24stundir - Mbl.is

4
Í tengslum við Aðalfund RARIK ohf var efnt til einskonar samráðsfundar RARIK
og fulltrúa sveitarfélaga á Norðurlandi. Mæting var allgóð og var fundurinn
bæði gagnlegur og fróðlegur. Flutt voru stutt erindi til kynningar á einstökum
þáttum starfseminnar og fundargestir spurðu nánar út í einstaka þætti.
Hilmar Gunnlaugsson formaður
stjórnar RARIK ávarpaði fundargesti
og að því loknu kynnti forstjóri RARIK,
Tryggvi Þó Haraldsson fyrirtækið í máli
og myndum, breytt hlutverk þess í nýju
umhverfi raforkumála og framtíðarsýn.
Örlygur Jónasson framkvæmdastjóri
veitusviðs RARIK sagði frá aðdraganda
átaks í strengvæðingu, en
slæm ísingarveður og áhlaup á síðasta
áratug 20. aldar undirstrikuðu þörfina
á breytingum.
Pétur Vopni Sigurðsson svæðisstjóri
Veitusviðs á Norðurlandi skýrði frá helstu
framkvæmdum á Norðurlandi á síðasta ári
og þeim verkefnum sem framundan eru.
Pétur Þórðarson yfirverkfræðingur
Veitusviðs upplýsti því næst gesti m.a. um
flóknar reglur sem gilda um niðurgreiðslur
og skatta af rafmagni. Vöktu þessi erindi
athygli og kölluðu fram spurningar sem
svarað var greiðlega. Var það niðurstaða
fundarins að þetta form hentaði vel og
framhald yrði á slíkum fundum.
Pétur Þórðarson (ofan) fjallaði m.a um raforkuverðið, en Tryggvi Þór
Haraldsson (neðan) kynnti RARIK í máli og myndum.