EITEEKA RY' EITAKA ERYA UGANDA - Uganda Land Alliance

EITEEKA RY’ EITAKA ERYA UGANDA
OMURINGO OGWANGUHIBWEMU
AHABW’ABANTU BA BURIIJO
DRAFT FIVE
OKWEZI KW‘IKUMI N’EBIRI
(MUZIMBEEZI) 2010
Supported by
TRANSLATION IN RUNYANKORE

TABLE OF CONTENTS
1.0 ENYANJURA .................................................................................................................................................................... 1
2.0 EKITONGORE KY’EBY’EITAKA OMUNTUNGUUKA Y’EIHANGA ....................................................................... 4
2.1 Okubeera ne’itaka, n’enkozesa y’obuhangaazi ey’eby’obugaiga bw’ eitaka ...................... 4
2.2. Ekitongore ky’eitaka kukorera hamwe n’ebindi bitongore................................................ 4
3.0 ENGYENDERWAHO N’ENKORA Y’AMATEEKA ...................................................................................................... 6
3.1. Obushoboorozi Oburikushembayo Ah’eitaka.................................................................... 6
3.2. Obushoborozi Bw’okutunga Eitaka Ryoona Omu Uganda............................................... 6
3.3. Okureeberera Enkozesa Y’eitaka Ahabw’abantu N’entunguuka ...................................... 7
3.4. Omushoro Gw’eitaka .......................................................................................................... 7
3.5 Okureeberera Eby’obuhangwa Ebyah’eitaka .................................................................... 8
3.6 Eitaka Rya Gavumenti Hamwe N’ery’abantu Boona ........................................................ 9
3.7 Eby’amajuta N’obundi Bugaiga Bw’omw’itaka ................................................................ 10
3.8 Emiringo Y’okugira Eitaka Omu Uganda ......................................................................... 10
4.0 ENKORA Y’OKUBAMU N’EITAKA ............................................................................................................................... 12
4.1 Emiringo Y`Okutungiramu Eitaka .................................................................................... 12
4.2. Okubeera N’eitaka Okurugiirira Ahamitwarize Y’abatuuragye (Customary Tenure) ...... 13
4.3. Omuringo Gwokubamu N’eitaka Ogw’abaami Hamwe N’obugabe Bw’abashangirweho...... 13
4.4 Omuringo Gw’eitaka Oguhandiikirwe Obutwiire.............................................................. 14
4.5 Omuringo Ogw’eitaka Ery’okupangisa.............................................................................. 15
4.6 Ebyobugaiga Eby’orukwatane Ah’etaka Ry’omuntu.......................................................... 15
4.7 Obugabe Ah’eitaka Obw‘Ebika By’abantu Ebikye............................................................. 16
4.8. Obugabe Bw’eitaka Omubicweeka By’abariisa.................................................................. 17
OMURINGO OGWANGUHIBWEMU AHABW’ABANTU BA BURIIJO December 2010
i

4.9. Obugabe Obw’abakazi N‘Abaana....................................................................................... 17
4.10 Obugabe Bw’etaka Obw’abantu Abarikutuura Omu Myanya Etatungukire .................... 18
4.11. Obugabe Bwe’itaka Omubantu Abatarikwebaasa............................................................. 18
4.12 Okugaruzaho Ebintu By’abategyeki Ab’ensikirano........................................................... 19
4.13. Ebikwatireine N’eitaka Rya Kibaale................................................................................... 20
4.14. Obutare Bweitaka................................................................................................................ 20
4.15. Okutunga Eitaka Ry’okukoreramu Eby’entasya................................................................ 21
4.16. Oburyo Bw’okurinda Obugabe Ah’eitaka........................................................................... 22
5.0 ENDEEBERERA Y’OBUGABE BW’EITAKA................................................................................................................. 23
5.1. Enkora Y’okurebereramu Obugabe Bw’eitaka................................................................... 23
5.2. Okuhereza Obugabe Bweitaka............................................................................................ 24
5.3. Okutaho Ensharo N’okupima Eitaka Hamwe N’kukora Za Maapu Z’eitaka .................. 24
5.4. Okutunga Amahurire Ahaby’eitaka.................................................................................... 25
5.5. Okuramura Emihondano Y’eitaka...................................................................................... 25
5.6. Eby’emishoro N’okushorooza Esente Ah’eitaka................................................................ 26
6.0 ENKOZESA N’ENDEBERERA Y’EITAKA ............................................................................................ 28
6.1. Okutebekaniisa N‘Okworekyerera Enkozesa Y’eitaka ...................................................... 28
6.2. Omugasho Gw’eitaka N’ebirikusharurwamu..................................................................... 29
6.3. Endeberera Y’eby’obugaiga Eby’obuhangwa Ebitwehingurize ........................................ 30
6.4. Entura Ya’bantu................................................................................................................... 31
6.5. OBUHINGI ........................................................................................................................ 31
6.6. Empidahinduka Yo’bwiire .................................................................................................. 32
6.7. Enkora Y’okurebereramu Eitaka ........................................................................................ 33
7.0 Enkora Y’eitaka Aharurengo Rw’amahanga Ameingi ......................................................................... 34
ii
EITEEKA RY’ EITAKA ERYA UGANDA

ENYANJURA
Eitaka n‘ekintu ky’obuhangwa kirikukizayo obwetaago ahabw’omwanya oguririkuhereza, eby’obuhangwa
eby’obugaiga ebirimu kandi n’ebishagikirwemu hamwe n’eby’entasya ebirikurugamu. Eitaka n’ekintu
eky’entasya ekirikubasa kukozesibwa kandi n’okuguzibwa n’okugurwa, ekyetaago omukukora ebindi biintu
kandi eky’omugasho omw’ihanga. Eitaka n’ekintu ky’omutaano omukutereza okumanywa kw’omuntu n’abantu
boona kurugiirira omubyafaayo, n’emitwarize y,’engaanda. Eitaka nirihindura enyikiriza n’emitwarize y’abantu
omukyanga. Eitaka niyo nyomyo erikukizayo kubeisaho abantu n’okutunguura eihanga.
Ebizibu by’eitaka omu Uganda nibirugyirira omu bwiire abw‘obutegyekyi bw’abangyereza obu abantu
beihirweho obugabe bwabo ah’eitaka namunomuno obugabe obw‘eitaka oburikukomooka owa be’ishenkurubo
nabwanyima ryagabwamu omumiringo ei abantu babeire batarikwetegyereza kurungi.
Emwe ahamiringo egyi ekaba eri okutuunga eitaka erya mayiro eryabeire niriheebwa abategyeki n’abaami
(mailo land), haabaho n’eitaka eryasigariire okuripangyisa (leasehold) hamwe n’okuritunga nk’omuntu buntu
omumaziine gaawe (freehold). Emiringo egi ekaba eri misya ah’abantu. Egyi miringo misya ekareetaho
obugabe obusya obw’eitaka oburikuheereza mukama w’eitaka obuhame oburikikira enkora enkuru.
Enkora ensya egi ekareetaho empindahinduka omubugabe bw’abanyu bw’eitaka. Omunkora eya mayiro
hakabaho obugabe obw’abaami abaheirwe eitaka burikukira obw’abantu ba buriijo abashangirwemu. Enkora
ey’okupangisa ekarugamu abantu okupangisa eitaka eri babeire batwireho. Kandi enkora ey’muntu kwetungira
eitka omumaziina ge ekareetaho okutunga ebyapa (ekihandiiko ekirikworeka omuntu nka mukama w’eitaka.
Omunkora ezi ensya bakama b’eitaka abashangirweho (abazaarwa) tibaraheirwe bugabe burikumara kyatuma
baasigara barikiregarega ah’eitaka ryaabo.
Obu nibwo bukomooko bw’entaro zikwatireine n’eitaka ezitandikire kujanjara omw’ihanga ryoona hamwe
n’okubingwa kw’abantu omubwingyi kuruga omwitaka ryaabo ry’obutuura. Embera egi etashoborokire
neekyeyongyera kuba kubi ahabw’okuzoora eby’obugaiga eby’omutaano omwitaka ryeitu rya Uganda hamwe
n’okweyongyera kw’omuheendo gw’abantu, ekirugiriireho abantu okurwanira eitaka erikye eririho. Nikireebera
kimwe ngu endeberera n’enkozesa y’eitaka ou Uganda teri y’omutindo ahabw’okuba eitaka tiririkukozesibwa
OMURINGO OGWANGUHIBWEMU AHABW’ABANTU BA BURIIJO December 2010
1

omubwijwire kandi tiririkurebererwagye. Gavumenti teine eiteeka rishorongire reitakwatireine n’okureeberera
eitaka na munonga eitaka erya boona.
Endeeberera y’etaka omw’ihanga ebugeine emirabanamu mingi nk’ekora mbi y’abaheibwe obushoboorozi
hamwe n’okurya enguzi, kyareetera n’abantu kwihamu obwesigye.
Ahabw’kwenda kwihaho ebizibu ebi byoona, gavumenti ekatandikaho okuhabuza omw’ihanga ryoona
ahabantu b’emiringo etari emwe oku eitaka rishemereire kureebererwa n’kutegyekwa. Ebiteekako by’abantu
bikateranizibwa kandi byashwinjumwa kwihamu eiteeka ry’eihanga ry’eitaka.
Ekyetago ky’eiteeka eri ni: Okukozesa eitaka n‘eby’obugaiga eburirimu omubwijwire kandi obutwire
bwona n’okuhindura ebyentuura hamwe n‘ebyentasya ya Uganda.
Ekyigyendererwa kikuru ky’eiteeka ry‘eitaka ery’eihanga ni: okureeba ngu hariho enkozoza n’endeberera
ya eitaka nana ebyobugaiga bwaryo eyobutwire kandi eringanirire akuchendeza obworo, ekuretaho
ebugaiga hamwe nana entunguuka omu byetatsya nana ebyentuura ya abaantu baihanga.
Ebigyendererwa by‘eiteeka erya eitaka erya Uganda ni:
(i)
(ii)
(iii)
(iv)
(v)
(vi)
2
Okwongyera ahamugasho gw‘eitaka omukutunguura eby‘entasya, obugaiga hamwe n’okucendeeza
ebworo omu Uganda.
Okutereeza enkora ey‘eitaka eyabeire etashoborokire kwenda ngu abantu bagiree obugabe
bw’buringaaniza kandi buhamire ah’eitaka ryaabo.
Okushoborora engyenderwaho etashoborekire okuretaho endeberera y’eby’obugaiga bw‘eitaka
ey’obutwire.
Okwihaho emize emibi ey‘ira, kurinda ebugabe bw‘abaantu, kwihaho okusonsola abntu kugyendera aha
kikura kyaabo (oba ori amukazi nari omushaija), ah’amadiini, ahangaanda, hamwe n‘endijo miringo
kwenda kureetaho entunguuka.
Okugaruza busya n’okutereeza eby’obutegyeki bw’obugabe bw‘eitaka kuretaho obuhereza oburungi
kandi obw’obwinganisa.
Kureetaho enkozesa ey’obutwiire, obulinzi hamwe n’obureberezi bw‘ebitwehinguririize, eby’obuhangwa
EITEEKA RY’ EITAKA ERYA UGANDA

