You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Zât-ı beşerden bulur âhir zevâl<br />
489 Görme misin öndüle lâyık semend<br />
Âb u cevinden az olur behre-mend<br />
490 Az yiyüp az yatur az uyur<br />
Cû ile bir hefte yaragın bulur<br />
491 Tâ ana bâr olmaya cism-i sakîl<br />
Öndül alup eyleye tayy-ı sebîl<br />
492 Sen dahı ser-menzil idersen taleb<br />
Savmı kıyâs eyleme cû u taab<br />
493 Sâlike cismi bile yükdür girân<br />
Tumene ser-ber ola ana ayân (?)<br />
494 Degmede ser-menzile irişmez ol<br />
Dâm-ı hasâret olur ana o yol<br />
495 Şöyle ki ammâ bula savm ile üns<br />
Ola teferrüc-gehi gülzâr-ı kuds<br />
496 Bâtını pür-nûr ola mânend-i mihr<br />
Menzileti arta misâl-i sipihr<br />
497 Kalmaya mir'ât-i dilinde keder<br />
Anda ola sûret-i Hak cil<strong>ve</strong>-ger<br />
498 Görmeye hem-rehleri anı hacil<br />
Görine zâtında kesel muzmahil<br />
499 Âkıbetü'l-emr o safâ-yı derûn<br />
İzzetini eyleye anun füzûn<br />
500 Âlem-i gabrâdan açup bâl u per<br />
İde hümâ gibi semâyı makar<br />
501 Mâ-hasal ey sâlik-i peşmîne-pûş<br />
Tut kulagın eyle bu hoş pendi gûş<br />
502 Savm-ı avâmı ko ki anlar hemân<br />
Bir femi baglu hayevândur ayân