status for samhandlingstiltak i region vest - Fjell kommune

Frå visjon til realitet
November 2012
I fleire år har Fjell kommune i samarbeid med Helse Bergen og nabokommunane Askøy, Sund
og Øygarden utvikla samhandlingsprosjekt innanfor ulike helseområde. Dette samsvarar med
visjonane og forslaget til den nye lova om kommunale helse- og omsorgstjenester som
regjeringa la fram i april 2011. Med eit befolkningsgrunnlag på snart 60 tusen menneske, har
samarbeidspartnarane eit svært godt grunnlag for å etablera samhandlingsprosjekt.
Samarbeidet mellom Helse Bergen og samarbeidskommunane har vore svært godt.
I framlegget frå regjeringa heiter det at den nye lova skal sikra samhandling mellom
kommunar og sjukehus. Pasientane skal få tenester som heng betre saman. Ofte vert
utskrivingsklare pasientar liggjande og venta fordi kommunane ikkje har tilfredsstillande
tilbod. Dette er ei uheldig løysing for pasientane og kostbart for samfunnet.
Samhandlingsreforma skal føra til at kommunar og sjukehus legg til rette for at pasientane
vert behandla i kommunane dersom dei der får eit like godt eller betre tilbod enn på sjukehus.
Sjukehus og kommunar skal undersøkja om det er høve til å laga "spleiselag" om lokale
samarbeidsprosjekt som kan erstatta behandling på sykehus. I region vest har Helse Bergen og
kommunane brukt mykje ressursar og energi i arbeidet med samhandling og oppnådd
konkrete og gode resultat. Det partane har prøvd å få til, er å etablera løysingar der pasienten
får eit tilbod prega av høg kvalitet samstundes som kostnadene vert redusert. Det har vi fått
til, og samfunnsnytten er vesentleg.
Intermediær avdeling / Lokalmedisinsk senter
Oppstart februar 2010 Planlagt ferdig 2016
Intermediær avdeling har seks sengeplassar og er
etablert i helseområdet på Straume i Fjell. Målet
med dette pilotprosjektet er å gje pasientane god
behandling og rehabilitering på det lågaste effektive
behandlings- og omsorgsnivået. Tilbodet erstattar den
siste fasen av sjukehusopphaldet, og målet er at
pasienten etter kort tid kan reisa til sin eigen heim.
Etter drift i eitt år, reiste 93 prosent av pasientane
direkte heim etter behandling. Gjennomsnittleg
liggjetid for pasientane er sju dagar.
Med dette tilbodet kan ein yta god rehabilitering og opplæring og sikra heilskaplege og
koordinerte tenester. Tilbodet er særleg tilpassa for pasientar frå ortopedisk avdeling og
nevrologisk avdeling på Haukeland universitetssjukehus. Det kjem også pasientar frå
kirurgisk avdeling. Det vert arbeidd vidare med å inkludera andre avdelingar i Helse Bergen
for å sikra høg grad av pasientbelegg ved intermediær avdeling. På sikt vert det arbeidd for å
etablera ei observasjonseining for å hindra unødig innleggingar på sjukehus.

Avdelinga i Fjell ligg nær Straume terapisenter og Fjell sjukeheim, noko som gjev gode
forhold for opptrening og trening i terapibasseng og sambruk av personale. Prosjektet har fått
mykje positiv omtale, og mange kommunar har besøkt avdelinga.
Intermediær avdeling er eit pilotprosjekt for det lokalmedisinske senteret på Straume som
etter planen er klar til bruk i 2015. I dei førebelse planane for senteret er det lagt til rette for
24 sengeplassar. Dette er eit samarbeid mellom Helse Bergen og kommunane Askøy, Fjell,
Sund og Øygarden.
Straume dialysesatellitt
Oppstart oktober 2010
Dette er eit halvannalinjetilbod om dialysebehandling
for sterkt nyresjuke lokalisert i lokala til Straume buog
servicesenter i Fjell. Dette er den første «nære»
dialysesatellitten i Noreg. Pasientane, som får
behandling tre gonger i veka, får redusert reisetida,
samstundes som satellitten ligg relativt nær
Haukeland universitetssjukehus om noko skulle skje.
Dette er ei pasientgruppe som treng trygge, gode og
positive omgjevnader der det er ein fordel med kort
reisetid til behandling.
Eininga har fem plassar med drift tre dagar i veka. Inntaksområdet er kommunane Askøy,
Fjell, Sund og Øygarden. Dialysesatellitten, som vart offisielt opna 22. november 2010, skal
etter planen lokaliserast i det nye lokalmedisinske senteret på Straume. Helse Bergen står for
drifta, medan Fjell kommune er huseigar og står for utleige av lokale.
Lindrande eining - palliativ avdeling
Teken i bruk 1. oktober 2012
Samhandlingsprosjektet ”Lindrende enhet” vert lokalisert til Kleppestø sykehjem på Askøy.
Målgruppa vil i starten vera kreftpasientar frå dei fire samarbeidskommunane. Eininga skal
gje eit medisinsk tilbod som hindrar innlegging i
sjukehus og/eller reduserer liggjetid i sjukehus.
Prosjektet startar opp med fire sengeplassar, med høve
til vidare opptrapping etter behov. Eininga skal også
fungera som eit kompetansesenter for kommunane med
rettleiing til fastlegar, sjukeheim og heimesjukepleie.
”Lindrende enhet” skal drivast i eit samarbeid og som
eit spleiselag mellom dei fire kommunane og Helse
Bergen. Det skal være eit tilbod på halvannalinjenivå,
og skal ikkje erstatta dei eksisterande kommunale
tilboda innan palliasjon.