(vii)
(viii)
n‘eby’obugaiga bw’engaanda ah‘eitaka kuretaho entunguka omuby’entastya omw’ihanga.
Kuretaho entunguka emuntuura y‘abaantu eteekatekirwe kandi etereire, etarikushisha ebitwetoreire
kandi eri kubasika omubyaro n’omu tawuni oteireho okwombekwa kwe-nguundo, amashomero,
amarwariro n’ebindi.
Okutereeza amateeka goona againe akakwate n’eitaka n’okunyweeza amaani gebibina ahandeengo
zoona eza govumenti n’enganda ahabw’obureberezi bw’obugaiga bw’eitaka obutwiire bwona.
Ebi n’ebigyendeirweho omukukora eiteeka ry‘eitaka
(i)
(ii)
(iii)
(iv)
(v)
(vi)
(vii)
(viii)
(ix)
Eitaka n’ekiraabo ky’obuhangwa kya burimunya-Uganda eki ashemeereire kutunga, akakozeza
kutunguuka nk‘omuntu nari nk‘abaantu.
Eiteeka ry’eitaka niritekwa kuhereza ebushoborozi nari abugabe kutunga eitaka n’okuhereza endagiriro
y’okutungamu eitaka kw’abantu abatari banya-Uganda.
Eitaka n’eky’obuhangwa ekirikusingayo okwetagisa omuby’entuunguuka ya Uganda, kandi enkozesa
yaaryo eshemereire kugyenderera kuceendeeza obwooro.
Eitaka rishemereire kukozesibwa n’okurebererwa gye kwongyera ahamugasho gwaryo ogw’buhaangaazi
omubyetasya.
Eiteeka ry‘eitaka niritekwa kubangira emigasho yoona eyi eitaaka riine ekwatireine n’eby’enzaarwa,
eby’entasya, eby’entuura hamwe n’eby’obutegyekyi.
Engabanisa hamwe n’enkozesa y’eitaka eshemereire kworeka oburinganiza n’obwinganisa otagyendereire
aha kikura ky’muntu weena omushaija nari omukazi.
Endeberera y’obugaiga bw’omw’itaka eshemereire kureetaho obutegyeki oburungi, ekareetera
ebitongore ebikwatireine n’obureeberezi bw’eitaka kutereeza kurungi emaanja z’amataka.
Eiteeka ry`eitaka rishemereire kworekyerera okukoraho amateeka agandi agashugeine omubitongore
ebindi.
Ebitongore ebindi, ebibina by,amadiini, eby’enzarwa hamwe n’ebitongore by’abarikwekozesa
bishemereire kukwatanisa na govumenti kuhikiiriza ekyigyendererwa ky‘eitaka.
OMURINGO OGWANGUHIBWEMU AHABW’ABANTU BA BURIIJO December 2010
3

SECTION
2
EKITONGORE KY’EBY’EITAKA OMUNTUNGUUKA Y’EIHANGA
2.1 Okubeera ne’itaka, n’enkozesa y’obuhangaazi ey’eby’obugaiga bw’ eitaka
Ebiragiro ebitwireho kuruga enyima ebikwatireine n‘eitaka nibisinga kureeba munonga aha ntuunga y’eitaka
kwonka tibirikufayo aha nkozesa kandi obwo enkozesa y’eitaka nikyo kintu kikuru omukuceendeeza obwooro
hamwe n’okurinda eby’okurya byeitu. Eiteeka ry’eitaka rigyendereire munonga ahakugyira ngu eitaka niribaasa
kureetaho entaasya nyingi enkozesa yaaryo yaaba eri ahakipimo. Okutuungura akatare k’ebihingwa nikimwe
ahabintu bikuru ebirikreetaho entunguuka namunonga omubahingi ab’ahansi hamwe n’okutunguura ebyaaro
byaabo.
Omuramwa gw’eiteeka: Ekitongore ky’eitaka nikiija kwongyera amaani omuby’entasya
ebirikuruga omw’itaka obwo kirikuhagira enkozesa y’eitaka enungi.
Eki nikiija kutebwa omu nkora ekitongore ky’eby’eitaka nakyo kyakorera hamwe na gavumenti omuntebekanisa
y’entunguuka y‘eihanga, kandi handi hakabaho n’okucencuramu okwihamu ebyo ebirikikira kugumisa obugabe
ah’eitaka na munonga obugabe bw’abantu baburiijo ab’ahansi abarakira kunyigiirizibwa, kandi n’okwongyera
eby’obushubuzi bw’eitaka omubwingi obwo hatariho okunagiirira obugabe bw’abanya-Uganda., okwongyera
ahantasya y’abahingyi abari kuhiinga omubukye nokuhagyira abahingyi hamwe n’okubaha obuyambi.
Eiteeka niritekateka kuguma niricebera ebyetaago by’eitaka buri myaka ikumi, rikatekaho entebekaniisa
y’okucendeeza okweyongyera kw’omuhendo gw‘abaantu, kandi riteekeho enkozesa y’eitaka eshoboorokire
kandi ribaasise abantu b’ekyaanga okureeberera eitaka ryaabo omukyaanga kyaabo.
2.2. Ekitongore ky’eitaka kukorera hamwe n’ebindi bitongore.
Eitaka hamwe n’eby’obugaiga eby’obuhaangwa byoona nibigyendera hamwe. N’ahabw’ekyo omu kutekatekyera
entunguuka ah’eitaka nikyetaagisa kuteekaho entebebekanisa ahby’obuhangwa nk’ebibira, enyamaishwa, amaizi,
obuhiingyi, n’entuura y‘abaantu. Enkwatanisa ehikire eshemereire omubitongore by’omutaano okwongyera
4
EITEEKA RY’ EITAKA ERYA UGANDA

ahamugasho gw‘eitaka, ahantasya, n‘entunguuka.
Omuramwa gw’eiteeka:
a) Empindura yoona omw’iteeka ry’eitaka eshemereire kuhamya ngu ekitongore ky’eby’eitaka
kyareetaho entuguuka omubitongore ebindi eby’entasya kandi ryareetaho entunguuka y’eihanga
ahikiriire.
b) Eitaka omu Uganda niriija kurebererwa nk‘eky’obugaiga ky’abaantu boona kurugiirira
omuntebekanisa y’ebitongore by’omutaano.
Kutunga eki, eiteeka nirihamisiriza ngu ebyobugaiga bw‘eitaka ebirikwetagwa ahabwentunguuka nibyija
kuherezibwa govumenti na za govumenti za abyanga kandi ezi entunguuka ti zirije kubusabusa aburungyi bwe
eitaka ,enkora ye kichweka kya eitaka nane bindi ebichweka byentasya nibyija kugumizamu birikucheberwa,
ebyo bugaiga nibyija kubaho ahabwentunguura ya eitaka nane nyegyesa ya abaantu , okwongyeramu amaani
omubakoozi abarikureberera eitaka kuretaho obuhanguzi omukugaita ekichweka kya eitaka omuntunguuka
ya ihanga.
OMURINGO OGWANGUHIBWEMU AHABW’ABANTU BA BURIIJO December 2010
5

SECTION
3
ENGYENDERWAHO N’ENKORA Y’AMATEEKA
Ekichweka ekya eiteka eri, nikyigyenderera okuteereza ebitashoborokyire omugyenderwaho (konsititushoni)
n’ekiragiro ekyiriho ekiri kukwata ahabujunanizibwa bwa gavumenti omukukurira hamwe n’okureeberera
eitaka. Ebigambirweho nibyo ebi:
3.1. Obushoboorozi Oburikushembayo Ah’eitaka
Ekikuru hanu n’okumanya ahu obushoboorozi oburashembayo ah’eitaka rya Uganda buri nainga shi n’oha
mukama wa Uganda (ekyaapa ky’eihanga). Engyenderwaho neyoreka ngu eitaka neryabanyauganda kwonka
teririkworeka ahu obushoboorozi ow’abantu beine ah’eitaka eri burikukoma.
Omuramwa gw’eiteeka:
(a) Obushoborozi ah’eitaka ryoona rya Ugnada buri omumikono y’eihanga ahabw’abanya-
Uganda.
(b) Eihanga nirija kwikiriza ebyaapa by’eitaka okukorwa ahansi y’ekyapa ekyomutaano.
Kutunga ek,i ni haija kibaho okuhinduramu omu ngenderwaho kuheereza eihanga obushoborozi kukora
ahabw’abantu. Kandi eiteka nirija kukorwa kuhereza obukiiko bweitaka aha disiturikiti obushoborozi
bw’okugaba eitaka eritaine mukama waryo n’obujunanizibwa bw’okureeberera eitaka eri.
3.2. Obushoborozi Bw’okutunga Eitaka Ryoona Omu Uganda
Gavumenti eine obushoboorozi kutwaara eitaka ryoona eri yakunda omu Uganda ahabw’obutuuragye
n’obugwagye bw’abantu. Kwonka ahu gavumenti erikutwaara, mukama w’eitaka eri aine kushumbushibwa
(kukeitwa) omuringo oguhikire eitaka eri ritakateirwe.
6
EITEEKA RY’ EITAKA ERYA UGANDA

