Create successful ePaper yourself
Turn your PDF publications into a flip-book with our unique Google optimized e-Paper software.
Pâdişâh-ı taht-nişînsin hemân<br />
713 Böyle huzûr üzre kılan azm-i râh<br />
Râh-ı sefer zahmetin eyler tebâh<br />
714 Böyle iken gitmemek ana hatâ<br />
Olsa dahı bud ile farzâ Hıtâ<br />
715 İmdi gerek atlu gerekse yayak<br />
Eyle hemân azm-i reh-i beyt-i Hak<br />
716 Hâr-ı mugaylândan olursa firâş<br />
Bâliş-i sengîne ko zevk ile baş<br />
717 Dime ki yol zahmeti düşvârdur<br />
Ol sebeb-i rahmet-i Gaffâr'dur<br />
718 Hâne-i Yezdân'a olan mîhmân<br />
Yol elemin yâd ider ise yamân<br />
719 Kadr u saâdet buna benzer nola<br />
Hâlıkınun beytine kul yol bula<br />
720 Nûr-ı hidâyetle bulup zîb ü fer<br />
Lahza-be-lahza ola rûşen-basar<br />
721 Göz göre manzûrun olup nûr-ı zât<br />
Cümle gözünden çıka aks-i sıfât<br />
722 Sâhib-i hâneyle idüp ülfeti<br />
Akl ferâmûş ide cemiyyeti<br />
723 Yani ki mimâra olup âşinâ<br />
Sunına kılmaz nazar-ı nâ-revâ<br />
724 Beyti görür vâkıf-ı mazmûn olur<br />
Nazm-ı İlâhîdeki nassın bulur<br />
725 Bahr-ı remelde durur ol beyt-i pâk<br />
Halk anı rîk üzre sanur tâb-nâk<br />
726 Hâsılı ol beyt-i Hudâ'ya karîn<br />
Tâ bulasın râhat-ı huld-ı berîn
Change language