Create successful ePaper yourself
Turn your PDF publications into a flip-book with our unique Google optimized e-Paper software.
22<br />
Modelo económico e enerxético<br />
Un grande<br />
impulso á<br />
economía de<br />
pequena escala<br />
Vinte e nove medidas para combater o<br />
desemprego apostando polo que temos<br />
máis preto de nós<br />
P. Botero<br />
Redacción<br />
Nunha cidade con 22.030 persoas en<br />
paro, unha das prioridades de calquera<br />
administración local responsable<br />
é estimular a actividade económica.<br />
O anterior goberno tentou solucionar<br />
este problema fomentando o turismo<br />
e internacionalizando festas como o<br />
San Xoán cunha campaña publicitaria<br />
orientada ao exterior, ao que a Marea<br />
Atlántica opón un modelo que poña en<br />
valor o patrimonio da cidade: arquitectura,<br />
historia, espazos naturais, gastronomía,<br />
comercio de proximidade, etc,<br />
acorde coa tradición da cidade. “Non se<br />
trata só de fomentar un turismo de calidade<br />
senón tamén un xeito de ocio interno”,<br />
comenta a número dous da Marea<br />
Atlántica, Rocío Fraga. Pero engade<br />
que o programa da súa candidatura vai<br />
máis aló. “Trátase dun cambio integral.<br />
Para xerar mais emprego precisamos<br />
ser máis competitivos. Sobre todo, trátase<br />
de ser eficientes”, comenta Fraga.<br />
Canto exactamente pode a administración<br />
local orientar a economía<br />
é sempre obxecto de debate. Moitos<br />
concellos loitan entre eles para atraer<br />
grandes empresas ofrecéndolles toda<br />
clase de facilidades, dende solo onde<br />
levantar as súas fábricas a exencións<br />
fiscais. Os partidos políticos tradicionais<br />
apostan polas grandes compañías,<br />
a veces de carácter multinacional; é o<br />
caso do modelo General Dynamics, que<br />
abriu unha crise na cidade ao marchar<br />
da Fábrica de Armas, ou os grandes<br />
centros comerciais que se abriron durante<br />
a etapa de expansión e que pecharon<br />
ou viron desaparecer a maior parte<br />
das tendas. Dende a Marea Atlántica<br />
ponse en dúbida que ese modelo sexa<br />
rendible. “E para que? Todos saben que<br />
o que realmente produce emprego é a<br />
pequena e a mediana empresa, e con<br />
ela si podemos tratar de ti a ti”, asegura<br />
Fraga.<br />
FEIRAS E MERCADOS<br />
“Non podemos esquecernos de apoiar<br />
as medidas que favorecen a soberanía<br />
alimentaria”, explican na Marea. Como<br />
a produción de alimentos en hortas<br />
urbanas que xa se probou noutros concellos<br />
pero polo que ningún goberno<br />
local apostou na Coruña. Para Rocío<br />
Fraga está claro: “En Galicia temos toda<br />
unha tradición de pequena agricultura.<br />
Estes alimentos son máis baratos porque<br />
non dependen do transporte por<br />
estrada das grandes distribuidoras, e<br />
estarían libres de transxénicos”. E iso<br />
tamén significaría revivir as feiras. A<br />
visión da Marea inclúe postos nos que<br />
os alimentos de temporada se mesturarían<br />
cos produtos artesanais. “O noso<br />
goberno aportaría as instalacións, e<br />
quizais tamén os terreos porque serviría<br />
para coidar máis a contorna e facer<br />
unha cidade vivible, aínda que para iso<br />
habería que revisar a ordenanza sobre<br />
mercados municipais”.<br />
E non só as ordenanzas: será preciso<br />
revisar tamén as concesións, favorecer<br />
a conexión entre pequenos comerciantes.<br />
“Para facelos máis competitivos<br />
pensamos diversificar as funcións dos<br />
mercados municipais e mellorar as comunicacións<br />
e a mobilidade peonil, en<br />
bici e en transporte público”, aportan<br />
a candidata. Está convencida de que<br />
∑ “Para facer os mercados<br />
municipais máis competitivos<br />
pensamos diversificar<br />
as funcións dos mercados<br />
municipais e mellorar<br />
as comunicacións e a mobilidade<br />
peonil, en bici e<br />
en transporte público”.<br />
os mercados se poden situar como primeira<br />