Omuramwa gw’eteeka
(a) Eihanga nirija kukozesa obushoborozi bw’okutwaara eitaka ryoona n’obujunanizibwa
okurugiirira ahaburungi n’obutuuragye bw’abantu boona.
(b) Obushoborozi obu nibwija kukozwsibwa kwongerwayo kutwariramu n’okwetaaga
kutebekanisiza entunguuka.
Eki nikiija kukorwa aha kuhindura omu ngyenderwaho n‘ebiragiro ebikukwatwaho, oteireho n’okugaruzaho
eitaka eryatweirwe ahanyima y’ekigyendererwa ky’okutwara eitaka eri kuremwa kukorwa, nainga
kyaheza kuhikiirizibwa. Kandi gavumenti eine obujunanizibwa kukozesa oburingaaniza omukukozesa
obushoboorozi obu.zo.
3.3. Okureeberera Enkozesa Y’eitaka Ahabw’abantu N’entunguuka
Eihanga riine obujunanizibwa bw’okureba ngu abantu nibakozesa eitaka ryaabo omumuringo guhikire
ogutarikuteganisa entuura y’abantu kandi enkozesa egi ekareetaho entunguuka.
Omuramwa gw’eiteeka: Eihanga niriija kukozesa obushoborozi bwaryo okureeberera enkozesa
y’eitaka ahabw’orungi n’obutuuragye n’entunguuka y’abantu.
Kutunga eki, emiringo y’okutekaho endagiriro kukozesa obushoborozi obu ahabwa gavumenti, kucebera
amateeka agariho, kwegyesa abantu aha kigyendererwa n’omugasho gwokureeberera enkozesa y’eitaka
n’okurebeka ngu abantu bakorera ahamateka aga omubyaaro n’omumatawuni.
3.4. Omushoro Gw’eitaka
Omushoro ni kimwe ahabintu ebi gavumenti erikubaasa kukozesa omukureeberera enkozesa y’eitaka.
Okwenda kuhagira enkozesa nungi y’eitaka, eiteeka ryeitaka nirihagira okushoresa eitaka eritarukukozesibwa
kugira ngu abanya-Uganda bongyere amaani omukukozesa eitaka ryaabo. Eiteeka nirigamba ngu omuntu
owahansi omushoro ogu tiguramuhate munonga ahabw’okuba naaba ateine eitaka erishutamiire busha nainga
eritaine ntaasya.
OMURINGO OGWANGUHIBWEMU AHABW’ABANTU BA BURIIJO December 2010
7

Omuramwa gw’eiteeka
(a) Eihanga, niriija kutekaho enkora eshemereire eyo kushora okw’eitaka ahabw’okuteekamu
amaani omunkozezesa y’eitaka n’okuchendeza aha kweyongera kweitaka
eritarikukozesibwa.
(b)
(c)
Omushoro gw’eitaka ogutekatekirwe niguza kurugiirira ahabwamushiinja oburikurugiirira
aha kucondooza omu katare ka hamwe ak’amanga ga burugw’eizooba bwa Africa.
Omushoro ogu tigurikwija kushashurwa ah’eitaka eri;
(i)
(ii)
(iii)
(iv)
Eitaka eribikirwe ngu ebiriisa bibanze byayeyongyera.
Eitaka ery’abeteereine ery’okuriisizamu nainga okuhiiga.
Eitaka ryabariisa abarirekire aho ngu obunyansi nainga ebiriisa byeitaka bibanze
byakanya nainga,.
Abantu abarikurinda ebicweeka bimwe by’eitaka ryabo batarihingiremu
ahabw’okurinda eby’obuhangwa.
Kutunga eki, nihaija kubaho okushoboragye ni itaka ki ertakozesiibwe, eitaka erishemereire kutebwaho
omushoro, hamwe n’obushonshorekye bwokushora n’obutashora. Eiteeka ririija kuteebwaho kuyamba aha
nshoresa y’eitaka n’oreeba enkozesa y’etaka y’etaka enungi.
3.5 Okureeberera Eby’obuhangwa Ebyah’eitaka
Eby’obuhangwa nk’eby’omw’ishwa, enyanja, emigyera, ebibira, ebisharara, n‘eitaka eryateirweho
ahabw’oburambuzi n’entuura y’enyamaishwa nibirindwa eihanga ahabwabantu. Nikimanyisa ngu eihanga
nirikora eki ahabw’oburungi bwabanya-Uganda. Eiteeka riine kushoboorora akakwate akariho ahagati
8
EITEEKA RY’ EITAKA ERYA UGANDA

y’eihanga n’abantu kandi ryoreke obujunanizibwa bw’eihanga n’abanyauganda omukutuga n‘okureberera
eby’obugaiga by’obuhangwa.
Omuramwa gw’eiteeka: Eihanga niriija kureberera kandi ririnde eby’obugaiga by’obuhangwa
ahabw’obwesigwa bwabantu boona ahabw’oburungi bwabanya-Uganda boona.
Kutunga eki, eiteeka riine kworeka kurungi enkora n’obushonshorekye obu eihanga riine aha by’obugaiga ebi
omubwesigwa bw’abantu baryo n‘oku abantu bashemereire kwejunisa eby’obhangwa ebi; ryoreke obugabe
bwabo bantu abaherereire eby’obuhangwa ebi hanmwe n’omuringo gw’okuteekaho n’okwihaho emyanaya egi
n’okugireeberera.
3.6 Eitaka Rya Gavumenti Hamwe N’ery’abantu Boona
N’obu akakiiko k’okureeberera eitaka omu Uganda (Uganda Land Commission) kaateibweho engenderwaho
kureeberera eitaka rya gavumenti, kuhisya nahati, eitaka eri, tirikashoborwaga, nahu ririkushangwa
tiharikumanywagye, tihariho oburyo obushoboorokire ey’okumanyisa, kureeberera n’okukozesa eitaka eri.
Kandi eitaka ry’abantu rigumire kumanya omu disiturikiti habw’okuba obukiio bw’etaka bwa disiturikiti
bukaryegarurira.
Omuramwa gw’eiteeka
(a) Eitaka rya gavumenti n’eitaka eririkutungwa gavumenti okurugiirira aha ngenderwaho
y’eihanga nari eririkutungwa gavumenti omumahanga gaheru. Eitaka rya gavumenti ririmu
eitaka ryoona eri gavumenti eine omumateeka, kand gavumenti erikirikozesa nari ebitongore
byayo eri birikukozesa emirimo yayo omubutongore.
(b) Eitaka ry’abantu boona n’eitaka eririkukozesibwa ahamirimo/emigasho ya buri omwe nari
eitaka eririkwombekwaho amarwariro nari amashomero agarikukozesibwa abantu boona.
Haza ririmu n‘eitaka eriteine mukama waryo hamwe n’eitaka eririkureberwa obukiiko
bw’eitaka obwa za disiturikiti eryabaheirwe omubupangisa.
OMURINGO OGWANGUHIBWEMU AHABW’ABANTU BA BURIIJO December 2010
9

Eki nikiija kuhikiirizibwa omu kutekaho amateeka agarikutaanisa eitaka ry’abantu boona hamwe n’eitaka
rya gavumenti. Eiteeka eri niriija kushoboorora amatembezo g’okurabamu omukutunga hamwe n’okugaba
eitaka rya gavumenti, kandi rikashoboorora omuringo gwokutungamu eitaka omubupangisa hamwe
n’okugabaniisamu amataka aga.
3.7 Eby’amajuta N’obundi Bugaiga Bw’omw’itaka:-
Engenderwaho nehereza gavumenti eri omubutegyeki obushoboorozi kureberera n’okurinda eby’obugaiga
ebiri omu itaka nk’amajuta n’ebindi ebirikushangwa omubutaka.
Omuramwa gw’eiteeka: Eby’obugaiga bw’eitaka n‘amajuta ahabw’okugira ngu neby’obugaiga
by’obuhangwa eby’omuhendo munonga, Ninyiija kuteebwa omumikono y’eihanga
ahabw’okugasira abanya-Uganda boona.
Okuhikiiriza eki, engyenderwaho y’eihanga neyija kuhindurwa kandi etteeho eiteeka eririkwikiriza abantu
boona okumanyisibwa n’okwetaba omukushwinjuma n‘okutimba ebyobugaiga ebi, hamwe n’okurinda
obugabe bw’abantu anh’eitaka omubicweeka ebirikushangwamu eby’ougaiga ebi, kandi n’okutekaho engabana
y’amagoba agarikuruga oubugaiga obu.
3.8 Emiringo Y’okugira Eitaka Omu Uganda
Engyenderwaho y’eihanga neshagika emiringo ena (4) y’omuntu arikubaasa kubeeramu n’eitaka: Hariho
ery’omuntu ery’kyapa (freehold), hariho ery’kupangisa (leasehold), harioh ery mayiro (mail land) kandi
neririkugyendera omumitwarize n’obuhangwa bw’abantu (customary). Tihariho oburugiriro bworobi
obw’emiringo egi burikuretaho okubaho kwobugabe bweitaka obuhandikirwe nari obtahandikirwe.
10
EITEEKA RY’ EITAKA ERYA UGANDA

Omuramwa gw’eiteeka:
(a) Uganda neija kugumizamu n‘emiringo eriho eyokubamu n’eitaka nk’oku kyorekirwe omu
ngenderwaho y’eihanga.
(b) Eihanga ririija kushoboorora obugabe bw’okubamu n’eitaka okurugirira ahabutware
bw’okubamu n’eitaka kwihaho okubuusabuusa.
Eki nikiija kuhikiirizibwa bwanyima y’okuhindura engyenderwaho y’eihanga kandi hakatebwaho eiteeka
ry’eitaka eririkwikiriza obutware bw’okubamu n’eitaka okugumaho kandi bukaguma nibutunguka kugyendera
ahampinduka omuntura yabantu, tekinologia, enkoseza y’eitaka n’eby’etaago by’akatare, ririkwikiriza
okuhindura kuruga omumuringo gumwe kuza omugundi, kunyweza emiringo eyikirizibwe omuby’enzarwa
n’entura y’abantu n‘okwikiriza, okwegyesa n‘okunyweza obugabe bw’eitaka obw’abaana, abakazi n‘abandi
bantu abatarikwebaasa.
OMURINGO OGWANGUHIBWEMU AHABW’ABANTU BA BURIIJO December 2010
11

