1 - Biblos

XXX anos de narracións curtas cos premios Pedrón de Ouro
Narrativa
10
Parabéns ao premio de narracións breves Modesto
R. Figueiredo do Pedrón de Ouro, que vén de
cumprir 30 anos. Tres décadas son moitas para
un galardón, e máis en Galicia, onde a fortuna
deste tipo de iniciativas adoita depender das
viravoltas da política ou do teimudo voluntarismo
dun feixe de entusiastas. Estamos a falar dun
premio que promove un padroado (de feito, a
súa actual denominación homenaxea a quen
foi o promotor e primeiro presidente de dito
órgano) e que apostaría por un xénero –o da
narrativa breve– de longa tradición entre nós
mais de difícil proxección editorial. A partir destes
parámetros o galardón iría especializándose
como un espazo dende o que os novos valores da
narrativa galega se poderían dar a coñecer por
medio dunha modalidade textual axeitada para a
experimentación e a procura dun rexistro e unha
voz. E isto de ter personalidade propia é algo
fundamental, imprescindible diría eu, para que un
premio se consolide e se promocione, para que
pase a desempeñar unha función referencial na
sociedade literaria que o acolle.
Independentemente dos vencellos que o premio
mantén dende as súas orixes coas asociacións
profesionais de escritores, e do seu indesmaiable
compromiso coa lingua e a cultura galegas, así
como con Ediciós do Castro, a ’casa’ editorial que
iría acollendo os textos premiados, o galardón
apostaría con rotundidade polas propostas máis
ousadas e anovadoras e quizais por iso conseguiría
sempre un alto número de participantes. Así,
os relatos gañadores das primeiras edicións
foron quen de liberarse dos modelos traicionais,
arrombando o costumismo e ensaiando
xéneros daquela inéditos entre nós, como o
policial ou a ciencia-ficción. Por outra banda, a
experimentación formal aliábase cos códigos
culturalistas pero tamén co alento nacionalista.
En xeral, apréciase nos textos daquela época unha
perda de protagonismo da trama en beneficio
da fragmentación discursiva e a polifonía, algo
que hoxe xa non nos sorprende pero que cunha
perspectiva histórica debemos valorar como un
salientable esforzo anovador. Nesas primeiras
convocatorias irían dándose a coñecer nomes que
hoxe figuran entre os máis consagrados das nosas
letras como Xavier Alcalá, Alfredo Conde, Víctor
Freixanes, Bieito Iglesias, Xosé Luís Méndez Ferrín,
Xesús Rábade, Carlos Reigosa, Antón Riveiro Coello
ou Suso de Toro, por citar só algúns.
Mediada a década dos 80 comezan a salientar
outros escritores, daquela case descoñecidos pero
que confirmarían as posibilidades do galardón
como plataforma de proxección e como canteira
de novos valores tal Miro Villar ou Estevo Creus.
E algo máis: o certame sería tamén pioneiro
en albiscar unha nova endeita de narradoras,
recoñecendo xa de xeito temperá a valía de Luísa
Villalta, Anxos Sumai, Rosa Aneiros, Inma López
Silva ou Beatriz Dacosta.
Todos estamos de en hora boa, logo, pois as
tres décadas de vida deste concurso amosan
que neste país é posible facer cultura máis alá
da continxencia mediática, ou do oportunismo
político. Ogallá cumpra moitas máis.
Dolores Vilavedra
Ediciós do Castro
12,5 × 19 cm
Rústica
XI e XII CERTAMES
Premios Pedrón de
Ouro 1985/1986
Os relatos premiados foron Augas
de Silencio, de Miro Villar (1985), e
O xardín despois da chuvia, de Antón
Rodríguez Castro (1986). Os
accésit para: Ánxeles García Sumay,
con Relembranzas con Palmera
e Banana Split; Manoel Riveiro
Loureiro, con Meirama; Xosé
Manuel Fernández Castro, con Segrel
Charles, o asombrador; Antón
Rodríguez Castro, con O xardín
despois da chuvia; Miguel Suárez
Abel, con A alemana; Manuel
Iglesias Nimo, con O enterro
de Mambrú, e Ramiro Fonte,
con O retornado.
176 páxinas
ISBN: 84-7492-346-8
8 €
Á venda só en pedido conxunto
por importe superior a 9 €
XIII CERTAME
Premios Pedrón de
Ouro 1987
Premio para Miro Villar, con Verbas
cruzadas con amaranta, e accésits
para Manoel Riveiro Loureiro,
con O troco, e Miguel Sande,
con Isadora en ti.
