E NDJEKIN N'LIGJERATE - Gazeta Express

24
shkurteshqip
Shkurt e shqip / e-mail: shkurteshqip@gazetaexpress.com
tel: 038 76 76 76, fax: 038 76 76 78 adresa: Dardania 1/1 , Prishtinë
Komentet e lexuesve në Express Online
Express, 19 prill 2011
Rehatohen
me rroga
Kici (Prishtinë)
Turp për Bordin e RTK -se. Këta nuk i kanë merituar as rrogat që i kanë pasur
e lëre ma me ba rritje. Prej se kane ardhe nuk kanë ba asgjë tjetër vetëm kanë
mendu për rritjen e rrogave për veti. Punët janë llugë në RTK e këta as që mendojnë
për këto gjana, po e rahatojnë veten e për të tjerët punë e madhe. Të
gjithë anëtarët e bordit i kanë edhe nga 2 ,3 punë tjera e për këtë as që mendojnë
për RTK-n Për disa anëtarë të bordit kemi pasur respekt dhe kemi mendu
që jena ndryshe por.... më në fund e kuptuam që janë si të gjithë të tjerët.
Tirana (Dardani)
Mire e ka pas Sadri Ferati, pse a duhet me punu pa rrogë a?!
Prizi (Vendali)
Ju të kurbetit mos komentoni për rrogat e Kosovës, se nuk jeni hiq më të mirë. Të
gjithë e keni këqyrë interesin tuaj, e kur dëgjoni rritje rrogash xhelozoni pa masë.
Është mirë të ngrihen rrogat që në të ardhmen kur të fi llojë ekonomia me lulzu të kemi
një start të mirë. E sa për ju “shacat”, që sa herë vini për pushime në Kosovë u thoni
njerëzve se unë s’kisha punu kurrë për 200 a300 euro nuk ju takon të na shitni mend!
Bota (Prishtinë)
Nuk e kanë merituar rritjen e pagave, duke pasur parasysh që është televizioni
më i dobët në Kosovë. Sidomos, debatet politike nuk ia vlen as te shikohen.
Gazetarët e këtyre programeve janë shumë të dobët, janë të kapluar nga
servilizmi dhe joprofesionalizmi. Ndërsa, sa i përket programeve shkencore
dhe kulturore nuk diskutohet, nuk e kanë asnjë program të mirëfi lltë.
Luta (Danimarkë)
Bravo, ashtu duhet, vetëm rritni, e ju s’jeni në gjendje një RTK në internet me rregullu
pa pare, ashtu duhet pak i keni rrit a, rritni hala ju me paret e qytetarëve...
Driton (Austri)
Rehat, rehati-a, rehatohem-rehatohesh-rehatohet...rehatohemi-rehatoheni-rehatohen.....Sa
e bukur gjuha jonë!
Express online, 20 prill 2011
Vetëvendosje
pengon Thaçin
Majlinda (Prishtinë)
Unë jam studente e AAB-se dhe isha e pranishme aty. Aktivistet e Vetëvendosjes
kishin plotësisht të drejtë dhe u mbështeten nga studentët. Pyetjet
e tyre ishin shumë me vend dhe mënyra e paraqitjes ishte demokratike.
Truprojat e Thaçit i rrahën ata dhe na e morën fytyrën edhe neve.
Isa (Prishtinë)
Faj ka Thaçi që shkon me fol atje. E paska ul veten me këtë gjest shumë.
Flamur (Prishtinë)
Kjo qeveri me ato skija po do me ngreh popullin mbrapa.
Ngucakeqi (Fshati Serrnisht)
E paskan harxhu ngjyrën, a? Me këso gjestesh, në zgjedhjet
e ardhme as pragun nuk kanë me e kalue.
Sqarim
Opinionet e botuara në rubrikën "Shkurteshqip"
nuk shprehin qëndrimet e redaksisë.
Express
De-coca-colonizimi është neologjizëm,
i cili nënkupton mendimin dhe veprimin
politik, por edhe kulturor i cili kundërshton
dhe mundohet ta reduktojë e parandalojë,
përhapjen e të mirave dhe vlerave kulturore,
ekonomike e politike dhe të tjera të
botës perëndimore posaçërisht të ShBAsë,
tek të tjerët. De-coca-colonizimi konsideron
se ka invazion kulturor, ekonomik
dhe politik nga bota perendimore të cilat
rrezikojnë kulturat lokale, vetë vendosjet
politike dhe pavarë sitë e natyrave të tjera.