SECTION
4
ENKORA Y’OKUBAMU N’EITAKA
Enkora y’okubamu n’eitaka negyendera aha mateeka g’okwikiriza omuntu okugira obugabe hamwe n’buhame
ah’eitaka, hamwe n’kugira ngu hariho oburinganiza omukugaba hatarimu kushoroora nainga shi kusonsola.
Kandi habeho okurinda eby’obugaiga bw’eitaka aha bw’obutware bw’abantu ab’omumaisho, n’okurinda
eby’obugaiga by’obuhangwa, eyambe okutebekanisa n’okuhindurwa n’egenderera aha kuhayahayana
kwebyetango bye entuura, entansya hamwe n‘obutegyeki.
4.1 Emiringo Y`Okutungiramu Eitaka
Eitaka niribaasa kutebwa omumiringo etari emwe okurugiirira aha biragiro. Emiringo egi nerugiirira aha
nkozesa nainga shi aha nyemaririra y’obgabe ah’eitaka.
Omuramwa gw’eiteeka
(a) Eitaka nirija kutebwa omu miringo egi, eitaka ry’omuntu buntu, eitaka ry’abantu boona,
hamwe n’eitaka rya gavumenti.
(b) Buri muringo gw’okubamu n’eitaka nigwiija kushoboororwa omubwijwiire okureeba ngu
bwemiringo y’amataka eri omubiragiro nereetaho okurinda eby’enttura, entatsya hamwe
n’eby’obuhangwa ebitwehinguririze hamwe n’eby’obutegyeki ahabwa bakama b’amataka,
abarikugaturamu, hamwe n’abakugakozesa.
(c) Eihanga niriija kukozesa ebitongore byaaryo kureberera enkozesa y’eitaka eritungirwe omu
muringo gwona kureetaho entunguuka ey’obutwire.
Eki nikiija kuhikiirizibwa hanyima y’okuteekaho ebiragiro ebirikuyamba burimuringo, kwenda kutaho
oburinganiza hamwe n’okurinda obugabe bw’abantu omubwire bw’okugaba.
12
EITEEKA RY’ EITAKA ERYA UGANDA

4.2. Okubeera N’eitaka Okurugiirira Ahamitwarize Y’abatuuragye (Customary Tenure)
Okubeera n’eitaka kugyendera ahamitwarize y’abatuuragye n’omuringo ogwabandize kwikirizibwa
omugyenderwaho (konsititushoni) y’eihanga eya 1995 kandi gwatebwa omubuhandikye nkeiteeka. Kwonka
omuringo ogu tigurikweterezibwa omu ntegyeka n’embeera yagwo. Ekirugiremu nigutwagwa nk’omuringo
gw’ahansi munonga handiijo miringo y’otungamu eitaka.
Omuramwa gw’eiteeka
(a) Eihanga niriija kutwaza muringo gw’okubeera n’eitaka kurugiirira aha ntwaza y’abantu
eyashangirwe (customary) nk’oku ririkutwaza omuringo ogw’okutungamu eitaka
ahabw’omuntu ebiro n’ebiro (freehold).
(b) Eihanga niriija kutekaho okuhandikisa kw’omuringo ogu nk’oku emiringo endiijo
erikuhandiikisibwa.
Eki nikiija kuhikiirizibwa, omukuteekaho office y.okuhandiika eitaka eri Kandi ekihandiiko ky’eri itaka nikiija
kuba inkingana n’ekyapa ky’eitaka ery’butwiire. Okuhindura ekyapa kuruga omu muringo gumwe kuza
omugundi nikwija kwikirizibwa. Kandi okuhagira n’okukuza omuringo ogu nikwija kuhagirwa.
Kand eiteeka niriija kuteebwaho kuhagira entunguuka y’omuringo ogu namunonga kwenda ngu engabana
n’entuunga y’eitaka omu muringo oge etanyigiiriza omuntu weena omushaija, omukazi nainga omwana
4.3. Omuringo Gwokubamu N’eitaka Ogw’abaami Hamwe N’obugabe Bw’abashangirweho
Abajungu okuheereza eitaka abaami ba Buganda nk’ebirabo (mailo) kandi habeire hariho abantu abashangirweho
kikareetaho obugabe bw’endengo ibiri ah’eitaka rimwe. Abaaheirwe eitaka (landlords) hamwe n’abashangirweho
obuzaare bwizire nibusiisikara buri omwe arikwenda obugabe bwe hamwe n’okwihaho amateeka agakwtireine
n’okuha obushuuru. Eki kirugiremu obutabanguko bwingi ahagati ya ba landlord hamwe n’abashangirwe (tenants).
OMURINGO OGWANGUHIBWEMU AHABW’ABANTU BA BURIIJO December 2010
13

Omuramwa gw’eiteeka:-
Eihanga niriija kukozesa ebiragiro n’agandi magezi kwihaho, n’okutereza eobutabanguko
n’okuhondana ahagati y’abaheirwe eita hamwe n’abashangirweho kwenda ngu buri omwe
obugabe bwe buteebwemu ekitinisa.
Entekaniza eri omu nkora n’okugira ngu habeho okwikirizangana hagati y’abantu aba, nainga gavumenti
eteekeho enshaho y’okushashura bamwe ahari aba kwenda kureetaho obuteeka. Okwenda kuretaho
enkorengana ey’oburingaaniza n’amazima ahagati yabahandiikise eitaka hamwe n’abarinshangirwemu, niheija
kebaho okushoboorora busya omupangisa owashangirwe aha itaka hamwe n’obugabe bw’owarihnadiikiise.
Habaho obutaikirizana ahagati y.abantu aba, kooti neija kusharaho omuhendo gw’esente gw’okukeita omwe
haribo.
4.4 Omuringo Gw’eitaka Oguhandiikirwe Obutwiire
Ogu omuringo gw’okubeera n’eitaka rihandikisize omumaziina g’omuntu neinga abantu obutwiire bwoona.
Kwonka omuringo guri ahabeeyi yah’eigaru ahabw’okuba nigwetaga okupima okw’ekikugu n‘okuhandikisa.
Ogu muringo gugumire kukyendeza nainga kwongeza ahabwokugira ngu enkora n’obushonsorokye bwagwo
tibukateberezibwa nk’okukiri omumuringo gwo kupangisa.
Omuramwa gw’eiteeka:
Eihanga niriija kukozesa obushoborozi bwaryo aha muringo gw’eitaka ogw’ecaapa kureba
ngu gwahikiriza entebekanisa n’omutindo gw’entuguuka eyobutebekana.
Kuhikiiriza eki, eiteeka niriija kukozesibwa kutekaho enkora n’obushonshorokye aha muringo ogu
kucebera enkozesa n’entunguura yagwo. Ahabw’eitaka eryatugirwe omu muringo gweitaka ryebyemitwarize
y’abatuuragye, eitaka niribasa kuhandiikisibwa omumaziina ga bakama baaryo.
14
EITEEKA RY’ EITAKA ERYA UGANDA

4.5 Omuringo Ogw’eitaka Ery’okupangisa
Obu n’obugabe ah’eitaka oburikukomooka ahacaapa ekikuru ekya mukama w’eitaka. Enkora egi n’egambwa
kuba neereetaho entunguka n’butuutagye bw’abantu. Engyenderwaho y’eihanga eya 1995 ku yateibwe
omunkora, hakabaho empindahinduka omunkora y’obupangisa ahabw’okwihaho ababeire beine obushoborozi
kupangisa kandi n’okukuza enkora ey’emitwarize y’abataka. Eiteeka niriikiriza okuhindura enkora y’obupangisa
okutunga ecaapa eky’obutwiire.
Omuramwa gw’eiteeka:-
(a) Entekataka y’obupangisa neyija kuhagirwa nk’enkora y’okutungamu eitaka ahabw’entunguuka
na munongs omumtaka agarikushangwa omumatawuni kand n’amataka ageine akatare
keingi.
(b) Enkora y’obupangyisa neyija kuhinduka ey’ecaapa ky’obutwiire omupangisa yaaba ari
mukama weitaka wenyine.
Ekyi nikiija kuhikiirizibwa eitaka ryona eryahandikirwe munkora y’obupangisa (liizi) enyima y’omwaka gwa 1995
kandi rihandikisiibwe bakama baryo kuheebwa ebyaapa eby’obutwiire. Kandi eitaka erya boona eripangisiibwe
riheebwe obwiire butarikurenga emyaka 99 ahabw’abanya-Uganda hamwe n’emyaka 49 ah’abantu b’amahanga
agandi; kandi n’okuhagira enkora y’okupangisa omri miring yoona ei abantu beinemu eitaka; hamwe n’okurinda
obgabe bwabo abahindwirwemu abapangisa ah’eitaka eri bashangirweho.
4.6 Ebyobugaiga Eby’orukwatane Ah’etaka Ry’omuntu
Eby’obugaiga eby’orukwatane n’ebyo ebi abantu barikukozeeseza hamwe nk’amariisizo, ah’okushenya
enku, okuhiiga hamwe n’okweshera. Gamwe ahmataka aga gakahaambwa gaguzibwa abantu ba buriijo
bwesherekye.
OMURINGO OGWANGUHIBWEMU AHABW’ABANTU BA BURIIJO December 2010
15

