Create successful ePaper yourself
Turn your PDF publications into a flip-book with our unique Google optimized e-Paper software.
10<br />
Xustiza e cohesión social<br />
As<br />
persoas<br />
primeiro<br />
A Marea implantará un modelo de Servizos<br />
Sociais eficaz, público e de calidade para<br />
lograr a xustiza e a cohesión sociais<br />
Silvia Cameán<br />
Marea Atlántica<br />
Avogada<br />
A nosa<br />
resposta non<br />
pode ser a<br />
caridade,<br />
senón a<br />
política.<br />
Elisa Ginzo<br />
Redacción<br />
Lonxe de dar esmola, a Marea entende<br />
que a política ten que responsabilizarse<br />
e corrixir os desequilibrios que levan ao<br />
empobrecemento e á exclusión social<br />
cada vez a máis persoas, vítimas dun<br />
sistema entregado á desigualdade. “As<br />
persoas son o primeiro”, din a miúdo as<br />
súas caras visibles. “A xustiza e a cohesión<br />
social garanten unha <strong>cidadanía</strong> libre,<br />
con igualdade de oportunidades<br />
e en condicións de gobernarse a si mesma:<br />
a democracia”. A Marea Atlántica<br />
quere chegar a María Pita para facer<br />
unha política que atenda as necesidades<br />
reais das persoas. Para iso, comprométese<br />
a acabar co actual modelo de<br />
Servizos Sociais asistencialista e ineficaz,<br />
lastrado pola burocracia e baseado<br />
nun enfoque caritativo. O camiño pasa<br />
necesariamente por un servizo público<br />
e de calidade.<br />
∑ A Marea quere acabar<br />
coa privatización dos servizos<br />
sociais e fortalecer a<br />
estruturas públicas<br />
Así o define Eugenia Vieito, número<br />
seis da candidatura: “Fronte a políticas<br />
centradas na privatización dos servizos<br />
sociais, dende a Marea avogamos pola<br />
defensa duns sevizos públicos de calidade,<br />
polo que cremos fundamental<br />
fortalecer as estruturas públicas existentes<br />
para lograr o obxectivo da sustentabilidade<br />
social”. Na mesma liña, o<br />
cabeza de lista, Xulio Ferreiro, defende<br />
que “o tratamento da exclusión social<br />
debe ir máis alá do puro asistencialismo,<br />
procurando un enfoque integral<br />
que incida na educación, na inserción<br />
laboral, e en xeral en darlle ferramentas<br />
ás persoas nesta situación para poder<br />
saír dela”.<br />
“Dende logo, a nosa resposta non<br />
pode ser a caridade, senón a política”,<br />
resume Silvia Cameán, avogada e número<br />
catro da lista. As políticas de xustiza<br />
social está presentes no programa<br />
electoral da plataforma de xeito transversal,<br />
dende o convencemento de que<br />
é posible loitar no local por redistribuír<br />
a riqueza, establecer unha igualdade de<br />
oportunidades efectiva, achegar estabi-<br />
lidade laboral e combater a exclusión.<br />
Esa idea está presente moi especialmente<br />
nas seguintes medidas, ás que<br />
se suma como actuación máis urxente<br />
a Renda Social Municipal.<br />
CONTRA A POBREZA ENERXÉTICA<br />
Abaratar o recibo da auga para todos<br />
os cidadáns e, sobre todo, para os que<br />
atravesan unha peor situación económica,<br />
é un dos obxectivos da Marea. A<br />
rebaixa farase a custa dos beneficios<br />
que a empresa municipal de augas<br />
(Emalcsa) vén obtendo cada ano grazas<br />
a cobrar máis do que lle supón prestar o<br />
servizo. Que a ninguén se lle corte a luz<br />
ou o gas por razóns de vulnerabilidade<br />
social está tamén entre os compromisos<br />
da plataforma. Haberá axudas<br />
compensatorias nos casos de impago<br />
xustificado socialmente, para o que se<br />
reformará a Ordenanza de Emerxencia<br />
Social.<br />
