EKIGHANDHIKO EKIGEMA KWIITAKA - Uganda Land Alliance

EKIGHANDHIKO EKIGEMA KWIITAKA
POPULAR VERSION
DRAFT FIVE
December 2010
Supported by
TRANSLATION IN LUSOGA

TABLE OF CONTENTS
1.0 Okwandula..................................................................................................................................................... 1
2.0 EKITONGOLE KYEITAKA MUBYENKULAKULANA BYE’GHANGA........................................................ 4
2.1 Obwananyini Kwiitaka Nenkozesa Eyobyobugaiga Obwomwiitaka Nga Titubyoinoine.... 4
2.2 Entabaganhya Eyekitongole Ekyebyeitaka Ne’bitongole Ebindhi Ebyenkulakulana.......... 4
3.0 Enkola Ya Isse Mateeka........................................................................................................................... 6
3.1 Obwananyini Obutetengereire...................................................................................................... 6
3.2 Amaanhi Ago’kufuna Eitaka Mubughaze................................................................................... 6
3.3 Enkozesa Ne’nkulakulanhya Yeitaka............................................................................................ 7
3.4 Omusolo Gweitaka......................................................................................................................... 7
3.5 Anakumanga Ebyobugaiga Ebyobutonde Kulwabantu Babulidho......................................... 9
3.6 Eiteeka Lya Gavumenti Neitaka Lya’bantu................................................................................. 9
3.7 Ebyobugaiga Ebiyikulwa Mwiitaka Na’mafuta........................................................................... 10
3.8 Obupangisa Bweitaka Mu Uganda............................................................................................... 11
4.0 ENKOLA YO’BUPANGISA BWEITAKA........................................................................................................... 12
4.1 Okwawulayawula Mungeri Yo’bupangisa Obweitaka................................................................ 12
4.2 Eitaka Lyo’bughangwa................................................................................................................... 13
4.3 Eitaka Lya Mailo Ne’lyobwananyini Obuziraku Ikomo............................................................ 14
4.4 Eitaka Lyobwananyini Obuziraku Ikomo.................................................................................... 14
4.5 Obwananyini Obuliku Eikomo..................................................................................................... 15
4.6 Ebyobugaiga Byalukale Kwiitaka Lyo’muntu............................................................................. 15
4.7 Eidhembe Kwiitaka Lyo’bughanga Obutono............................................................................. 16
4.8 Eidhembe Lya’balunzi Kwiitaka................................................................................................... 17
POPULAR VERSION December 2010
i

4.9 Eidhembe Lya’bakazi Na’baana Kwiitaka.................................................................................. 17
4.10 Eidhembe Lyeitaka Lya’bantu Ababudhama Mubifo Byomugwoiteko................................. 18
4.11 Eidhembe Kwiitaka Ery’abantu Abadhogebwa........................................................................ 19
4.12 Okwiiriza Abafuzi Abensikilano Ebyaibwe............................................................................... 19
4.13 Obuzibu Obuli Kwiitaka Lye’kibaale.......................................................................................... 20
4.14 Eitunzi Lyeitaka Oba Obutale Bweitaka.................................................................................... 20
4.15 Eitaka Lyo’kusigaku Empiiya....................................................................................................... 20
4.16 Enkola Edhokukuuma Eidhembe Lyeitaka............................................................................... 22
5.0 ENKOLA YENFUGA YEIDHEMBE LYEITAKA........................................................................................... 23
5.1 Enfuga Yeidhembe Lyeitaka........................................................................................................ 23
5.2 Empereza Yeidhembe Lyeitaka Eri Abantu............................................................................... 23
5.3 Okupunta No’kukebeera Eitaka.................................................................................................. 24
5.4 Enkola Eyebigema Kwiitaka........................................................................................................ 25
5.5 Engondhola Yenkontana Dheitaka............................................................................................. 25
5.6 Enfuna Yesente Kwiitaka.............................................................................................................. 26
6.0 Enkozesa Yeitaka Nhe’fuga Yalyo................................................................................................... 28
6.1 Okutekateka No’kulungamya Enkozesa Yeitaka....................................................................... 28
6.2 Omutindo Gweitaka Ne’miganulo Gyalyo................................................................................. 29
6.3 Ebyobugaiga Obwomwiitaka Ne’byobutonde........................................................................... 30
6.4 Ebifo Ebisenzebwa Abantu.......................................................................................................... 31
6.5 Ebyobulimi...................................................................................................................................... 31
6.6 Okukyuka Kwe’mbeera Yo’bwiire............................................................................................... 32
6.7 Ebitongole Ebyokufuga No’kugema Eitaka.............................................................................. 33
7.0 ENKOLA YE’BIKETEZZO NE’YAMAGHANGA AGENDHA EYOKUTA MUNKOLA............................. 34
ii
THE UGANDA NATIONAL LAND POLICY

Okwandula
Eitaka ne’kyobukombe ekisinga bukulu okusingia ilala kubanga lye tubaku, lighanilira ebyobutonde ebindhi nga
kwotaire okuvamu ebyobugaiga ebizala obugaiga obundhi. Eitaka kyabukombe ekiwula kubindhi ate nga omuntu
asobola okulikozesa ghaire okulitunda, ikulu inho mukuzala ebikola ate era ne’kisokelwaku kubyobusika bye’ghanga.
Eitaka nsonga nkulu inho munsambo dha’bantu ilala nga tulingilire ebyafayo bya lyo, era ne’byobughangwa
ebiligemaku. Eitaka ne’lyola ebyendikiriza bya’bantu bona bona buli mwiighanga lyona lyona. Era eitaka ne’mpagi
lughaga kukubawo kwo’muntu era ne’nkulakulana ye’ghanga.
Ebizibu ebigemagana neitaka mu Uganda bivila ilala mubyandha bya ba magulu meru (abazungu) abantu
ghebatolebwaku eidhembe lyaibwe kwiitaka nailala elyensikilano awo ni engeri edhindhi edabwananyini kwiitaka
abantu dhebatamanaku ghhaire okutegela dhagundwawo era dhayandulwa. Ghano ghebatandikila obwananyini
kwiitaka obwa Mailo, obupangisa obuliku eikomo era no’bwananyini obuzilaku ikomo. Engeri dhino empyaka
edhobwananyini kwiitaka dhaletawo amateeka neidhembe eyaka kwiitaka eliriku obukumi okusinga kwiidhembe
eikaire. Ekyokuboneraku, kwiitaka lya Mailo ghabawo engemagana ghagati ghamwene itaka no’mupangisa,
kubupangisa obuziraku ikomo endagano dhatebwawo, atenga kubupangisa obuliku eikomo ekisera kyagerwa.
Mungeri dhino dhona dhona, mwene itaka asokelwaku obuyinzabwe era neidhembelye lyakendezebwa inho.
Ebyava mwe’byo ghaigulu no’kubungutana no’kukontana kubyeitaka okufundikiire eghanga, abantu kamala
okubingibwa kwiitaka na’bandhi ababire benhe itaka okunagibwa. Ebigema kwiitaka era byeyongeire okuzibughala
ebyobugaiga byomwiitaka na’mafuta bwebivumbwirwa mubitundhu bye’ghanga ebigheraku ebyendhawulo kyoka
nga ate no’kweyongera kwo’bungi bwabantu kulese okusoghanila eitaka eitono eliriwo. Enfuga yeitaka eliwo buti
elaga nga eitaka tibalikozeisa bukalamu ate nga nengema yalyo ezila bulungamu bwa gavumenti ekilesewo vulugu
nhi nhyonhyo munkozesa era nengema eyo kyobukombe kyeitaka.
Enfuga nengema yeidhembe lyeitaka yona efunhye okusomozebwa okwensambo kamala ekileteire eitaka obutagha
miganulo bulungi nga bwekigwana. Ebitongole ebikola kwiitaka tibifunhye mpiiya dhetagisa obubuguze bwona
kamala ate nga neibula lyo bumanhi obwendebwa ne’bimu kubileteire abantu obutesiga bitongole ebikola
kwiitaka.
Nga engeri yo’kulwanisa ebyogelwaku ghaigulu, ebidhubo ne’bilowoozo byabantu byasolozebwa bisobole
POPULAR VERSION December 2010
1

okukubizibwaku ebilowoozo. Era mungeri eyo bingi biidhye nga bighandikibwa okutusa ekighandiko ekikumbanhya
ebidhubo byona byona bwekyaghandhikibwa era nhikitesebwaku mulukungana isoloza olwe’bigema kwiitaka
ti bakaali kuligha ba minisita. Mungeri yona yona ebidhubo ne’biteso bya’bantu babulidho, ebyabasubuzi, aba
buli disitrikiti, ebya bobughangwa era ne’bya bantu bona bona mu Uganda abalina endowooza edhendawulo bya
kunganizibwa byaghandikibwa mwiiteka lyeitaka mwiighanga.
Ekigendelerwa kyeiteka linho kili nti okukozesa eitaka ne’byobugaiga ebyomwiitaka obukalamu tusobole
okuletawo enkyukakyuka mubyenfuna ni mubantu ba Uganda.
Ekilubilirwa kyeiteka lyeitaka mu Uganda no’kukakasa no’kufuna enkozesa yeitaka enungamu ezilamu
kusosola era no’kukozesa obukalamu eitaka lya Uganda ne’byobugaiga ebirilimu okusobola okulwanisa
obwavu, okutondawo obugaiga era no’kuletawo enkulakulana.
Ebigendelerwa byeiteka lyeitaka mu Uganda.
(i)
(ii)
(iii)
(iv)
(v)
(vi)
(vii)
2
Okubugula no’kusukunda omugaso gweitaka mukuletawo omuzindo gwenkulankulana, okutonda
obugaiga era no’kulwanisa obwavu mu Uganda.
Okugemaganhya endowooza ne’nsonga edhendawulo edhigema kungeri dho’bwananyini bweitaka mu
Uganda olwo ghebewo okwiisanhya no’bukumi munkozesa no’bwananyini kwiitaka.
Okwiinongola emisoso n’ebizibu ebiri mu Isse mateeka era ni mumateeka agagema kwiitaka okusobola
okuletawo enfuga nenkuuma yeitaka enungamu.
Okulinga munsonga edhebyafayo byeitaka, ebyo’bwananyini bweitaka era no’kusosola mu bantu
kubyo’bwananyini nga basinzila ku ngeri ne’kikula kya’bantu, eidhini, obughangwa no’buzalilanwa,
ne’bindhi okusobola okuletawo enkulakulana wona wona.
Okukyusamu era no’kutereza enfuga yeidhembe lyeitaka okusobola okukakasa obulungamu era no’bwamufu
mungeri eyo’kukozesamu eitaka.
Okukakasa nga ebyobutonde era no’bukombe obwobutonde bukozesebwa era bukuumibwa bukalamu
okusobola okuletawo enkulakulana mu Uganda.
Okukakasa nga engeri abantu gyebazimba era no’kuba aghantu etegekebwa mungeri etakosa
THE UGANDA NATIONAL LAND POLICY