Omuramwa Gw’eiteeka:
(a) Ebirangyiro namateka agariho agakwatireine n’okureeberera eby’obugaiga eby’orukwatane
nibyija kushemezibwa kutebwa ahamutindo gw’okureetaho entunguuka y’obutwiirwe
bwoona.
(b) Gavumenti erikukorengana na bakama b‘eitaka neija kureeba ngu eby’obugaiga obw’itaka
ebiri mumikono y’abantu ba buriijo nibireebererwagye.
Eki nikiija kuhikiirizibwa omukuteekaho emihanda erikworekyerera ahu eby’obuhangwa eby’orukwatane biri.
Hamwe n’okwongyer kwegyesa abantu ahandeeberera y’eby’obuhangwa eby’orukwatane kandi n’okuhagira
abantu kuhandiikisiza hamwe ebintu byaabo by’rukwatane.
4.7 Obugabe Ah’eitaka Obw‘Ebika By’abantu Ebikye
Obugabe obw’itaka omubantu b’ebika ebikye hamwe na bakashangirwe tiburikukira kumanywa habw’okugira
ngu abantu aba okukira obwingi nibatungwa eby’obuhangwa kandi n’obundi nibakira kushanga emyanya yaabo
eyahwiire nk’emyanya y’okurindiramu enyameishwa n’eby’obuhangwa ebindi. Gavumenti nekira kubinga
abantu aba omu myanya egi kandi ebura kureeba obugabe bwabo ah’eitaka eri n’okubashumbuusha.
Omuramwa gw’eiteeka:
Gavumenti omukukozesa n‘okureberera ebyobuhangwa ebyahwiirwe neiyija kufayo ahakurinda
obugabe bw’abantu ab’enganda enkye ah’eitaka ry’obuzaarwa bwaabo.
Okuhikiiriza eki, eiteeka niriija kutebwaho rirkushagika n’okurinda obugabe bw’abantu b’enganda enkye
kandi n’okutaho oburyo bw’okushumbushamu abantu aba gavumenti yaaba neyenda kukozesa ebicweeka ebi
16
EITEEKA RY’ EITAKA ERYA UGANDA

arikubeeramu; kandi hashemereire kubaho oburyo bw’okubaganamu amagoba agarikuruga omukukozesa
eby’obuhangwa ebi aba bantu biihirwemu.
4.8. Obugabe Bw’eitaka Omubicweeka By’abariisa
Eitaka ry’abariisa rigumire nirihambwa abantu batari bamwe na bamwe, kyaretera eitaka ry’okuriisizamu kuguma
niricendeera hamwe n’okusiisikara. N’okutambatabura kw’abariisa nikukira kurugiiriramu omuhondano.
N’ahabw’ekyo hashemereire kubaho enkora y’okutunguura n’okureeberera amariisizo n’embeera z’abariisa.
Omuramwa gw’eiteeka:
Obugabe bw‘eitaka omubariisa nibwija kuhebwa kandi burindwe gavumenti.
Okuhikiiriza eki, eiteeka niriija kuteebwaho kurinda eitaaka erya hamwe ery’abariisa hamwe n’okureeba ngu
oburiisa byabaho hamwe n’ebindi by’obuhangwa n’ebyentasya ebirikukorerwa ah’eitaka nk’eby’obuhiingi. Ahu
abariisa banyigirizibwe nibeija kushashurwa kandi habeho n’okwikirizana ah’abariisa bashemereire kuriisiza.
4.9. Obugabe Obw’abakazi N‘Abaana
N’obu engyenderewaho n’amateeka agandi garikworeka oburinganiza, emitwarize omubantu erikushoroora
abakazi tekahweireho ahabw’okugia ngu amateeka aga tigarikuteebwamu amani n’okukozeesibwa. Emitwarize
y’eira nekikiza amaani ebiragiro.
Omuramwa gw’eiteeka:
(a) Gavumenti neija kwongyera amaani kuteeka omunkora ebiragiro ebirikurinda obugabe
bw’abakazi n‘abaana okutuunga eitaka.
(b) Gavumenti neija kugamba ahabuteingana oburiho ahagati ya bashaija n‘abakaazi, kandi
erebeke ngu abakazi n’abashaija baagira obugabe bw’eitaka oburikwingana batakashwereine,
omubushwere, n’ahanyima y’obushwere, aha kusika hatariho kugobeza.
OMURINGO OGWANGUHIBWEMU AHABW’ABANTU BA BURIIJO December 2010
17

Okuhikiiriza eki, niheija kubaho enkora kureeba ngu emitwarize ey’ira ekwatireine n’eby’obusika tiyaremesa
abakazi n’abaana kutunga eitaka kandi n’okwihaho okujumiirira obugabe bw’abakazi n’abaana. Kandi
emitwarize nebikorwa eby’ira ebirikuzibira abakazi n‘abaana kutuunga, kukozeza n’okuba n’eitaka
nibyija kugarukwamu kurebeka ngu eitaka ryeeka niririndwa ahabw’eka yoona kandi bakuru b’amaka beine
obujunanizibwa ahabikorwa byaabo ah’eitaka eri.
Amateeka nigeija kugarukwamu kwongyera amaani ahaburinganiza omubugabe bw’abo abari omubushweere
kureeba ngu ebirangyiro by’eby’okusika byagasira abakazi n’abashaija ababugabe bwaabo ahabintu ebi
batungire barikutuura hamwe. Kandi habaho n’okurinda obugabe bw’abaana.
4.10 Obugabe Bw’etaka Obw’abantu Abarikutuura Omu Myanya Etatungukire
Omu Uganda abantu ab’ahansi beine omugisha mukye gw’okutunga obutuuro burungi ahabw’okugyira ngu
eitaka okukira obwingi n’ery’abantu buntu. Eki kireesire okweyongyera kw’abaantu abarikutura omumyanya
mibi etatunguukire kandi tari mirungi ahabw’amagara g’abantu namunonga omunyanya y’etawuni.
Omuramwa gw’eiteeka:
Gavumenti neija kutekaho enkora yokushemeza entuunga yeitaka omumyanya etatungukire.
Eki nikiija kuhikiirizibwa omukuhereza abooro abarikutuura omumatawuni ebikozeso kubayamba
ahabw’okurinda obugabe bwabo bw’eitaka n’okushoroonzya enkorengana ahagati ya bakama beitaka,
gavumenti hamwe n’abo abarikurituuraho. Nihaija kubaho okurinda embaganisa y’eitaka eriri omumyanya
y’orujwangye omumatawuni kutekaho endinda y’eby’entasya, entuura y’abantu, eby’buhangwa n’amagara
marungi g’abantu kurreba ngu byateebwa ahamutiindo.
4.11. Obugabe Bwe’itaka Omubantu Abatarikwebaasa
Abaantu abatarikwebaasa n’abo abaine akakooko ka siriimu, abarema, abaantu abakuzire hamwe
n’ababingyirwe okuruga omumataka gaabo. Abaantu aba kyanguhi okufeerwa obugabe obugabe ah’eitaka
18
EITEEKA RY’ EITAKA ERYA UGANDA

yaabo ahabw’obwooro, okubingwa, n’okunyaga amataka gaabo omumiringo endiijo.
Omuramwa gw’eiteeka;
(a) Ebiragiro n’emitwarize y’okureberera eitaka nibyija kuha abantu boona abatarikwebaasa
obugabe ahaburinganiza omukutunga eitaka, kugaba eitaka, n’okurikozesa.
(b) Gavumenti neyija kushemeza enguza n’engura y’eitaka kwihaho enguza ya eitaka etahikire
n‘okureba ngu obugabe bw’eitaka obwa butarikwebaasa burinzirwe.
Okuhikiiriza eki, eiteeka niriija kuteebwaho kurinda obugabe bw‘abatarikwebaasa, biikirizibwe kutunga eitaka,
hamw n’okutereeza eby’butare bw’eitaka kugira ngu abantu abatarikwebaasa tibanyigiirizibwa kandi n’bugabe
bwaabo bwarindwa. Kandi abantu aba nibiija kushomesibwa kureeba ngu bayetegyereza obugabe bwaabo
kurungi.
Okugaruzaho amataka, obutuuro hamwe n’ebintu by’abaantu ababingirwe omumataka gaabo nibimwe
ebirakorwe.
4.12 Okugaruzaho Ebintu By’abategyeki Ab’ensikirano
Omu mwaka gwa 1993, gavumenti ya Uganda ekarabyamu ekiragiro kugaruzaho ebintu by’abategyeki
b’ensikirano ebi babeire nibareeberera ahabw’abantu baabo. Okugaruzaho ebintu ebi kukahebwa kwonka
okuteesa nikukigyenda omumaisho ahabw’ebintu ebitaragambirweho omukiragiro ekyateibweho. Obuzaare
ahagati yabo abaine obushobborozi kureeberera ebintu n’abo abrikubikozesa bwine kushoboroka.
Omuramwa gw’eiteeka;
(a) Gavumenti neija kugaruriza abategyekyi ab’ensikirano ebintu ebyabeihirweho omu mwaka
gwa 1967 barikugyendera aha, omukwikirizana n‘abategyekyi aba nk’oku kyahandikirwe
omukiragiro.
OMURINGO OGWANGUHIBWEMU AHABW’ABANTU BA BURIIJO December 2010
19

(b) Eitaka n‘ebintu ebiragarurirwe abategyekyi ab’ensikirano ahabw’abantu baabo nibyiza
kukozesibwa n‘okureebererwa ahabw’oburungi bw‘abaantu abarikutegyekwa abategyekyi
aba.
Eki nikiija kuhikiirizibwa omu kworeka kurungi entainiso ahagati y’ebintu by’abatengyekyi ab’ensikirano
hamwe n’ebitu ebi barikureeberera habw’bantu baabo kandi n’okureeba ngu abategyeki baayetegyereza
omurimo gwabo nk’abateirwemu obwesigwa kureeberera ebintu ebi ahabw’abantu abu barikutegyeka hamwe
kandi n’abo abarikutura om’itaka eri okutabingwa omumuringo ogutahikire.
4.13. Ebikwatireine N’eitaka Rya Kibaale
Ebikwatireine n’eitaka rya Kibaale nibimwe ahabyafaayo ebyakozirwe ebitahikire birikurugiirira omukugabira
Buganda amashaza abiri aga Buyaga na Bugangaizi.
Ekyarugyeremu, abaganda bakaguma beine abugabe aha eitaka eri n’obu kyabeire kyahinguziibwe omumwaka
gwa 1964 ngu amashaza aga bagarurize Bunyoro. Ekizibu kyogyerirweho okufuruka na munonga kw’abakiga
okwija omumashaza aga ekyiresireho omuhondano omubibira abirinzirwe hamwe n’ahagati ya bakama b’eitaka
n’abashangyirweho.
Omuramwa gw’eiteeka : Gavumenti neyija kutekaho oburyo kuhindura encore embi eyateirweho
obutegyeki obwa ira kwenda ngu habeho obusingye ahagati yabafuruki n’abashangirweho omuri
Kibaale disturikiti.
Okuhikiiriza eki, gavumenti neyija kutekaho asente z’okushumbuusha abaheirwe eitaka, kandi n’okubariira
kurungi obwingi bw’itaka eririmu abafuruki, kugira ngu egarureho obugabe bw’abanyoro abashngirwe
ah’eitaka ryabo kandi habeho n’amateeka agakwatireine n’eby’obufuruki.
4.14. Obutare Bweitaka
Obutare bweitaka bukwatiirine n’okuguza, okupangisa, okutiza, okugaba hamwe n’endiijo miringo
y’okuhingaanamu eitaka. Omu butare bw’etaka nimwe eitaka ribaasa kutungirwamu Akatare koona k’eine
20
EITEEKA RY’ EITAKA ERYA UGANDA