De-coca-colonizimi është edhe antiglobalizëm.
Këtë frymë kulturore dhe politike
e gjejmë në vende të ndryshme të botës,
posaçërisht tek ato që kanë politika antiamerikane.
Të shpeshtën fryma e de-coca-colonizimit
shkon paralel me konceptet
majtiste, por viteve të fundit ato i gjejmë
edhe tek konceptet islamiste. Kjo frymë jo
e re politike është prezente ku më shumë
e ku më pak edhe në Evropë, atë gjithsesi
mund ta gjejmë edhe në Ballkan.
Të kësaj natyre dhe me nuanca autoktone,
është ta zëmë de-coca-colonizimi
në Serbi. Dy deceniet e fundit kjo frymë
është e shprehur larg më shumë se sa që
mund ta gjenim zakonisht atë në mendimin
dhe kulturën politike serbe. Kjo është
e determinuar nga lufta e fundit ku Serbia
është bombarduar nga forcat e NATO-s.
Shumë serb mendojnë se Serbia pas përfundimit
të luftërave për shkak të këtyre
intervenimeve është defaktorizuar krahasuar
me gjendjen që dikur kishte në rajon,
por edhe në krahasim me potencialin e
përgjithshëm që ka aktualisht. E vërteta
është se pas shpërbërjes së Jugosllavisë dhe
ndryshimeve kualitative në Ballkan faktori
Serbi për herë të parë po vije në vendin e
saj të ri gjithsesi të merituar. Kjo mund të
ndryshoj në të mirë të Serbisë edhe pse jo
shumë, por gjithsesi për aq sa Serbisë në
Ballkan dhe më gjerë, i shkon për dore të
bëhet edhe gjenerator i paqes dhe stabilitetit
si dhe frymës së bashkëpunimit. Anti-
Coca-colonizimi serb është ende i fortë që
Serbia brenda një afati të shkurtë të mund
të bëhet e tillë.
Edhe në Greqi një frymë është e pranishme,
gjithsesi jo e theksuar sa dhe si në
Serbi, por krahasuar me vendet e tjera në
Ballkan atje një anti-coca-colonizimi një si
qasje, një koncept politik i natyrës se është i
shtrirë më shumë dhe më gjerë se gjetiu në
rajon. Në të parë kjo të duket e çuditshme
kur dihet se qytetërimi perëndimor shtyllat
kruciale i ka mu tek Greqia, apo thënë më
saktë te konceptet fi llestare politike e fi lozofi
ke të saj. Por duket se në Greqi si rrjedhojë
e të qenit të këtij kombi edhe pjesë aktive e
qytetërimit ortodoks janë krijuar lidhjet e
forta me idetë dhe konceptet majtiste. Sot
Greqia është një nga vendet e pakta evropiane
ku ka parti komuniste në parlament
me ndikim të theksuar dhe ku konceptet
majtiste kanë shpesh frymë anti-perëndimore.
Këtu qëndron edhe baza mbi të cilën
ngritet edhe ideja e de-coca-colonizimit që
e gjejmë të shfaqur sheshazi në protesta,
sikundër ishin ato kundër intervenimit të
NATO-s në Serbi apo ato antiglobaliste. Kjo
frymë herë t’i kujton ideologjitë e disa vendeve
latino-amerikane, herë idetë e lëvizjes
komuniste të Kurdistanit, herë konceptet
e Fidel Kastros e herë të Hugo Shavezit.
Mbase është kjo frymë ajo që po e pengon
Greqinë ta luaj një frymë më konstruktive
në integrimin e Ballkanit në BE. Sipas shumë
sondazheve Kosova dhe përgjithësisht
shqiptarët vazhdojnë të mbesin më proamerikanët
jo vetëm në Ballkan. Arsyet i
dim mirë, edhe pse vlen të ceket se prouesternizmi
shqiptarë është më i hershëm
se sa ardhja dhe intervenimi i amerikanëve
në Ballkan, apo thënë ndryshe, sesa rritja
liberal –demokratike e amerikanëve për
E enjte, 21 prill 2011
De-coca-colonizimi dhe Kosova
t’i arritur këndet e ndryshme të planetës.
Megjithëkëtë duke përcjellur me vëmendje
atë çfarë thuhet dhe si thuhet dhe duke
marrë parasysh kush dhe pse e thotë, mund
të konstatohet se ka indice që na japin të
drejtë të konstatojmë se në Kosovë ka një
frymë në rritje të de-mecdonalizmit. Atë e
gjejmë në dy varianta.