(viii)
butonde,mungeri eikirizibwa era esobola okuletawo enkulakulana mungeri edhendawulo.
Okugemaganhya amateeka gona gona agagema kwiitaka no’kuta amanhi mubitongole bya gavumenti
ne’byobughangwa okusobola okugema eitaka no’bugaiga obulilimu obukalamu.
Enono edhilungamya eiteeka lyeitaka mu Uganda.
(i)
(ii)
(iii)
(iv)
(v)
(vi)
(vii)
(viii)
(ix)
(x)
Eitaka kirabo kyabutonde eri abanauganda bonabona okubanakyo,nga kyaibwe nga bakyeyagaliramu nga
bakikozesa okwekulakul;anhya sekinomu oba nga bali mukibondo.
Eiteeka kubyeitaka lilina okutawo obukakafu nga liraga engeri yo’kuba neitaka eryobwananyini era
no’kutawo empenda edenkalakalira engeri omuntu atali munaUganda bwalina okufunamu eitaka.
Eitaka lirina okukozesebwa mungeri eggasa nga tiryononeka lisobole okwongera amaani mubyenkulakulanaate
nga bbeeyi yaalyo esigala nga ya mutindo.
Eitaka kyabugaiga ekyobutonde ekikusike nga ne’kyetolorelwako enkulakulana ya Uganda era nga enkozesa
yaalyo nenkulakulana erina okuba nga ne’dhimu kungeri edimalawo obwavu.
Eiteka lyeitaka lirina okutangira ebizibu byona byona ebyekusa kwiitaka nga bizingiramu embeera
dha’bantu babulidho, obughangwa, ebyenfuna ne’byobufuzi.
Okufuna nokugaba eitaka birina okukolebwa no’bwenkanhya nga tilisosola mubantu okusinzila kubutonde
bwaibwe.
Enkozesa ye’byobugaiga obwomwiitaka erina okuletawo enfuga eya demokulasiya nga ataawo engeri
edhokugondola obutaisanhya ne’nkayana kubyeitaka.
Enkozesa ye’byobugaiga ebyomwiitaka erina okumalawo ebizibu ebiva munkozesa embi eyebyobutonde
bwensi, era no’kwiizamu obugimu mwiitaka.
Eiteka lyebyeitaka lirina okulungamya amateeka ne’nkola mubitongole byona byona ebyenkulakulana.
Ebibiina ebyabantu ba buliidho, ebibiina bye madhini, ebyobughangwa ne byanekolera gyange birina
okulkolera aghalala ni gavumenti okutuuka ku birubirilwa, nebigenderelwa ebyekitongole kyeitaka.
POPULAR VERSION December 2010
3

SECTION
2
EKITONGOLE KYEITAKA MUBYENKULAKULANA BYE’GHANGA
2.1 Obwananyini Kwiitaka Nenkozesa Eyobyobugaiga Obwomwiitaka Nga Titubyoinoine
Amateeka kubyeitaka mu Uganda gataire eisira kubwananyini bweitaka gaasuula muguluka enkozesa era
nenkulakulana yaalyo ate kino ne’kinusi ekimalawo obwavu ne’ndala. Eiteka litaire amaani kunkozesa eyeitaka nga
ekyobusubuzi nga litaawo empenda edirirambulula. Ekikulu ekisimbibwaku amainho no’muli obulimi obuvaamu
ebyo’kutunda oba okusubula nga eno ni yingini eye’nkulankulana eya’balimi abatono mubyaalo nenkulakulana
ya tawuni. Okutuuka ku kiino wetagisa entekateka kubyeitaka, enkozesa yaalyo era nokutab amaani mu mateeka
agafuga ebyeitaka.
Eiteeka kyelikoba:
Ekitongole ekyebyeitaka kiidha kwongera omugaso mubyenkulakulana ne’byeitunzi ebyokusindanwa nga
kyongera amaanhi mumateeka agafuga enkozesa yeitaka no’kulikulankulanhya olwo’kwenda okutondawo
ebyobugaiga ne’nkulakulana eyensibbo.
Eiteeka elyeitaka lisubila okukola ekyo ghaigulu nga ligaita ekitongole kye’byeitaka munkulakulana yeighanga,
okumalawo obuzibu mubwananyini kwiitaka okusingila ilala mukutaasa eidhembe lya’baavu na’abo abasosoleibwa,
no’kwongera amaanhi mukulima amasamba amanene agavamu ebyo’kutunda aye nga kino tikimalaku banaUganda
idhembe lyaibwe elyokuba neitaka, okuyamba okutawo omutindho ogwabalimi abatono no’kughagira nga
bawola esnte abantu olwokutumbula ebyo’bulimi. Eiteeka era liidha kuyamba okukeberanga ebyetaago byeitaka
buli luvainhuma lwa myaka ikumi, okutema empenda okwanganga ebizibu ebiva mumwiidhuzo gwa’bantu oba
okuwera kwa’bantu munsi, okutwala mumaiso entekateka eyenkozesa ne’nkulakulana yeitaka mubantu baghansi
no’kwongera amaanhi mubukiko bwaghansi mungeri eyo’kutambuzamu ebyo’bugaiga ebyo’mwiitaka.
2.2 Entabaganhya Eyekitongole Ekyebyeitaka Ne’bitongole Ebindhi Ebyenkulakulana
Eitaka ne’byobugaiga obwebitonde bitambulila ghalala. Enkulakulana eyekindhi ekosa kinakyo. Olwensonga eyo
ghetagisa obulungamu mukutekateka ebyenkulakulana okubona nti ghabawo obulungamu mubyeitaka, ebibira,
4
THE UGANDA NATIONAL LAND POLICY

ensolo nebyobugaiga obuyikulwa mwiitaka, amadhi, ebyobulimi, ebyobulunzi no’kusenga okwabantu, ghalina
okubawo okugaita ebitongole no’kubyongeramu amaanhi okubona nti ekitongole kyeitaka kyongerwamu omugaso
kivemu enkulakulana ne’byobusuzi ebyokusindanwa.
Eiteeka kyelikoba
a)
b)
Enkyukakyuka mwiiteeka erina okubona nti ekitongole kyeitaka kyongera amaanhi mu bitongole
ebindhi ebyenkulakulana kino nekiyamba enkulakulana eyeighanga lyona lyona.
Eitaka mu Uganda liidha kugemwa nga ekyobugaiga ekye’nsi nga tubita munkola eyentekateka eri
mubitongole byona byona.
Okutuka kukino, eiteeka likalambila nga likoba nti ebyobugaiga ebyomwiitaka ebyetagisa mubyenkulakulana
binatebwangawo gavumenti eyaghagati ni gavumenti edhe’bitundu era eiteeka lyayongeraku nti enkulakulana eno
erina obutoonona mutindo gwaitaka, era enkola eye’kitongole kyeitaka nebitongole ebyenkulakulana ne’bindhi
eidha kwekebedhebwanga buli kiseera, ebyobugaigabiidha kutebwawo olwenkulakulana eyekitongoole kyebyeitaka
no’kusomesa abantu, ghaidhakubaawo entekateka eyo’kwiizamu amaanhi mubuli gwekigemaku na’beevu kunsonga
edheitaka kino nga kiidha kuletawo okugaitaganhya ekitongole ekyeitaka mubyenkulakulana eyeighanga lyona
lyona.
POPULAR VERSION December 2010
5

SECTION
3
Enkola Ya Isse Mateeka
Ekitundhu kyeiteeka kino kiisa eisira ku kugondhola obutali bulambulukufu mu Isse mateeka na’mateeka agandhi
agaema ku gavumenti ne’nsonga dheitaka. Ekitundu kino kigema kubino ghamanga.
3.1 Obwananyini Obutetengereire
Ekyebuzibwa kirinti anhi alina obwananyini kwiitaka obusembayo mu Uganda? Isse mateeka akoba nti eitaka liri
mungalo dha banauganda aye ate Isse mateeka talaga ngeriki buli omu oba abantu mukitundu yebaba no’bwananyini
obusembayo kukyapa kyeitaka. Kino kitegeza nti ghalina okubawo obuyinza obukakasa ebyapa byeitaka, nengeri
enungamu elaga anhi aizayo eitaka yebenelyo. Bino ebibuzo bigumu mumateeka.
Eiteeka kyelikoba.
a)
b)
Ebyapa ebitufu byene binabanga mungalo dha bana Uganda era binakakasibwanga gavumenti yeene.
Gavumenti enakakasanga ebyappa ebiri mukyappa ekiba.
Okutuka kukino, Isse mateeka aidha kukyusibwamu asobole okugha gavumenti amaanhin no’buyinza okukola ebintu
kulwa’bantu oba abatyame. Era eiteeka liidha kutebwawo ngaligha obukiko bweitaka ku dhi disitrikiti obuyinza
okugaba eitaka elitaikirizibwaku muntu yena yena era no’kuba no’buyinza obwokukyusamu kulwa’bantu nkanhi
no’kusaba obukiko bweitaka ku disitrikiti okugha embalilira ya byekozesa nga etambuza ensonga dheitaka.
3.2 Amaanhi Ago’kufuna Eitaka Mubughaze
Kiri mubuyinza bwa gavumenti eyaghati oba eyebitundu okufuna eitakakulwebigema kubantu nga ebyokwelinda,
obukumi, obutebenkevu, oba kulwe’byobulamu. Mwene eitaka elitwaliibwa mubughaze alina okuliyilibwa
mubwangu era mungeri enungamu nga neitakalye likali kutwalibwa. Kino kyetweta enono eyobwananyini kwiitaka
eyekikungu.
6
THE UGANDA NATIONAL LAND POLICY

Eiteeka kyelikoba
a)
b)
Gavumenti eidha kutamunkola obuyinza bwo’kutwala eitaka mubughaze mungeri eyobuvunanizibwa
ate kulwabwetavu nabigendelerwa bya bana Uganda.
Ekigela kyobuyinza obwokutwala eitaka mubughaze kirina okuzingiramu okutekateka okulungamu
kulwenkulakulana.
Kino kiidha kutukibwaku nga Isse mateeka akyusibwamu na’mateeka agekyekusaku okugha omwaganhya
ogwokwiiza eitaka singa ekigenderelwa kyokulitwala tikitukirizibwa, kighaku oba nga kigheire. Isse mateeka alina
okulaga amaanhi ga gavumenti yaghati ghegakoma,aghe engeri no’mutindo ogwokugoberela era alage obusobozi
bwa gavumenti dhe’bitundu enono dho’kuligha nga bakali kutwala buyinza kwiitaka.
3.3 Enkozesa Ne’nkulakulanhya Yeitaka
Gavumenti elina eilimo lyokukakasa nti engeri abatyamye gyebakozesamu eitaka tekosa bulamu, embeera ya’bantu
ne’nkulakulana mungeri yona yona. Kino kyetweta amaanhi ga gavumenti ago’kulabirizza.
Eiteeka kyelikoba: gavumenti eidha kukozesa obuyinza bwayo obwokufuga engeri abantu gyebakozesamu
eitaka nga elingilira byankulakulana byonka.
Okutuka kukino empendha dhiidha kutebwawo okutegeka amateeka okunatambulira omulimo guno nga kino
kyakukolebwa gavumenti eyaghagati ni gavumenti edhebitundu, okwekebedha amateeka amakaire, okusomesaa
abantu kubwetavu no’mugaso gwokutawo amateeka abantu kwebanatambulira era no’kubona nti abantu batambulira
kumateeka ne’bilagiro ebigobererwa kunkozesa yeitaka mubyaalo ni mutawuni.
3.4 Omusolo Gweitaka
Okusinzila ku Isse mateeka, gavumenti elina obuyinza okutawo empeendha edhifuga enkozesa yeitaka elya
sekinoomu olwobulungi bweighanga era kino nga kikolebwa mungeri etamalaku muntu idhembelye eryo’kukozesa
eitaka nga ghatebwawo omusolo omukakali oba omusolo ogutali gwabwenkanya. Kampegano emiwendo egiriwo
giri kubintu byonka era gino gigerekebwa gavummenti edhebitundu. Mu mwoyo gwo’kutumbula eitaka nga yingini
POPULAR VERSION December 2010
7