88 páxinas
ISBN: 84-7492-412-X
5 €
Á venda só en pedido conxunto
por importe superior a 9 €
XIV e XV CERTAMES
Premios Pedrón de
Ouro 1988/89
Beito Iglesias Araujo (Luanda), e
Xosé Miranda Ruiz (Na terra sombría),
obtiveron o premio en 1988.
Os accésit foron para Isidro López
Novo (O areal dos ollomaos), e Víctor
Campio Pereira (¡Alucinando!).
Ao ano seguinte acadárono M. Riveiro
Loureiro (Vindo de volta) e
Xan Frenla (Conto do deluvio). Obtiveron
accésit Xosé Miranda Ruiz
(Lambirón); Antón Cortizas (A velida),
e Xosé Paulo Antelo (A longa
ausencia da sirea). Recomendouse
publicar Na festa rachada, merengue,
de Liñares Guiraut.
244 páxinas
ISBN: 84-7492-546-0
10 €
XVI e XVII CERTAMES
Premios Pedrón de
Ouro 1990/91
Premio para Xoán Piñeiro Cochón
en 1990 (A Liga dos Lambetas)
e accésit para Manuel Lourenzo
González (No xardín onde
repousa o vento); Xosé Cermeño
(Non te chamarei Ramón); Ramón
Nicolás (O caravel murcho); Xoán
Ignacio Taibo (Libelo cabálulo do
demo) e Luisa Villalta (A taberna
do holandés). En 1991 a gañadora
foi Helena Villar Janeiro (O cadro)
e obtiveron accésit: Antonio
Rivero Coello (A musa itinerante);
Isidro Novo (Ó sur do arravalde);
Lino Braxe Mandiá (Anatomías) e
Manuel Iglesias Nimo (O mar despóis
da neve).
232 páxinas
ISBN: 84-7492-633-5
10 €
I CERTAME
Catro narracións
A enquisa, de Xoán Ignacio Taibo;
Sibila, de Xosé Luis Méndez Ferrín;
Un home no corral, de Xosé Manuel
Martínez Oca, e O internado,
de Carlos Durán, foron as narracións
premiadas no primeiro concurso,
outrogado o 28 de Nadal de
1976. Presidía o xurado Modesto
Rodríguez Figueiredo.
88 páxinas
ISBN: 84-85134-21-4
1,50 €
Á venda só en pedido conxunto
por importe superior a 9 €
VI CERTAME
RATP e outras
narracións
O premio Modesto R. Figueiredo
foi para RATP, de Lourenzo Álvarez
Ruíz, e os dous accésit para Carlos
García Gonçalves-Durâo, con Perdidos
nos confíns da noite, e Tucho
Calvo, con Parados.
60 páxinas
ISBN: 84-7492-071-X
1,20 €
Á venda só en pedido conxunto
por importe superior a 9 €
XVIII e XIX CERTAMES
Premios Pedrón de
Ouro 1992/93
En 1992 o premio foi para Isidro
Novo, con A Pin Up de Beautiful
Street, quen obtivo tamén
un dos catro accésit con Primeira
Plana. En 1993, para Xosé Luis
Santos Cabanas con Ahoulouuuuuuuuuuu...!
324 páxinas
ISBN: 84-7492-728-5
10 €
II CERTAME
A Fundación e
outras narracións
As catro narracións premiadas no
2º concurso foron A Fundación, de
Xavier Alcalá; No fondo do espello,
Xosé Manuel Martínez Oca; Chegaron
as chuvias, de Xavier Rodríguez
Barrio, e O leiro, de Xoán
Ignacio Taibo.
104 páxinas
ISBN: 84-85134-95-8
3 €
Á venda só en pedido conxunto
por importe superior a 9 €
VII CERTAME
A gran novela e
outras narracións
O premio foi ex aequo para A gran
novela, de Tucho Calvo, e Noite de
luar, de Martínez Oca. Álvarez
Ruiz, con O home pequeño; González
Reigosa, con O tesouro de
Petro Xesto, e Suárez Abel, con O
fillo do Serafín, acadaron tres accésit.
Quedaron finalistas: Fernán
Vello, con Anti-memoria dun día;
Bernardo Maiz, con ¿Para qué dilatar
a súa anguria?, e Riveiro Loureiro,
con O pau.
200 páxinas
ISBN: 84-7492-150-3
6 €
Á venda só en pedido conxunto
por importe superior a 9 €
XX CERTAME
Premios Pedrón de
Ouro 1994/95
Obtiveron os premios Manoel da
Gamboa en 1994, con O coxo da
Gamboa, e Antón Riveiro en 1995,
con A morte esquecida.
