O15. A cidadanía toma a palabra

More documents

Recommendations

Info

10 Xustiza e cohesión social As persoas primeiro A Marea implantará un modelo de Servizos Sociais eficaz, público e de calidade para lograr a xustiza e a cohesión sociais Silvia Cameán Marea Atlántica Avogada A nosa resposta non pode ser a caridade, senón a política. Elisa Ginzo Redacción Lonxe de dar esmola, a Marea entende que a política ten que responsabilizarse e corrixir os desequilibrios que levan ao empobrecemento e á exclusión social cada vez a máis persoas, vítimas dun sistema entregado á desigualdade. “As persoas son o primeiro”, din a miúdo as súas caras visibles. “A xustiza e a cohesión social garanten unha cidadanía libre, con igualdade de oportunidades e en condicións de gobernarse a si mesma: a democracia”. A Marea Atlántica quere chegar a María Pita para facer unha política que atenda as necesidades reais das persoas. Para iso, comprométese a acabar co actual modelo de Servizos Sociais asistencialista e ineficaz, lastrado pola burocracia e baseado nun enfoque caritativo. O camiño pasa necesariamente por un servizo público e de calidade. ∑ A Marea quere acabar coa privatización dos servizos sociais e fortalecer a estruturas públicas Así o define Eugenia Vieito, número seis da candidatura: “Fronte a políticas centradas na privatización dos servizos sociais, dende a Marea avogamos pola defensa duns sevizos públicos de calidade, polo que cremos fundamental fortalecer as estruturas públicas existentes para lograr o obxectivo da sustentabilidade social”. Na mesma liña, o cabeza de lista, Xulio Ferreiro, defende que “o tratamento da exclusión social debe ir máis alá do puro asistencialismo, procurando un enfoque integral que incida na educación, na inserción laboral, e en xeral en darlle ferramentas ás persoas nesta situación para poder saír dela”. “Dende logo, a nosa resposta non pode ser a caridade, senón a política”, resume Silvia Cameán, avogada e número catro da lista. As políticas de xustiza social está presentes no programa electoral da plataforma de xeito transversal, dende o convencemento de que é posible loitar no local por redistribuír a riqueza, establecer unha igualdade de oportunidades efectiva, achegar estabi- lidade laboral e combater a exclusión. Esa idea está presente moi especialmente nas seguintes medidas, ás que se suma como actuación máis urxente a Renda Social Municipal. CONTRA A POBREZA ENERXÉTICA Abaratar o recibo da auga para todos os cidadáns e, sobre todo, para os que atravesan unha peor situación económica, é un dos obxectivos da Marea. A rebaixa farase a custa dos beneficios que a empresa municipal de augas (Emalcsa) vén obtendo cada ano grazas a cobrar máis do que lle supón prestar o servizo. Que a ninguén se lle corte a luz ou o gas por razóns de vulnerabilidade social está tamén entre os compromisos da plataforma. Haberá axudas compensatorias nos casos de impago xustificado socialmente, para o que se reformará a Ordenanza de Emerxencia Social. ∑ Evitaranse os cortes de agua, luz e gas por impago nos casos socialmente xustificados O Plan Local de Inclusión Social será o documento rector que articule de maneira eficaz a acción pública municipal en materia de políticas sociais. Dirixirase a grupos excluídos socialmente, coa meta de reducir a taxa de desemprego, aumentar os índices de actividade, e garantir que todas as persoas teñan un teito. Tamén está previsto adaptar as axudas ás necesidades da mocidade, como son, entre outras, as relacionadas coa vivenda, as de urxencia ou a Renda Social Municipal. IGUALDADE COMO VALOR CENTRAL A Marea anuncia no seu programa que impulsará plans de igualdade e creará un Observatorio Municipal de Igualdade de Xénero. Este órgano fará unha auditoría para definir o