∑ Evitaranse os cortes de<br />
agua, luz e gas por impago<br />
nos casos socialmente<br />
xustificados<br />
O Plan Local de Inclusión Social será o<br />
documento rector que articule de maneira<br />
eficaz a acción pública municipal<br />
en materia de políticas sociais. Dirixirase<br />
a grupos excluídos socialmente, coa<br />
meta de reducir a taxa de desemprego,<br />
aumentar os índices de actividade,<br />
e garantir que todas as persoas teñan<br />
un teito. Tamén está previsto adaptar<br />
as axudas ás necesidades da mocidade,<br />
como son, entre outras, as relacionadas<br />
coa vivenda, as de urxencia ou a Renda<br />
Social Municipal.<br />
IGUALDADE COMO VALOR CENTRAL<br />
A Marea anuncia no seu programa que<br />
impulsará plans de igualdade e creará<br />
un Observatorio Municipal de Igualdade<br />
de Xénero. Este órgano fará unha<br />
auditoría para definir o incremento<br />
orzamentario e artellar unha metodoloxía<br />
participativa co tecido feminista<br />
organizado, persoas expertas e entidades<br />
que fomentan a igualdade de xénero.<br />
Tamén se velará polo respecto á<br />
diversidade afectivo-sexual aplicando<br />
políticas de integración e normalización<br />
da homosexualidade, a bisexualidade<br />
e a transexualidade.<br />
Reforzaranse os medios e o persoal dos<br />
Centros de Orientación Familiar e a<br />
Casa de Acollida e haberá programas<br />
educativos estables e permanentes para<br />
os centros escolares e centros cívicos<br />
para a prevención da violencia machista,<br />
a saúde afectivo-sexual, a diversidade<br />
sexual, e a coeducación e a corresponsabilidade.<br />
Na Coruña case o 5% da poboación é<br />
estranxeira, segundo datos do padrón<br />
de 2014. Unha cidade intercultural<br />
precisa de políticas que atendan estes<br />
colectivos, que actualmente se derivan<br />
a distintas entidades alleas á Administración<br />
pública. Para iso, entenden na<br />
plataforma cívica que cómpre garantir<br />
o funcionamento da Oficina Municipal<br />
de Apoio á Migración e poñer en marcha<br />
unha Estratexia Local de Inclusión<br />
Laboral dirixida a grupos excluídos socialmente,<br />
que se fixe como compromisos<br />
a redución da taxa de desemprego<br />
e a mellora das condicións de vida da<br />
<strong>cidadanía</strong>.<br />
REFORZO CONTRA<br />
O FRACASO ESCOLAR<br />
Na área educativa está previsto poñer<br />
en marcha programas de reforzo para<br />
diminuír o fracaso escolar, así como a<br />
apertura dos centros educativos fóra<br />
do horario escolar para realizar tarefas<br />
de tipo educativo, social e cultural.<br />
Terá que negociarse coa Consellería de<br />
Educación no caso dos centros de titularidade<br />
autonómica, e procurarase<br />
que sexan polas entidades dos propios<br />
barrios.<br />
O programa da Marea nesta área contempla<br />
outros compromisos, como o de<br />
elaborar un plan para erradicar ao longo<br />
do mandato a maior parte dos obstáculos<br />
que impiden o goce dos equipamentos<br />
a cidadáns e cidadás, así como<br />
o compromiso de adaptar o transporte<br />
público municipal aos criterios de accesibilidade<br />
e eliminación de barreiras,<br />
e esixir a “accesibilidade” para obter<br />
novas licenzas de taxis, a través dunha<br />
ordenanza municipal.<br />
Por último, a Mesa de Diálogo Civil<br />
que contempla crear a plataforma encargaráse<br />
de xestionar a relación entre<br />
a Administración Local, os axentes do<br />
terceiro sector e os diferentes recusos<br />
sociais presentes para o desenvolver<br />
un Plan Local de Inclusión Social 2015-<br />
2019.