Bv0518

GARDSREPORTASJE
Mjuk seng og frisk luft:
Kalvane går ute i små
grupper på halm frå dei
er rundt to til fire månadar.
somme dagar meir krevjande enn andre.
Han fortel om sterk hovudverk, utmatting
og mangel på tiltakslyst, noko som
var heilt framand før dette skjedde.
To mjølkerobotar
Tilbake i arbeidsstøvlane og med god
hjelp frå faren, Bjarne, og søskenbarnet
Jone Edland, var det tid for å ta opp tråden
etter den dagen alt snudde.
I 2015 installerte dei robot nummer to
og bygde på og om fjøset med 33 liggebåsar
i den nye avdelinga, og plass til 24
sinkyr og fire kalvingsbingar. Sinkuavdelinga
er delt i to. Fjorten dagar før venta
kalving vert kyrne skilt frå for å venne
seg til ei meir intensiv fôring.
Kyrne får nytt surfôr kvar ettermiddag.
Vert det litt lite, får dei påfyll om morgonen.
Kyrne skal alltid ha grovfôr tilgjengeleg
og skjæret på traktoren vert nytta
til å skyve på fôret fire gonger i døgnet.
Kraftfôrtildelinga er det fôringsrådgivar
Line Bergersen i Tine som handterer.
– Det første året i nytt fjøs var eg ivrig
på å trykke på alle skjermar og system
sjølv. Men eg klarte ikkje følgje opp, og
måtte overlate jobben til Line. Dei utgiftene
får eg att fleire gonger med betre
oppfølging av fôringa, seier Bent-Eirik.
Inndeling av buskapen
Då dei sette inn robot nummer to, samla
dei alle førstekalvskyrne i den minste avdelinga.
– Det fungerte svært bra. Dei fekk rå
seg sjølv, utan å bli kua av dominante, eldre
kyr, seier Bent-Eirik.
Eit par månadar før avsining vart dei
flytte over i den store avdelinga. Då kom
utfordringa. Dei unge kyrne fungerte
dårleg og mjølkemengda raste.
– Ei effektiv metode for avsining, men
ikkje spesielt god dyrevelferd, seier bonden,
som også fekk problem med å få
andrekalvskyrne drektige.
Løysinga vart å legge om strategien.
No går nykalva kyr i den minste avdelinga
fram til dei er drektige. Det betyr
at bøndene har det meste av arbeidet
konsentrert på eit avgrensa areal. I den
store avdelinga skal det berre vere drektige
kyr i produksjon.
Girer ned for meir grovfôr
Avdråttsmålet har lenge vore 9000 kilo
mjølk per ku. No vurderer han å legge
om strategien.
– Eg må klare å nytte grovfôret betre,
seier han, og medgir at tala viser ein høgare
del kraftfôr enn det han likar å sjå.
Med nok grovfôr, to mjølkerobotar
og god plass både til kyr og ungdyr, kan
han redusere ytinga, auke talet på kyr og
framleis levere kvoten.
I dag har dei plass til 100 kyr, men buskapen
tel rundt 88. Dei har 115 kalvingar
i året. Fôringsplassane vert fylt opp med
innkjøpte fôringsdyr.
Kalvehytter: Fram til to månadar står kalvane i enkelthytter, dei første to vekene med dekken. Spalter og gjødselrenne sørger for god
drenering. Det same gjer ein pall under halmen inne i hyttene. Kalvane får mysli, vatn, høy og seks liter fersk mjølk om dagen.
12 Nr. 5 - 9. februar 2018 BONDEVENNEN