige prosjekt. Satsingsområda er trivsel og sysselsetjing. MÅLFRID BORDVIK bordvik@student.hivolda.no HANNE LØVIK KIRKNES kirknes@student.hivolda.no Mandag vart Ivar Svein Mo valt til leiar i styret for prosjektet, som er samansett av sju menn og to kvinner. Dei skal forvalte midlane som dei ulike arbeidsgruppene kan søke om. Mo er realistisk og seier at han er nøgd dersom eitt av ti prosjekt vert gjennomført. Styreleiaren håpar på to til tre nye familiar i 2009. Bygda som hobby Per Atle Røe er ei av drivkreftene bak mobiliseringa. Sjølv om han ikkje har noko direkte tilknyting til Hjørundfjorden er han svært engasjert. Han innrømmer at bygda er blitt hobbyen hans, og utelukkar ikkje at han vil flytte til Bondalen. – Etter 2009 starter andre fase av prosjektet, seier han. Visjonen er 30 nye årsverk om sju til åtte år. – Pluss eller minus 50 prosent, legg han til. Gode erfaringar Rapporten frå Bygdemobiliseringa i Austefjorden og Storfjorden er lagt fram og styringsleiar Iwar Kalvatne er godt nøgd. Målet med prosjektet var å få ”bygda til å bløme” og Kalvatne fortel at det har blitt eit heilt nytt samhald i bygda. Folk snakkar meir saman og smila sit lausare. Men dette er ikkje nok for å få bygda til å vekse. – Me leita med lys og lykter, men det var ingen under 27 år som ynskte å vera med, seier Kalvatne, som gjerne skulle hatt fleire ungdommar med på prosjektet. Ynskjer fleire unge Linda Stokke (28) er yngst i styringsgruppa for bygdemobiliseringa i Hjørundfjord. Ho etterlyser engasjement frå fleire på eigen alder. Stokke fortel at det er få ungdommar i alderen 20-30 år i bygda. Dei fleste reiser vekk for å ta utdanning, men få kjem tilbake. – Dei som er yngre veit ikkje kva dei vil endå, og er for opptatt med seg sjølv, forklarar Stokke. Auka tilflyttingslyst Ho peikar på at auka tilflyttingslyst er det viktigaste for bygda. Skal ein oppnå dette er ledige tomter heilt avgjerande, forklarar ho. Stokke kjenner til fleire som har ynskja seg tomt, men som ikkje har fått det. TRIVST: Linda Stokke tykkjer Hjørundfjord er ein fin stad å vekse opp. (Foto: Målfrid Bordvik) No forventar dei at kommunen tek rapporten dei har laga alvorleg og vurderer tiltaka dei har føreslege. – Utan bygdene rundt kan ikkje Ørsta og Volda eksistere, seier han. Rapporten framhevar særleg behovet for ein koordinator som kan lette samhandlinga mellom bygdefolket og kommunen. Lovar ingenting Ordførar i Ørsta, Hans Olav Myklebust, seier at dei ulike tiltaka no går sin gang i forvaltinga, men at det er for tidleg å seie kva som vert prioritert. Sjølv framhevar han at kommunedelsplanen må reviderast og meiner det viktigaste verkemiddelet for å få nye tilflyttarar, er ledige tomter. Han understrekar at han ser på bygdemobiliseringsprosjekta som svært positive. – Det er no innbyggarane me er til for, avsluttar han. Ho etterlyser ein revidert reguleringsplan frå kommunen, og legg til at dei bør jobbe fortare. Sjølv har ho vakse opp i Bondalen, og har valt å flytte tilbake for å ta over garden der. – Det viktigaste er ikkje å ha to minutt til kino eller Cubus, fortel Stokke. For ho var det derimot viktig å ha familie i nærleiken, samt å kunne vere nær naturen. Ho er fornøgd med å ha busett seg i Bondalen, og skulle ynskje at fleire småbarnsfamiliar gjorde det same. – Klassane på skulen er for små, og har minka dramatisk dei siste åra. Skal rope høgt Linda Stokke ynskjer at ho gjennom prosjektet kan gjere ein skilnad. Ho trur den største utfordringa blir å få pengar frå kommunen, som ho meinar har gjort for lite til no. – Eg har skjøna at det er om å gjere å rope høgast! -Det må meir til Bygdemobilisering er ikkje nok for å snu utviklinga, hevder forskar. - I alle høve dersom målet er reell befolkningsvekst, seier forskar Finn Ove Båtevik ved Møreforsk. – Men det er viktig for å setje fokus på saka. Han meinar at endring er avhengig av innstillinga til dei som bur der. Samstundes understrekar Båtevik at det er viktig å ha realistiske målsetjingar. – Det er vanskeleg å snu utviklinga, seier han. Han seier at flyttestraumar er samansette. Den største økonomiske veksten skjer i sentrumsområda, noko som viser att i flyttetala. – Korleis tilflyttarar blir mottekne kan også ha noko å seie, meiner han. For fråflyttingstruga bygder er det avgjerande å oppretthalde basisfunksjonar som butikk og skule. – For ei lita bygd kan ein eller to nye familiar vere nok for å halde på desse. Det handlar om å få betre balanse i befolkninga, seier Båtevik. - Det viktigaste er samarbeid mellom befolkninga, kommunen og næringslivet, legg han til.
