O15. A cidadanía toma a palabra

More documents

Recommendations

Info

26 Cultura, memoria e identidades Unha cultura sen cadeados ilustración MAT-LAB Lonxe da política dos grandes eventos, a Marea presenta un programa cultural integrador e aberto a toda a cidadanía. Raúl Xordo Redacción Para a Marea Atlántica, a cultura é unha ferramenta para construír unha Coruña inclusiva, participativa e crítica. Non se entende como unha nota ao pé do programa electoral, un espectáculo, un negocio ou unha forma de escapismo. Non é só o cemento co que se enche un monolítico programa de festas. Ao contrario, trátase dun dereito para todos os cidadáns e dunha práctica enriquecedora e transformadora. Como asegura José Manuel Sande, historiador, crítico de cine e número cinco da candidatura da Marea, “levarase a cabo un modelo de xestión marcado pola absoluta transparencia, o impulso da multiplicidade creativa, a ruptura coa política de privatización de recursos, o desenvolvemento dunha pedagoxía crítica e o apoio decidido á creación, a innovación e a investigación”. Un dos primeiros pasos deste camiño será aproveitar as infraestruturas culturais coas que conta A Coruña, que son moitas e competentes. Máis de vinte centros cívicos activos, unha rede de bibliotecas públicas que foi referente estatal pola súa xestión, os museos científicos mc2, e toda unha serie de instalacións municipais que foron deseñadas para para unha función artística, social e asociativa. Non obstante, son varios os equipamentos fican infrautilizados e pechados para os veciños, nun claro desperdicio de recursos. “É tempo de rematar coa pasividade que demostrou o goberno municipal nos últimos catro anos e devolverlle as infraestruturas culturais á cidadanía, á marxe de todo sectarismo”, afirma José Manuel Sande. Os centros cívicos e os espazos de propiedade municipal deben estar integrados cos barrios onde se sitúan, e debe ser doado para as organizacións sociais, entidades sen ánimo de lucro e persoas en xeral ter acceso a eles para as súas iniciativas particulares. Na mesma liña, é preciso puír e mellorar o que aínda funciona ben, pero se está a deteriorar a causa do desleixo demostrado polo goberno de Carlos Negreira. A Marea propón un Plan Municipal de Bibliotecas co que reavivar a calidade do servizo, e que incluirá un Plan Municipal de Lectura. Tamén se potenciará a colaboración coa Orquestra Sinfónica de Galicia en proxectos comunitarios e formativos, e se ampliará a programación do festival de cómic Viñetas desde o Atlántico. ∑ Levarase a cabo un modelo de xestión marcado pola absoluta transparencia, o impulso da multiplicidade creativa, a ruptura coa política de privatización de recursos. E, dende logo, faise necesario recoñecer o traballo dos colectivos e persoas que crean cultura nesta cidade, tirando abaixo o muro de incomprensión que se levantou en María Pita fronte a eles. Proponse a creación dun plan municipal de residencias artísticas, que sirva de soporte á creación cultural. E tamén se abrirá a programación cultural do Concello á presenza de artistas locais, para axudar a facer visible a súa labor. MEMORIA DUNHA CIDADE Non se pode avanzar sen ter claro de onde vimos. A memoria e a súa preservación son parte fundamental do programa cultural da Marea, cun compromiso por preservar o legado de aquelas persoas que contribuíron a construír historicamente esta cidade. Este obxectivo materializarase no proxecto Caixa da Memoria, un arquivo que servirá para poñer en valor o legado persoal e colectivo da Coruña do progreso social, tan distinta ao mito da cidade burguesa perpetuado polos sucesores de Alfonso Molina. En 2016 cumprirase un século da fundación das Irmandades da Fala na rúa do Rego de Auga, unha efeméride que se conmemorará ao longo do ano, destacando a súa postura galeguista, defensora da cultura e a súa condición visionaria na perspectiva de xénero. E abonda xa de pasear por rúas que levan o nome de sanguinarios militares golpistas. Eliminarase toda a simboloxía franquista aínda presente no rueiro da cidade, cumprindo coa Lei de Memoria Histórica. MÁIS QUE DEPORTE No eido da práctica deportiva, os principios serán os mesmos que atravesan todas as propostas da Marea: crearase unha estrutura de xestión áxil que permita que os cidadáns particulares, as asociacións, os clubs e os profesionais poidan desenvolver os seus proxectos con solvencia. A área de goberno non será só o “deporte”, senón as políticas do corpo, un concepto no que teñen cabida a saúde, a actividade física, o xogo e a investigación en calquera destas áreas. En canto a medidas concretas, farase un esforzo por fomentar a práctica do deporte de base, con especial atención ao deporte feminino. Crearanse equipamentos deportivos na rúa, sinxelos pero abertos a todos e sen necesidade de trámites administrativos. Tamén estará garantido que as persoas con diversidade funcional teñan acceso