referencia de compra de alimentación<br />
mediante a formación sobre<br />
cuestións como a temporalidade dos<br />
produtos, os criterios de escolla ou a<br />
trazabilidade dos alimentos.<br />
EMPRENDEMENTO<br />
“A existencia de tres grandes polígonos<br />
industriais, Pocomaco, A Grela e Vío,<br />
dentro da cidade da Coruña ten que ser<br />
o aval suficiente para que o Concello<br />
poida ser parte no impulso económico<br />
das pemes e dos autónomos”, afirma<br />
Fraga, que considera que as bases materiais<br />
para o despegue económico xa<br />
existen. Só fai falla poñer en xogo estes<br />
recusos, darlle acceso á xente. E nisto,<br />
o Concello pode axudar creando una<br />
bolsa de naves comerciais para as novas<br />
empresas, coma unha axuda máis<br />
ao emprendemento. “Claro que é unha<br />
saída, pero os modelos de apoio actuais<br />
o presentan como unha opción ante<br />
as enormes dificultades de acceder ao<br />
mercado de traballo por outras vías”,<br />
afirma Fraga. A número dous de Marea<br />
opina que o de hoxe é un modelo<br />
precarizado, onde as persoas invisten<br />
a maior parte dos seus bens e obteñen<br />
así unha ocupación de subsistencia<br />
que, en moito casos, non se consolida. A<br />
proposta de Marea Atlántica e que só se<br />
promovan xeitos de emprendemento<br />
sustentables e con valor social, e que se<br />
manteña ese apoio durante os primeiros<br />
tempos de andanza das empresas<br />
de nova creación, facendo un labor de<br />
apoio e acompañamento na súa consolidación.<br />
“Darémoslle prioridade á formacion<br />
de cooperativas e empresas de<br />
economía social e viveiros de empresas<br />
adaptados á realidade da cidade,<br />
situados en espazos accesibles e priorizando<br />
o acceso de cooperativas e<br />
empresas de economía social”, sostén<br />
Fraga. En canto á xente nova que ten<br />
que loitar por un emprego nun mercado<br />
laboral paralizado, a Marea quere<br />
aproveitar os programas europeos de<br />
Garantía Xuvenil para poñer en marcha<br />
unha Escola Taller e obradoiros<br />
de emprego nos edificios públicos.<br />
“Estamos pensando no antigo cárcere<br />
provincial polo sentido social que ten<br />
a rehabilitación dun edificio público<br />
singular que se está a deteriorar e<br />
arruinar pola desidia do goberno municipal”.<br />
COMERCIO DE PROXIMIDADE<br />
En canto ao pequeno comercio, tamén<br />
dende Marea teñen moito que dicir.<br />
Todos os partidos lle fan as beiras a un<br />
sector que revitaliza os barrios día a día<br />
e que supón unha fonte moi importante<br />
de emprego estable. Cursos de escaparatismo<br />
e festas da promoción son<br />
algúns dos métodos que xa puxeron<br />
en marcha anteriores gobernos. “Pero<br />
hai que ir máis alá. As grandes superficies<br />
gañan en variedade e en prezo, e<br />
niso pódese competir cunha central de<br />
compras”, asegura a candidata. As integrantes<br />
de Marea están convencidas<br />
de que desta maneira se reducirán os<br />
custos de aprovisionamento no comercio<br />
de proximidade, o que permitirá<br />
crear unha rede con empresas provedoras<br />
galegas para innovar no catálogo<br />
e apoiar os produtos da contorna; sobre<br />
todo se se complementa cun servizo de<br />
asesoramento para consolidación e de<br />
formación empresarial para as propietarias<br />
dos comercios de proximidade.<br />
∑ Unha escola taller no<br />
antigo cárcere provincial<br />
tería un sentido social, ao<br />
rehabilitar un edificio público<br />
singular que se está<br />
a arruinar pola desidia do<br />
goberno municipal.<br />
∑ A Marea promoverá o<br />
emprendemento sostible e<br />
con valor social.<br />
“O que hai que facer é darlle aos coruñeses<br />
e ás coruñesas as ferramentas<br />
para competir”, remata Fraga. Neste<br />
sentido, parece máis realista e, sobre<br />
todo, mais práctico a longo prazo ofrecerlle<br />
ao cliente variedade a bo prezo.<br />
Moitas tendas abertas sempre serán<br />
un sinal dunha economía con impulso.