eyo’kukulankulana no’kubinga obwavu, enkozesa yeitaka enungamu ne’kisumuluzo no’lwekyo eiteeka litawo
omusolo kwiitaka eritakozesebwa nga engeri eyokutamu abatyamye kasundha bbasi okukozesa eitaka lyaibwe
mungeri eyomugaso.
Eiteeka likilambulura bulungi nti omulimi oghaghansi asokerwaku omusolo ogutebwa kwiitaka eriri awo nagalale
nga tirikozesebwa tigumugemaaku kubanga azira itaka lyakika oti nekyo.
Eiteeka kyelikoba.
a)
b)
c)
Mwiibanga eiteeka lyelinamala nga likola, gavumenti eidha kutema empeendha edhokutaawo oba
okugereka omusolo ogusaniire kwiitaka nga kino kiidha kukolebwa okusendasenda abantu okukozesa
eitaka era nokukomya enfuna eitaka eyokukumbanhya no’kubunga.
Eiteeka elyeitaka elikali mukubagibwa liidha kusinzira ku bukakafu obunava mukwekebedebwa
okwabakungu era nga kwogaise nengeri Issemayandha wa Afilika.
Eiteeka bwelinabanga liteirebwawo, obuyinza obwo’kugereka omusolo tibwiidha kuva mukutaawo
musolo gwaitaka kubintu bino ghhamanga:
i)
ii)
iii)
iv)
Eitaka eryokulimiraku nga lizingiramu eitaka eriterekeibwa nga limezeku ensiko nga ekigenderelwa
kuliizamu kirisa oba kulireka ligimuke butto.
Eitaka lya’bantu abali aghalala nga lyakwayiraku bisolo oba nga lyatalizibwa olwokwenda abayiizi
baliyiigilemu.
Eitaka lya’balunzi erizingiramu okulirekawo nga tiri kozesebwa okumala ekisera olwo’kwenda
lifune obugimu obuyaka lisobole okumeraku eisubi eryebisolo ebyayibwa, oba
Abantu abalekawo ekitundu kwiitaka lyaibwe olwo’kwenda okutaasa no’kukuma obutonde
bwe’nsi.
Okutuka ku kino ghaidha kubagibwawo engeri eraga eitaka eliriawo nagalale kyekitegeza, eitaka eitufu okutebwaku
omusolo era nengeri eyo’kubitamu okugereka omusolo kwiitaka oba obutagereka musolo. Ghaidha kutebwawo
eiteeka okuyambaku enkoola yeiteeka lyeitaka eryavaawo no’kusalawo obusiimo kulwokukozesa eitaka mungeri
erikuuma nga tiryononeike.
8
THE UGANDA NATIONAL LAND POLICY

3.5 Anakumanga Ebyobugaiga Ebyobutonde Kulwabantu Babulidho
Ebisolo byo’munsiiko, enandha, emiigga, ebibira, ebibali neitaka elyalekebwawo kulwobulambuzi liri mumikono
gya gavumenti kulwa’bantu. Kino kitegeza nti gavumenti erina obuyinza buno kulwobulungi bwa’bantu ba Uganda
bona bona.
Eiteeka lyetaga okutangaza no’kulambulula omulimo gwa gavumenti aghalala na’bantu ba Uganda mu bwananyini
no’kutambuzza ebyobugaiga buno.
Eiteeka kyelikoba.
Gavumenti eidha kutambuza no’kutaasaebyobugaiga byo’butonde kulwa’bantu era kulwo’bulungi bwa’bantu
ba Uganda bona bona.
Okutuka kukino, eitaka okutayama kintu kyona kyona, ghaigulu ghe’nsozi no’busozi, ne’mbera yo’butonde enkulu,
byona byona birina okwongera kubyobugaiga ebikumibwa gavumenti kulwa banaUganda; era nga bakilambulula
bukalamu mwiiteeka engeri gavumenti gyekumamu ebyobugaiga ebyobutonde buno kulwabantu ba Uganda etra
engeri abana Uganda gyebayinza okuganulwa oba okukozesa ebyobugaiga bino; okulambulula eidhembe lyo’buntu
elya’bantu ababesaawo obulamu bwaibwe nga basinzila kubyo’bugaiga bino,engeri ebitibwamu okusalawo oba
obutasalawo ebyobugaiga bino okukumibwa gavumenti kulwa’bantu ba Uganda, okutereza engema nentambuza
nenkuuma eye’byobugaiga bino eranengeri eyo kugabana eyomugaso ebiva mubyobugaiga bino.
3.6 Eiteeka Lya Gavumenti Neitaka Lya’bantu
Ghaire nga akakiiko akebyeitaka mu Uganda katebwawo Isse mateeka okutambuza ensonga dheitaka lya gavumenti,
nagugwaka eitaka lino tilyawolwanga era nhiyelili tighamanibwa. Ghazira nkola nnungamu elaga nfuga ya itaka lino.
Ebigema kwiitaka lyabantu babulidho bizibu inho kubanga obukiiko bwiitaka ku dhi disitrikiti bweghaire obuyinza
no’bwananyini kwiitaka lino.
POPULAR VERSION December 2010
9

Eiteeka kyelikoba
a)
b)
Eitaka lya gavumenti nheryo eitaka erikumibwa gavumenti oba eryo eitaka gavumenti lyefuna okusinzira
ku isse mateeka oba gavumenti lyefuna endha gheighanga. Eitaka lya gavumenti lizingilamu eitaka lyona
lyona gavumenti lyelina mumateeka, eriri ghansi gha oba erikozesebwa gavumenti ne’bitongole byaayo
nga bikola emilimo gya gavumenti. Ghano gavumenti kizingilamu gavumenti yaghagati nhi gavumenti
edhebitundu.
Eitaka lya lukale nheryo eitaka eriterekeibwa oba eriri awo nga lya mirimo gyalukale lino nga lizingilamu
eitaka eriri awo mukyangala era nheeryo eririku ebintu byalukale. Lizingilamu neitaka eriri awo nga
liziraku mwenelyo oba abobuyinza era neitaka obukiko bwa disitrikiti lyebweghebwaku obuyinza okuva
ya’baali balighebwaku obuvunanizibwa’
Kino kiidha kutukibwaku nga ghatereibwawo eiteeka erilaga endhawulo ghagati weitaka lya lukale ne lya gavumenti,
era nga linhongola obukwakulizo bwona bwona obubitwamu okufuna eitaka lino era no’kulitunda oba okulyetolaku,
no’kulambulula eibbanga eryokulipangisa era nokunweza obuyinza bwa bantu nhi gavumenti kwiitaka.
3.7 Ebyobugaiga Ebiyikulwa Mwiitaka Na’mafuta
Isse mateeka ata obuyinza ku byobugaiga obuyikulwa mwiitaka na’mafuta mungalo dha gavumenti kulwa’bantu
ba Uganda, nga etola ebyobugaiga bino mubuyinza obwokukuma ebyalukale kubanga awo ebyobugaiga bino biba
mungalo dha’bafuuzi kulwa bana Uganda bona bona. Nolwekyo Isse mateeka atola ebyobugaiga bino mubyobugaiga
ebyobutonde era ya bitola nimungalo dha’bafuuzi yabiiza mungalo dha gavumenti kubanga gavumenti dhikyusa
abantu aye obufuuzi tibukyuuka.
Eiteeka kyelikoba.
Ebyobugaiga ebiyikulwa mwiitaka aghalala na’mafuta olwokuba ne’byobugaiga ebyobutonde ebikulu einho
binabanga ghansi gha gavumenti kubanga bigasa abana Uganda bona bona.
Okutuuka kukino, Isse mateeka aidha kulongosebwamu era ghabewo enkola ekakasa nti abantu babulidho
beenigira mu kunonhya’ okuzuula no’kuyiikula ebyobugaiga ebyomwiitaka, era nga eidhembe lyabantu kwiitaka
10
THE UGANDA NATIONAL LAND POLICY

eririmu ebyobugaiga ebyomwiitaka liidha kukumibwanga era ghanabawo obukakafu okukakasa abaali beene itaka
nga ebyobugaiga bimaze okuyikulwa.
3.8 Obupangisa Bweitaka Mu Uganda
Isse mateeka eikiriza engeri innha edhokupangisa obweitaka.
i)
ii)
iii)
iv)
Eitaka nga lyabwananyini obuziraku ikomo.
Eitaka nga lya kupangisa ekiseera ekigere.
Eitaka lya Mailo nga lino liri mu Buganda era nga lirighansi gha kabaka. Abalibaaku oba abalikoleraku emirimo
basasula omutemwa ogwetebwa Busulu ne’nvuujjo
Eitaka eryobughangwa nga beneryo balimukikunsu okugeza nga lya kiika oba nga lyakikunsu kya’bantu
abava mwiighangailala okugeza nga bwekiri mu Teso, Karamoja naghandhi ghangi nga otwoireku eitaka
elyokupangisa ekisera ekigere, ghazira ngeri nnambulukufu ya bukulembeze kubiika byeitaka etereibwawo.
Ghazirawo mwaganhya gubitibwamu okukyusa engeri edhobupangisa bweitaka ekyandiresewo engeri edhindhi
edhokuba nheidhembe kwiitaka.
Eiteeka kyelikoba
a) Uganda eidhakuuma engeri kamala edhokupangisa oba okuba neitaka nga bwekirambikibwa mwiisse
mateeka.
b)
Gavumenti eidha kulambulula engeri yebiika ebyobwananyini kubintu okusinzira kubiika byobupangisa
ebiriwo olwokwenda okumalawo obwelarikilivu no’kubuzibwabuzibwa.
Kino kiidha kutukibwaku oluvainhuma lwo’kulongosa mwiisse mateeka neiteeka lyeitaka okugana ebiika
byobupangisa bweitaka okukyuka no’kulakulana okulambulule aghalala no’mulembe, tekinologiya, enkozesa yeitaka
no,bwetavu bwweitaka, okugana okukyusa okuva mubupangisa obwe’ngeri endhala okwiila muyiindhi, okwiiza
amanhi mubupangisa obweitaka obwiikirizibwa mubantu babuliidho nimunono okubona nti ghaliwo okusomesa,
okwiizamu amanhi no’kwiisa ekitibwa mwiidhembe lyabakazi, abana nabantu abazira baibwe kubyeitaka.
POPULAR VERSION December 2010
11