kukozesibwa omumuringo oguhikire n’oburinganiza kuyamba abantu abarikurikozesa omuringo gwoona
omubyetaago byaabo ebyentasya n’obugwagye. N’ahabw’ekyo, nikyetagisa gavumenti kushoroonzya enkora
y’obutare bweitaka kureeba ngu yaatunguura ebikozeso ebirikuyamba aha nkozesa nungi y’eitaka. Kandi
nikyetagisa ngu obugabe bw’antu abatarikwebaasa tibwaburira omuhingahingaana eitaka.
Omuramwa gw’eiteeka; Gavumenti neyija kushagika enkozesa y’obutare bw’itaka enungi kandi
ey’oringaniza omumiringo y’eitaka yoona.
Eki nikiija kuhikirizibwa omukuhagira okuhingaana kw’eitaka okutarimu kunyigiiriza obugabe bw’omuntu
weena kandi n’okuteekaho ekitongore ky’okureeberera ebyokugura n’okuguza eitaka. Kandi n’okworekyereza
enkora y’ebitongore by’eitaka ebitari bya gavumenti ebirikuyamba omukugura n’okuguza eitaka.
Ekyi nikiija kwooroba hanyima y’okuteekaho enkora nungi yokumanyisa abantu ahabikwatireine n’akatare
keitaka n‘okutunguura okuhandikisa okurikukozesa ebyoma bya karimagezi (kompyuta). okutunguura akatare
k’okupangisa eitaka nikiyamba abantu omukutunga n’okukozesa eitaka.
4.15. Okutunga Eitaka Ry’okukoreramu Eby’entasya
Gavumenti n’abajwekyerwa baayo bashemereire kutaho embeera y’okusikiiriza abanya-Uganda hamwe
n‘abanyamahanga kukorera ah’eitaka rya Uganda ebyo ebikutuunguura entaasya y’eihanga. Abantu aba
nibeetenga kugira obuhame ah’eitaka eri barikukoreraho.
Omuramwa gw’eiteeka:
(a) Gavumenti neyija kutekaho embeera y’okusikiiriza ab’eby’obushuubuzi ebihango
(abanyamahanga nabanya-Uganda) omu bitongore byona eby’entasya:
(i) Kurugiirira ahabiragiro ebiteirweho.
(ii) Omumuringo gwokucebera, oguhikire kandi n’obwegyendesereza.
(b) Gavument neija kutekaho enkora yokworekyerera eby’obushuubuzi ebihango kwend
keceendeeza ebizibu byabwo ahabw’entuunguuka.
OMURINGO OGWANGUHIBWEMU AHABW’ABANTU BA BURIIJO December 2010
21

Eki nikiija kuhikiirizibwa omukutekaho omuringo gwokworekyerera eihanga omukuheereza abshuubuzi
eitaka ry’okukoreraho harimu n’obuhango bw’eitaka eri, hamwe n’kwihaho oburi bw’eguzi omukuha eitaka
eri. Kandi obugabe bw’abanya-Uganda nibwiija kurindwa omukuheereza eitaka eri.
4.16. Oburyo Bw’okurinda Obugabe Ah’eitaka
Abanya-Uganda abarikukira obwingi tibarikubasa kutunga esente z’okuhikiiriza ebyetengo by’okutunga
obuhame obuhikire aha miringo yoona y’eitaka erikwikirizibwa omubiragiro.
Empereza y’obugabe bw’eitaka n’abarikubuhereza bo bonka, tibarikubasa kwesigwa kuhereza obuhame
oburikumara ahabugabe bw’abo abarikukozesa eitaka n’okukira munonga abatarikwebaasa. Kandi
n’okuha ekipimo ky’obuhaango bw’eitaka obushemereire n’eky’omugasho habw’okwenda ngu eitaka
ritakagabaniisibwamu ekirengyesereize.
Omuramwa gw’eiteeka:
(a) Gavumenti neyija kuteekaho enkora okureeba ngu abanya-Uganda baatunga obugabe bweitaka
obushemeire.
(b) Gavumenti neyija kutekaho ebipimo by‘eitaka eby’okukozesibwa omubyaaro n’o mumatawuni
okureetaho entunguuka y’omutindo.
(c) Abanyamahaanga tibarikwija kuheebwa eitaka kurenga ahabupangisa bwe myaka 49
omw’itaka rya Uganda.
Kuhikiiriza eki, niheija kubaho okugaita eby’amataka n’obugabe bw’abantu omunshomesezaho ey‘amashomero
g’eihanga kiyambe omukubishomesa. Ebeeyi y’obuheereza bweby’eitaka ah’abantu, neyija keheebwa gavumenti
z’ebyanga kandi n’enkora y’abaturagye omukureeberera eitaka ryaabo neyija kuheebwa ekitinisa. Omurimo
gw’ebitongore bitari bya gavumenti omukurinda obugabe bw‘eitaka nigumanywa oteireho n’okworekyerera
ebipimo by’eitaka omu byaaro n’omu matawuni.
22
EITEEKA RY’ EITAKA ERYA UGANDA

SECTION
5
ENDEEBERERA Y’OBUGABE BW’EITAKA
Okureeberera obugabe bw’eitaka kurimu okuhandikisa, n’okumanya obugabe ah’eitaka hamwe n’okuhinganisa
amataka omukugura, okuguza n’okugaba. N’ahabw’ekyo niho ebyetaago by‘eitaka eby’abantu birikukorerwaho
bikamarwa kandi bikarindwa.
5.1. Enkora Y’okurebereramu Obugabe Bw’eitaka
Emikorere y’abarikureeberera obugabe bw‘eitaka eyongyereire ahakuribatirira obugabe bw’eitaka
namunomuno kirikurigiirira aha mbiika mbi y‘ebihandiiko, enshobe omukuhandikisa eitaka, oburi bw’enguza
n‘obushuma n‘okubugwa obwesigwa omubarikureberera eitaka. endeeberera y’obugabe bw’eitaka eshemereire
kutwarwa nk’eky’omugasho ogukugukire, entajwangibwa neby’obutegyeki kwihaho ekareebera mubanganisa
y’eby’obugeiga bw’itaka.
Omuramwa gw’eiteeka:
(a) Gavumenti neyija kuhindura omuringo gwokukurira eitaka kuretaho entuunga y’eitaka
enungi kandi ahabeyi eringaniriire.
(b) Gavumenti neyija kugyeragyeranisa enkora ey‘emitwarize eyaira hamwe n’enkora y’amateeka
omukureberera eitaka.
Eki nikiija kuhikiirizibwa omukwongyera kutwara endebererera y’obugabe bw’eitaka ahandeengo za gavumenti
ez’ebyanga, hamwe n’okushemeza enkora y’obureeberezi bw’eitaka kutwaariramu banyin’eitaka na munonga
abakazi.
OMURINGO OGWANGUHIBWEMU AHABW’ABANTU BA BURIIJO December 2010
23

5.2. Okuhereza Obugabe Bweitaka
Empereza y’obugabe bw’eitaka neekora emirimo ebiiri; okuhereza obuhandikye hamwe n’okukora obugabe
ah’eitaka omu miriingo y’okutungamu eitaka yoona. Obuheereza obu bwiine kuteebwa ahamutindo
n’okukwangusyamu kuceendeeza aha nkora ezitahikire.
Omuramwa gw’eiteeka
(a) Ekureeberera nana kukurira eitaka nibyija kuba emirimo ya gavumenti
ahagyenderwaho y‘eihanga.
erikugyendera
(b) Gavumenti neija kuhindura enkora ey’okureeberera n‘okukurira eitaka eriho kureetaho
obuheereza n‘ebeeyi enungi kandi oringaniriire
(c) Gavumenti neyija kureeba ngu ebihandiiko n‘emihanda y’okukuriramu eitaka ahandeengo
zoona nibyetegyerezibwa, nibishoborara, nibikoragye, ebeyi nebasika, kandi abaantu
nibabimanya.
Eki nikiija kuhikiirizibwa mukugumizamu n’okurinda obuhandikye bw’eitaka ahabw’o kuhandika n‘okukakasa
obugabe ah’amitwarize ey’ira, okworobya omu mitwarize yobuhandikye bw’eitaka , n‘okutunguura enkora
y’okureba epindahinduka omukutunga eitaka n’obugabe bweitaka. Niheija kubaho okugarukamu omu bikorwa
bya gavumenti ez’ebyanga kureeba ngu emirimo emwe yahebwa gavumenti z’ebyanga. Okuteekaho za
ofiisi z’eitaka omubicweka by‘eihanga kureetaho obuheereza oburungi n’omuringo gw’amaani gw’okukozeza.
Ekicweka ekirikukora ahamihondano nikiija kusigazibwa omubyanga.
5.3. Okutaho Ensharo N’okupima Eitaka Hamwe N’kukora Za Maapu Z’eitaka
Okupima hamwe n’okutera maapu zeitaka biremesibwe abakozi abataine bukugu, , ebikozeso ebitarikumara,
hamwe n’okusiisikara kw’ensharo aza kare. Nikikuru kumanya n’okukozesa ensharo azateirweho abataka.
24
EITEEKA RY’ EITAKA ERYA UGANDA

