Manumalo Tuila'epa Sa'ilele ae to'ilaloTole'afoa Solomona

O NAI MOTU-GA MANATU
(O upu ma o latou uiga)
Lavea Aseta Tologata
Toe faatalofa atu Samoa i
lenei foi vaiaso fou malō lava
le soifua ma le lagi e māmā. O
le tatou motugaafa foi o lenei
vaiaso. Ae le’i tuuina atu la se
manatu vaivai e muamua lava
ona ou faapea atu ma le agaga
e tumu i le faaaloalo, e le faatonufolau
le tatou faasoa lenei
i lou finagalo, auā ou te talitonu
lava ma le mautinoa e sili
ona maualuga lou silafia
Samoa i so’u iloa vaivai.
Ae na o ni nai manatu lava
tatou te eva ai i le tatou pepa
mai laufanua o Kalaiesetete,
afai e i ai se aogā, fo’i le viiga i
le Atua, a leai faamolemole
vaai ane se lapisi (Tulou) e
tia’i ifo i ai lo’u vaivai.
1/ Ta’ita’i Fa’ai’a Mātau
O le upu lenei e seāseā
faaaogāina e tulatoa o le
atunuu ae tele sona aogā i lou
soifua ma lou ola. O lona uiga
o le i’a e mulimuli i le matau
po o fea lava e alu i ai le matau
e mulimuli ai lava, e le mafai
ona alu ese le i’a seiloga lava
ua maua le matau auā foi o loo
i ai le maunu la e i le matau e
le o iloa foi e le i’a e pē ai i le
matau lea e mulimuli i ai.
A tuu la i le gagana o aso uma
po o se gagana faigofie e mafai
ona faatusa i se tagata e
mulimuli i se ta’ita’iga e aunoa
ma le faaaogāina o sona finagalo
i se mea e tatau ona fai.
O le uiga o la’u tala e faapea;
Afai o ni tagata po o ni matai
foi ua fiafia lava e taitaia
fa’ai’a matau ua le mafai e
latou ona finau i ta’ita’i o
mafutaga e faaali i ai ni o
latou finagalo, a mea o le mea
lea e sēsē pe sa’o foi, ua pei
lava o le tamaitiiti pepe e leai
sona mafaufau e faaaogā, ua
na o le ioe lava i le mea lea e
manao ai le ta’ita’i. A lē manao
foi le ta’ita’i i le mea lea ua fai
mai e leai. O le mea tonu lava
lena e ta’u o le ta’ita’i faai’a
matau.
Ia manatua, o le matai ua uma
ona tuu i ai e le Atua lona
suafa e fai ai mea tonu ae tulei
ese mea sēsē auā e lē fiafia i ai
le Atua.
O le fautuaga, aua nei ta’ita’iina
faai’a matau lau tofā ma
lau faautautaga e se isi tagata,
a ia mulimuli pea i auala o le
Tusi Paia auā na o mea sa’o e
fiafia i ai Iesu.
O le tatou motugaafa lena o
lenei vaiaso toe feiloai foi i le
vaiaso fou.
Se gagana foi Samoa ua lē talafeagai
ma lau silasila,
faamolemole ufiufi ia a manugase.
Soifua
Lavea Aseta Tologātā
Ta’ita’ifono a matai Samoa
Kalaiesetete
Susuga i le alii pule Sulusulumaivasa Leituala Aiva ll
Susuga i le Alii Faatonu, Afioga Tiumalumatua Maifea Fetu ile fofogaina ole
saunoaga faamanuia ale Afioga i le Alii Palemia Tuilaepa Lupesoliai Sailele
Malielegaoi
12 2nd September 2009 Le Manamea Samoa