Berlina con figura de cupé - Sprint Motor

16 Sprint Motor >>
Honda CR-Z
O
meu devezo
por probar este
coche viuse
cumprido hai
uns días, cando puiden comprobar
en primeira persoa as
sensacións que transmite o
conducir (case que pilotar)
este vehículo que, propulsado
por un motor convencional
de combustión interna
de gasolina (e de xeito paralelo
por outro
eléctrico), desenvolve 124
cabalos que resultan moi
efectivos e pouco ávidos de
combustible. Subliñar algo
moi de agradecer: a devandita
economía de consumo, se
atendemos aos tempos que
nos toca vivir coa suba constante
dos combustibles.
Describir as sensacións
percibidas na condución
deste
modelo
sería dicir que... máis
ca conducir “case que pilotamos”
xa que, se ben o nivel
de potencia non é extraordinario,
si que se nota o esforzo
de Honda por acadar un produto
encamiñado a gozar da
condución. Dende a propia
posición de condución (moi
■ LuiS PEniDO | Texto e Fotos
baixa) até o tento dos mandos,
pasando pola precisión
das traxectorias, ou o seu son
embriagador... todo remite
ao seu espírito deportivo.
Emporiso, é unha sensación
difícil de definir con palabras
pero que resulta satisfactoria
no seu conxunto. Digamos
que achega ese “algo máis”
que arestora moi poucos vehículos
posúen.
Na actualidade, a maioría
dos vehículos que se comercializan
son: seguros, ben
equipados, teñen boas prestacións,
están ben insonorizados…
pero informan pouco
ao condutor (a través do volante,
pedais...) do que acontece
entre o coche e a estrada.
E hai que dicir que, para os
amantes da condución, isto
que vimos de comentar resulta
moito máis “insubstancial”
que o carácter posuído polo
Honda CR-Z, que tamén afonda
na relación condutor-coche-estrada.
As prestacións reais -co
cronómetro na man- non
son as propias dun deportivo;
con todo, permitirásenos
ter “sensacións” sen exceder
de maneira esaxerada os límites
de velocidade legais.