SECTION
4
ENKOLA YO’BUPANGISA BWEITAKA
Enkola yo’bupangisa bweitaka ezimbibwa kunono edhikoba nti eidha kutawo obukakafu no’bukuumi okufuna
obupangisa kwiitaka, okutawo obwenkanhya no’kumalawo obusosoze mukugaba, no’bwananyini kwiidhembe
lyeitaka, okukuma no’kulabilira ebyobugaiga ebyomwiitaka obwensenense, okukuma ebyobugaiga ebyobutonde,
okuyamba entekate nenkyukakyuka olwokusindanwa mungeri yebyenfuna, embeera ya’bantu ne’byobufuzi.
4.1 Okwawulayawula Mungeri Yo’bupangisa Obweitaka
Eitaka liyinza okwawulwayawulwa mumateeka omuva engeri eibiri: engeri emanhibwa mumateeka ne’tamanibwa
mumateeka mungeri yenkozesa yeitaka ekyokuboneraku eryolukale, elyobwananyinioba eriri ghansi gha gavumenti;
oba mungeri eyobutono oba obungi ekitegeza nti eidhembe lili mubwiiduvu ( obwananyini obuzira kigero, mailo
ne’lyekika oba ekikunsu nga kyekusa kubyobughangwa) oba elyekisera ekigere ( okupangisa ekisera ekiriku eikomo).
Endawulayawula yeitaka mu Uganda tegana nkozesa yaitaka etali kwedho einnha edhogerwaku ghaitale.
Eiteeka kyelikoba.
a) Eiteeka liidha kubanga mungeri isatu; elyabwananyini, elyalukale ne’lyagavumenti.
b)
c)
Buli kiika kyabupangisa bweitaka kiidha kulambululwa mubughanvu okukakasa nti buli ngeri yo’bupangisa
eikirizibwa mwiiteeka eletawo obukuumi eri embeera ya’bantu mu byenfuna, mubyobutonde bwensi nhi
mubyobufuzi kubeene itaka, abalikozesa na’balibaku.
Gavumenti nga ebita mubitongole byayo eidha kutawo embeera etebenkeza enkozesa yeitaka eriri
ghansi ghengeri dhona dhona dho’bupangisa bweitaka olwokutuka kunkulakulana etayonona itaka.
Kino kiidha kutukibwaku nga ghatebwawo amateeka agagha buli kiika kyabupangisa bweitaka nga ghabawo
obukakafu bwobwenkanya no’kutasa eidhembe lyabulimuntu, no’bukakafu mukugaba eitaka mubwenkanya,
nokubona nti omuntu mulala tabanaitaka lingi nokutasa abaavu.
12
THE UGANDA NATIONAL LAND POLICY

4.2 Eitaka Lyo’bughangwa
Engeri yo’bwananyini bweitaka lyobughangwa yasoka okumanibwa nga enkola ekiirizibwa mu Isse mateeka gha
1995 era yaikirizibwa mumateeka. Aye entambuza yengeri eno tebaire nnambulukufu bukalamu nolwensoga eno
engeri eno etwalibwa okuba enafu era eyaghansi kungeri edhindhi.
Eiteeka kyelikoba.
a) Gavumenti eidha kwiisa ekitibwa munkola nengeri yeitaka lyobughangwa nga egyazayaza
nengerieyobwananyini obuzilaku ikomo.
b)
Gavumenti eidha kughandisa enkola yeitaka lyobughangwa mungeri yayo ghansi gheghandikizo lyeitaka
lyobughangwa nga lyagayaga nempangisa ya mailo oba elyobwananyini obuzilaku ikomo.
Okutuka ku kino ghaidha kutebwawo eghandikilo lyeitaka lyobughangwa era na’ghanagabirwanga ekyapa ekyagayaga
nekyeitaka ekyobwananyini obuziraku ikomo. Olukusa lunagabibwanga okukyusa eitaka okulitola mubwananyini
obwobughangwa okuliiza mu bwananyini obuziraku ikomo oba okuliiza mu bwasekinomu aye nga bwabughangwa.
Okunhweza no’kwanguya enkyukakyuka munkola eyeitaka lwobughangwa nga kiyukana ne’mbeera dhabantu,
ebyenfuna aghalala ne’byobusubuzi kiidha kukolebwa era no’kughandhika amateeka aganakolanga kwiiteeka
lyeitaka elyobughangwa mubituundu ebyenkizo ku disitrikiti oba kwiigoloza.olukalala lwebintu nga benebyo bali
mukikunsu mukitundu ekyo lwiidha kughandikibwa.
Okwongera kwekyo, eiteeka era liidha kutebwawo okwnguya enkyukakyuka mwiiteeka lyeitaka lyobughangwa
nga eisila litebwa ku kukyusa amateeka agafuga okugaba eitaka elyobughangwa okuva kumuntu omulala okwiira
kuwundhi nga ligha ekitibwa ebitongole byobughangwa, okutawo enkola eyabafumbo okuba no’bwananyini
obwaghalala kwiitaka lya’maka, okwawula eidhembe lyeitaka lyasekinomu ku eidhembe lyeitaka lyekikunsu era
no’kutawo embeera eyomwenkaonkano mukugaba eitaka eriri munkola yeitaka lyobughangwa.
Eiteeka lyongera okulambika engeri eyokunhweza enfuga nengema yeitaka lyobughangwa nga ebita mukusemba
no’kuta munkola ebiragiro byebitongole ebifuga eitaka lyobughangwa nga kino kyakukolebwa gavumenti
dhebitundu ne’bitongole byagavumenti , okukakasa obughagizi bwamateeka eri ebitongole byobughangwa nga
engeri esokelwaku mukugabanhya eitaka, okulungamya enkozesa yeitaka no’kumalawo enkeyana era nokubona
nti ebiragilo byebitongole byeitaka lyobughangwa lighanilira eidhembe eriri mu Isse mateeka no’buvunanizibwa
obugemagana nekikula kya’bantu ekyomwenkanonkano.
POPULAR VERSION December 2010
13

4.3 Eitaka Lya Mailo Ne’lyobwananyini Obuziraku Ikomo
Eidhembe lyamatinkanhye kukaketezo keitaka akalala kunkola eno eyeitaka elesewo kilemya munkozesa yeitaka
lino. Enkolagana ghagati ghamweene itaka no’mupangisa etabwiirwatabwiirwa olwokutolawo amateeka agali gafuga
ensasula yo’busulu. Kino kilesewo okugobwa kwabapangisa no’butategeragana okubitiliire.
Eiteeka kyelikoba
Gavumenti eidha kutawo amateeka eteme ne’mpenda edhindhi okumalawo akatubagiro no’butaisanhya
obibitiliire kwiitaka lya Mailo ne’lyobwananyini obwobughangwa.
Empenda edhogerwaku dhiizingilamu okutesanhya ghagati gha mwene itaka no’mupangisa, okutongoza engabanhya
yeitaka no’kutereza ebyeitaka, no’kukozesa ensawo yebyeitaka aghalala nokutawo empenda edhokwiiramu okugaba
eitaka.
Olwokwenda okukakasa obwenkanhya, nenkola ennungamu ghagati wo’mupangisa nhi mwene itaka, okwiiramu
okwekenenhya mwene itaka aziraku kabuza no’kwiiza obuyaka okweidhembe okwoyo eyeghandisa nga mwene
itaka era no’kutesa mubwenkanhya ebigemagana kwiitaka biidha kwiizibwawo. Obuyambi bwo’kugondholanga
ensonga bwiidha kuvanga mu kooti edhinatangawo omughendo no’mutemwa singa omupangisa nhi mwene itaka
banalemwanga okwiisanhya.
4.4 Eitaka Lyobwananyini Obuziraku Ikomo
Ghairenga obwananyini obuziraku ikomo bwalowozebwa okuba obwananyini obwomulembe, bwabughanana
olwokuba bwetagisa esente edhigheraku, okugya mu kooti, okunhyezebwa no’kughandisa. Ate era nga kizibu
okubulungamya kubanga obukwakulizo bwabwo tibukyuka nambeera obutafananaku nankola eyobwananyini
eriku eikomo.
Eiteeka kyelikoba
Gavumenti eidhatanga munkola obuyinza bwayo obwokulungamya obwananyini bweitaka obuziraku ikomo
okukakasa okutambulira aghalala na’mateeka agafuga enkulakulana enambulukufu.
14
THE UGANDA NATIONAL LAND POLICY

Okutuka kukino eiteeka liidha kutebwawo okusiba obukwakulizo kubwananyini obuziraku ikomo nga ekigendererwa
kutawo nkola nnungamu eletawo enkulakulana. Abakuumi beitaka lyobughangwa basobola okulighandisa mumainha
gaibwe munkola yo’bwananyini obuziraku ikomo.
4.5 Obwananyini Obuliku Eikomo
Eidhembe lyobwananyini obwwitaka eliriku eikoo buva ku kyapa ekinene era ekikulu era ne’lisinga kuwa mwaganya
gwokubudhama ne’nkulakulana. Okutebwawo no’kutamunkola kwa Isse mateeka gha 1995, enkola empyaka
mungeri egemagana nempangisa eliku eikomo yatebwawo okusingira ilala oluvainhuma lwokusazamu obuyinza
nekitibwa ekyali kighebwa obwananyini obwobughangwa . eiteeka era likiiriza okukyusa obupangisa obuliku eikomo
okubwiiza mu bwananyini obuziraku ikomo.
Eiteeka kyelikoba
a) Entekateka eyobupangisa obuliku eikomo oba obwefananilizaku kwo’bwo eidha kughagirwa inho nga
ekisumuluzo ekyokuyamba abantu okufuna eitaka elyokukulakulana mubitundu byomutawuni era
nimubitundu ebirimu obwetavu bweitaka obwekanaime.
b)
Obupangisa obuliku eikomo bwiidha ku kyusibwanga okwiira mubupangisa obuziraku ikomo singa
omupangisa wokwiitaka lyobughangwa anabanga nga afunhye endagano yobupangisa kwiitaka lye.
Kino kiidha kutukibwaku okubita mu kukyusa endagano dha’bantu bona bona abalina obupangisa kwiitaka
lyobughangwa nga dhiizibwa mu bupangisa obuziraku ikomo nga kino kiidha kuzingiramu abo bonka abafuna
endagano dhino nga omwaka 1995 gukali kutuka, okuta eikomo kukukyusa endhagano edhafunibwa kwiitaka
lyalukale okudhiiza mubupangisa obuziraku ikomo okutolaku aghataswiika myaka 99 kubana Uganda oba myaka
49 kubatali bana Uganda; okughagila enkola yo’bupangisa obuliku eikomo kubwananyini bweitaka bwona bwona;
okutawo emitendera egyokubitamu okwiizayo eidhembe lyobwananyini era no’kutasa eidhembe lya’bali kwiitaka
mumateeka.
4.6 Ebyobugaiga Byalukale Kwiitaka Lyo’muntu
Ebyobugaiga byalukale ne’byo ebyobugaiga ebyaali oba ebikaali mubuyinza bwa’bantu bomukitundu nga
bikozesebwa ghalala okugeza eitaka lyo’kwayiramu ebisolo, ebisolo ghebinweera amadhi, ghebagherela enku nga
POPULAR VERSION December 2010
15