Øyane distriktspsykiatriske senter (Øyane DPS)
Innflytting juni 2011, offisielt opna august 2011
Nye Øyane DPS skal gje psykiatrisk hjelp til menneske over 18 år som bur i kommunane
Askøy, Fjell, Sund og Øygarden. Tilbodet omfattar poliklinisk behandling, ambulant team
og 20 sengeplassar for kort- og
langtidsbehandling. Dette gjer
Øyane DPS til eit sjølvstendig
DPS. Også psykiatrisk team i Fjell
kommune skal halda til i det nye
DPS-bygget.
Øyane DPS er lokalisert i
helseområdet på Straume. Senteret
er eit samarbeidsprosjekt mellom
Helse Bergen som leigetakar og
Fjell kommune som byggherre og
huseigar. Den totale prosjektkostnaden
er på om lag 108
millionar kroner.
Strakshjelp (ØH) døgntilbod for Fjell og Sund
Oppstart 1. mai 2012
Dette tilbodet er etablert i nært samarbeid med Helse Bergen og har fire senger i samdrift med
sjukeheimen/intermediær avd. Tilbodet er retta mot tungpustne og andre pasientar som vert
tilvist frå frå interkommunal legevakt og fastlegar. ØH er 100 prosent statsfinansiert.
JordmorHeim
Oppstart januar 2011
JordmorHeim i Fjell er eit utvida tilbod til mor og barn i barseltida.
Dette er eit samarbeid mellom Helse Bergen, Kvinneklinikken og
Fjell kommune. Mora og barnet får tilbod om oppfølging i
barseltida.
Mor og barn som reiser tidleg heim etter fødselen, får
barselomsorg av lokale jordmødre. Målet med tilbodet
er å gje ein roleg og trygg start for den nye familien, kontinuitet i svangerskaps- og
barselomsorga og trygg overføring til helsesøster. Jordmor i Fjell tek kontakt med mora første
verkedag etter heimkomsten. Den første veka etter fødselen kjem jordmor på besøk eín til tre
gonger, og oppfølginga vert tilpassa etter behov. Dei som ikkje ønskjer heimebesøk, får hjelp
på helsestasjonen. Så langt har om lag 60 prosent av dei fødande valt å nytta seg av dette
tilbodet.
JordmorHeim fekk i desember i fjor Helsedirektoratet sin Samhandlingspris for 2010.

Aktuelle samhandlingsprosjekt i Fjell kommune og region vest
innan helse- og omsorgstenester
Prosjekt Samarbeid Innhald Merknad
JordmorHeim, Fjell
Palliativ avdeling,
Kleppestø på Askøy
Intermediær avdeling,
Straume
Lokalmedisinsk senter,
Straume
Strakshjelp (ØH)
døgntilbod for Fjell og
Sund
Øyane
distriktspsykiatriske
senter (Øyane DPS)
- Helse Bergen
v/ Kvinneklinikken
- Fjell kommune
Helse Bergen
Askøy kommune
Fjell kommune
Sund kommune
Øygarden kommune
Helse Bergen
Askøy kommune
Fjell kommune
Sund kommune
Øygarden kommune
Helse Bergen
Askøy kommune
Fjell kommune
Sund kommune
Øygarden kommune
Helse Bergen
Sund kommune
Fjell kommune
Helse Bergen (drift)
Fjell kommune (huseigar)
Tilbod i barseltida der mor
og barn reiser tidleg heim
frå sjukehuset etter
fødselen og får oppfølging
av lokale jordmødre.
Senter for lindrande
behandling. I første
omgang vert det fire
sengeplassar og resurssenter
for regionen.
Tilbod om behandling på
nivået mellom
spesialist- og
kommunehelsetenesta.
Overflytting av
pilotprosjektet med utvida
innhald:
- Intermediære senger
- Rehabiliteringseining
- Observasjonssenger
- Lærings- og
meistringssenter/
frisklivstilbod
- Dialysesatellitt
- Evt. røntgen
- 20 kommunale sjukeheimsplassar
- Utviklingsavdeling
- Lokalitetar for forsking
og undervisning
- Aksjonssenter for ”Sjef
i eige liv
- Kommunalt fastlegesenter
Fire senger i samdrift
med sjukeheimen/
intermediær avd.
Tilbod om psykiatrisk
hjelp til vaksne.
- Poliklinisk behandling
- Ambulent team
- 20 sengeplasser
- Psykiatrisk team, Fjell
kommune
Starta opp januar 2011.
Rapport ferdig april
2011 og planlagt
oppstart
1. oktober 2012.
Pilotprosjekt for
lokalmedisinsk senter
(fase 1 i rapporten Betre
Saman).
Starta opp februar 2010.
Venta innflytting i 2015
(fase 2 i rapporten Betre
Saman)
Oppstart 1. mai 2012
Innflytting juni 2011,
off. opna august 2011
Inntaksområde:
- Askøy
- Fjell
- Sund
- Øygarden

Straume dialysesatellitt,
førebels lokalisert i
Straume bu- og
servicesenter
Helse Bergen (drift)
Fjell kommune (huseigar)
Utvida tilbod om
behandling til pasientar
med nyresvikt.
Planlagt lokalisert i det
lokalmedisinske senteret
på Straume i 2015.
Inntaksområde:
- Askøy
- Fjell
- Sund
- Øygarden