Në variantin e parë këtë frymë e gjejmë
tek ajo pjesë e qytetarëve të Kosovës të
shpeshtën të rinj, të cilët kanë përqafuar
idetë islamiste të përhapura në Kosovë,
sidomos pas luftës. Tek ata ndjenjat dhe
idetë e de-coca-colonizmit nuk shprehen
me vrazhdësitë e mohimit dhe veprimit
ekstrem, por ato shprehen më shumë me
kritika dhe vlerësime negative p.sh. ndaj
intervenimeve të botës perëndimore, posaçërisht
SHBA-së, në shtetet e ndryshme
me popullsi myslimane si në Irak, Afganistan,
Palestinë etj. Tek ata feja dhe kultura
islame, e interpretuar në mënyrën e tyre,
zë vend larg më primarë sesa kombi dhe
shteti. Për një pjesë të tyre është më brengosëse
se çfarë ndodhë me fatin e Irakut,
sesa veriut të Kosovës, fatit të Palestinës,
sesa integrimeve shqiptare në Ballkan apo
të. Çeçenisë sesa integrimit të Kosovës në
BE. Ndërkaq në planin e brendshëm në Kosovë
kjo frymë kritike p.sh. për fenomenet
negative socio-kulturore si prostitucioni,
alkoolizmi, korrupsioni etj, fajëson shpesh
konceptet liberal-demokratike, kulturën
perëndimore dhe si zgjidhje mundohen
të ofrojnë konceptin e ri politiko-islamistë.
Edhe pse e re kjo frymë, megjithëkëtë
nuk është e përhapur shumë, as edhe nuk
mund të gjendet e fortë nëpër institucione,
bile as edhe ato fetare.
Në variantin e dytë de-coca-colonizimi
shprehet me karakteristika autoktone të
Kosovë s, jo të njohura më parë. Kjo frymë
gjithsesi është e përhapur tek një pjesë e
të rinjve të cilët për pengesat dhe problemet
e jetësimit të plotë të pavarësisë së
Kosovës, fajësojnë involvimin e shteteve të
ndryshme perëndimore e jo rrallë edhe të
ShBA-ve në çështjet e Kosovës. Kjo frymë
nuk po mbetet vetëm në suazat e shprehjes
së mendimit ndryshe, por po merr edhe
karakteristika tjera. Prandaj atë e gjejmë
edhe në disa media bile edhe në parti
politike, sikundër është ta zëmë Lëvizja
Vetëvendosja. Këtë frymë e gjejmë më
të theksuar te kjo parti, tek e cila për herë
të parë majtizmi politik në Kosovë nuk
e ka ndikimin e drejtpërdrejtë nga Tirana,
sado që edhe ajo si jo pak majtizma të tjerë
në Ballkan, gërshetohet suksesshëm me
nacionalizmin. Ndërkaq tek disa media,
analistë e publicistë , kjo frymë është më
e sofi stikuar. Për dallim atje indicet e para
të kësaj fryme i gjejmë tek përpjekja për
të vënë dallime më të mëdha sesa ato ekzistuese
ndërmjet Evropës konkretisht BE-së
dhe SHBA-së. Jo rrallë këtë dallim e vejnë
jo për ta lavdëruar njërën në dëm të tjetrës,
por për ta paraqitur involvimin e amerikanëve
në Ballkan si pengesë për pranin
më të lirshëm e më pozitiv të Evropës në
këtë rajon. Nëse dekodohen me vëmendje
këto teza, ato vijnë shumë të sofi stikuara
dhe të njësuara në kuptimin e akuzave konkrete
si p.sh ndaj ambasadorëve përkatës
apo të zyrtarëve të ndryshëm amerikan
në Ballkan. Ironia është se këto cilësime
vijnë nga njerëz, klane dhe grupe të cilat
kohë më parë kanë përfi tuar shumë dhe
shpejtë mu nga ndihma konkrete e SHBAve.
Këta njerëz dhe këto grupe, mungesën
e ndihmës konkrete të cilën e kanë pasur
për kohë të gjatë nga SHBA-ja e konvertojnë
në zhgënjim dhe revoltë dhe pastaj
mbi ato ngrehin teori të ndryshme që sado
që janë të sofi stikuara mbesin thjeshtë antiamerikane.
Faton Abdullahu