160 páxinas
ISBN: 84-7492-845-1
10 €
III CERTAME
Número de patente
e outras narracións
Fallado en 1977. Os textos premiados
foron: Número de patente,
de Xan Guisán Seixas; Querido
Brais, de Ánxel A. Rey Ballesteros,
e A figueira, de Xosé M. Martínez
Oca.
72 páxinas
ISBN: 84-7492-000-0
5 €
Á venda só en pedido conxunto
por importe superior a 9 €
VIII CERTAME
O quiquiriquí e
outras narracións
O premio foi para O quiquiriquí,
de Miguel Suárez Abel. E concedéronse
tres accésit a Xesús Miguel
de Toro Santos, con De 10 a
11; Darío Xohán Cabana, autor de
A invasión, e Margarita Ledo Andión,
con Rematado a man.
92 páxinas
ISBN: 84-7492-203-8
5 €
Á venda só en pedido conxunto
por importe superior a 9 €
XXII e XXIII CERTAMES
Premios Pedrón de
Ouro 1996/97
Os gañadores foron Xosé Antonio
Moreno Fernández, con As xeiras
de D. Xoán, en 1996, e Antón Riveiro
Coello con Setetraxes, na seguinte
edición.
164 páxinas
ISBN: 84-7492-937-7
10 €
IV CERTAME
A negra e outras
narracións
Logo dunha primeira discusión, na
que o xurado non chegou a acordo,
e de engadir ao mesmo dous
novos membros, outorgouse o primeiro
premio a A negra, de Xosé
M. Martínez Oca, e A caza das
cascudas, de Víctor Freixanes. Os
dous accésit foron para As augas
toldas, de Xaime Félix López Arias,
e Terra sequeira, de Manuel Riveiro
Loureiro.
100 páxinas
ISBN: 84-7492-019-1
5 €
Á venda só en pedido conxunto
por importe superior a 9 €
IX CERTAME
Vida infame de
Tristán Fortesende e
outras narracións
Recolle o texto gañador, Vida infame
de Tristán Fortesende, de Antón
Castro, e os dous accésit: As trazas
do demo, de Manoel Loureiro,
e Homo sapiens, de Xoán Bernárdez
Vilar.
80 páxinas
ISBN: 84-7492-236-4
5 €
Á venda só en pedido conxunto
por importe superior a 9 €
XXIV, XXV e XXVI
CERTAMES
Premios Pedrón de
Ouro 1998/99/2000
En 1998 o primeiro premio foi para
Rosa Aneiros Díaz (A ardora que
esgazou as bandeiras) e Luis González
Tosar (Catro dedos por debaixo
do embigo). En 1999, para
Luis Álvarez Pérez (Tempo de faios)
e en 2000, para Beatriz Dacosta
Molares (Na sombra da lúa).
276 páxinas
ISBN: 84-8485-027-7
13 €
V CERTAME
Pacifico Sul e outras
narracións
O primeiro premio foi para Pacífico
Sul, de Xoán Ignacio Taibo. E
houbo tres accésit para A confesión
de Ramón Fandiño, de Xosé
Ramón Díaz Sánchez; Botella náufraga,
de Román Raña Lema, e Saga
dos mil e un mortos, tamén de
Xoán Ignacio Taibo.
140 páxinas
ISBN: 84-7492-040-X
4,50 €
Á venda só en pedido conxunto
por importe superior a 9 €
X CERTAME
Nun cuarto para
agardar e outras
narracións
O xurado reunido en 1984 concedeu
un primeiro premio aos relatos
Nun cuarto para agardar e O
último hexagrama, de Amancio Liñares
Giraut e Román Raña Lama,
respectivamente. Carlos G. Reigosa,
con Cantar sen xesta de lanzarote
do lago, obtivo un primeiro
accésit; Antón Castro, con Destino
de Lumia, un segundo, e Manoel
Riveiro Loureiro un terceiro,
con Grabación da volta a Galiza,
dende o Pazo de Raxoi.
176 páxinas
ISBN: 84-7492-270-4
6 €
Á venda só en pedido conxunto
por importe superior a 9 €
XXVII, XXVIII e XXIX
CERTAMES
Premios
Pedrón de Ouro
2001/2002/2203
En 2001, o primeiro premio foi
para O crime do Pombal, de Álvaro
Lago; en 2002, para Os doces
devorados, de Emma Pedreira;
e na seguinte edición, para De
noite non reces aos ídolos, de Xosé
Luís Álvarez.
300 páxinas
ISBN: 84-8485-153-2
14 €
Narrativa
11