here - National Library Of South Africa

ga tše dingwe, theto, tiragatšo, ditshwantšhetšokgao tša seyalemoya, dipadi, diphetolelo,
dimanyuale tša polelo le dihlahli tša go ithuta . Gape ke mohlami wa mmino
wa dikhwaere gape o na le kgahlego yeo e nago le mafolofolo ka mo go dikoša tša
mogobelo(mogobo), mmino wa klasiki le opera.
Ka profešene, Nkomo ke morutiši. Dirutwa tša gagwe tše dikgolo ke Sesotho sa
Leboa, Histori, Saense ya tša Leago, le Bokgabo le Setšo. O hweditše mangwalo a
dithuto a a latego: BA (Yunibesithi ya Limpopo), BA Hons (Yunibesithi ya Pretoria),
HED (Yunibesithi ya Limpopo), le PTC (Kholetše ya Thuto ya Mokopane).
Mongwadi 2: Herbert Lentsoane o belegwe GaMarishane ka
la 27 Nofemere 1946 a ba a tsena sekolo sa Poraemari sa Marishane,
Sekolong sa ka Godimo sa Bopedi-Bapedi le Sekolong sa
ka Godimo sa Orlando. O thomile go ngwala a sa le ka sekolong
sa ka godimo , a ngwala puku ya gagwe ya mathomo a sa ithuta
go la Yunibesithi ya Leboa ka 1971. Gabjale o šetše a ngwadile
dipuku tše šupa tša theto, padi e tee, Megokgo ya Lethabo yeo e
thopilego difoka tše pedi tša dingwalo, le dimanyuale tše masomepedipedi tša polelo
tšeo ga bjale di šomišwago ka dikolong. O rutile Sepedi mengwaga masomepedišupa
dikolong tša ka godimo le Yunibesithing. Lentsoane o swere mangwalo a dithuto ao
a latelago: BA Hons, MA (Sepedi), UED le Tiploma ya Phetolelo (UNISA). O rotše
modiro wa go ruta Sepedi go tloga ka Desemere 2001, Lentsoane ga se a tlogela
mošomo wa go tšwetšapele polelo bjalo ka ramaleme, mofetoledi, mosekaseki, mongwadi,
mosekaseki wa dingwalo, monolofatši wa mongwalokakanywa, morulaganyi,
mohlabolli wa mareo le, la mafelelo, go ba moithuti.
Page 50
Mongwadi 3: Mawatle Jerry Mojalefa ga bjale ke Profesa ka go
Kgoro ya Maleme a SeAfrika go la Yunibesithi ya Pretoria. Ke serutegi,
morutiši, mogaši, motšweletši, molaodi wa khwaere, mohlami,
seopedi, mofetoledi, morulaganyi, mosekaseki, mongwadi le
sereti.
Diphihlelelo tša gagwe di akaretša gomme ga di felele go go ngwala
direto, dipadi, dinonwane, ditaodišo, ditaodišwana le dikanegelokopana, go hlama dikoša, le
go tsenya letsogo mo go jenale ya saense ka lehlakoreng la tlhamopukuntšu le mananethuto.
Preserving and Celebrating our literary heritage