here - National Library Of South Africa

ile a gapeletšega go botša barwa ba gagwe thwii, gore ke mang mo go bona yo e lego
kgoši ya Banareng. Ge a seno kwa mantšu a papagwe, bakeng sa go amogela mantšu
papagwe a go re Phaladi ke yena kgoši, bobedi Makgale le Phaladi ba ile ba kitimela
mebileng bahlabile lešata fao yo mongwe le yo mongwe wa bona a re ke yena kgoši.
Se ke sona se dirilego gore Makgale a thome lesolo la go bolaya mang le mang o a
bego a le tseleng ya gagwe ya go dula setulo sa bogoši.
Makgale o ile a thoma pele ka go feleletša papagwe, Kgadima, yo a bego a le diphateng
tšeo di fi šago. Ka morago o ile a bolaya rakgadi wa gagwe, Rifi lwe. Go tloga fao o ile
a bolaya morwarragwe Phaladi ka kgopolo ya gore go tla šala yena a nnoši yo a ka
tšeago setulo sa bogoši. O ile a bolaya batho ba bangwe bao a bego a bona ba mo
eme tseleng ya go ba kgoši. Makgale o ile a leka go feleletša morero wa gagwe ka go
bolaya moratho wa gagwe, Sefudi. Le ge go le bjalo, Sefudi o ile a mo palela gomme
a hlaba mokgoši wa gore Makgale ke yena mmolai.
Banna ba ile ba ipopa ngatana gomme ba hlasela Makgale ba mmolaya.Sefudi o ile a
tšea setulo sa bogoši.
Page 58
Mongwadi: Diphete Bopape o belegwe ka 20 Dibatsela 1957
motsaneng wa Mamoakela go la GaMamabolo’a seolwana sa
mmataladi sekgopa banna matolo.
O thomile sekolo ka 1964 sekolong sa praemari ya tlase le ya godimo
sa Megoring. Ka morago ga go phetha dithuto tša mphato
wa 6 ka 1971 Megoring, o ile a tšwela pele ka dithuto tša sekolo
seo se phagamego sa Hwiti go la Mankweng go tloga ka 1972 go fi hla ka 1976 ge a
phetha dithuto tša marematlou. Go tloga fao o ile a šala morago lengwalo la borutiši
la JSTC (Junior Secondary Teacher’s Certifi cate) kholetšheng ya Tlhahlo ya borutiši
ya Setotolwane ka 1977 – 78.
Diphete o thomile go ruta ka 1979 go seo se bego se bitšwa Seminare sa ‘Christ The
Priest’ (seo bjalo se bitšwago St Paul’s College) go la Luckau tikologong ya Groblersdal
fao a šomilego feela dikgwedi tše senyane. Kgweding ya Diphalane wona ngwageng
woo o ile a ya sekolong seo se phagamego sa Bopedi-Bapedi, GaMarishane go
la Sekhukhune, fao a tlogilego mafelelong a ngwaga wo o latelago wa 1980. Go tloga
Preserving and Celebrating our literary heritage