Omuramwa gw’eiteeka; Gavumenti neyija kwongyera amaani omunkora y’okupimisa n’okukora
maapu z’amataka.
Okuhikiiriza eki ekitongore ky’eby’okupima eitak nikiija kuhunduurwa kurugira kimwe ahantebekanisa yaakyo,
abakozi hamwe nebeeyi y’okupimisa eitaka. Abantu biine kwegyesibwa ahabikwatireine n’okupimisa nokupima
eitaka kugira ngu babyetegyereze.
5.4. Okutunga Amahurire Ahaby’eitaka
Omugasho omukuru onukureeberera ebikwatireine n’eitaka n’ogwokureeba ngu hariho okumanyisibwa
kurikumara kandi n’amahurire gahikire agakwatireine n’ebipimo, ahuririkushangwa, omugasho ogu riine
n’endeberera yaaryo. Eki nikiyamaba omukutebeekanisiza enkozesa y’er’itaka.
Omuramwa gw’eiteeka;
(a) Gavumenti neyija kutekaho enkora y’ekikugu kandi eyanguhi ey’ebyoma bya karimagezi
okumanyisa ebikwatireine n’eitaka.
Eki kuhikiirizibwa omukukuza eby’okuhandiikisa eitaka. Enkora egi neija kuha amhurire ag’omtindo
ag’eby’eitaka ebireetegyerezibwa abantu boona na munonga abarikureeberera n’okukozesa eitaka.
5.5. Okuramura Emihondano Y’eitaka
Emihondano ah’eitaka neeyeyongyera omu ihanga ryoona kandi onkora erikuraamura eby’eitaka tebasize
kuyamba ahakutereza abyetengo by’abantu ahamishango y’eitaka. Nikyetaagisa ngu habeho enkora nuungi
ahakuramura okuhondana ah’eitaka kugira ngu n’obutare bw’eitaka bugire amaani hamwe nokutuunguura
eby’entasya. Kandi nikyetagisa kutereeza oburamuzi bw’eitaka kumanya ngu hariho empinduka ahamishango
yah’eitaka ry’emitwarize y’abataka hamwe n’emiringo y’eitaka endiijo.
OMURINGO OGWANGUHIBWEMU AHABW’ABANTU BA BURIIJO December 2010
25

Omuramwa gw’eiteeka;
(a) Amacweero g’emanja z’eitaka nigeija
kukora emirimo yaago.
kugarurwahoo kandi gahebwe ebikozeso birikumara
(b) Gavumenti neija kutaho eitaagi ry’omutaano omu kooti enkuru n’omu kooti y’abaramuzi
kukora ahamishango y’eitaka ahabw’okuretaho entunguka omu buramuzi bw’eby’eitaka
omu Uganda.
(c) Emiringo yokutereza emishango y’amataka neyija kugarurwa busya kureetaho obwiira
omukushara emishango egi kandi n’okuhereza enshara y’emishango erikubasika abantu ba
buriijo.
Eki nikiija kuhikiirizibwa omu kugaruraho amacweero g’emishango y’eitaka agabeire gariho hatarimu
obushonshorekye bw’omu koozi ezindi eza buriijo kandi n’amadaara g’okurabiramu garikwetegyerezibwa
kurungi. Ah’eitaka ery’emitwarize, entwaaza y’abantu neija kugyenderwamu omukushara emaanja z’eitaka.
Okuteereeza emihondano y’eitaka omuburyo bw’aheeru ya kooti nigwo muringo ogu eiteeka ry’ihanga
ririkusinga kuhagira.
5.6. Eby’emishoro N’okushorooza Esente Ah’eitaka
Okugaruza obushoborozi n’obureebezi bw’eby’eitaka omu butegyeki bw’ebyanga kukareetaho omugisha
okwongyera ahanshorooza y’esente z’emishoro, obushuuru hamwe n’obuheereza ah’eitaka. N’eky’omugasho
kureeba ngu eitaka ryaatahizagye eihanga.
Omuramwa gw’eiteeka:
Gavumenti neyija kwongyera amaani n‘obushoborozi omu kitongore ky’eby’eitaka kugira ngu
entasya n’endeberera y’esente ezirikuruga omu by’eitaka byayeyongyera.
26
EITEEKA RY’ EITAKA ERYA UGANDA

Eki nikiija kuhikiirizibwa bwanyima yokugarukamu amateka g’omushoro gw’eitaka kuretaho emiringo endiijo
ey’entasya. Okureeberereza emikorere y’ebibiina ebirikushorooza emishoro y’eitaka nikw’ija kurebeka ngu
kwacendeeza ahakushishagura entasya erikuruga omw’itaka. Ebitongore by’ebyanga nibiija kwongyerwamu
amaani omukwegyesibwa ahamuringo gw’okureetaho entasya n’enkozesa yaayo. Enkozesa y’ebishare ebi neija
kworekyererwa gavumenti z’ebyanga. Kwenda ngu habeho entunguuka omu kitongore ky’ebyeitaka, ebishare
ebishorroziibwe nibiija kugabaniisibwe omubwinganisa aha zoona za gavumenti z’eby’eitaka.
OMURINGO OGWANGUHIBWEMU AHABW’ABANTU BA BURIIJO December 2010
27

SECTION
6
ENKOZESA N’ENDEBERERA Y’EITAKA
Eihanga nirkira kushanga obuzibu omukutebeekanisiza enkozesa y’eitaka n’okuteeka omunkora ebirangiro
by’enkozesa y’eitaka, enkozesa y’eitaka embi, okukura juba-juba kw’amatawuni, okureberera kubi
ebitwehingurize, obureeberezi bubi bw‘ebyobugaiga eby’obuhangwa, n’endeeberera mbi y’enyamishwa hamwe
n’ebibira.
Kandi enkozesa n‘endeeberera y’eitaka eri omu bureberezi butarikushushana kandi butari kukoragana, kandi
burikuhayahayanira okumanywa n’ebikozeso. N’ahabw’ekyo nihabaho obutakorengana ahagati y’ebitongore
ebi. N’ekyamazima ngu enkora y’okureeberera eitaka terikuyamba entunguuka ah’eitaka kandi terikuyamba
aha nkozesa nungi y’eitaka. Eiteeka eri niryorekyerera endeeberera, enkozesa hamwe n’enkora y’ebitongore..
Omuramwa gw’eiteeka
(a) Gavumenti neyija kureeba ngu aby’obugaiga bw’eitaka byakozesibwa kandi byareebererwa
omumuringo gw’enkwatanisa kandi ogw’obuhangaazi.
(b) Gavumenti neyija kutekaho kandi n’okukozesa enkora ey’okureeberera eby’obugaiga
bw’eitaka.
Eki nikiija kuhikiirizibwa ahabw’entungura n‘enkozesa y’eitaka ey’omutindo oguhikiire kandi hakabaho
n‘okuhindura endeeberera y’enkozesa y’eitaka harimu n‘okwegyesibwa hamwe n’okukozesa abakozi
abashomire eby’okubariira amataka n‘okushwinjuma amateeka agarikukwata ahankozesa y’eitaka kureeba
ngu geikirizana n’eiteeka ry’eitaka ery’eihanga.
6.1. Okutebekaniisa N‘Okworekyerera Enkozesa Y’eitaka
Okutebekanisa n’ekintu ky’amaani omu kureeberera eitaka erya buri muringo. Niryo idaara ry’okubanza
omukureeberera enkozesa y’eitaka ahabw’okugira ngu nikiyamba eihanga , za gavumenti z’ebyangaa,
28
EITEEKA RY’ EITAKA ERYA UGANDA

ebindi bitongore hamwe n‘abantu boona kumanya kare oku ekitongore ky’eby’eitaka kirikutambuza emirimo
yaakyo.
Ebyabandize kukozesibwa omu ntebekanisa y’eby’eitaka omu Uganda bikaremwa kworekyerera entebekanisa
aharureengo rw’eihanga n’omu byanga hamwe n.okubiteeka omunkora omubyaro. Ab’obushoboorozi
ahantebekinisa omubyanga, nibakira kuba bateine bikozeso n’obukugu okuteeka entebekanisa ezi omunkora.
Hariho entaniso ahagati y’entebekanisa n’enkozesa y’eitaka hamwe n’okuteeka omunkora ebiragiro by’enkozesa
y’eitaka. Ekindi, tihariho nkora y’okutereeza emihondano eri omukukozesa eitaka.
Omuramwa gw’eiteeka:
(a) Gavumenti neyija kureeba ngu eby’obugaiga eby’eitaka byakozesibwa kandi bya reebererwa
kurungi ahabw’oburungi bw’abantu abariho hati hamwe n’ab’omumeisho.
(b) Gavumenti neyija kushwinjuma n’okuhindura entebekanisa n‘ebiragiro by’okukozesa eitaka.
Eki nikiija kuhikiirizibwa bwanyima y’okuhindura eihnaga ryoona nk’omwanya gw’okukorera entebekanisiza
ahabw’okutunguura enkozesa y’eitaka, kureetaho endagiriro y’okusharamu eitaka kandi hakabaho okugyendera
ahabiragiro by’okukozesa eitaka okw’omutindo omu matawuni n‘omubyaaro. Kandi ekindi nihaija kubaho
okugeita enguudo, ebyombeko n’ebindi omukuteeka ebitekatekirwe omuntunguuka y‘ebyanga n‘eihanga
ryoona. Niheija kubaho okugarukamu kw’eiteeka erihango kureba ngu ebiragiro nibikirizana n‘eiteeka
ry’eihanga ery’eitaka. Kwonka eky’amani munonga n’okwongeramu amaani omukutendeka abantu omubyanga
ahantebekanisa n‘endeeberara y’okukozesa eitaka.
6.2. Omugasho Gw’eitaka N’ebirikusharurwamu
Okusisikara kw’eitaka ni kimwe ahabizibu bihango omu kitongore ky’eitaka. Eki nikireetwa endeeberera
n’enkozesa mbi y’eitaka, eitaka kuhwamu ekirisa, okuhwamu amaizi birikuretwaho empindahinduka y’obwiire,
okukozesa kubi eitaka, okuburwa ebirashemeza emirimo nk‘enguudo, ebyombeko, amashanyarazi, n’ebindi.
namunonga ahabw’eby’obuhingyi. Nikyetagisa kutaho oburyo bw’okurinda omugasho gw’eitaka.
OMURINGO OGWANGUHIBWEMU AHABW’ABANTU BA BURIIJO December 2010
29