incremento orzamentario e artellar unha metodoloxía participativa co tecido feminista organizado, persoas expertas e entidades que fomentan a igualdade de xénero. Tamén se velará polo respecto á diversidade afectivo-sexual aplicando políticas de integración e normalización da homosexualidade, a bisexualidade e a transexualidade. Reforzaranse os medios e o persoal dos Centros de Orientación Familiar e a Casa de Acollida e haberá programas educativos estables e permanentes para os centros escolares e centros cívicos para a prevención da violencia machista, a saúde afectivo-sexual, a diversidade sexual, e a coeducación e a corresponsabilidade. Na Coruña case o 5% da poboación é estranxeira, segundo datos do padrón de 2014. Unha cidade intercultural precisa de políticas que atendan estes colectivos, que actualmente se derivan a distintas entidades alleas á Administración pública. Para iso, entenden na plataforma cívica que cómpre garantir o funcionamento da Oficina Municipal de Apoio á Migración e poñer en marcha unha Estratexia Local de Inclusión Laboral dirixida a grupos excluídos socialmente, que se fixe como compromisos a redución da taxa de desemprego e a mellora das condicións de vida da cidadanía. REFORZO CONTRA O FRACASO ESCOLAR Na área educativa está previsto poñer en marcha programas de reforzo para diminuír o fracaso escolar, así como a apertura dos centros educativos fóra do horario escolar para realizar tarefas de tipo educativo, social e cultural. Terá que negociarse coa Consellería de Educación no caso dos centros de titularidade autonómica, e procurarase que sexan polas entidades dos propios barrios. O programa da Marea nesta área contempla outros compromisos, como o de elaborar un plan para erradicar ao longo do mandato a maior parte dos obstáculos que impiden o goce dos equipamentos a cidadáns e cidadás, así como o compromiso de adaptar o transporte público municipal aos criterios de accesibilidade e eliminación de barreiras, e esixir a “accesibilidade” para obter novas licenzas de taxis, a través dunha ordenanza municipal. Por último, a Mesa de Diálogo Civil que contempla crear a plataforma encargaráse de xestionar a relación entre a Administración Local, os axentes do terceiro sector e os diferentes recusos sociais presentes para o desenvolver un Plan Local de Inclusión Social 2015- 2019.
oquince.gal A Coruña · Primavera de 2015 11 Unha renda social para garantir unha vida digna á cidadanía Unhas 1.200 familias poderían beneficiarse dunha medida que só lle suporía tres millóns de euros anuais ás arcas do Concello E.G. Redacción Un 13% da veciñanza da Coruña vive por debaixo do limiar da pobreza. O dato é absolutamente inasumible, ao entender da Marea. Por iso, para combater esta situación e loitar a prol dunha cidade que garanta o dereito a unha vida digna dos seus habitantes, a plataforma propón unha Renda Social Municipal. Con esta paga, as persoas en risco de exclusión poderán facerlle fronte ás súas necesidades máis básicas e inmediatas, como son a alimentación, o teito, a agua, a luz e outras precisas para a súa subsistencia. A renda pode alcanzar ata un máximo de entre os 400 e os 700 euros mensuais. A contía máxima da axuda oscilará entre os 400 e os 720 euros mensuais A inclusión social é unha prioridade para a candidatura que encabeza Xulio Ferreiro. “Mentres temos servizos de rego intelixente, A Coruña está a liderar ránkings de pobreza e exclusión social; creo que esta non é a cidade que a maioría queremos”, reflexiona este profesor de Dereito. O candidato da Marea refírese a datos coma o índice de risco de pobreza e de exclusión social, coñecido coma taxa Arope (At Risk Of Poverty and/or Exclusion). O desemprego, a precariedade laboral ou a desigualdade son circunstancias que minan cada