Ársfrágreiðingin og roknskapurin fyri 2010 - Listasavn Føroya

More documents

Recommendations

Info

Bládýpið Søgan: Bingjan Bládýpið hjá Tróndi Patursson, sum Finn Terman Frederiksen nevnir Kosmiskt rúm í 1. útgávu av bók síni Tróndur Patursson (Atlantia 2004), er gjørd til framsýningina Container 96 – Art across Oceans. Framsýningin ella installatiónin varð gjørd í sambandi við Kulturby 96 og var á Pakhuskajen á Langelinje í Keypmannahavn. Uppskotið var at lata vitjandi síggja 96 ymisk listafólk og ymiskar installatiónir í bingjum, sum hvør sær avmyndar “heimsrúmið” hjá tí einstaka listafólkinum og er “eitt súmbol á heimbýin við havinum sum bindiliði millum fjarskotin støð”. Allar bingjur skuldu vera málaðar hvítar. Útreiðslur til framleiðslu av hvørjari bingju átti hvørt listafólkið sær ella við stuðli heimanífrá, úr grunnum o.l.. Bingjan hjá Patursson var ein út av 96 bingjum sum partur av hesi ristastóru installatión. Bingjan sum listaverk er sostatt vorðin til í hesum umhvørvi í dialog við bingjur og listafólk úr mongum øðrum londum og mentanum. Høvuðsevnið var globalur mentanardialogur. Aðrar útreiðslur til framsýningina vórðu goldnar av danska mentamálaráðnum og ES. Listafólkini fingu goldið uppihald í eina viku í Keypmannahavn. Í 1997 varð bingjan sett á parkeringsøki Listasavns Føroya. Bingjan hevur síðan verið á framsýningum í Danmark, Stavanger og Bruxelles í 2000. Standurin á og viðurskiftini kring Bládýpið: Verkið var í einum standi, har tað ikki virkaði sum eitt verk. Glasið brotnaði, og hvøssu glaskantarnir vóru beinleiðis vandamiklir fyri vitjandi, ikki minst fyri børn. Tí var hetta eisini ein spurningur um, hvør ið hevði ábyrgdina, skuldi onkur fingið skaða. Listamaðurin hevði umvælt onkrar skaðar, men royndirnar søgdu, at aðrir skaðar fóru at koma. Speglgólvið var vorðið so slitið og skeinut, at ætlaða speglingin als ikki longur var optimal. Hetta kravdi at gólvið varð skift. Harumframt komu skaðarnir á málaðu glasveggunum leypandi so hvørt, og tað merkti enn meiri viðlíkahald av verkinum. Men standurin á verkinum og óhepna staðsetingin bæði fyri verkið sjálvt og fyri Listasavn Føroya vóru ógvuliga trupul. Verandi staðið hjá bingjuni var sera óheppið. Hetta var við bakdyrnar savnsins og á parkeringsøkinum, har stórir trupulleikar stóðust av at flyta framsýningar til og frá savninum. Ongi formlig viðurskifti millum listamannin og Listasavnið høvdu áður verið. Tí var neyðugt, um listaverkið skuldi standa á øki savnins, at fáa greiði á viðurskiftinum partanna millum. Hetta kom í lag fríggjadagin 28. mai 2010, tá ið avtala um listaverkið varð undirskrivað av listamanninum og savnsleiðaranum. Avtalað var, at savnið skuldi taka ímóti listaverkinum sum gávu frá listamanninum, eftir at tað hevði verið til høvuðsumvælingar. Verkið varð flutt av øki savnsins til umvælingar týsdagin 22. juni 2010. Í hesum sambandi varð bjóðað til tíðindafund í Listasavninum fyrrapartin sama dag kl. 10.00. Listamaðurin var hjástaddur í sambandi við tíðindafundin. Niðanfyri er sáttmálin: 8
AVTALA millum LISTASAVN FØROYA OG TRÓND PATURSSON, listamann Um listaverkið ’Bládýpið’ Listasavn Føroya tekur ímóti listaverkinum sum gávu frá listamanninum við teimum rættindum og skyldum, ein tílík yvirtøka hevur við sær sambært ICOM-ásetingum og viðtøkum savnsins. Áðrenn Listasavn Føroya formliga tekur ímóti listaverkinum sum gávu, er neyðugt, at listaverkið verður umvælt. Hesum umvælingum stendur listamaðurin fyri, og tær eiga at verða góðkendar av fakfólki, sum savnið velur. Listamaðurin syrgir sjálvur fyri fígging av øllum umvælingum, inntil listaverkið verður handað savninum. §1 §2 §3 Umvælingin skal vera av slíkum slag, at spurningur ikki kann setast við trygd og haldgóðsku, og áðrenn listaverkið verður handað savninum, skal skrivlig váttan frá myndugleikunum fyriliggja, sum staðfestir, at listaverkið er egnað hjá vitjandi at vera innií. Broytingar í sambandi við listaverkið verða gjørdar í samráð við listamannin. LISTASAVN FØROYA §4 Tórshavn, 28. mai 2010 .......................................................... ......................................................... Helgi Fossádal, stjóri Tróndur Patursson, listamaður 9
Page 1 and 2: LISTASAVN FØROYA Ársfrágreiðing
Page 3 and 4: Ársfrágreiðing 2010 Sjálvsognar
Page 6 and 7: Framsýningar Hesi árini hava vit
Page 10 and 11: Byggimálið Fylgjandi svar kom fr
Page 12 and 13: Gransking og miðling Arbeiðið vi
Page 14 and 15: og ikke mindst sent i århundredet
Page 16 and 17: Glerfoss hava ein kliva, og Poul Ho
Page 18 and 19: Keyp og gávur Keypt, givin og lati
Page 20 and 21: Varðveiting Konservering Í ár er
Page 22 and 23: Hóast teir báðir lógu hvør ø
Page 24 and 25: 12. mars - 05. apríl Picturing Ame
Page 26 and 27: 9. apríl - 17. apríl Várframsýn
Page 28 and 29: 7. mai - 20. juni Jógvan Biskopst
Page 30 and 31: Í sambandi við framsýningina gev
Page 32 and 33: 13. august - 12. septembur Gunleif
Page 34 and 35: landslagið við nýggjum eygum. Í
Page 37 and 38: Vitjandi, rundvísingar og annað k
Page 39 and 40: FÍGGJARSTØÐA PR. 31. DESEMBER (t
Page 41 and 42: 1. Stuðul NOTUR TIL ÁRSROKNSKAPIN
Page 43 and 44: Samanseting av tí almenna og sjál
Page 45 and 46: 2006 2005 2004 2003 2002 2001 Í al
Page 47 and 48: 2006 2005 2004 2003 2002 2001 Árin
Page 49 and 50: 2006 2005 2004 2003 2002 2001 Árin

Ársfrágreiðingin og roknskapurin fyri 2010 - Listasavn Føroya

Create successful ePaper yourself

Delete template?

Save as template?