Omuramwa gw’eiteeka:
Gavumenti neyija kutekaho oburyo bw’okugarura busya n’okurinda oburungi bw’eitaka.
Okuhikiiriza eki niheija kubaho entebekanisa y’okugaruraho n’okureeberera kurungi eby’obugaiga bw’eitaka
kurugiirira omu nkozesa nungi y’eitaka n‘okuririnda. Endagiriro neyija kutebwaho kuchendeza okusharasharamu
eitaka omubicweka, okushisha n‘okunaga ebitashemereire omw’itaka, kucendeza ahakukozesa eitaka okirenga
n‘okuyamba abantu okutura omumatawuni. Okushomesa abantu okwenyigira omu mitwarize y’okukozesamu
eitaka nikwija kuhagirwa.
6.3. Endeberera Y’eby’obugaiga Eby’obuhangwa Ebitwehingurize
Hariho ebizibu omu Uganda bikwatireine n’ebitwehingurize, harimu okucendeera kw’eby’obugaiga
by’obuhangwa nk’ebibiira, obutuuro bw’enyamaishwa, ebisharara, enshuro z’amaizi, n’emigyera; n’okushishagura
eitaka n‘amaizi. N’obu haraabe hariho amateko gakwatireine n’endeeberera y’eby’obuhangwa ebi, amateka
aga tigateibwe munkora kurungi habw’ebizibu ebiri omukitongore ky’eby’eitaka..
Omuramwa gw’eiteeka;
(a) Gavumenti neyija kureba ngu eby’obugaiga bw’eitaka byakozesibwa kandi byarebererwa
kurungi ahabw’obugwagye bw’abantu abariho hati n’ab’omumaisho.
(b) Gavumenti neyija kutekaho oburyo bw’okuhunduura, n’okureeberera eby’obuhangwa.
(c) Gavumenti neyija kuhagira enkozesa n’endeberera nungi y’eby’obuhangwa kurugiirira omu
ntebekanisa n’enyorkyerera hamwe n’okurera hamwe n’abantu boona abu kirikukwataho.
(d) Gavumenti neyija kureeba ngu enkozesa z’eitaka nizikyirizana n’entebekanisa z’enkozesa
y’eitaka, n‘ebiragiro by’endeberara nungyi ye’bitwehinguririize oteiremu n’okureberera
ebinyamaishwa, eitaka n’amaizi na n’endeberera y’eitaka ey’obuhangaazi.
30
EITEEKA RY’ EITAKA ERYA UGANDA

Eki nikiija kuhikiirizibwa ahanyima y’okuyamba abibiina by’abantu okwegeita omukurinda eitaka ryaabo kandi
n’okuteekaho akasiimo kaabo abarebereire kurungi eby’obuhangwa. Niheija kubaho n’okuhagira enkora
ey’okubagana eby’amagoba ahagati y’ebitongore ebirikureberera eby’obugaiga bw’eitaka hamwe n’abantu ba
buriijo.
6.4. Entura Ya’bantu
Uganda teyina eiteeka ririkukwata aha ntura y’abaantu. Entunguuka y’entura y’abantu (omubyaro n’omumatawuni)
teyine ntebekanisa kandi eyine enkora etahikire. Ahabw’entunguuka yamatawuni y’akabiindirano erimu
ebyombeko bitatebeekanisibwe kandi bitari hamutindo, okuburwa ebikozeso n’obuheereza omubantu hamwe
n’okutaahirira eitaka eriri eryakubeire nirihingwamu hamwe n’ery’ebybuhangwa nk’ebishara n’ebindi.
Omuramwa gw’eiteeka;
(a) Gavumenti neyija kutekaho eiteeka ry’eihanga erikukwata n’entuura y’abantu n’entuguura
y’amatawuni ahabw’okura ngu entebekanisa eze ahamutindo kureetaho entunguuka.
Eki nikiija kuhikiirizibwa bwanyima y’okuteekaho eiteeka ry’nyuura y’abantu hamw n’eiteeka ry’kukuzamu
amatawuni hamwe n’okuteeka omu nkora ebiragiro ebikwatireine n’ekozesa y’etaka kugira ngu eby’entebakanisa
n’obuheereza aha bantu bize ahamutindo. Amateeka nigeija kukorwa agakwatireine n’eby’buhingi
omumatawuni.
6.5. Obuhingi
Omu Uganda, entasya y’obuhinyi nekorwa aharurengo orukye. Eitaka ery’okuhingamu omu Uganda
tiririkukozesibwa omubwijwire kandi omubuhangaazi bwaryo. Enkozesa mbi y’etaka nekira kurugiiriramu
okusiisikara kw’etaka kikarugiiriramu eitaka kutwaarwa omutunga n’okuhwamu ekiriisa. Oburungi hamwe
n’obuhangaazi bw’eitaka bw’eitaka ahabw’obuhingi tibirikumanywagye. Eki nikireetaho eita okutagabwamu
nk’oku rayakukozesiibwe omubwijwiire.
OMURINGO OGWANGUHIBWEMU AHABW’ABANTU BA BURIIJO December 2010
31

Nikyetaagisa kusharamu eitaka kurugiirira aha burungi bwaryo. Kandi n’okukanya kw’abantu omubicweka
bimwe kirugiriiremu okusharasharamu eitaka n’okurikozesa ekirenga kyashiisha oburungi bw’eitaka,
ensharuura hamwe n’entunguuka y’eby’entasya. Obugabe omukutunga n’okukozesa eitaka ni kimwe ahabizibu
by’abakazi abahingi. Ekindi Uganda teine eiteeka ry’eby’obuhingyi.
Omuramwa gw’eiteeka
Gavumenti neija kworekyerera enkozesa yeitaka n’aamaizi ahabwentasya y’eby’obuhinyi
kurugiirira ah’eiteeka ry’eby’obuhingi ery‘eihanga.
Eki nikiija kuhikiirizibwa hanyima y’okubaga eiteeka ry’eihanga ery’eby’obuhingi eririmu okuteekaho emyanya
oyokuhingamu, okurundana eitaka ry’obuhingyi, enkozesa n’endebeberera y’amaizi, enkozesa y’eby’obugaiga
bw’omwi eitaka ahabw’okwongyera ahantasya y’eby’obuhingyi hamwe n’embaririra y’eitaka.
6.6. Empidahinduka Yo’bwiire
Uganda yatandikire kutunga abizibu ebirikuretwaho empindahiduka yobwiire. Enshonga enkuru eziresire
ebizibu ebi, zirimu okutema emiti omubwingi, okushisha ebisharara, okukozesa kubi eitaka hamwe n’entuura
mbi y’abantu. Okweyongyera kushishikara kw’eby’obuhangwa nikiretera abantu b’egyo myanya kufuruka
barikuronda embera nungi
Omuramwa gw’eiteeka
(a) Gavumenti neija kwebembeza obureberezi bw’ebitwehingurize omubutwire n’eby’obugaiga
by’obuhangwa omuntebakanisa zaayo zokucendeza aha bizibu ebirikuretwaho empindahiduka
y’obwiire.
(b) Gavumenti neija kureetaho enkora erikwikirizana n’amahanga ag’aheru goona ageheireyo
kureberera empindahinduka y’obwiire.
(c) Gavumenti neija kuteekaho oburyo bw’okukyendeza kandi n’okumaraho empindahinduka
y’obwiire.
32
EITEEKA RY’ EITAKA ERYA UGANDA

Eki nikiija kuhikiirizibwa omukucendeeza ebikorwa neinga omirimo erikushohoza omwiika gw’obutwa,
okukorera hamwe n’abaantu omubikorwa by’okucendeza empindahinduka y’obwiire barikukozesa
eby’obuhangwa omumuringo oguhikire. Eki nikiija kuyambwaho okushomes abantu ahandwanisa y’embeera
erikureetwaho empindahinduka y’obwiire.
6.7. Enkora Y’okurebereramu Eitaka
Enkozesa nendeberera y’eby’obugaiga bw’eitaka eyobuhangaazi terikubaasa kuhikiirira hatariho okushwinjuma
omunkora n’ebitongore ebirukureeberera eitaka. Obwa hati hariho ebitongore by’omutaano kandi biine
obujunanizibwa butarikushana, ekyongyere kugumisa obuheereza bw’eby’eitaka.
Omuramwa gw’eiteeka
Gavumenti neija kureetaho enkora eshorongire ahabw’enkozesa ehikirire n’endeberera
y’eby’obugaiga bweitaka ashemereire.
Eki nikiija kuhikiirizibwa hanyima y’okugarukamu amateeka agarikukwata ahabitongore ebitari bimwe
nabimwe omukureberera eby’obugaiga bw’eitaka. Obwe hariho n’okutekaho enkora y’okurebereramu eitaka
ehikire kandi erikwikirizana nabantu boona hamwe n’amateeka ag’ebyanga.
OMURINGO OGWANGUHIBWEMU AHABW’ABANTU BA BURIIJO December 2010
33

SECTION
7
Enkora Y’eitaka Aharurengo Rw’amahanga
Ameingi
Eiteeka eririkuteerana amahanga ameingi ahabikwatireine n’eitaka kandi Uganda eri emwe aharigo nirigamba
aha kuteeka omunkora kwemiringo etari emwe n’emwe omuri buri ihanga. Eiteeka eri nirigmba ahari buri ihanga
kushwinjuma ebiragiro by’itaka kureeba ngi byikirizana n’eiteeka ry’eihanga. Kandi nirigamba ahaby’obugaiga
ebirikukozesibwa kurenga ah’eidaara ry’eihanga rimwe kandi n’entambura y’abantu omu mahanga agandi.
Kandi eiteeka eri nirigamba ahambaririra y’ebeeyi y’okuteeka omunkora amateeka g’amahanga gatari gamwe
na gamwe, okukwataniisiza hamwe kwa burimuntu aine orikujunanizibwa aheiteeka eri, okwegyesibwa
kw’abaantu hamwe n’okunjajanza eiteeka ry’eitaka hamwe n’okureberara ebirikukwata aha nkora y’amateeka
g’amahanga aga.
34
EITEEKA RY’ EITAKA ERYA UGANDA

UGANDA LAND ALLIANCE
Block 29, Plot 1521, Mawanda Road. P.O. Box 26990 Kampala,Uganda.
Tel: 256 414 540 038 Fax: 256 414 540 048
Email: ula@ulaug.org Website: www.ulaug.org