You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1196 Dinle bu fehvâda latîfe nedür<br />
Merd-i taleb-kâra vazîfe nedür<br />
LATÎFE-İ MÜNÂSİB-İ ÂN<br />
1197 Nite ki bir cehl-i mürekkeb müdâm<br />
Işk sevâdın okuyup subh u şâm<br />
1198 Azm kılup yolına taklîd ile<br />
Arar imiş sâni'i terdîd ile<br />
1199 Bilmez iken varacagı menzili<br />
Kendine tahmîl kılup mahmili<br />
1200 Pey-rev olurmış niçe sâliklere<br />
Râh-ı kerâmâtda hâliklere<br />
1201 Zerrece kalbinde yog imiş taleb<br />
Lîk derûnında yog imiş taab<br />
1202 Eylemek ile harekâtın dürüst<br />
Sanur imiş kendüyi çâlâk ü cüst<br />
1203 Zâdı gam u râhı belâ vü sitem<br />
Hem-rehi endûh u refîki elem<br />
1204 Cevr ü cefâ çekmek ile yok yire<br />
İster imiş menzil-i ışka ire<br />
1205 Bilmez imiş lîk o menzil nedür<br />
Pülleri yolları niçe nesnedür<br />
1206 Gâfil imiş bedraka-i kasddan<br />
Çekdürür imiş diline çok mihen<br />
1207 Sûde kılup ayagını âkıbet<br />
Urur imiş pâyına her hâr let<br />
1208 Hâtırı işkeste özi teşne-leb<br />
Menzilini idemez imiş taleb<br />
1209 Söyler imiş olsa nasîbüm eger<br />
Tutmaz idüm ben bu yol üzre makar
Change language