Næravisa - fredag 17. februar 2006 NYHENDE 7 Ungdom går glipp av MILLIONAR Kvart år blir millionar av kroner sende tilbake til EU. Pengar som elles ville gått til utveksling av norsk ungdom i Europa. Møre og Romsdal er eit av dei dårlegaste fylka i klassa. KJARTAN T. MELHEIM kjartan.melheim@student.hivolda.no Ung i Europa er EU sitt tilbod OM ikkje-formell læring for ungdom. Dei som deltek på programma sit ikkje på skulebenken, men kjem inn i eit lokalsamfunn. Slik lærer dei kulturen og språket i landet å kjenne. Som EØS-land tek også Norge del i dette programmet. - Vi ser at slike språk- og kulturkunnskapar blir stadig viktigare i arbeidslivet, seier Thomas Wrigglesworth, informasjonsansvarleg i Ung i Europa. Gruppeutveksling og volontørarbeid er hovudaktivitetane deira. Ved gruppeutveksling kan ein ungdomsorganisasjon få dekt mesteparten av utgiftene når dei besøkjer liknande oranisasjonar i land som er med i EU. Volontørarbeid er at ein person melder seg til å arbeide i ein frivillig organisasjon. Reise, opphald og lommepengar betalar EU. Byråkrati - For å få midlar må ein gjennom eit krevjande skjemavelde. Dette er vi ikkje vane med i Norge, og det kan få folk til å miste motet, meiner Magnar Åm i ungdomskoret Digitalis. Dei er blant dei få frå Møre og Romsdal som har nytta seg av tilboda til Ung i Europa. Wrigglesworth er ikkje samd i det. - Med så mykje pengar på spel må vi ha ei viss form for byråkrati, for å sikre at midlane blir brukte rett. Vi hjelp også til med søknader så godt vi kan. Meir initiativ frå fylket Magnar Åm etterlys meir hjelp frå fylket. I dei landa koret har besøkt, har dette vore vanleg, fortel han - Eg er nøgd med den hjelpa vi har fått frå Ung i Europa, men dei sit i Oslo, og me sit i Volda. Det er ikkje alt som er like enkelt å ta over telefonen. Viss vi kunne fått hjelp til byråkatiet frå fylket, trur eg fleire ville ha blitt med på slike prosjekt, meiner Åm. Øyvind Hasle, fagansvarleg for utdanning i Møre og Romsdal fylke, vedgår at dei har vore for dårlege på internasjonalisering: - På enkelte område er vi dårlege, på andre område som elevutveksling, står det ikkje så gale til, seier Hasle. Han legg til at dei nyleg har lyst ut ei stilling som handlar om internasjonalisering, og at dette er eit satsingsområde for fylket. - Strålande tilbod - Når du først har kome deg gjennom alle skjema, er det eit strålande tilbod, seier Magnar Åm i Digitalis. Dei har reist på gruppeutveksling til Irland, Tyskland, Portugal og Hellas. - Vi har budd privat, og så har dei besøkt oss igjen og budd hos kormedlemmane her i Volda, forklarar han. OVERRASKA: Dei har ikkje hørt om Ung i Europa, men Hege Bjørkedal og Marthe Eriksen (t. h) synes det er rart at Møre og Romsdal fylke ikkje får nytta pengane dei får gjennom prosjektet. (Foto: Daniel Drageset) -Ukjent for oss Hege Bjørkedal (17) og Marthe Eriksen (18) ved Volda Vidaregåande skule kjennar ikkje til utvekslingsprogrammet til EU. LOGO: Ung i Europa - Hæ? Er det eit program på NRK? Er den første reaksjonen frå Marthe. Då dei får forklart kva Ung i Europa går ut på, tykkjer dei alle at det er eit godt tilbod. - Å få reist til eit framand land hadde vore gøy, men eg tvilar på at det vert noko av det. Det er så mykje som skal klaffe før slike ting går i orden, meiner ho. Hege er einig i det. - Eg har lyst til å reise på utveksling til England, det hadde vore gøy å vorte litt meir kjend med landet. Eg trur likevel at eg ventar med det til eg har byrja på høgare utdanning. Dei er flinkare til å fikse slike ting der, trur Hege. Saknar informasjon - Dei har nokre brosjyrar opp hos rådgjevaren, men det vert liksom så tørt. Vi saknar litt meir informasjon. Det hadde vore fint om det hadde kome nokon og informert oss om utveksling på skulen. Då kunne me vorten inspirerte. Overraska Då dei får høyre at Ung i Europa ikkje klarar å bruke opp pengane dei får tildelt frå Brüssel, gjer dei store augo. – Klarar dei ikkje å bruke opp pengane? Det skulle no eg ha klart, er Marthe sin konklusjon.
Page 1 and 2: NA Næravisa SMS-sjekker drosjekund
Page 3 and 4: Næravisa - fredag 17. februar 2006
Page 5: Næravisa - fredag 17. februar 2006
Page 9 and 10: Næravisa - fredag 17. februarr 200

VÃPNET POLITI- JAKT I VOLDA - HÃ¸gskulen i Volda

You also want an ePaper? Increase the reach of your titles

Delete template?

Save as template?

VÃPNET POLITI- JAKT I VOLDA - HÃ¸gskulen i Volda