okwo kwotaire yebayigila. Eitaka lino elindhi lyanagibwa, elindhi lyatundibwa mukumena mateeka ate elindhi
lyekomezebwa abantu sekinomu bomubitundu ebyo.
Eiteeka kyelikoba:
a) Amateeka ne’biragiro ebiliwo ebigemagana kubintu ne’byobugaiga ebyaghalala biidha kukyusibwamu
okutukana nenkozesa yeitaka etalidhulungulula ate eleta enkulakulana.
b)
Gavumenti nga ekolera ghalala nhi beene itaka eidha kubona nti ekakasa nti ebyobugaiga byokwiitaka
nga obwananyini kubyo bwamuntu sekinomu oba bwa bantu abomukitundu (lukale) bikozesebwa
mungeri etabyonona.
Kino kiidha kutukibwaku okubita mukutawo engeri ne ngila edhitusa kubyobugaiga obwaghalala wona wona
ghebuli; okuzimba obusobozi mubantu okutambuza ebyobugaiga obwaghalala era no’kubighandisa mumateeka.
4.7 Eidhembe Kwiitaka Lyo’bughanga Obutono
Eidhembe kwiitaka elyobughanga obutono na’bantu banansangwa emikuzi egisina bungi tilitebwamu kitibwa
kubanga abantu bano obulamu bwaibwe no’kubawo kwaibwe kwesigame kubyobugaiga byomukitundu era emirundhi
egisinga bungi beyaga mumasanganzila nga ebyobugaiga bino gavumenti ebitwaire okugeza ebifo ebyobulambuzi,
ebibila, ebifo ebiyikulwamu ebyobugaiga byomwiitaka, embalama dhe nandha ne’dhe miiga. Gavumenti nga ekola
nga yenne byo etawo amateeka agabifuga era emilundhi mingi gavumenti eyiita (ebinga) abantu okuva mubitundu
bino nga tefiireyo kwiidembe lyaibwe okuba neitaka ghaire okubasasula.
Eiteeka kyelikoba:
Gavumenti nga ekozesa no’kutambuza ebyobugaiga ebyobutonde eidha kuta ekitibwa era etaase eidhembe
kwiitaka lyo’bughanga obutono era neidhembe kwiitaka lyo’budhadha bwaibwe.
Kino kiidha kutukibwaku okubita mukutawo eiteeka eligha ekitiibwa eidhembe lino nga ligha obukakafu
obwobukuumi eri okuba okwobughanga obutono era nga lirambulula mubughanvu obukwakulizo nenkola
eyokutola abantu beekika oti nikino kwiitaka olwokwendha okulikozesa mungeri eyiindhi okugeza okuleka eitaka
nga lyabyabulambuzi oba nga lyakibira.
16
THE UGANDA NATIONAL LAND POLICY

Ensonga edhigema kungabana yebyomugaso ebiva mwiitaka lino, enkola yo’kutingoza no’kutolawo okutongozebwa
no’kusasula abantu bano ababwoinebwoine no’butaali bwenkanhyamubisera ebibise byona byona biidha kuterezebwa
eiteeka rligya okutebwawo.
4.8 Eidhembe Lya’balunzi Kwiitaka
Eitaka elyabalunzi linagibwa eviireku eitaka elye’byobulunzi okukendera era ekireteire eitaka okwononeka.
Okutambulatambula kwa’balaalo kwoona kuviiremu enhombo kamala. Ebyobulambuzi obutaghawo ghalina
okutandikibwawo ekinasobozwsa okuba neitaka elyokulundilaku ense nense.
Eiteeka kyelikoba
Eidhembe kwiitaka lya’bantu abatyama mubitundu byo’bulunzi liidha kukumibwanga gavumenti.
Kino kiidha kutukibwaku okubita mukwiisawo eiteeka elinakuumanga ebyobugaiga obwaghalala ebyabalaalo nga
lilaga mubulambulukufu obwananyini, enfuga era ne’ngema yeitaka lyabalaalo. Olw’kwendha okubawo okukolera
aghalala okwe’byobulunzi ne’bintu ebindhi ebikolebwa kwiitaka nga ghazira nkeyana nga ebyobulambuzi
ne’byobulimi, eiteeka liidhakutebwawo elinagobelerwa mukukutula eitaka mubiketezo okusinzira kubigya
okulikolerwaku no’kutaasa amataka ga’balaalo obutatwalibwa. Okwiizawo eitaka elyari litwalibwa, okusasula oba
okubudhamya abalaalo kumataka gaibwe agobudhadha ghekinayaganibwa nga amataka gaali gabatoleibwaku
mubutali bwenkanhya nga kino kiidha kukolebwaku nga ghatebwawo no’kutegeragana okutawo ebifo byokwayilamu
nengila edhigyayo.
4.9 Eidhembe Lya’bakazi Na’baana Kwiitaka
Ghaire nga Isse mateeka ata eisira kumwenkanonkano, eiteeka likaremereilwa okulwanisa obughangwa,
obulombolombo ne’nono edhisosola abakazi kino nga kiviile kubunafu bwokuta amateeka munkola. Ebikolwa
byobughangwa bikagya mumaiso okutyama kumateeka.
Eiteeka kyelikoba
a) Gavumenti eidha kugya mumaiso no’kutawo amateeka okutaasa eidhembe lyabakazi na’bana kubyeitaka
nga basobola okulisikila no’kulifunaku obwananyini.
POPULAR VERSION December 2010
17

)
Gavumenti eidha kutawo embeera enamalawo okusosolasosola abantu okusinzila kubutonde bwaibwe;
era gavumentieidha kukakasa nti ghabawo omwenkanonkano kwiidhembe lyeitaka ghagati ghabakazi
na’basadha nga bakaali kufumbiliganwa, nga bafumbilagainwa, ngo’bufumbo bugheirewo era nimukusika
aghazira kubasosolamu.
Kino kiidha kutukibwaku okubita mukulungamya eiteeka ne’nkola edhigemagana kubyo’busika tidhilemesa kugha
bakazi na’baana itaka era no’kumalawo okutyobola eidhembe lyabakazi kwiitaka. Okwongera kwekyo , obughangwa
nobulombolombo obusosola abakazi na’baana nga bwekuusa kukufuna, okukozesa no’bwananyini kwiitaka
biidha kuterezebwamu, okukakasa nti eitaka lyafamire livunanazibwaku bantu bomufamire eyo bona bona era nti
abakulembeze bafamire baidha vunanizibwanga kubigema kwiitaka elyo.
Eiteeka lyagavumenti liidha kukyusibwamu okubonanti ghabawo obwenkanhya no’mwenkanonkano mubyo’bugaiga
ebyabafumbo era amateeka kubyobusika no’kulongosa obufumbo olwokuletawo eidhembe lyabafumbo kubintu
singa banabanga bafuna eitaka nga bakaali mubufumbo bwa kawundo kakubye eidhinisa. Eidhembe lya’baana
kwiitaka liidha kwiizibwamu mwiiteeka.
4.10 Eidhembe Lyeitaka Lya’bantu Ababudhama Mubifo Byomugwoiteko
Enkola yobwananyini kwiitaka mu Uganda buletawo emiziziko mukuzimba ennumba edha’bantu abenfuna entono
kubanga eitaka liliku mwene lyo. Kino kilesewo abantu okughera mubifo byo’mugwoiteko atenga ebifo bino birina
obuzibu bungi inho kubitonde byensi era ne’mbeera yebyobulamu mbi. Ebifo bino byaganibwa mutawuni nhi
kumbali kwa tawuni.
18
Eiteeka kyelikoba
Gavumenti eidha tawo enkola eyo’kulungamya obwananyini kwiitaka obwabantu ababa mubifo ebyomugwoiteko.
Kino kiidha kutukibwakuku nga ghetebwawo sente edhokugha abantu abab a mutawuni okufuna eidhembe kwiitaka
era no’kuyamba okutawo entegeragana ghagati ghebalina obwananyini kwiitaka obughandise gavumenti na’bantu
ababudhama mubifo byomugwoiteko. Ghaidha kubawo ekiragilo ekyo kwawulayawula mwiitaka eriri mutawuni
nhi kumbali kwatawuni olwo kino kinhyeze obukuumi kubyenfuna mukikezo kyeitaka era kino kiidha kulungamya
nokulongosa obutyamye obutambulira kumusingi gwebyobulamu, embeera enkalamu, obutonde obwokubawo
ensenense ne’mbeera eri kumutindo.
THE UGANDA NATIONAL LAND POLICY

4.11 Eidhembe Kwiitaka Ery’abantu Abadhogebwa
Abantu abamanhibwa nga bagwa mukikunsu kya’bantu adhogebwa na’bbo nga abalina endwaire ya silimu,
abaliku obulema kumibiri gyaibwe, abakaire ( abazeeyi) era na’bantu ababundhabundha munsi yaibwe. Abantu
bano basobola omalibwaku eidhembe lyaibwe kwiitaka olwobwavu, okugobebwa kwiitaka, okubatundaku eitaka
ne’nkola eyokusikila eitaka etaali nnungamu.
Eiteeka kyelikoba.
a) Amateeka ne’ntambuza yago gaidha kugha abantu abadhogebwa bona bona omwenkanonkano
mukufuna eitaka, okuligaba no’kulikozesa.
b)
Gavumenti eidha kulungamya entunda yeitaka nga mukino erubilira okutolawo entunda yeitaka embi
eletera abantu obulumi no’kweghanika emyoyo era ekakase nti eidhembe lya’bantu abadhogebwa
kwiitaka likumibwa.
Kino kiidha kutukibwaku okubita mukutawo eiteeka elinakumanga eidhembe lyebikunsu bya’bantu abadhogebwa,
okukakasa nti abantu bano abadhogebwa bafuna eitaka, okulungamya entunda yeitaka, okukakasa nti eidhembe
lye’bikunsu bya’bantu abadhogebwa likumibwa no’kutawo emisomo kiyambe ebikunsu bya’badhogebwa okuba
anweevu kwiidhembe lyaibwe kubwananyini kwiitaka.
Okwiiriza abantu amataka gaibwe, amayumba ne’bintu ebindhi oba okulighilira abantu ekibagwaniire no’kubudhamya
abantu ababundhabundha ne’dhigya okuba edhimu kumpenda edhiidha okukolebwaku nga tubita mukutawo engira
eyokwiiriza abantueitaka, okubalighilira oba okubabudhamya.
4.12 Okwiiriza Abafuzi Abensikilano Ebyaibwe
Mu 1993, gavumenti ya Uganda yabisa eiteeka elyokwiiriza abakolowo oba abafuzi bensikilano ebintu byaibwe
kulwabantu bebatwala. Omulimo gwokwiiriza abakulembeze bensikilano gwagha aye buti ekigya mumaiso
ntegeragana kubintu abakolowo byebendha babairize ayenga tibyaali mwiiteeka. Enkolagana ghagati gha’bantu
abalina eidhembe nobwananyini kwiitaka na’balibudhamaku yetagisa okulambulula no’kuterezebwa.
POPULAR VERSION December 2010
19

