Ársfrágreiðingin og roknskapurin fyri 2010 - Listasavn Føroya

Tøkk
Eg vil takka fyri tíðina, eg havi virkað sum stjóri á Listasvni Føroya. Hesi árini hava verið sera áhugaverd,
arbeiðskrevjandi og mennandi bæði so og so. Tó harmar tað meg, at eg ikki fekk loyst málið um
útbyggingina, sum var eitt av teimum málum, eg setti mær fyri at loysa frá byrjan av míni starvstíð.
Vit hava arbeitt við útbyggingarætlanini í fleiri ár, og hava frá byrjan av havt allar viðkomandi partar við í
fyrireikingunum. Úrskurðurin hjá Skógfriðingini var tó eitt noktandi svar til Listasavn Føroya.
Sjálvur eri eg vísur í, at fíggingin til útbyggingina ikki hevði verið nøkur forðing. Ein slík útbygging hevði
ment og bøtt um karmarnar hjá føroyskari list og annað mentanarligt virksemi í Føroyum.
Eg vil her nýta høvi at takka takka teimum , sum hava stuðlað Listasavni Føroya hesi árini:
Mentamálaráðið, Tórshavnar Kommuna, Føroya Løgting, Mentanargrunnur Landsins, Ny
Carlsbergfondet, Augustinusfonden, Beckett-Fonden, Dansk-Færøsk Kulturfond, Norðurlandaráðið,
Nordisk Kulturfond og mong onnur.
At enda vil eg takka teimum báðum stýrunum, sum hava sitið hesi 7 árini, og somuleiðis listfrøðingunum,
sum hava virkað sum konsulentar hesa tíðina - Dagmar Warming MA, Eva Furseth MA, Ingeborg Bugge
MA, Bente Scavenius, Hanne Lundgren Nielsen og Mikael Wivel Dr.Phil.
Eisini vil eg takka mínum trúgvu og dugnaligu starvsfólkum í Listasavninum - Mortan Ólason Vang,
savnsvørð og Oggi Lamhauge, savnslærara, uttan tykkara áhuga og ágrítni hevði nógv verið ørðvísi.
Ársfrágreiðingina løgd fyri stýrið á Listasavni Føroya 3 mai 2011.
Tórshavn, 26. 04. 2011
Helgi Fossádal
50