Imprimir 1ª pág. A Nosa Fala CD - Consello da Cultura Galega

calidade lingüística, no canto dun texto mellor gravado pero
pobre temática e lingüisticamente.
En segundo lugar, a escolma de textos fíxose atendendo
tamén a criterios extralingüísticos, procurando a maior variedade
temática posible, non só para facela amena para estudiantes
e ensinantes de lingua galega, senón tamén para que un etnógrafo,
un historiador ou un sociólogo interesados pola Galicia
anónima (a de onte e a de hoxe) poida tamén utilizar esta breve
mostra: os asuntos tratados son tan diversos que coidamos que
investigadores alleos á lingua galega tamén poden tirar partido
deste material. Da mesma maneira, consideramos que esta
escolma pode ser de boa utilidade para os profesionais que usan
habitualmente o galego oral, e de xeito especial para os locutores
dos medios de comunicación, dobradores e actores, porque
a fonética e a entoación que nos textos se escoita é toda ela
autenticamente galega.
As gravacións acompáñanse de cadansúa transcrición. Nelas
procurouse un compromiso entre a claridade necesaria para
poderen ser lidas por non lingüistas e o rigor preciso para fornecerlles
ós lingüistas a maior información fonética e fonolóxica
posible. Na transcrición tomáronse como base as Normas ortográficas
e morfolóxicas do idioma galego 4 , tendo en conta as seguintes
particularidades:
1. Vocais e encontros vocálicos
A Nosa Fala. Bloques e áreas lingüísticas do galego
1.1. Vocais de grao medio (e, è, o, ò)
a) Os fonemas de grao medio-pechado (tónicos ou átonos),
non levan ningún tipo de indicación do timbre: aghora, toda,
paredes, cabezas.
b) Os fonemas de grao medio-aberto márcanse cun acento
grave, tanto os tónicos (bèrra, vèllos, bòsque, decòte) coma os átonos
(tèrrenos, còpiñas). Cando coinciden vocal de grao medio-
4. ILG-RAG: Normas ortográficas e morfolóxicas do idioma galego, 1995 12 .
11