Eiteeka kyelikoba.
a) Gavumenti nga emazze okufuna obukakafu kunsonga dhino eidha kwiiriza abafuzi bensikilano ebintu
byaibwe byona byona ebyabaghambwaku mu 1967 nga bwekiri mundagano eyakolebwa na’bafuzi bano
era nga bwekiri mwiiteeka lya’bafuzi bensikilano ( okubairiza ebyobugaiga ne’bintu byaibwe ebindhi
byona byona) mu kilagilo 240.
b)
Eitaka ne’bintu ebiliziibwa abakulembeze bensikilano kulwa’bantu bebatwala biidha kukozesebwa
era no’kutambuzibwa nga ekintu kyaibwe ekyaghalala nga bikuumibwa abakulembeze abensikilano
kulwa’bantu.
Kino kiidha kutukibwaku okubita mukukakasa nti eitaka ne’bintu byo’mukulembeze ghensikilano nga omuntu
kububwe byakwawulibwa bukalamu kwe’byo byakuuma kulwa’bantu batwala era nokubona nti batambuza
omulimo gwaibwe nga abakuumi bbe bintu no’kutaasa abantu abali kwiitaka eryabailizibwa nga ghazira alibagobaku
mukumena mateeka.
4.13 Obuzibu Obuli Kwiitaka Lye’kibaale
Ebigema kumasaaza abiri nga gano nhi ga Buyaga nhi Bugangaizi aganagibwa era nigatemebwa ku Kibaale olwo
Buganda nhegeiza ne’kimu kubutaali bwenkanhya obusinga obukulu mubyafayo byeitaka. Abaganda ghaire nga
tibabayo bakaalina eidhembe lyo’bwananyini kwiitaka mumasaza gano ghaire nga akalulu ka 1964 kairiza Bunyoro
amasaza gano. Ate obuzibu bweyongera nga buno buva kubabudhamye ababoomoka nga bava e Kigezi ekiresewo
okukontana kwiitaka nhi ghagati ghabeene itaka na’batyamye banansangwa.
20
Eiteeka kyelikoba
Gavumenti eidha kutwala eidhala nga lyankalakalira okulinga munsonga edhebyafayo byeitaka ebitaali
byabwenkanhya era kino eidha kukikola mungeri eletawo okwiisanhya no’butebenkevu ghagati
gha’babudhamye na’batyamye nansangwa.
Kino kiidha kutukibwaku okubita mukughayo ebintu kamala mu nsako yebyeitaka olwokulighilira beene itaka
abazirawo, okufuna embalilira egema kwiitaka lyona lyona eliriku ababudhamye, okwiiriza abatyamye banansangwa
eidhembe lyobwananyini kwiitaka nga tubita mukutematema no’kugabanhya eitaka era no’kutawo eiteeka elifuga
ababudhamye.
THE UGANDA NATIONAL LAND POLICY

4.14 Eitunzi Lyeitaka Oba Obutale Bweitaka.
Obutale bweitaka butegeza enkyusa yeidhembe kwiitaka okubita mukutunda, kupangisa, kweyazikwa, kweyama
nengeri edhindhi edhikyusa obwananyini. Nga otwoireku okugaba eitaka okwabuliidho, okugula eitaka nengeri
yabuliidho enangu eyo’kufunamu eitaka. Akatale kona kona akaba kaliwo, kikulu inho okuba nga kakola
mubwenkanhya era mubwesimbu okughagira enkulakulana era no’bwetavu bwa’bantu obwobughangwa.
Eiteeka kyelikoba
Gavumenti eidha kutumbula enkola eyobwenkanhya, bwesimbu era ematizza mubutale bweitaka mungeri
dhona dhona edho bwananyini bweitaka.
Kino kiidha kutukibwaku okubita mukughagira enkyusakyusa mwiidhembe lyobwananyini kwiitaka nga aye
obukuumi bwa’bantu nebyaalo, okufuna ekitongole ekinalungamyanga akatale keitaka era no’kutawoenkola
edhokukendeza ebizibu ebiva mukatale keitaka akomuliro era no’kulungamya bakayungirizi beitaka okusobola
okukendeza okwebungaku nokwetuuma eitaka. Kino kiidhakusoboka nga ghatebwawo enkola ennungamu
egemagana nebigema kwiitaka era no’kuterezamu kubyokughandika amataka nga bakozesa obuuma bukali magezi.
Akatale kokupangisa eitaka kisumuluzzo kyakufuna itaka era no’kukulakulana.
4.15 Eitaka Lyo’kusigaku Empiiya.
Gavumenti nebitongole byayo elina okutawo embeera esendhasendha abasiga mpiiya abakuno na’baava endha
olwokukyusa ebyenfuna. Abasiga mpiiya betaga obukakafu kwiidhembe lye’bintu neitaka lyabatamu empiiya.
Eiteeka kyelikoba
a) Gavumenti eidha kutondwo embeera esobola okusendhasendha abasiga mpiiya abakuno na’baava
endha mubitongole ebikulu mwiighanga era nga kino kyakukolebwa;
i) Ghalala na’mateeka era nenkola edhiliwo nga ghazira gwebasosoile.
ii) Okusinzira kukukebera okutufu no’kweghayo munkola.
b)
Gavumenti eidha kutawo enkola edhinakendheza obuzibu obuyinza okuva mwiisiga lye mpiiya olwo
esobole okuletawo enkulakulana wona wona.
POPULAR VERSION December 2010
21

Kino kiidha kutukibwaku okubita mu kutemawo empendha edho kulungamya gavumenti ne’bitongole byayo
okutawo eitaka elyo’kusigaku empiiya nga kuno kwotaire okutolawo obukwakulizo bwona bwona era no’bubuguzze
no’kwongera amanhi mungeri eitaka lyokusigaku empiiya gye lituka kubasizi badho. Okufuna oba okutwala eitaka
kubughaze tikikola kwiitaka elyokusigaku empiiya era neidhembe lyabana Uganda kwiitaka liidha kukumibwa
nailala ghekyaganibwa nga musiga mpiiya yetaga kugulabugule eitaka okuva kumuntu buntu.
4.16 Enkola Edhokukuuma Eidhembe Lyeitaka
Abana Ugganda abasinga bayinza obutasobola kwefunira kulwaibwe eidhembe lyeitaka mungeri dhona dhona
edhobwanantini kwiitaka edhiikirizibwa mumateeka. Kyoka ate ebitongole ebikola kwiidhembe lyeitaka tibisobola
kwesigibwa nti binakakasa obukuumi bweitaka lya’balikozesa no’kusingira ilala elyabbo abanafu. Okwongera
kwekyo, okutawo ekikomo kyo’butono obukomebwaku mukutematema eitaka okusobola okweghala okusalasala
eitaka mubuketezo obusilikitu obubitiliire mubyaalo nhi mu tawuni olwo ghabewo okukulakulana okwemulembe.
Eiteeka kyelikoba
a) Gavumenti eidha kutawo enkola edhikakasa nti buli mutyamye mu Uganda anhumilwa eidhembelye
elyeitaka.
b)
c)
Gavumenti eidha kusalawo obugazi bweitaka obusembayo ghansi olwokulungamya enkulakulana
eyo’mutindo.
Abagwiila tibaidha kughebwa idhembe kwiitaka kuswiika kumyaka 49 kwiitaka lya Uganda.
Okutuka kukino, ebigema kwiitaka ne’nfuga yalyo biidha kutabikibwa mubyendhegeresa mumasomelo ga Uganda.
Obuyinza bwo’kusalawo beeyi yebyeitakabwiidha kwiizibwa mubiketezo byendhawulo era nenfuga yeitaka
lyobughangwa mubitundu byendhawulo eidha kwiizibwamu amaanhi. Omugaso gwebibiina mukukuuma eidhembe
lyeitaka gwiisibwamu ekitibwa era no’kutawo enkola enalungamya ebyetaka mubyaalo nhi mutawuni era no’kutola
eitaka kubagwiila.
22
THE UGANDA NATIONAL LAND POLICY

SECTION
5
ENKOLA YENFUGA YEIDHEMBE LYEITAKA
Enfuga yeidhembe lyeitaka ezingilamu emikuutu ne’mitendela egibitwamu okutondawo eidhembe lyeitaka,
okwiinhongola, okulighandhika no’kulinhweza; obukakafu bwobulungamu muntunda ne’ngula yeitaka, enkontana
kubyeitaka dhikolebwaku, emisolo nesente okuva mwiitaka dhikolebwaku, era nhebigema kwiitaka bighandhikibwa
era byaterekebwa. Mungeri eyo, ebyetago bya’bantu kwiitaka bikolebwaku, byailibwamu era byakuumibwa.
5.1 Enfuga Yeidhembe Lyeitaka
Enfuga yeidhembe lyeitaka ekooze kinene inho mukumalawo obukuumi kwiidhembe lyeitaka nga kino kisinze kuva
kwiibula lyengeri enkalamu eyokukuuma ebighandhiko, matinkanhye mungeri ebigema kwiitaka gyebighebwayo,
obubuguze no’bulimba aghalala neibula lyobwesigwa mukitongole ekifuga eidhembe lyeitaka. Enfuga yeidhembe
lyeitaka elina okutwalibwa kubwayo etolebwe mubyobufuzi era etolebweku omukono gwabafuzi mwiighanga.
Eiteeka kyelikoba:
a)
Gavumenti eidha kukola enkyukakyuka eyomugundo mu nfuga yeitaka olwo eletewo obulungamu
no’bwangu mubyeitaka.
b)
Gavumenti eidhakwiisa ekitibwa munkola eyeitaka lyobughangwa era etewo engeri gyegemaganhya
enkola yeitaka lyobughangwa na’mateeka.
Kino kiidha kutukibwaku okubita mukwongera okwiiza obuyinza bwokufuga eidhembe lyeitaka mubitundu
byendawulo era nhi mubyobughangwa, ebitongole ebifuga eidhembe no’kuletawo embeera eletera abakozesa eitaka
okusingira ilala abakazi okwenhigira munfugayeitaka neidhembe lyayo.
5.2 Empereza Yeidhembe Lyeitaka Eri Abantu
Engeri eidhembe lyeitaka yelitusibwa ku bantu eri mungeri ibili nga no’muli okufuna era no’kulungamya enkola
dhona dhona mungeri dhobwananyini dhona dhona. Enkola dheetaga okutukanhya no’mulembe era no’kutereza
okusobola okweghala obubuguze nempereza etali nkalamu.
POPULAR VERSION December 2010
23

Eiteeka kyelikoba
a)
b)
c)
Gavumenti nga esinzira mu Isse mateeka eidha kutwala obuvunanizibwa bwokufuga no’kutambuza
ensonga dheitaka.
Gavumenti eidha kukyusalyusa enkola yona yona eyebyenfuga byeitaka olwokusobola okuletawo
okutusa kubantu enkola ennungamu mubyeitaka.
Gavumenti eidha kukakasa nti emikuutu nenkola dhona dhona edhigema kwiitaka dhiterezebwa
mukugha embalilira no’kutukibwaku abantu mubwangu.
Kino kiidha kutukibwaku okubita mukutawo era no’kulabilira ekitongole ekyokughandhika amataka era neidhembe
lyeitaka munkola ya bwananyini kwiitaka eyobughangwa, okugondhola era no’kulondola enkyusa mubwananyini
kwiitaka . era ghaidha kubawo okwekenhenhya eiteeka lya gavumenti edhebitundu olwo kuletewo no’kutondawo
ebitongole ebyemalilire okutambuza ensonga dheitaka. Okuta amawoofisi mubitundu ebyendhawulo okusobola
okutusa obukalamu ebigema kwiitaka kumuntu ghaghansi. Era ghaidha kubawo akakiko akakola kunsonga
dhenkayana dheitaka mubuli kitundu.
5.3 Okupunta No’kukebeera Eitaka
Okupunta no’kukebeera eitaka bidwiire eibula lyabakoozi abatendeke, eibula lye’bikozesebwa okuyamba okukola
omulimo gwo’bupunta obukalamu, enkola etaali nnungamu mugavumenti dhebitundu ekilesewo obuzibu mungeri
eyokusindhikamu abakoozi abatendeke ku dhi disitrikiti, beeyi yobughanana eyo bupunta neibula lyabantu
abo’kukolagana nabob. Nga oyongeire kwe’byo, engeri ensalosalo dheitaka elyobughangwa dhilina okwiisibwamu
ekitibwa.
Eiteeka kyelikoba
Gavumenti eidha kuta amaanhi era no’kutukanhya no’mutindo enamula, ensala no’bupunta kwiidhembe
lyeitaka.
24
THE UGANDA NATIONAL LAND POLICY

