You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
26 Cultura, memoria e identidades<br />
Unha cultura<br />
sen cadeados<br />
ilustración MAT-LAB<br />
Lonxe da política dos grandes<br />
eventos, a Marea presenta un<br />
programa cultural integrador e<br />
aberto a toda a <strong>cidadanía</strong>.<br />
Raúl Xordo<br />
Redacción<br />
Para a Marea Atlántica, a cultura é<br />
unha ferramenta para construír<br />
unha Coruña inclusiva, participativa<br />
e crítica. Non se entende como unha<br />
nota ao pé do programa electoral, un<br />
espectáculo, un negocio ou unha forma<br />
de escapismo. Non é só o cemento<br />
co que se enche un monolítico programa<br />
de festas. Ao contrario, trátase dun<br />
dereito para todos os cidadáns e dunha<br />
práctica enriquecedora e transformadora.<br />
Como asegura José Manuel Sande,<br />
historiador, crítico de cine e número<br />
cinco da candidatura da Marea, “levarase<br />
a cabo un modelo de xestión marcado<br />
pola absoluta transparencia, o<br />
impulso da multiplicidade creativa, a<br />
ruptura coa política de privatización<br />
de recursos, o desenvolvemento dunha<br />
pedagoxía crítica e o apoio decidido<br />
á creación, a innovación e a investigación”.<br />
Un dos primeiros pasos deste camiño<br />
será aproveitar as infraestruturas<br />
culturais coas que conta A Coruña,<br />
que son moitas e competentes. Máis<br />
de vinte centros cívicos activos, unha<br />
rede de bibliotecas públicas que foi referente<br />
estatal pola súa xestión, os museos<br />
científicos mc2, e toda unha serie<br />
de instalacións municipais que foron<br />
deseñadas para para unha función artística,<br />
social e asociativa.<br />
Non obstante, son varios os equipamentos<br />
fican infrautilizados e pechados<br />
para os veciños, nun claro<br />
desperdicio de recursos. “É tempo de<br />
rematar coa pasividade que demostrou<br />
o goberno municipal nos últimos<br />
catro anos e devolverlle as infraestruturas<br />
culturais á <strong>cidadanía</strong>, á marxe de<br />
todo sectarismo”, afirma José Manuel<br />
Sande. Os centros cívicos e os espazos<br />
de propiedade municipal deben estar<br />
integrados cos barrios onde se sitúan,<br />
e debe ser doado para as organizacións<br />
sociais, entidades sen ánimo de lucro e<br />
persoas en xeral ter acceso a eles para<br />
as súas iniciativas particulares.<br />
Na mesma liña, é preciso puír e mellorar<br />
o que aínda funciona ben, pero<br />
se está a deteriorar a causa do desleixo<br />
demostrado polo goberno de Carlos<br />
Negreira. A Marea propón un Plan Municipal<br />
de Bibliotecas co que reavivar a<br />
calidade do servizo, e que incluirá un<br />
Plan Municipal de Lectura. Tamén se<br />
potenciará a colaboración coa Orquestra<br />
Sinfónica de Galicia en proxectos<br />
comunitarios e formativos, e se ampliará<br />
a programación do festival de cómic<br />
Viñetas desde o Atlántico.<br />
∑ Levarase a cabo un modelo<br />
de xestión marcado<br />
pola absoluta transparencia,<br />
o impulso da multiplicidade<br />
creativa, a ruptura<br />
coa política de privatización<br />
de recursos.<br />
E, dende logo, faise necesario recoñecer<br />
o traballo dos colectivos e persoas<br />
que crean cultura nesta cidade, tirando<br />
abaixo o muro de incomprensión que<br />
se levantou en María Pita fronte a eles.<br />
Proponse a creación dun plan municipal<br />
de residencias artísticas, que sirva<br />
de soporte á creación cultural. E tamén<br />
se abrirá a programación cultural do<br />
Concello á presenza de artistas locais,<br />
para axudar a facer visible a súa labor.<br />
MEMORIA DUNHA CIDADE<br />
Non se pode avanzar sen ter claro de<br />
onde vimos. A memoria e a súa preservación<br />
son parte fundamental do programa<br />
cultural da Marea, cun compromiso<br />
por preservar o legado de aquelas<br />
persoas que contribuíron a construír<br />
historicamente esta cidade. Este obxectivo<br />
materializarase no proxecto Caixa<br />
da Memoria, un arquivo que servirá<br />
para poñer en valor o legado persoal e<br />
colectivo da Coruña do progreso social,<br />
tan distinta ao mito da cidade burguesa<br />
perpetuado polos sucesores de Alfonso<br />
Molina.<br />
En 2016 cumprirase un século da<br />
fundación das Irmandades da Fala na<br />
rúa do Rego de Auga, unha efeméride<br />
que se conmemorará ao longo do ano,<br />
destacando a súa postura galeguista,<br />
defensora da cultura e a súa condición<br />
visionaria na perspectiva de xénero. E<br />
abonda xa de pasear por rúas que levan<br />
o nome de sanguinarios militares golpistas.<br />
Eliminarase toda a simboloxía<br />
franquista aínda presente no rueiro da<br />
cidade, cumprindo coa Lei de Memoria<br />
Histórica.<br />
MÁIS QUE DEPORTE<br />
No eido da práctica deportiva, os principios<br />
serán os mesmos que atravesan<br />
todas as propostas da Marea: crearase<br />
unha estrutura de xestión áxil que permita<br />
que os cidadáns particulares, as<br />
asociacións, os clubs e os profesionais<br />
poidan desenvolver os seus proxectos<br />
con solvencia. A área de goberno non<br />
será só o “deporte”, senón as políticas<br />
do corpo, un concepto no que teñen cabida<br />
a saúde, a actividade física, o xogo<br />
e a investigación en calquera destas<br />
áreas.<br />
En canto a medidas concretas, farase<br />
un esforzo por fomentar a práctica do<br />
deporte de base, con especial atención<br />
ao deporte feminino. Crearanse equipamentos<br />
deportivos na rúa, sinxelos<br />
pero abertos a todos e sen necesidade<br />
de trámites administrativos. Tamén<br />
estará garantido que as persoas con<br />
diversidade funcional teñan acceso a<br />
todas as instalacións deportivas e culturais<br />
que dependan do concello.<br />
Doutra banda, a Marea Atlántica<br />
buscará o fomento da lingua galega<br />
en toda a súa acción de goberno, nas relacións<br />
administrativas e nos usos sociais,<br />
para cumprir a normativa vixente<br />
e respectar o plan de normalización lingüística.<br />
En resumo, “fronte á política do<br />
evento executada sen máis horizonte<br />
que o interese económico e a discriminación<br />
da pluralidade, a Concellería de<br />
Cultura proposta pola Marea Atlántica<br />
será un espazo aberto e servirá para<br />
axudar a colectivos, profesionais e persoas<br />
particulares a desenvolver as súas<br />
inquedanzas creativas. Non se trata de<br />
encher o Coliseo unhas cantes veces ao<br />
ano, senón de que toda a <strong>cidadanía</strong><br />
poida consumir, producir e respirar<br />
cultura”, remata José Manuel Sande.