You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
32<br />
Opinión<br />
Xulio Ferreiro<br />
Hai Marea!<br />
Candidato<br />
da Marea Atlántica<br />
á alcaldía da Coruña<br />
Temos<br />
un<br />
desexo<br />
común<br />
O próximo 24 de maio temos<br />
diante de nós a oportunidade<br />
de facer historia na cidade<br />
da Coruña. Somos moitas as<br />
persoas que non podemos<br />
seguir indiferentes diante do<br />
xeito en que se nos está a gobernar.<br />
Somos moitos os veciños<br />
e moitas as veciñas desta<br />
cidade que xa non aturamos<br />
que as institucións públicas,<br />
incluído o noso Concello, se<br />
poñan ao servizo duns poucos<br />
e esquezan a súa verdadeira<br />
función: defender os intereses<br />
da maioría social, protexer aos<br />
cidadáns máis golpeados pola<br />
situación económica, polo desemprego,<br />
pola precariedade,<br />
pola pobreza.<br />
Somos multitude os que non podemos mirar para outro<br />
lado diante da corrupción, os que xa non queremos<br />
ver máis como os nosos gobernantes exercen os seus<br />
cargos coa única intención de enriquecerse, de usar a<br />
súa influencia e as súas funcións públicas para mercar<br />
e vender favores, para gañar as simpatías das elites. Somos<br />
maioría as persoas que xa non podemos consentir<br />
que os bens comúns, os que pertencen a todos e a todas<br />
por igual, se poñan ao servizo dos de sempre, xa sexan os<br />
parques, a auga que bebemos, o mar, o territorio, a sanidade,<br />
a educación, os nosos servizos de benestar. Estamos<br />
fartos de ver como se utiliza iso que chaman crise<br />
económica para quitarlle aos que menos teñen e engordar<br />
o peto dos que nunca terán suficiente.<br />
Pero somos unha inmensidade os que cremos que isto<br />
vai cambiar. E nas vindeiras eleccións municipais imos<br />
comezar a darlle a volta a esta situación. Imos empezar<br />
a poñer por diante os valores da honestidade, do benestar<br />
de todas as persoas, da xustiza, do respecto aos bens<br />
comúns. E imos comezar pola cidade que vivimos e queremos,<br />
pola Coruña. Porque como di Manuel Rivas no<br />
interior deste xornal, na Coruña existe hoxe un proceso<br />
de unión, un proceso de xustiza social e un proceso de<br />
esperanza. Un proceso que vai contribuír dende este recuncho<br />
do mundo que habitamos a unha sociedade mellor.<br />
Este proceso chámase Marea Atlántica.<br />
Na Marea Atlántica confluímos, coincidimos, xuntámonos,<br />
convivimos moitos homes e moitas mulleres,<br />
mozas e mozos que decidimos pasar da indignación<br />
á acción. Que perdemos o medo, que xa non estamos<br />
paralizados. Temos ideas, temos experiencias e temos<br />
ganas de facer as cousas ben. E sabemos como facelas.<br />
Estas páxinas son a mostra. Estas páxinas conteñen<br />
un proxecto de cidade. Un proxecto que non se mide<br />
en metros cúbicos de cemento. Mídese en toneladas<br />
de ilusión, de capacidade, de honestidade. Estamos<br />
a facer cousas que nunca antes se fixeran. Estamos a<br />
devolverlle a esperanza a moita xente. Estamos a poñer<br />
de acordo a organizacións políticas e sociais que,<br />
compartindo os mesmos valores, levaban demasiados<br />
anos combatendo en solitario. Conseguimos respectar<br />
as diferenzas e reunirnos nun desexo común. O desexo<br />
de comezar a construír dende xa unha cidade máis xusta,<br />
máis habitable, máis nosa. A cidade que queremos e<br />
que imaxinamos. A cidade que hoxe non vemos e que<br />
nos gustaría ver.<br />
Este é o proxecto que quere encarnar a Marea Atlántica.<br />
Propoñemos un xeito diferente de gobernar unha cidade<br />
e unha cidade diferente que gobernar. Unha cidade<br />
aberta, diversa, como sempre foi A Coruña, que lle sexa<br />
devolta ás persoas ás que sempre pertenceu, aos veciños<br />
e ás veciñas de Eirís, de Monte Alto, dos Mallos, dos Castros,<br />
da Cidade Vella, da Praza de Lugo, do Birloque, de<br />
Elviña, do Portiño... Un goberno transparente, participativo,<br />
democrático, ético, comprometido coa súa xente,<br />
que teña claras as súas prioridades. Con sentido común<br />
e sentido do común. En definitiva, esa Coruña que<br />
sempre soñamos e que non podemos construír sen ti.<br />
apoia<br />
a marea<br />
atlántica!<br />
MOITAS<br />
PINGAS<br />
xuntas<br />
FAN UN MAR<br />
ENTEIRO<br />
A Marea Atlántica ten un proxecto<br />
para A Coruña, pero só co teu esforzo<br />
poderemos facer unha campaña<br />
gañadora e sen deberlle nada a ningunha<br />
entidade financeira.<br />
Máis información:<br />
www.achegas.mareatlantica.org