Manumalo Tuila'epa Sa'ilele ae to'ilaloTole'afoa Solomona

Mai Laufanua o Kalaiesetete
Tusia: T M FETU
Tiumalumatua Maifea Fetu T
O le aso Faraile 28 o Aokuso i
le itula e 5 i le afiafi, na
faataunuuina ai le fono a le
New Zealand Samoan Rugby
Football Union i laufanua o
Kalaiesetete lea na malaga
mai ai le afioga i le Pelesetene
ia Aiolupotea John Roache ma
sui mai iuni lakapi taitasi, lea
na talimalo ai le iuni lakapi a
Canterbury Samoa.E lua isi
Iuni lakapi ia ua faaopoopo
mai i le New Zealand Samoan
Rugby Football Union, ua atoa
ai nei le valu(8) o Iuni lakapi
faaitumalo ua lea ua lalo nei o
le faamalu a le New Zealand
Samoan Rugby Samoan Football
Union. O Iuni foi la elua ia
ua faaopoopo mai o Counties
Manukau, ma King Country
Rugby Football Union.
O nisi o mataupu na faatalanoaina
o lenei fono o le faamautuina
lea o taaloga fa’a
Itumalu ia Oketopa 2009, lea
o le a taaalo ai au e faa itumalo,
a
Otago/Southland, Canterbury
Samoa,Wellingtone Samoa,
ma Manuatu Samoa, ae taaalo
Auckland Samoa, North Harbour,
Counties Manukau, ma
King Country, o au e malo mai
I au tai fa ia, ona semifinal lea,
o au e malo mai i le semifinal,
ona final ai lea e sue ai le
siamupini i le taaloga faa itumalo.
Na talanoaina ai foi le
faasalalauina ai o ni avanoa
faiaoga mo au lakapi e fa (4), e
lua au sinia, lua au Under 20s
a le New Zealand Samoa latou
te faiaaogaina nei au aua le
taaloga faa tafatolu lea e faia
mai i Aukilani ia Fepuari
2010, lea o le a malaga mai ai
au mai Samoa, ma Ausetalia
Samoa. E faagata tusi
talosaga mo ia avanoa faiaoga
I le aso 24 o Setema 2009. Na
maea mataupu o le fono ona
alo lea I le taumafataga na
saunia e Canterbury Samoa,
ma taualuga ai I le se’i ina o
lana lulu, o le iuga la lea o le
lulu;
1 Faailoga muamua # 1778
Manuatu Samoa
2 Faailoga lua # 2642
Manuatu Samoa
3 Faailoga tolu # 5514
Otago/Southland Samoa
4 Faailoga fa
# 2871 O t a g o / S o u t h l a n d
Samoa
5 Faailoga lima # 5051
North Habour Samoa
6 Faailoga ono # 0052
North Habour Samoa
O le susuga i le Failautusi a
Canterbury Samoa le Tofa ia
Fiu Sefo na fai ma fofoga taumolimoli
Canterbury Samoa e
faafetaia ai foi le New Zealand
Samoan aua foi lenei atinae
taua aua tupulaga ma alo lalovao
o Samoa.
Tatala Aloa’ia Le
Aoga Tusi Paia i
Kalaiesetete.
Tusia Peilua David Lam Sam
O le fa’amoemoe ua taunuu o le
laau o le soifua lea. O le aso 30
o Aokuso 2009 i le itula e 4pm i
le afiafi na faataunuuina ai le
tatala aloaiaina o le lala o le Ia
Malamalama Agape Bible College
mai le laumua i Uelinitone
i le aai o fuga laau i
Kalaiesetete. O le faamoemoe
maualuga o lenei aoga o le fia
a’otauina o tagata Samoa i le
Afioga Paia a le Atua e ala i le
folafolaina ma le laugaina o
lana upu faau’uina. O le ta’ita’i
o le sauniga o le Susuga i le
Faifeau Faiaoga o Tom Te’o
mai Uelinitone. O saunoaga
autu i lea afiafi o le Komesina
Aoao Tutoatasi a Samoa i Niu
Sila le afio i le Ao E’e Asi Tuiataga
Semisi Blakelock,
Susuga i le Toeaina o le Pulega
i Niu Sila i Saute o le Ekalesia
EFKS Susuga ia Tumama Vili,
ma le Toeaina o Niu Sila
Saute o le Ekalesia Faapotopotoga
a le Atua (A.O.G) Susuga
ia Talosia Vanilau. O le upu folafola
sa saunia lava e le
Susuga a le alii pule o le Aoga
mai Uelinitone, Susuga ia Pastor
Peniamina Williams. Sa
auai foi le Taitai Fono o le Fono
Faufautua a Samoa i Niu Sila,
le Susuga ia Su’a Magele Tagaloa
Nua Su’a e molimauina le
faamoemoe taua pei ona
faataunuuina.
N maea lea ona soso’o ai lea ma
le ipu ti mama sa saunia lava e
Susuga i Faiaoga ma Tama ma
Teine Aoga mai le laumua. O le
Tofa ia Vaivaiolelupe Maselino
Su’a mai Uelinitone sa fai ma
fofoga o le Aoga aua nai
faaaloaloga ma nai teutusi mo
Susuga i Toeaiina, le Afioga i le
Komesina Aoao, faapea nisi o
faafeagaiga sa auai i le tatalaina
o le Aoga.
O le Fetalaiga ia Saleutogi poo
le Tofa ia Lealailoa Lemusu
Lemusu sa fai ma fofoga o le au
valaaulia faapea le Komesina
Aoao o Samoa, ma Susuga i
Toeaiina, ma le mamalu tele sa
auai, e talifuaitau i le Kolisi ma
le au malaga mai Uelinitone.
Ma sa faaiuina mea uma i le
faatasi mai o le Tama i le lagi.
i se talanoaga ma le sui Lesitala
o le aoga ua faatuina nei
Kalaiesetete le faletua ia
Eleitino Vanilau, na ia saunoa
ai ua toa luasefuluvalu i latou
ua lesitalaina mo le amataga o
lenei faamoemoe fou ua tupu
a’e i le a’ai o fugalaau. O le aso
Toonai aso 5 o Setema 2009 o le
a amataina ai le le Aoga i le
itula e 9 am i le taeao se ia ta le
3pm i le afiafi.
Tau ia ina ia faamanuia le Atua
i fuafuaga mo le aga’i i luma o
lenei Kolisi fou ua ta’ua o le Ia
Malamalama Agape Bible College
i le aai nei o Kalaiesetete.
Silasila i ata i le itulau 19
18 2nd September 2009 Le Manamea Samoa