Ársfrágreiðingin og roknskapurin fyri 2010 - Listasavn Føroya

Framsýningar
Árið 2010 hevur verið virkið fyri Listasavn Føroya við níggju framsýningum og fleiri øðrum tiltøkum í
Listaskálanum.
Ingálvur av Reyni framsýningin var sera væl vitjað, og bókin var væl umtókt og seldi væl.
Framsýningin fór síðan niður til Kastrupgaardsamlingen og Vendsyssel Kunstmuseum. Í Danmark fekk
framsýningin eisini góð skoðsmál.
Ársins næsta framsýning var Picturing America, ið var samskipað saman við amerikonsku
sendistovuni í Keypmannahavn. Amerikanska sendikvinnan Laurie S. Fulton setti framsýningina.
Sendikvinnan nýtti á Føroyavitjanini høvi til at skapa mentanarlig og vinnulig sambond millum USA og
Føroyar.
Árliga Várframsýningin var hildin sum vant. 17 listafólk luttóku á framsýningini. Henda framsýning
var úttikin av Eli Smith, Ole Wich og Vígdis Petersen.
Síðan kom serframsýningin við Jógvani S. Biskopstø, og hann vísti bæði handverkslist og vatnlitir og
málningar. Í hesum sambandi gjørdu Oggi Lamhauge og Mortan Ólason Vang eitt katalog.
Astri Luihn hevði serframsýning í juni og juli, har málningar vóru at síggja. Framsýningin var væl
vitjað. Savnið gav út monografi um listakvinnuna, sum listfrøðingurin Bente Scavenius hevði skrivað
tekst til. Í sambandi við, at Margretha Drotning II vitjaði í Føroyum, komu hon og prinsgemalurin at
síggja framsýningina hjá Astri Luihn, sum sjálv vísti runt, og somuleiðis sóu tey føstu framsýningina, har
savnsleiðarin vísti runt. Drotningin var væl nøgd við vitjanina á savninum.
Ólavsøkuframsýningin 2010 var kuraterað av Listafelagnum. Heitið á framsýningini var “Toybil –
tiðnar – tánar – ornar – bráðnar”. 38 listafólk luttóku á framsýningini.
Føroyski listamaðurin búsitandi í Danmark, Gunleif Grube, hevði serframsýning í august og
september 2010 við málningum og grafikki. Í hesum sambandi var bók skrivað av listfrøðinginum
Hanne Lundgren Nielsen, stjóra á Carl-Henning Pedersen og Else Alfrets Museum í Herning.
Arnold Vegghamar hevði serframsýning í september og oktober við nýggjum og eldri listaverkum.
Framsýningin var væl vitjað og fekk góð skoðsmál í miðlunum. Dagmar Warming skrivaði tekstin til
bókina, sum savnið gav út í hesum sambandi.
Ársins seinasta framsýning var við verkum eftir Fridu Zachariassen. Hon var eitt av dugnaligu
føroysku listafólkunum, sum so at siga hevði verið gloymd í longri tíð undantikið í heimbýnum
Klaksvík. Savnið vildi við hesari framsýning varpa ljós á list hennara og fór tí í samstarvi við Norðoya
Listafelag at savna inn og skráseta listaverk hennara, sum serliga vóru at finna í Norðoyggjum. Á leið
350 av verkum hennara á øðrum hondum eru nú goymd í skráseting savnins. Í sambandi við hetta átak
heitti savnið á Maluna Marnersdóttur professara um at skriva bók um listakvinnuna. Bæði framsýningin
og bókin hava verið framúr væl móttikin.
7