Kino kiidha kutukibwaku okubita mukugondhola era no’kutereza ebitongole byobupunta byona byona olwo
kulungamya abakoozi nebeeyi yo’bupunta era no’kumanisa abantu era no’kubagha obusobozi ku kupiima
no’kusalawo kwiidhembe lyeitaka. Ekighandiko kiraga nti abantu betaga okusomesebwa ku bitongole byobughangwa
no’mugaso gwabapimi na’bapunta.
5.4 Enkola Eyebigema Kwiitaka
Ogumu kumilimo emikulu egyenkola yo’bufuzi bweidhembe lyeitaka no’kukakasa nti ebigema kwiitaka okugeza
nga obunene bwalyo, ghelyaganibwa era nenfanana yalyo, ebiyinza okulivamu era enkozesa yalyo bituka kubantu
mubutufu bwabyo. Era kikulu ebigema kwiitaka nga enkozesa,ebiri kwiitaka eryo, emboneka yeitaka, obungi
bwabantu ne’bisolo ebiriliku, era ne’byobutonde okutegezebwa abantu. Bino bikulu inho kulwentekateka yenkozesa
yeitaka era no’lwo kutereza esente edhilivamu.
Eiteeka kyelikoba
Gavumenti eidha kutawo era ekuume enkola eyebigema kwiitaka eyesigika, ekozesa tekinologiya owomulembe
era enangu eri abantu okukozesa kulwenkulakulana yeighanga.
Kino kiidha kutukibwaku okubita mukugundhawo enkola eyokughandika ebigema kwiitaka ekozesa bukalimagezi
nga eno eidha kughanilira enkola ye’bigema kwiitaka era ekyusemu mwiiteeka olwokumanhisa ebya tekinologiya.
Emitenmdera egyo’kutuka kukino giidha kutwaliramu okutawo omutindo no’kulongosa obukalamu ebigema
kwiitaka byona byona. Enkola ye’bigema kwiitaka elina okwiinhonhokwa abantu babuli nsambo era nabakozesa
eitaka.
5.5 Engondhola Yenkontana Dheitaka
Okubungutana ne’nkontana kwiitaka dhili kweyongela mwiighanga ate nga enkola eliwo eyokugondhola ensonga
dheitaka tesobwoire kukola kunsonga dhino olwobungi bwadho obweyongera bulilukya. Ghaliwo obwetavu
obwokukakasa enkola etukikaku mubiseera ennungamu ate nga tiyabughanana okulungamya obutale bweitaka,
obukuumi era no’butebenkevu mukitongole kyeitaka. Okwongera kwekyo, ghaliwo obwetavu bwokwiiramu
okutereza engeri era ne’ngema yenkayana dheitaka mungeri eisa ekitibwa mundhawukana ghagati ghe’nkayana
dho’kwiitaka lyobughangwa ne’dho edho’kwiitaka eriri mubwananyini bweitaka obwengeri edhindhi.
POPULAR VERSION December 2010
25

Eiteeka kyelikoba
a)
b)
c)
Kooti dheitaka dhiidha kwiizibwawo nga dhigheireibwa ebikozesebwa okudhisobozesa okukakalabya
emilimo gyadho mubuyinza obudhighebwa Isse mateeka.
Gavumenti eidha kutawo obutongole mu kooti enkulu nhi mukooti ento obunakolanga kunkayana
dheitaka olwokugondhola engema yensonga dheitaka mu Uganda.
Enkola dho’kugemamu no’kugondhola enkayana dheitaka dhiidha kuterezebwa olwokwanguyiriza
engema yenkayana dheitaka etaali yabeeyi bughanana.
Kino kiidha kutukibwaku okubita mukwiizawo kooti dheitaka edhiziramu bungodyooli bwankola dhamateeeka
enzibuedhili mukooti dha’mateeka edhabuliidho, nga dhilina amateeka amalungamu agafuga enkola dhadho era
nengema yenkayana dheitaka eidha kutebwawo. Kwiitaka elyobughangwa, ekitibwa kiidha kwiisibwa munono
nansangwa edheira era nenkola mukugema no’kumalawo enkayana kwiitaka. Engeri eyindhi eyokumalawo enkayana
dheitaka kiringililwa inho ekighandiko ekyenkola yeitaka mwiighanga.
5.6 Enfuna Yesente Kwiitaka
Okwiiza enkola yenfuga yeitaka mubitundu byendawulo okwakolebwa eiteeka lyeitaka akatundu 227 era neiteeka
lya gavumenti yebitundu akatundu 300 mu mwaka 2003 kutonzewo omwaganya gwokukola era okufuna sente
kwiitaka okubita mumisilo, obusulu, sente edhiva mubupangisa era no’kubita mumirimo egyigema kwiitaka gyona
gyona. Okughagira no’kutereza engeri eitaka gyerivamu sentekikulu inho..
Eiteeka kyelikoba:
Gavumenti eidha kuta amanhi mubitongole ebifuga eitaka olwokuletawo enkola eyokufuna no’kukola sente
kwiitaka.
Kino kiidha kutukibwaku okubita mu kwiiramu okulingilira no’kwekebedhaeiteeka lyo’musolo kwiitaka olwokusobola
okutondawo engira edhindhi edhokufunamu sente okuva mwiitaka. Okulondhola enkola yebitongole ebyaghebwa
okusoloza sente edhiva mwiitaka kiidha kuyamba okukendeza kukwonona eitaka no’kufirizibwa. Amanhi
26
THE UGANDA NATIONAL LAND POLICY

ge’bitongole byeitaka ebyaghansi gaidha kusimbibwa kunkunganhya yasente nhenkozesa yadho era no’mutemwa
kwiitaka okubita mugavumenti dhebitundu. Okukakasa enkulakulana mukitongole kyeitaka ghaidha kubawo
engabana yesente edhiva mwiitaka ennungamu mu bitongole byona byona ebighereza abantu ku byeitaka.
POPULAR VERSION December 2010
27

SECTION
6
Enkozesa Yeitaka Nhe’fuga Yalyo
Uganda elina ekizibu oba ekisomoza ekyeibula lyentekateka eyenkozesa yeitaka era nenkola eyokukuuma ebiragiro
byenkozesa yeitaka, okumeruka kwo’butawuni, engema embi eyebyobutonde, okwonona no’kukozesa obubi
ebyobugaiga ebyobutonde. Okwongera kwekyo, enkozesa yeitaka era nengema yalyo bibita mumitendhelaegibitiliire
obungi kyoka nga buligumu gugema akasonga kalalakalala era nga kino kiretawo obutagemagana mungeri
gyebakakalabyamu egyaibwe . era nabwekityo kumikuzi kamala ghabairewo okudhobonkana nokwiira mumilimo
mubitongole era no’butagemaganma ghagati gha’bantu ne’bitongole ebyendawulo ebikola kwiitaka. Obuzibu
buli kunkola ye’kitongole ekitaghagila enkulakulana yeitaka ekiremesa enkola ennungamu nenfuga enkalamu
eye’byobugaiga bwomwiitaka. Enkola enho eta eisira kunfuga yeitaka, enkozesa yalyo era nenkola yekitongole
kyeitaka.
Eiteeka kyelikoba:
a)
b)
Gavumenti eidha kukakasa nti ebyobugaiga bwomwiitaka bukozesebwa era bugemebwa mungeri
ennungamu obukalamu.
Gavumenti eidha kuta munkola enkola etegerekeka obukalamu okukuuma no’kulabirila ebyobugaigga
obwomwiitaka.
Kino kiidha kutukibwaku okubita mukutawo omutindo kunkozesa yeitaka era no’kukyusiza ilala enkola yenfuga
yenkozesa yeitaka nga kwotaire okutendeka, okusindika ababalilizi abatendeke kubyeitaka era no’kwiiramu
okwekenhenhya enkola dhona dhona edekuasa ku nkozesa yeitaka okusobola okuletawo okugemagana neiteeka
lyeitaka elyighanga.
6.1 Okutekateka No’kulungamya Enkozesa Yeitaka
Okutegeka eitaka mubuliwo kikulu inho mubulingeri yona yona eyobwananyini kwiitaka mumazima neidhala
elisokebwaku munfuga yenkozesa yeitaka kuba kisobozesa gavumenti yaghagati neyebitundu, na’bantu sekinomu
okusalawo tibukali ekyokukola okweyongerayo no’kukulankulana mukitongole kyeitaka mubitundu byona byona.
28
THE UGANDA NATIONAL LAND POLICY

Ebikozesebwa ebisokelwaku mu ntekateka eyokutegeka ebyeitaka mu Uganda tibisobwoile kutugha nkola nnungamu
okuyamba okutekateka kwiidhala lyeighanga oba nhi mubiketezo ebyendawulo era no’kuta munkola entekateka
mu bitundu bye byaalo. Nga oviire kwekyo, obukiko obutekateka obwaghansi buliidho tibubaire nabyetagisa ghaire
obusobozi okutekateka oba okuta munkola entekateka edhiba dhikakasibwa. Ghaliwo olukonko olubba ghagati
ghe’ntekateka eyenkozesa yeitaka, okuta munkola entekateka enho era no’kulungamya enkozesa yeitaka. Okugaita
kwekyo, ghazira nkola emanhibwa nnungamu elaga engeri eyokugemamu enkayana dheitaka.
Eiteka kyelikoba
a)
b)
Gavumenti eidha kukakasa nti ebyobugaiga ebyobutonde bikozesebwa era bigemebwa mungeri
enkalamu etabyonona okusobola buti ne’mirembe egiidha,
Gavumenti eidha kwekenhenhya era etereze enkola yentekateka yenkozesa yeitaka yona yona era
no’kugilungamya.
Kino kiidha kutukibwaku okubita mukulangilira nti eighanga Uganda lyona lyona lyakutekeratekeramu ebigema
kunkozesa yeitaka nenkulakulana, okutawo ebigobeelerwa nga bawula ebiketezo era no’kuletawo okugondera
ebiragiro ebifuga enkozesa yeitaka no’mutindo gwalyo mubyaalo nhi mubibuga. Okwongera kwekyo, entekateka
yeighanga enene eidha kuzingiramu entekateka yenkozesa yeitaka. Ghaidha kubawo okwekenhenhya era
no’kukyusa mumateeka okukakasa nti amateeka tigakontana naiteeka lyeighanga kwiitaka. Ekikulu mukuletawo
bino nokusomesa era no’kutendeka abantu mubitundu ebyendawulo kunkozesa yeitaka, entekateka era nengema
yalyo.
6.2 Omutindo Gweitaka Ne’miganulo Gyalyo
Okwonona no’kufa kwo’mutindo gweitaka ne’kimu ku bizibu ebinene mukitongole kyeitaka. Kino kiviireku
engema yeitaka era nenkozesa yalyo embi, eilungu eliidhye olwe’nkyukakyuka mumbeera yo’bwiire, okutyobola
no’kwonona eitaka era na’madhi era neibula lyebikozesebwa okughagira emilimo gyendawulo nailala mubyobulimi
no’bulunzi. Ghaliwo obwetavu obwekitalo obwokukakasa omutindo gweitaka nempenda edhendawulo okukyusa
engeri ebintu gyebiri buti.
POPULAR VERSION December 2010
29