vez a máis cidadáns. A resposta da Marea é clara: o prioritario é “asegurar unha vida digna para todas as persoas nesta cidade”, di Xulio Ferreiro, quen entende a Renda Social Municipal como “unha medida de urxencia”, unha venda para evitar que a poboación máis ferida pola crise se desangre. UNHA MEDIDA “PERFECTA- MENTE ASUMIBLE” Segundo os cálculos iniciais da candidatura, unhas 1.200 familias poderían beneficiarse da Renda Social Municipal. O custo anual de aplicar esta medida de emerxencia social estímano en 3 millóns de euros, menos dunha terceira parte dos 10,5 millóns que destina o actual goberno local do PP á obra do túnel da Mariña. O orzamento total do Concello coruñés para 2015 supera os 250 millóns de euros. “Por iso non é un brinde ao sol, senón unha medida perfectamente asumible”, destaca Ferreiro. O candidato a alcalde da Marea entende que como primeira medida cómpre “asegurar os mínimos de subsistencia necesarios”. A partir de aí, a acción política fará o resto para camiñar cara a unha cidade na que a inclusión social e a igualdade de oportunidades sexan unha realidade a pé de rúa. O obxectivo é atallar e investir a tendencia que nos últimos anos coverteu á Coruña na cidade líder de Galicia en empobrecemento. Entre 2007 e 2012 a Taxa de Risco de Pobreza medrou un 70% —máis que en ningunha outra urbe galega— e dende que Carlos Negreira colleu o bastón de mando do Concello o número de persoas perceptoras da Risga (Renda de Inclusión Social de Galicia) ou as AES (Axudas de Emerxencia Social) medrou un 54%. Xulio Ferreiro: “Cómpre asegurar os mínimos de subsistencia necesarios” A renda municipal será incompatible coa Risga e servirá para atender as necesidades das persoas que non cumpren os requisitos para percibila. O candidato elixido pola Marea explica que deste xeito “completaría os ingresos das persoas que o precisen até que alcancen o límite máximo para poder acceder á Risga, o que podería alcanzar unha contía máxima de entre 400 e 720 euros mensuais segundo a cantidade de membros da unidade familiar e a inclusión ou non de menores”. fotografía Sandra G. Rey / ilustración MAT-LAB Eugenia Vieito Marea Atlántica Persoal de Administración e Servizos da UDC → Avogamos pola defensa duns sevizos públicos de calidade. Máis información: http://mareatlantica.org/unharenda-social-municipal-paraloitar-contra-a-exclusion/ 13% Risco de pobreza O 13% da cidadanía está en risco de pobreza e exclusión social. Isto é case un de cada catro habitantes da Coruña ↑ 70% Crecemento da pobreza En apenas cinco anos a taxa de pobreza medrou un 70% na cidade da Coruña ↑ 54% Crecemento da pobreza Aumenta o número de persoas que precisan axudas para sobrevivir dende que goberna Negreira 22.000 22.000 persoas están desempregadas na cidade e a metade non ten prestación ningunha 3.000.000 € Custo da RSM O custo arpoximado desta medida para as locais sería de 3 millóns de euros. Menos dunha terceira parte dos 10 millóns que destina o actual Goberno local á obra do túnel da Mariña. 1.200 Calcular a candidatura da Marea que actualmente hai mil duascentas familias receptoras da RSM Garantir unha vida digna para todas as persoas é un dos catro principios básicos sobre os que asenta a Marea Atlántica, os obxectivos que permitiron ao longo do último ano reunir nunha mesma iniciativa a sete formacións políticas comprometidas co cambio e a xustiza social e centos de cidadáns sen afiliación partidaria.
Page 1 and 2: A Coruña Primvavera 2015 Edición
Page 3 and 4: oquince.gal A Coruña · Primavera
Page 5 and 6: oquince.gal A Coruña que SI querem
Page 9: oquince.gal A Coruña · Primavera
Page 31 and 32: oquince.gal 31 NECROLÓXICA así re

O15. A cidadanía toma a palabra

Create successful ePaper yourself

Delete template?

Save as template?