a todas as instalacións deportivas e culturais que dependan do concello. Doutra banda, a Marea Atlántica buscará o fomento da lingua galega en toda a súa acción de goberno, nas relacións administrativas e nos usos sociais, para cumprir a normativa vixente e respectar o plan de normalización lingüística. En resumo, “fronte á política do evento executada sen máis horizonte que o interese económico e a discriminación da pluralidade, a Concellería de Cultura proposta pola Marea Atlántica será un espazo aberto e servirá para axudar a colectivos, profesionais e persoas particulares a desenvolver as súas inquedanzas creativas. Non se trata de encher o Coliseo unhas cantes veces ao ano, senón de que toda a cidadanía poida consumir, producir e respirar cultura”, remata José Manuel Sande.
oquince.gal A Coruña · Primavera de 2015 27 Claudia Delso Marea Atlántica Mediadora Cultural Un laboratorio no que crear e compartir A Marea creará un organismo municipal para axudar aos cidadáns a desenvolver as súas propias iniciativas culturais fotografía Sandra G. Rey A da Agra do Orzán foi a primeira asemblea aberta da Marea Atlántica. Ao día seguinte, con máis de 200 persoas, nacía na porta do Teatro Rosalía a Marea da Cultura. Dende entón, un grupo de persoas traballan, semana a semana, no diagnóstico das necesidades do sector cultural da cidade dende o punto de vista de calquera que vexa na cultura un patrimonio de todos. A cultura verdadeira, de calidade, non é posible sen unha educación previa Raúl Xordo Redacción A Coruña é unha cidade culturalmente viva. Ten unha longa e rica tradición de colectivos artísticos e movementos de base que levan anos realizando un traballo digno de eloxio, pero que atoparon ata o de agora pechadas as portas do Concello. A Marea Atlántica ten intención de cambiar esa actitude e darlle relevancia a ese enorme patrimonio creativo, facilitando as canles para que as ideas, os proxectos e as iniciativas culturais dos cidadáns poidan materializarse, en troques de esmorecer por falta de apoios. Ningún proxecto cultural esmorecerá por falta de apoios. A marea propón crear un Laboratorio Cultural público, un centro produción e investigación que facilite a posta en marcha de proxectos e o diálogo entre os artistas, o Concello e os veciños. “Trátase dun proxecto ausente ata o de agora, pero que ten que chegar coa Marea. É moi necesario para dar verdadeiro impulso á creación”, explica Claudia Delso, mediadora cultural e número oito da candidatura. Este Laboratorio non estaría asociado a un espazo físico concreto, polo que non suporía a creación dun novo edificio faraónico. Os seus representantes irán onde a súa presenza sexa necesaria, e atenderán a quen o precise. O Laboratorio non estará asociado a ningún espazo físico concreto. Tratarase dun organismo asociado á Concellería de Cultura, que dotará de ferramentas ás persoas que desexen poñer en marcha un proxecto creativo, impulsará a investigación cultural e fará un seguimento das distintas iniciativas que se vaian desenvolvendo. Tamén habería nel un lugar para a formación e o ensino. EDUCACIÓN E CULTURA “A cultura verdadeira, de calidade, non é posible sen unha educación previa axeitada. Tamén é moi dubidosa a educación que non fomenta a cultura. Por iso, dende o concello temos que ofrecer espazos de relación entrambas, e instrumentos que fomenten a creación de coñecemento”, asegura Claudia Delso. A medida estrela da Marea neste eido é a posta en marcha dunha Universidade Popular, unha institución que complete a oferta da educación pública con iniciativas cidadás. Nela terán cabida os coñecementos profesionais, os oficios e os diversos saberes relacionados coa arte e as letras, cun sesgo social aberto, transparente e democrático. A Marea Atlántica porá en marcha unha Universidade Popular, que complete a oferta da educación pública con iniciativas cidadás. En paralelo, proponse coidar a rede de escolas infantís municipais, ata onde sexa preciso para cubrir a demanda de prazas existente, e recuperar as relacións entre a cidade e a Universidade da Coruña, actualmente moi deterioradas. A UDC é un importante foco de produción de coñecemento a través da investigación, xunto a organismos como o Instituto de Investigación Biomédica (Inibic) e o Centro Oceanográfi c o . Semella natural aproveitar a rede de museos científicos mc2 para establer relacións con estas institucións e implicalas na divulgación de cara á cidadanía. J. M. Sande Marea Atlántica Programador do CGAI Queremos que toda a cidadanía poida consumir, producir e respirar cultura
Page 1 and 2: A Coruña Primvavera 2015 Edición
Page 3 and 4: oquince.gal A Coruña · Primavera
Page 5 and 6: oquince.gal A Coruña que SI querem
Page 25: oquince.gal A Coruña · Primavera
Page 31 and 32: oquince.gal 31 NECROLÓXICA así re

O15. A cidadanía toma a palabra

Create successful ePaper yourself

Delete template?

Save as template?