Eiteeka kyelikoba
Gavumenti eidha kutawo enkola mubitongole eyokwiizawo, okukuuma era no’kulondola omutindo era
ne’miganulo egye’byobugaiga bwomwiitaka.
Kino kiidha kutukibwaku okubita mukwiiza obuyaka no’kukuuma omutindo gwe’byobugaiga bwomwiitaka
okubita munkozesa yeitaka era ne’nkuuma yalyo ennungamu. Engeri dhiidha kutebwawo okusobola okulekeza
okukutulakutula mwiitaka, okulungamya engeri ebikaba ebiva mumakolero gye bigemebwamu, okuta eikomo
kukwonona eitaka era nokughagira abantu okuzimba mubifo ebyekibuga. Okugha abantu obuyinza na’maanhi
okubita mumisomo era nhi mukwenhigira mungeri enkalamu edhokukozesamu eitaka.
6.3 Ebyobugaiga Obwomwiitaka Ne’byobutonde
Uganda erina ebizibu ebigema kubyobutonde kamala nga bino bizingiramu okwonona emiganulo gyebyobugaiga
byobutonde nga ebibira, ebisolo byomunsiko, ebibali, kubusozi ghaigulu, enandha nemigga, embalama dha’madhi
nga kwotaire okwonona eitaka, obwengula era na’madhi. Ghaire nga amateeka ne’biragilo ebigema kunsonga dhino
biriwo, kibaire kizibu inho okubita munkola olwemisoso egyetoloire engema era ne’nsalawo kubintu ebigema
kukitongole kyeitaka.
Eiteeka kyelikoba
a)
b)
c)
Gavumenti eidha kukakasa nti ebyobugaiga ebyobutonde bikozesebwa era bigemebwa mungeri
enkalamu etabyonona okusobola okugasa no’kuganula buti ne’mirembe egiidha.
Gavumenti eidha kwongera amaanhi munkolayengema nenfuga yebyobutonde nga eyongera ammnhi
muntekateka, ebiragiro ne’nondola ye’byobutonde nga kwotaire okwenigira mubintu kwabuli
gwekigemaku munfuga ye’byobugaiga bwobutonde.
Gavumenti eidha kukakasa nti enkozesa dhona dhona edheitaka dhitukana nentekateka dhenkozesa
yeitaka era ne’nono dhe’ngema yebyobutonde nga ozingiremu obukuumi kwiitaka na’maadhi era
nengema yabyo.
30
THE UGANDA NATIONAL LAND POLICY

Kino kiidha kutukibwaku okubita mukutawo ebisendhasendha abantu okwenhigila mukukuuma eitaka lya
bulimuntu era no’kulabilira ebyobutonde ne’bisolo. Kino era kiidha kutwaliramu okutawo enkola eyokugabana
obuvunanhizibwa ghagati ghe’bitongole ebifuga ebyobugaiga bwomwiitaka, abobuyinza era na’bantu bona bona
abaghansi.
6.4 Ebifo Ebisenzebwa Abantu
Uganda ezila iteeka lifuga bantu bwebazimba era ghebaba. Engeri endhu no’bubudhamu bwabantu gyebimerukawo
(mubyaalo era nhi mutawuni) etaghanizibwa eibula lyentekateka ennungamu efuga okuzimba nga kuno kwotaire
enkulakulana eyekibwatukila era etali muntekateka mutawuni mumulembe guno gwo’kuzimba obutawuni ne’bibuga,
ghaliwo okuzimba amayumba agatalikuntekateka nga bweeri, eibula lyebintu ebisokelwaku era nengudo, obuyumba
obubi era no’kwonona eitaka ne’byobutonde ebyetoloire nga ebibali, obusozi era ne’mbalama dhe’nandha
edhendhawulo.
Eiteeka kyelikoba
Gavumenti eidha kuyiya era etewo eiteeka elifuga engeri abantu gyebatawo ennumba era neiteeka elifuga
emmeruka yo’butawuni okusobola okuletawo entekateka ennungamu kulwe’nkulakulana etegerekeka.
Kino kiidha kutukibwaku okubita mukutawo enkola enambulukufu efuga engeri amayumba gabantu
gyegazimbibwamu, okutawo eiteeka elifuga emmeruka yo’butawuni era no’kukakasa nti ghatebwawo ebiragiro
ebirina okugoberelwa munkozesa yeitaka olwokuletawo entekateka enkalamu no’kutuusa ebintu kubantu. Amateeka
agatukiliire gaidha kutebwawo okutereza no’kufuga ebyobulimi mu matawuni.
6.5 Ebyobulimi
Mu Uganda ebyobulimi bikolebwa kumutindo gwaghansi era kitono inho. Eitaka elyokulimiraku mu Uganda
tilikozeseibwa bukalamu nga bwekisaniire. Enhima embi dhiviireku okwongera okwonona eitaka okubita mu
kwalala kwamukoka neitaka okughamu ebilisa, okutema emiti no’kwonona amadhi. Amani geitaka okuvamu ebintu
era na’manhi galyo okuzala ebyobulimi bikaali kutegerebwa bulungi. Kino kikifiire ekizibu einho okukozesa eitaka
obukalamu.
POPULAR VERSION December 2010
31

Obwetavu bwokwawula eitaka lyo’kulimilamu okusobola okufuna enimilo kwiitaka, obungi bwabantu obubitiliire
mubitundu ebindhi buleteire eitaka okukutulwakutulwamu mubitundhu ebindhi,okukozesa eitaka nga tiliwumulamu
bikoozesa kinene mukulemesa enkulakulana. Obukuumi bwo’bwananyini kwiitaka ne’kimu kubizibu abakazi abalimi
bwebalina. Ate nga ke’kisembayo, Uganda ezila itaka lyabulimi.
Eiteeka kyelikoba
Gavumenti eidha kulungamya enkozwsa yeitaka na’madhi agebyobulimi nga ekolela ghalala neiteeka elifuga
ebyobulimi mwiighanga.
Kino kiidha kutukibwaku okubita mukutawo eiteeka eilambulukufuelifuga ebyobulimi mwiighanga nga liidha
kuzingilamu okusala ebiketezo ebyokulimilamu, okunhweza obuyinza kwiitaka elyo’kulimilaku, engema enkalamu
eyamadhi, eitaka ne’byobugaiga byomwiitaka olwkwongera amaanhi mubyobulimi era nhimumpandhisa yeitaka.
6.6 Okukyuka Kwe’mbeera Yo’bwiire
Uganda yo yatandhika ila okubona bona olwokukyuka kwe’mbeera yo’bwiire. Ensonga edha’manhi edhetaga
okulowoozaku mu Uganda dhizingiramu okutema ebibira, okwonona ebibali neitaka era nentekateka embi
eyenzimba yennhumba. Okwononeka kwe’byobutonde nagazibu agandhi agaleteire abantu okubundhabundha nga
baava mukifo ekilala okugya mukindhi nga banonhya embeera enkalamu.
Eiteeka kyelikoba
a)
b)
c)
Gavumenti eidha kulongosa enfuga ye’byobutonde ne,byobugaiga ebyobutonde muntegeka yayo
eyokumalawo ebizibu ebiva munkyukyuka ye’mbeera yobwiire.
Gavumenti eidha kutawo enkola eikiliziganhya nentekateka ya’maghanga agendha edhokufuga
no’kugemamu enkyukakyuka mumbeera yo’bwiire.
Gavumenti eidha kutema empendha edhokukendeza oba oli awo no’kumalawo ebizibu ebiva
munkyukakyuka yembeera yo’bwiire.
32
THE UGANDA NATIONAL LAND POLICY

Kino kiidha kutukibwaku okubita mukutawo enkola enata eikomo ku byoosi, okuta amanhi mukwenigira mukukomya
ebiva mu kukyukakyuka kwe’mbeera yo’bwiire kino nga kyakutereza enkozesa yebyobugaiga byomwiitaka kino
kisembebwa ensomesa ya’bantu kukufayo era nokufuga ebiva mu kukyuka kwe’mbeera yo’bwiire.
6.7 Ebitongole Ebyokufuga No’kugema Eitaka
Enfuga era ne’ngema enkalamu eyenkozesa ye’byobugaiga bwomwiitaka ebyobutonde tesobola kufunhwa
okutolaku nga ghabairewo okutereza mubitongo ne’ntambuza ye’nsonga dhininhye enkandhaigo olwebitongole
ebibitiliire obungi nga buli kimu kirina obuvunanizibwa bwakyo kungema yeitaka nga kino kiresewo okukontana
mubuyinza ate ngaghazira nnono dhakugobelera.
Eiteeka kyelikoba
Gavumenti eidha kutawo enkola etabaganhya ebyobukuumi ne’ngema enkalamu eyebyobugaiga bweitaka
obwobutonde.
Kino kiidha kutukibwaku okubita mukwekenhenhya amateeka no’kutereza obuyinza obwobutongole obwendhawulo
obugherebwa obuyinza kukufuga ebyobugaiga ebyomwiitaka. Kino kizingiramu okutondawo enkola ennungamu
edhokufuga eitaka mungeri yademokulasiya.
POPULAR VERSION December 2010
33

SECTION
7
ENKOLA YE’BIKETEZZO NE’YAMAGHANGA AGENDHA
EYOKUTA MUNKOLA
Enkola enho egema kunsonga edhokutamunkola obuvunanizibwa bwe’kiketezzo era na’maghanga gendha kwiitaka
eligema ku Uganda era no’bwetavu bwokutereza eiteeka lyeitaka . era kikola kubwetavu bwokutereza mumateeka
geighanga okukakasa nti gagemagana neiteeka lyeitaka. Lifa nhi kunfuga ye’byobugaiga obuli kunsalosalo
dhamaghanga agendhawulo era ne’ntambula ya’bantu okuva kunsalosalo endhala kuyiindhi.
Kigema kukubalilira okutamunkola eiteeka lyeitaka mwiighanga, okwenhigilamu kwabuli ghekigemaku, okusomesa
abantu kwiiteeka lyeitaka, okulondhola, okukebeera era no’kufa kuntukiriza yeiteeka lyeitaka.
34
THE UGANDA NATIONAL LAND POLICY

UGANDA LAND ALLIANCE
Block 29, Plot 1521, Mawanda Road. P.O. Box 26990 Kampala,Uganda.
Tel: 256 414 540 038 Fax: 256 414 540 048
Email: ula@ulaug.org Website: www.ulaug.org